བོད་ཁུལ་གྱི་ཆེས་ཐོག་མའི་མཚར་རིས། ༼དྲ་ཐོག་ནས་བསྒྱུར།༽

Comments (26) on “བོད་ཁུལ་གྱི་ཆེས་ཐོག་མའི་མཚར་རིས། ༼དྲ་ཐོག་ནས་བསྒྱུར།༽”

1. ནག་ཤོད་སད་མི་ལགས། ཁྱད་མཚར་ཅན་གྱི་ས་རིས་འདིས་སའི་གོ་ལ་དང་གོ་ལ་གཞན་ཞིག་བར་གྱི་རྣམ་པ་ཞིག་མཚོན་ཀྱིན་ཡོད་ན་ལྟད་མོ་ཆེན་པོ་ཡོད་རྒྱུ་རེད། ཡིན་ནའང་ད་ཐེངས་གོ་བ་འདྲ་ལོན་མ་སོང་། ཅུང་ཙམ་ཁ་གསལ་རུ་གཏོང་ཐུབ་ཚེ། ཀློག་མཁན་ང་ལྟ་བུའི་རིགས་ལ་ཕན་ཐོགས་ས་རེད། ཐུགས་རྗེ་ཆེ།

2. རྒྱ་ཆེའི་ཀློག་པོ་ཚོ།
   ཡ་མཚན་ཆེ་བའི་གློ་བུར་བའི་རི་མོ་འདི་ནི། ཞག་ཅིག་ལ་བྱུང་བ་རེད་ཟེར། རི་མོ་འདིར་རྒྱ་སྐད་ུདུ怪圈ཞེས་བཏགས་འདུག་ནའང་། འདི་འདྲ་ལ་ང་ཚོ་བོད་སྐད་ནང་ད་ཕན་ཐ་སྙད་མེད་སྟབས། ངས་ཐོད་བརྒལ་བྱས་ནས། ༼ མཚར་རིས ༽ ཞེས་པ་འདི་སྤྱད་ཡོད། རྒྱའི་མིང་ཚིག་འདིའི་གོ་དོན་ནི་ཆེས་ཡ་མཚན་པ་དང་ཁྱད་མཚར་ཅན་གྱི་སྒོར་དབྱིབས་རི་མོ་ཟེར་བ་ལྟ་བུ་ཡིན་འདུག་ན། རྣམ་པ་ཚོས་འདིར་མིང་འདོགས་ཡག་པོ་འདྲ་ཡོད་ན་བློ་སྐྱེད་འབུལ་རོགས། སྒྱུར་གཞི་ལས་ཡི་གེ་འདི་ག་རང་ལས་མེད་པས། ངས་ཞིབ་གླེང་བྱེད་ཐུབ་མེད།

3. འདི་ནི་བོད་ལ་མཚོན་ན་གསར་པ་ཡིན་པ་མ་གཏོགས་འཛམ་གླིང་གི་ས་ཁུལ་གཞན་དག་ལ་གསར་པ་གང་ཡང་མ་རེད། ལོ་ངོ་དུ་མའི་སྔོན་ནས་ས་ཆ་མང་པོར་གནམ་མིས་ས་རྟགས་འདི་འདྲའི་རིགས་མང་པོ་བརྒྱབ་ཚར་ཡོད་པ་རེད། མི་བདེན་བསམས་ན་གཤམ་གྱི་དྲ་ཐག་སྤྱད་དེ་ལྟོས།
   http://www.youtube.com/watch?v=AWU0rIiP650&feature=related

