༧སྐྱབས་རྗེ་དམ་པ་འཇིགས་མེད་བློ་གྲོས་རྒྱལ་མཚན་རིན་པོ་ཆེ་ལམཆོད་པ་བཀྲ་ཤིས་རྟགས་བརྒྱད། །

Comments (19) on “༧སྐྱབས་རྗེ་དམ་པ་འཇིགས་མེད་བློ་གྲོས་རྒྱལ་མཚན་རིན་པོ་ཆེ་ལམཆོད་པ་བཀྲ་ཤིས་རྟགས་བརྒྱད། །”

1. དབུ་ལ་བཀྲ་ཤིས་གདུག་དཀར་འཁྱིལ་བས་འབྲུག་མོའི་ནུ་འཁེབས་ལི་གྷར་བསྣབས།
   གསུངས་ནི་འབྲུག་སྒྲ་དྲག་ཏུ་སྒྲོགས་པས་འབྲུག་མོ་མཛེས་མའི་ཡིད་དབང་བཀུགས།
   ཐུགས་ནི་ཀུན་གསལ་ཆོས་དབྱིངས་ཀློང་ནས་འབྲུག་མོར་དགའ་ནས་སྤྱན་ཆབ་བསིལ།
   ཐུན་མིན་གདུལ་བྱ་འབྲུག་མོ་འདུལ་མཁས་སྙིགས་དུས་བསྟན་འཛིན་འགྲན་ཟླ་བྲལ།

2. སྐུ་ལ་བཀྲ་ཤིས་འབྲུག་མོ་གཅེར་བུར་འཁྲིལ།།
   ལྗགས་ལ་བཀྲ་ཤིས་འབྲུག་མོའི་བྷ་ག་ཞིམ།།
   ཕྱག་ལ་བཀྲ་ཤིས་འབྲུག་མོའི་འོ་འཛིན་འཇམ།།
   ཐུགས་ལ་བཀྲ་ཤིས་འབྲུག་མོའི་འདོད་བརྩེ་འབར།།
   བཀྲ་ཤིས་ཀུན་གྱིས་ཁོང་ལ་བཀྲ་ཤིས་ཤོག།

3. སྐྱུར་རྩི་དང་ནགས་སེང་ལ་ཕུལ་བ། །
   ཨེ་མ་ཧོ། །
   སེང་ལྕམ་འབྲུག་མོ་ཁབ་ཏུ་བཞེས་ནས་འཛམ་གླིང་སེང་ཆེན་རྒྱལ་པོ་གྱུར། །
   འབྲུག་མོ་མཛེས་མའི་རྟེན་འབྲེལ་ཀུན་འཛོམས་བདེ་ཆེན་ཡེ་ཤེས་ཁབ་ཏུ་སོན། །
   སྟག་སེང་ཁྱུང་འབྲུག་སྒྱུ་རྩལ་ངོམ་ནས་ནག་ཕྱོགས་བདུད་ཀྱི་གཡུལ་རྒྱལ་བཞིན།
   བཀྲ་ཤིས་བདེ་ལེགས་ཕྱི་ནང་གསང་བའི་ཕུན་སུམ་ཚོགས་པའི་མགོན་ཉིད་རྒྱལ། །

   རྒྱལ་བའི་ལུང་རྟོགས་དམ་ཆོས་ཞེས་པ་བཤད་དང་སྒྲུབ་པ་ཁོ་ནས་འཛིན། །
   ཐོས་བསམ་སྒོམ་པའི་བསྙེན་སྒྲུབ་ཕྲིན་ལས་བསྟན་པའི་སྙིང་པོ་ལེགས་པར་སྐྱོང་། །
   མདོ་སྔགས་བསྟན་པའི་འཆད་རྩོད་རྩོམ་པས་ངེས་དོན་རྒྱལ་བའི་བསྟན་པ་སྤེལ། །
   ༧སྐྱབས་རྗེ་དམ་པ་སྙིགས་མའི་མགོན་པོ་ཚེ་མཐའ་ཡས་པར་བཞུགས་གསོལ་འདེབས། །

