བོད་ལུགས་ཕྱུ་བ་གོན་པའི་བྱིས་པ་ལོ་ཆུང་རྣམས་ཀྱིས་ཅོག་ཙེ་ཞིག་གི་མཐའ་ནས་བསྐོར་ཞིང་ལག་ཏུ་འགྱིག་ཕོར་རེ་བཟུང་སྟེ་རྩམ་པ་ཟ་བའི་ལས་ལ་བྲེལ་བཞིན་འདུག དེ་ཡང་འདི་ཟླའི་ཚེས་ ༡༩ ཉིན་ཝི་སི་ཀོན་སིན་ས་གནས་བོད་ཀྱི་གཞོན་ནུ་ཚོགས་པས་གོ་སྒྲིག་གིས་ ༼བོད་ལྗོངས་ང་ཚོའི་ཕ་ཡུལ་ཉིན་མོ་༽ ཞེས་བོད་སྐད་བཤད་པ་དང་བོད་ཡིག་འབྲི་བ། སྲོལ་རྒྱུན་གྱོན་གོས་གོན་པ། ཟས་རིགས་བཟའ་བ། གཞས་སྣ་ཞབས་བྲོ་འཁྲབ་ལེན་བྱེད་པའི་སྒོ་ནས་བོད་ཀྱི་རིག་གཞུང་བརྩི་སྲུང་དང་ལེན་བྱས་ཏེ་ རྒྱ་ནག་གུང་ཁྲན་གཞུང་གིས་བོད་ཀྱི་རྩ་ཆེའི་རིག་གཞུང་ཉམས་དམས་གཏོང་མི་ཐུབ་པའི་དུས་སྟོན་ཞིག་འཚུགས་ཡོད།
པར་པ། འཆི་མེད་དབང་འདུས།
པར་པ། འཆི་མེད་དབང་འདུས།
ཡང་འདི་ཟླའི་ཚེས་ ༢༡ ཉིན་ས་གནས་གཞོན་ཚོགས་ཀྱི་གོ་སྒྲིག་འོག་རི་དྭགས་ཚལ་དགོན་པར་ཝི་སི་ཀོན་སིན་བོད་རིགས་སེར་སྐྱ་མང་ཚོགས་ཀྱིས་བོད་དོན་ཆེད་རང་ལུས་མེར་བསྲེག་གཏོང་མཁན་རྒྱལ་གཅེས་དཔའ་བོ་གྲྭ་ཚེ་དབང་ནོར་བུ་ལགས་ཀྱི་ཆེད་དུ་སྨོན་ལམ་རྗེས་དྲན་འདུ་ཚོགས་ཤིག་ཀྱང་བསྐོངས་ཡོད་འདུག
པར་པ། འཆི་མེད་དབང་འདུས།
དེའི་སྟེང་ཕ་མས་བུ་ཕྲུག་རྣམས་ལ་བྱམས་བརྩེ་དང་བུ་ཕྲུག་རྣམས་ཀྱིས་ཕ་མར་གུས་ཞབས་ཀྱི་མཚོན་པའི་བོད་མིའི་བཟང་སྤྱོད་མི་ཉམས་རྒྱུན་འཛིན་ཐུབ་པ་བྱེད་གལ་ཆེའོ།།
བོད་ཕྲུག་ཚོར་བོད་ཀྱི་རིག་གཞུང་གི་རྩ་བ་སྐད་ཡིག་རང་སྐྱ་འཕེར་བ་ཞིག་བཟོ་དགོས། དེ་མིན་དུས་སྟོན་རེ་ཟུང་ཚོགས་པས་གང་ཡང་མི་ཕན།
ལང་རྟོགས་ལགས་ཀྱིས་བྲིས་པ་དེ་དེ་བཞིན་ནོ།།
ལུང་རྟོགས་ལགས་ཀྱི་བཤད་པ་བདེན། ཝི་སི་ཀོན་སིན་བོད་རིགས་སྤྱི་མཐུན་ཚོགས་པས་མི་རྒྱུའི་འགྲོ་གྲོན་སྦྱར་ཏེ་རེས་གཟའ་སྤེན་པ་འཆར་ཅན་བོད་ཕྲུག་ཚོར་བོད་ཀྱི་སྐད་ཡིག་གཙོས་ལོ་རྒྱུས་དང་གཞས་སྣ་ཞབས་བྲོའི་སློབ་ཁྲིད་བྱས་དང་བྱེད་མུས་རེད་ལགས།