4. བོད་ཡུལ་དུ་གོར་གོར་ཆེན་པོ་འདི་འདྲ་མཐོང་མ་མྱོང་ཡང་། དབྱར་དུས་སུ་སྤང་ལྗོངས་ཀྱི་ཐོག་ཏུ་ནག་གོར་གོར་ཆུང་ཆུང་དེ་འདྲ་མང་པོ་མཐོང་མྱོང་། རི་མོ་དེ་ཚོ་གསལ་པོ་འདུག ངོ་མཚར་ཆེན་པོ་བརྩི་སྲོལ་མི་འདུག གཅིག་ཏུ་ན་དོ་སྣང་འདྲ་བྱེད་མ་ཤེས་པ་ཡིན་སྲིད། ཡུལ་སྐད་ལ་༼འདྲེས་སྐོར་རུ་སྐོར་རྗེས་༽ཞེས་འབོད་པ་རེད། གོ་དོན་འདིས་མི་ལས་གཞན་པའི་མཐུ་བོ་ཆེ་ཞིག་གིས་བྱས་པའི་ལྟ་ཚུལ་བཟུང་ཡོད་པ་ཤེས་ཐུབ། ད་ཐེངས་འདི་ལ་ཧ་ཅང་གི་ཆེན་པོ་ཡོད་པས་༼འདྲེ་རྒན་གྱིས་སྐོར་རུ་སྐོར་རྗེས་༽ཞེས་བཏགས་ན་ཧཧཧཧཧཧ། སྐོར་རུ་ཞེས་པ་སྐུད་པ་འཁེལ་བྱེད་ཀྱི་ལག་ཆ་ཞིག་སྟེ་འབྲོག་ཕྱོགས་ནས་བྱུང་བ་ཚོ་རྒྱུས་མངའ་ཡོད་ངེས། དེ་དག་སྲོལ་རྒྱུན་གྱི་ལྟ་ཚུལ་ཡིན།
   ཡ་ད་ཚན་རིག་པས་འདི་ལ་འགྲེལ་བཤད་ལེགས་པར་སྐྱོན་རོགས། ????????????????????

5. དབྱིན་སྐད་དུ་འདི་ལ་Crop Circleཟེར་ཞིང་མང་ཆེ་བ་ཞིང་ཁའི་ནང་དུ་དཔར་འདུག་ལ་བཟོ་དབྱིབས་ཀྱང་འདྲ་མིན་རེད། གཤམ་དུ་ལྟོས་དང་བཟོ་ལྟ་འདྲ་མིན་ལ་འགྲེལ་བཤད་ཀྱང་མི་འདྲ་བ་བརྒྱབ་འདུག མཚོ་སྔོན་གྱི་འདི་ས་སྐམ་པོའི་སྟེང་དུ་ཡོད་པ་ནི་ཅུང་མི་འདྲ་བ་ཞིག་རེད། བོད་ཡུལ་དུ་དབྱར་ཁར་རྩ་མི་འདྲ་སྒོར་སྒོར་དུ་སྐྱེས་པ་ལ་ཐོག་གིས་བརྒྱབ་ཤུལ་ཡང་ཟེར་གི་འདུག
   http://www.youtube.com/watch?v=BLt4zo9cLE8&feature=fvwrel

6. བོད་ནང་དུ་ཕོ་འདོམ་ལྔ་བཅུ་ཙམ་གྱི་གོར་གོར་རྐྱང་པ་དང་ཕྱི་ནང་གཉིས་ཙམ་ཡོད་པ་དེ་འདྲ་མཐོང་མྱོང་། གཞན་རི་མོ་འདྲ་མིན་སྣ་ཚོགས་ཀླུ་སྨྱོན་ལགས་ཀྱིས་བསྟན་པའི་གློག་བརྙན་ལས་གསལ་བ་འདི་འདྲ་བ་བསམ་བྱས་ནས་མི་སོགས་རྣམ་དཔྱོད་ཅན་ཅིག་གིས་བྱས་པ་མི་འདྲའམ།
   ད་འདི་དག་ཚུལ་ཇི་ལྟར་དུ་བྱུང་བ་དང་། སུས་བཟོས་པ། རྐྱེན་གང་ལ་བརྟེན་པ་སོགས་བཤད་ཐུབ་ན་ཨ་མའི་བུ་རང་རེད།

7. འགའ་རེས་ རི་མོ་དེ་དག་ ༼ངོས་འཛིན་མི་ཐུབ་པའི་ཕུར་གྲུ་༽འམ་(Unidentified Flying Object) ས་ཐོག་དུ་བབས་པའི་རྗེས་ཤུལ་རེད་ཟེར་ཞི་ཡོད་ལེ་རེད་།