   སྙིགས་དུས་གཡོ་སྒྱུའི་མུན་ཀློང་ཁྲོད་ན་ཁྱོད་ནི་བདེན་ཆེན་ཉི་མ་དངོས། །
   བསྟན་བཤིག་རྐུན་ཇག་འཇིག་རྟེན་ཁམས་འདིར་ཁྱོད་ནི་དྲང་སྲོང་ཟླ་བ་དངོས། །
   དྲང་བདེན་དཀོན་པའི་འཛམ་གླིང་འདི་ན་ཁོང་ནི་བསླུ་མེད་གྲོགས་ཀྱི་མཆོག །
   བདེན་རྫུན་མངར་སྐྱུར་ཚོར་བ་ཡོད་ན་ཡང་དག་རྣམ་དཔྱོད་གཞན་ལས་ལྷག །
   བདེན་དྲང་མཆིས་པ་དག་གིས་གཟིགས་དང་ང་ཚོའི་ཆོས་དང་རིག་གཞུང་འདི་དག་པུ་གུའི་རྩེ་ཆས་དང་ངན་པའི་ཚོང་ལས་ལྟ་བུ་ཞིག་ཏུ་མ་ཡིན་པར་མཁྱེན་པར་མཛོད་ཅིག་གུ །

4. སེང་ལྕམ་འབྲུག་མོ་ཁབ་ཏུ་བཞེས་ནས་ཚ་བོ་ཞལ་དཀར་ཧོར་ལ་ཤོར།
   འབྲུག་མོ་མཛེས་མ་ཁབ་ཏུ་བཞེས་ལས་ཁས་བླངས་འདུལ་བའི་སྡོམ་པ་ཤོར།
   སྟག་སེང་ཁྱུང་འབྲུག་སྒྱུ་རྩལ་བྲལ་ནས་མི་ཚེ་འབྲུག་མོའི་གཡོག་ཏུ་གྱུར།
   བཀྲ་ཤིས་བདེ་ལེགས་ཞུ་རྒྱུ་ཙམ་ལས་དེ་མིན་དམ་པའི་ཡོན་ཏན་ཅི།
   བསྟན་འཛིན་ཡིན་ན་འདུལ་ཁྲིམས་སྲུང་ནས་དམ་ཆོས་འདུལ་བའི་ལ་རྒྱ་བཟུང་།
   ༧སྐྱབས་རྗེ་ཡིན་ན་སྐྱབས་ཡུལ་འགྲོ་ལ་ཡང་དག་ལེགས་པའི་ལམ་བཟང་སྟོན།
   སྐུ་གསུང་ཐུགས་ཀྱི་བཀྲ་ཤིས་དགོས་ན་དེ་ཡིན་རྒྱུ་རྣམས་ཚང་བར་དགོས།
   བུ་མོར་མཛེས་མར་འཁྱུད་པའི་ཕྱག་རྒྱ་འཇིག་རྟེན་ཁྱིམ་པ་ཀུན་གྱིས་མཁྱེན།
   མཁས་དབང་མཆོག་གིས་འབྲུག་མོས་འཆང་བའི་བརྩེ་དུང་རྩོམ་དེ་ཀློག་པ་ལས།
   ཀུ་རེའི་ཚུལ་དུ་ཞུས་པ་ཡིན་པས་ཐུགས་ལ་འཕོགས་ན་བཟོད་པར་གསོལ།

5. ལགས་སོ། དཔྱོད་ལྡན་འདུལ་འཛིན་ཆེན་པོ་སྐྱུར་རྩི་ནས་མཆོག་གིས་ཀུ་རེ་རྩེད་མོ་འདྲ་ཡིན་ན་ཅི་ཞུ་ཡ་མེད། སྤྱིར་ན་འདུལ་འཛིན་གྱིས་སྔགས་འཆང་ལ་སྨད་པ་དང་བུད་མེད་སྐྱོན་ཆེན་རང་ལྟ་བ་དེ་ཉན་ཐོས་ཆོས་ལ་ཞེན་ཆགས་ཆེ་ནས་གངས་རིའི་བསྟན་སྲིད་ཕན་གནོད་དང་འཕོ་འགྱུར་ཆེན་པོ་བཟོས་ཡོད། སྔགས་པས་རབ་བྱུང་སྨད་ཟེར་བ་དཀོན་པོ་རེད། ཆོས་ལུགས་དང་གྲུབ་མཐའ་ཡང་གོང་མ་ལ་འོག་མས་གནོད་པ་མེད་པར་སྣང་ངོ་། མདོར་ན་གངས་ཅན་བོད་ཀྱི་ཆོས་སྡེ་གཉིས་པོས་གཅིག་གིས་གཅིག་ལ་གུས་བཀུར་བྱས་ན་ཡག་པོ་རེད། བོད་རིགས་སྤུན་ཟླ་ཞེས་པ་བོད་རང་གི་སྐད་ཡིག་དང་རིག་གཞུང་ལ་བདག་གིར་གནང་བར་མཛད་པ། རབ་བྱུང་འདུས་སྡེ་ཞེས་པ་ཕོ་རྒོད་ཁྱུ་གཅིག་མ་ཡིན་པར་ངེས་འབྱུང་རྣལ་མའི་རང་ཚུགས་ཟིན་པ། །སྔགས་འཆང་སྐྱབས་མགོན་ཞེས་པ་དྲང་བདེན་གྱི་ཆོས་པ་འདོད་ཡོན་ལམ་ཁྱེར་རང་འདོད་མྱང་འདས་ཐོབ་བརྩོན་བདུད་ཀྱིས་མི་ཚུགས་པ་ཞིག་ལ་གོ་དགོས་པ་ལས་གཞན་དུ་མི་འཛིན་པར་མཁྱེན་ནོ། །