8. ངས་བསམས་ན་འདི་དག་གི་བཟོ་དབྱིབས་དང་གནམ་ནས་བབས་པའི་ཁ་བའི་འདབ་མའི་སྟེང་གི་བཟོ་ལྟ་གཉིས་ལ་འབྲེལ་བ་ཞིག་འདུག ཁ་བའི་འདབ་མ་དེ་ཚོར་ཞིབ་ལྟ་བྱེད་ཐུབ་ན་ཡ་མཚན་པའི་བཟོ་དབྱིབས་ཤིག་འདུག གནམ་ན་གཟུགས་མེད་པའི་སེམས་ཅན་སྐྱེ་དངོས་དག་ལ་བཟོ་ལྟ་འདྲ་མིན་བཟོ་རྒྱུར་སྐྱག་ལངས་ཤོར་བསྡད་པ་ཞིག་ཡོད་ཐག་ཆོད་རེད། དེ་བས་ཞིང་ཁ་དང་རྩྭ་ཐང་གི་དབྱིབས་གཟུགས་འདི་ནི་གནམ་གྱི་སེམས་ཅན་དེས་རླུང་ཤུགས་བཟོ་ལྟ་མི་འདྲ་བ་ཞིག་བར་སྣང་ནས་སྟེང་དུ་བཏང་སྟེ་ཡ་མཚན་ཅན་གྱི་བཟོ་ལྟ་འདི་ཚོ་བཟོ་གི་ཡོད་པ་འདྲ། ད་དུང་ཁེ་ན་སྒྲའི་བར་སྣང་མཐོན་པོ་ཞིག་ནས་གནམ་གྲུའི་ནང་ནས་བལྟས་ཚེ་ས་སྟེང་དུ་ཨ་རིའི་གདོད་མིའི་མགོ་བརྙན་ཆེན་པོ་འབག་བཟོ་མཁས་པས་བཞེངས་པ་ལྟ་བུ་སྐྲ་ལྟག་ཏུ་བྱ་སྒྲོ་གཟེར་བའི་སྣང་བརྙན་འབུར་དུ་ཐོན་པ་ཞིག་ཀྱང་ལོ་ཤས་སྔོན་མཐོང་མྱོང་ལ། དེ་ཡང་ཡུ་ཁྲུ་དྲ་རྒྱ་ན་འདུག

9. ཀླུ་སྨྱོན་ལགས་ཀྱིས་གནམ་གྱི་སེམས་ཅན་གྱིས་བཟོས་ཚུལ་གསུངས་བྱུང་། འོ་ན་སེམས་ཅན་ཞིག་ཡོད་མེད་ཐེ་ཚོམ་ཡིན་ན་དེས་ཇི་ལྟར་དུ་བཟོ་ཐུབ་ད་དུང་དོགས་པ་ཇེ་མང་རེད། མུ་མཐུད་གསུངས་དང་འབབ་ས་རྙེད་པའི་རེ་བ་ཡོད།

10. བར་སྣང་དང་སྒོ་སྒལ་ས་ཁྲ་ཁོ་ན་ནས་མཐོང་ཐུབ་པའི་ཁེ་ན་སྒྲའི་གདོད་མིའི་མགོ་བརྙན་ལ་གཤམ་དུ་གཟིགས།
    http://www.youtube.com/watch?v=cY65HFr0BxA

11. ཀླུ་སྨྱོན་ལགས་ཀྱིས་གནམ་གྱི་སེམས་ཅན་གྱིས་བཟོས་ཚུལ་གསུངས་བྱུང་། འོ་ན་སེམས་ཅན་ཞིག་ཡོད་མེད་ཐེ་ཚོམ་ཡིན་ན་དེས་ཇི་ལྟར་དུ་བཟོ་ཐུབ་ད་དུང་དོགས་པ་ཇེ་མང་རེད། མུ་མཐུད་གསུངས་དང་ང་ཚོས་འབབ་ས་རྙེད་པའི་རེ་བ་ཡོད།

12. འཇིག་རྟེན་གཞན་ན་སེམས་ཅན་ཡོད་མེད་ལ་དེང་སང་ཚན་རིག་པ་མང་པོས་ཁས་ལེན་བྱེད་བཞིན་འདུག་བསམས་སོང་། དེ་ནི་གནམ་མྱི་སྟེ་Alein ཡོད་པ་ཁས་ལེན་པས་ཤེས་ཐུབ། བདུན་ཅུ་དོན་གྲངས་ནས་མེག་སི་ཁོ་ནས་གནམ་མིའི་གནམ་གྲུ་ཞིག་སར་ཟགས་ནས་བཟུང་སྟེ་འཛམ་གླིང་གི་མི་རྣམས་ཀྱིས་གནམ་མི་དང་དེའི་གནམ་གྲུ་ལ་དོ་སྣང་བྱེད་མགོ་བཙུགས་ཤིང་། ད་ལྟ་འཛམ་གླིང་གི་ས་ཁུལ་བརྒྱ་ཕྲག་དུ་མ་ནས་གནམ་མིའི་གནམ་གྲུ་སྒོར་སྒོར་སྡེར་མ་ལྟ་བུ་དེ་མཐོང་མཁན་ཧ་ཅང་མང་ཞིང་། ཐ་ན་ཁ་ཆེ་ཚོས་ཨ་རིའི་ཚོང་དོན་ཁང་བརྩེགས་ཆེན་མོ་གཉིས་གཏོར་དུས་ཀྱང་དེའི་ཉེ་འཁྲིས་སུ་གནམ་མིའི་གནམ་གྲུ་ཞིག་ཀྱང་ཡུད་ཙམ་མངོན་པ་གཤམ་གསལ།
    http://www.youtube.com/watch?v=nNa8SqLy2zQ&feature=related

13. གསང་གནད་འདི་དགྲོལ་དགོས་ན། ཚེ་གང་གནམ་དཔྱད་ས་དཔྱད་ལ་ཆེང་སྤྱང་ཡོད་པའི་མགོ་སེར་ཚོའི་ལས་ལ་བབས་པ་རེད། ཡིན་ནའང་། ད་ཕན་ཞིང་ནང་དུ་མཚན་ཅན་རི་མོ་འདི་འདྲ་བ་ཇི་སྙེད་ཅིག་བྱུང་ཡོད་པ་རྣམས་ལ། ཁོ་པ་ཚོས་ཁ་ཚོན་ཆོད་པའི་ལན་འདེབས་གང་ཡང་བྱུང་ཐུབ་མེད་པ་འདྲ། ང་ཚོ་བོད་པ་ཚོས་ཅི་ཡང་འཇོན་གྱི་མེད་ནའང་། མངོན་ཤེས་ཅིག་ཅིག་མུག་མུག་ཟེར་ཤོད་མཁན་མང་པོ་མང་པོ་ཡོད་པས། དེ་ཚོས་འདི་དོན་ཤེས་དགོས་པ་རེད། ཡང་རི་མོ་འདིའི་མིང་སྒྱུར་ཐད་ལ། གནམ་རིས་དང་། ལྷ་རིས། ཡང་ན། འདྲེ་རིས་སོགས་བཏགས་ན་ག་འདྲ་འདུག

14. ལྷོ་ཨ་མེ་རི་ཀ་སྤྱི་དང་ཁྱད་པར་དུ་ཕེ་རུ་ཞེས་པའི་རྒྱལ་ཁབ་དེ་ནི་གནམ་མི་དང་དེ་ཚོའི་གནམ་གྲུའི་འགུལ་སྐྱོད་ཅུང་མང་བའི་ས་ཆ་ཞིག་ཡིན་ཞིང་། ཐེངས་འདིར་མི་འགའ་གནམ་གྲུར་བསྡད་ནས་གནམ་མིའི་ཐིག་རིས་ལ་ལྟ་རུ་འགྲོ་སྐབས་སྟབས་ལེགས་ཏེ་བར་སྣང་གྀ་སྤྲིན་པའི་གསེབ་ནས་གནམ་མིའི་གནམ་གྲུ་སྒོར་སྒོར་ཞིག་ལ་ཐུག་འདུག མི་བདེན་བསམས་ན་གཤམ་དུ་གཟིགས།
    http://www.youtube.com/watch?v=hjfsuBY48c0

15. ཨ་ལགས་ཀླུ་ཚང་གི་སྐད་ཆ་རེ་ལ་ཁུངས་རེ་བསྟན་ཡོང་གི་འདུག ཁུངས་འདི་དག་ཀྱང་ཁུངས་དག་མིན་གང་ཤེས་ཀྱང་བློ་སྒོ་གསར་པ་འབྱེད་ཀིན་འདུག
    ནགས་ཤོད་ལགས། ངའི་བསམ་པར་རི་མོ་འདི་ལ་འདྲེ་རིས་ཟེར་ན་བདེ་མོ་དང་། དེ་ལས་ཀྱང་འདྲེ་འཁོར་ཟེར་ན་རན་པོ་འདུག་བསམ། གོང་དུ་ཞུས་པ་བཞིན་སྲོལ་རྒྱུན་དུ་འདྲེས་སྐོར་བའི་རྗེས་ཤུལ་ཡིན་པའི་བཤད་སྒྲོས་དེའི་ཆ་ནས་བོད་ཀྱི་སྲོལ་རྒྱུན་གྱི་སྐད་ཆའི་ནང་བཅུད་འདུས་པ་དང་། དེང་རབས་ཚན་རིག་གིས་(crop circle )འདིའང་གློ་འཁོར་དང་། ཡང་ན་ཐད་འཁྱིལ་སོགས་སུ་གོ་རྒྱུ་འདུག་པས་ཚན་རིག་གི་མིང་འདོགས་ལའང་བསམ་ཞིབ་རེ་བྱས་པའི་རིན་ཐང་འདུག་བསམ། སྤྱིར་གཏང་ནས་གནད་དོན་འདིའི་ཐོག་ཏུ་བོད་པའི་སྲོལ་རྒྱུན་གྱི་འབོད་སྟངས་དང་ཚན་རིག་གིས་བཤད་སྟངས་གཉིས་ཐོད་ཐུག་པའི་ཉིན་མོ་ཞིག་ཡིན་པ་འདྲ།

16. ཨོ་འདི་འདྲ་རྟེན་འབྲེལ་བཟང་པ་ལ། ཀློ་སྨྱོན་ཧ་ར་ཀ་ཤེས་འདོག་མ་སྟོན་ལོ། འི་ནི་ཞང་ཞུང་གི་ཡིག་གེ་རེད། བོད་ཡིག་ཏུ་ཞི་བདེ་ཟེར་བ་དེ་རེད་འདུག ཆེས་ཐོག་མའི་བོན་གྱི་ཡི་གེ་རེད། བོན་བསྟན་དར་བའི་རྟགས་མཚན་རེད། བོན་རྒྱལ་ལོ།
    http://www.himalayabon.com/

17. མི་རྐང་གླིང་བུས་འདིར ༼ འདྲེ་སྐོར ༽ ལབ་ན་རྒྱུ་མཚན་དྲངས་རྒྱུ་འདུག་གསུངས་པ་བཞིན། ངས་ཀྱང་དེར་མོས་མཐུན་གང་འཚམ་ཡོད། དེ་ལྟར་བཏགས་ན་ཕྱོགས་ཁ་ཤས་ནས་འཇུ་ས་ཞིག་འདུག ཡིན་ནའང་། ཐ་སྙད་འདི་ཚད་བརྒལ་གྱི་བབ་ཆགས་པོ་དང་ལན་པོ་དེ་འདྲ་རང་མཐོང་གི་མི་འདུག

18. ནགས་ཤོད་སད་མི་ལགས། ཡག་པོ་བྲིས་གནང་འདུག འགྲོ་བ་མིའི་རིགས་ཀྱི་ལྐོག་ཏུ་གྱུར་པ་མཚན་རིག་གི་ཡུལ་ལས་བརྒལ་བ་དེ་ལྟ་བུའི་ཡ་མཚན་གྱི་རིགས་གང་མང་བྱུང་བཞིན་པ་འདི་ནས་ཤེས་ནུས་པ་ནི་འགྲོ་བ་མིའི་རིགས་འདི་ད་དུང་གསང་བའི་ཁམས་ཆེན་པོ་ཞིག་གི་ནང་དུ་འཚོ་བཞིན་ཡོད་པ་མཚོན་ནུས་པ་མིན་ནམ།
    འདི་ལ་གསང་རིས་སམ་གསང་ཐིག་ཅེས་འབོད་ཀྱང་རུང་བར་མཐོང་།

19. བློ་ཡུལ་དུ་མི་ཤོངས་པ་ཅི་ཞིག་བྱུང་ཡང་ལྷ་འདྲེས་བྱས་ཟེར་འདི་དག་ནི་བློ་གྲོས་དམན་པའི་རང་བཞིན་རེད།
    འདི་ལྷ་འདྲེས་བཟོ་པ་ཞིག་དང་། གནམ་ནས་བབས་པ་ཞྀག་ཡིན་མིན་ཐེ་ཚོམ་རེད།
    འདྲེ་སྐོར་ཟེར་ན་མིང་དེ་ག་རང་ནས་དངོས་གཙོ་སྨྲ་བ་དག་དང་རྩོད་པ་སླེབས་ཟིན་པ་རེད།
    དོན་ལ་གང་ལྟར་ཡང་ཚིག་འདི་དངོས་གནས་གལ་གནད་ཆེ་བ་རེད། སློབ་དཔོན་ཕྱོགས་གླང་གིས་ཀྱང་།
    རྩོད་པའི་ཚེ་ཚིག་གཙོ་བོ་ཡིན། རྒོལ་བ་ཚིག་ལས་ཕམས་པ་འགྱུར་བས་ཕྱིར་གསུངས་ཡོད།
    མཚར་སྐོར་རམ་མཚར་རིས། དེ་ལས་ཀྱང་ཅུང་སྙིང་རྗེ་བ་ཞིག་ནི་ཏྲེ་ཧོར་ཐུབ་སྟན་ལགས་ཀྱིས་བཏགས་པའི་གསང་ཐིག་ཅེས་པ་འདི་འདྲ་བོ་འདུག

20. དྲ་གྲོགས་ཚོ། ད་ཐེངས་ཀྱི་གྲོས་བསྡུར་འདི་འདྲ་མུ་མཐུད་ནས་བྱེད་ཐུབ་པའི་རེ་བ་ཤིན་ཏུ་ནས་ཆེ། ད་ལྟའི་ཆ་ལ་ཏྲེ་ཧོར་གྱིས་གསུང་བ་ལྟར་གསང་རིས་སམ་གསང་ཐིག་ལབ་ན་རན་པོ་འདུག་བསམ་སོང་། རིམ་བཞིན་རྒྱུ་མཚན་མང་ཙམ་རྙེད་སོང་ན་དེ་ལུགས་བཞིན་གསང་རིས་སམ་གསང་ཐིག་ཞེས་བའི་མིང་འདི་འགྱུར་བ་བཏང་ཀྱང་ཆོག མ་གཞི་ནས་ད་ལྟའི་ཆ་ལ་རྒྱུ་མཚན་གསལ་བོ་ཤོད་ཐུབ་མཁན་ཞིག་མི་འདུག་ན། དེ་ལུགས་བཞིན་མང་གཙོའི་འགྲོ་རིམ་ལྟར་མང་ཁ་ཉུང་ལེན་བྱེད་རྒྱུ་ཡིན།

21. འོ། ཏྲེ་ཧོར་ཐུབ་བསྟན་གྱིས་མིང་འདོགས་གནང་བའི ༼ གསང་རིས ༽ སམ ༼ གསང་ཐིག ༽ ཅེས་པ་འདི་གོ་རྒྱུ་ཆེན་པོ་འདུག གང་ཞེ་ན། རི་མོའམ་ཐིག་རིས་འདིར་སུས་ཀྱང་བརྟོལ་དཀའ་བའི་གསང་བའི་རྒྱ་རྫོགས་མེད་ཅིག་ཏན་ཏན་ཐིམ་བསྡད་ཡོད་དུས། དེའི་ཕྱིར་ན་གསང་བའི་རི་མོའམ་གསང་བའི་ཐིག་རིས་ཞེས་བཏགས་བཏང་ན་ངེས་པར་སྐབས་དོན་ལ་འབྱོར་ཤས་ཆེ། རེད་དེ། ཤེས་བྱ་མཐའ་ཅན་མིན་དུས་འདི་ལས་ཀྱང་གོ་བ་བཟང་བའི་བརྡ་དང་ཐ་སྙད་ཀྱང་ཡོད་ངེས་པར་སྲིད་པས། བློ་གྲོས་སྤྱན་དཀྱུས་རིང་བ་ཚོས་བསྐྱར་ནན་གྱིས་དགོངས་པ་གཏོད་རོགས།

22. འདི་དངོས་རེད། ངའི་གྲོགས་པོ་འགས་དངོས་སུ་མཐོང་འདུག འཕྲུལ་ཆས་སོགས་ཀྱིས་བཟོས་པ་ཡང་རེད་མི་འདུག

23. གཅིག་བྱས་ན་འདི་རྒྱུ་སྐར་གཞན་པའི་འཕུར་སྡེར་ཆེན་པོ་ཞིག་ས་ལ་བབས་པའི་རྗེས་ཤུལ་ཙམ་ཡིན་སྲིད། གལ་སྲིད་དེ་འདྲ་ཡིན་སོང་ན་མིང་སྣ་ཚོགས་འཚོལ་བའི་ངལ་བ་མི་དགོས། ཡིན་ནའང་གནས་སྐབས་རིང་གསང་ཐིག་ཅེས་ནའང་གོ་རྒྱུ་འདུག

24. མིག་སྔར། རྣམ་པ་ཚོ་སུས་ཀྱང་རི་མོ་འདིར། གསང་རིས་སམ་གསང་ཐིག་ཅེས་པ་ལས་བབ་ཆགས་པའི་ཐ་སྙད་ཅིག་རག་གི་མེད་དུས། གནས་སྐབས་རིང ༼ གསང་རིས ༽ སམ ༼ གསང་ཐིག ༽ གཉིས་ཅི་བདེར་སྤྱོད་ཆོག་པའི་ཐག་གཅོད་བྱས་ཡོད།

25. གནས་སྐབས་སུ་གསང་ཐིག་གམ་གསང་རིས་ཞེས་བའི་མིང་འདི་བེད་སྤྱད་ནས་གྲོས་མོལ་མུ་མཐུད་དུ་བྱེད། ཀླུ་སྨྱོན་ལགས་ཀྱིས་༿ལོ་ངོ་དུ་མའི་སྔོན་ནས་ས་ཆ་མང་པོར་གནམ་མིས་ས་རྟགས་འདི་འདྲའི་རིགས་མང་པོ་བརྒྱབ་ཚར་ཡོད་པ་རེད།༾ཞེས་གསུང་བ་ལྟར་ན། གནམ་མི་འམAleinཞེས་བའི་སེམས་ཅན་འདིས་གཏོང་གྱིན་པའི་དབྱིབས་སྡེར་ཅན་གྱི་གནམ་གྲུ་ཞིག སའི་གོ་ལའི་སྟེང་བབས་པའི་ཕབ་རྗེ་ཡིན་ཚུལ་ཙམ་ལབ་ཀྱིན་པ་ལྟར་མུ་མཐུད་ནས་ཉན་འདོད་ཀྱི་མོས་བ་ཤིན་ཏུ་ནས་ཆེ།

26. ད་ངས་བལྟས་ན་རྒྱུ་སྐར་གཞན་པའི་མི་དེ་ཚོ་ཡོང་ནས་རྩ་ཐང་འདིའི་སྟེང་གི་རྩ་རྣམས་བཀོག་ནས་ཁོ་ཚོའི་སྐར་མའི་སྟེང་འདེབས་དགོས་བསམ་པ་འདྲ། དེ་མིན་ན་མཚན་གཅིག་ལ་རྩ་ཐང་དེ་བྱེ་ཐང་ག་འདྲ་སེ་ཆགས་ཡིན་ན།