6. བཀུར་འོས་པའི་དྲ་གྲོགས་རྣམ་པ་དང་བོད་རིགས་སྤུན་ཟླ་རྩོམ་པ་པོ་སྨྱུག་འཛིན་ནམ་ངག་རྩལ་པ་ཀུན་ལ་ཞུ་སྙིང་།
   རང་ཅག་གི་ལས་དབང་འདི་བསམ་ཡུལ་ལས་འདས་པའི་འཕོ་འགྱུར་སླ་བའི་འཛམ་གླིང་གི་གྲུ་ཁ་གྱི་ན་བར། ཤར་ནུབ་རྒྱ་མཚོ་ཆེན་པོའི་རྦ་རླབས་ཀྱིས་བསྐྱོད་པའི་བོད་རིགས་ཀྱི་བསྟན་སྲིད་ཀྱི་གྲུ་ཆུང་འདི། ཕར་ཚུར་གཡོ་འགུར་མྱུར་བའི་གོམས་ཁ་འདི་ནས། གེགས་དང་བར་ཆད་མེད་པར་གླིང་ཕྲན་གངས་ལྡན་ལ་ཞི་བདེར་ཕྱིན་པའི་སྨོན་འདུན་ནི། ང་ཚོ་མཐོ་དམན་དྲག་ཞན་མེད་པའི་སྤྱི་མཐུན་གྱིས་གསོལ་འདེབས་དང་སྨོན་འཇུག་གི་བསླབ་བྱ་ཞིག་རེད། དེ་ལྟར་འབྱུང་འགྱུར་གྱི་རྒྱལ་ཁ་འདི་འདྲ་ཞིག་ང་ཚོ་ཚང་མས་དཔལ་འབྱོར་དྲག་རྩལ་གྱིས་གཡུལ་ལས་རྒྱལ་མི་ཐུབ་པར་མངོན་སུམ་ཚད་མ་རེད། རྗེས་སུ་དཔག་ན་དངོས་དོན་རིག་པའི་རྣམ་དཔྱོད་དང་ནང་བསྟན་སེམས་ཀྱི་ཞི་བདེ་འདིས་ལམ་སྟོན་གསལ་བའི་བདེན་དཔུང་གིས་ང་ཚོ་ཚང་མ་ལ་མི་མཐུན་གཡུལ་ལས་རྒྱལ་བའི་རྒྱལ་ཁ་ཞིག་ཐོབ་སྲིད་པ་རེད། དེས་ན་སྐད་ཡིག་དང་རིག་གནས་དར་རྒྱས་སུ་འཛིན་སྐྱོང་སྤེལ་གསུམ་གནང་བར་ནི་གནད་འགག་ཅིག་ཆོག་མ་ཡིན་པར་ཚང་མས་མཁྱེན་གསལ་དགོས་པ་རེད། ཁྱད་པར་ད་ཐེངས་ཀླུ་སྨྱོན་ཧེ་རུ་ཀས་མིག་རྒྱང་རིང་པོས་ལམ་སྟོན་བཟང་པོའི་སྙན་འགྲན་བཀའ་བཀོད་གནང་བ་བཞིན། བདག་གིས་ཀྱང་འདིར་ཐོལ་བྱུང་གི་སྙན་ཚིག་ཅིག་བསྐུར་ཡོད། བརྗོད་བྱ་དང་རྗོད་བྱེད་ཀྱི་ནང་དོན་ལ་དཔྱད་རོགས། བདག་གིས་ད་རིས་བྱ་དགའི་ཆེད་ཙམ་མིན་པར་དེང་དུང་ཤེས་ཡོན་ཅན་གྱི་མི་སྣ་ཚོ་ནི་ང་ཚོ་བོད་མིའི་དེད་དཔོན་དང་མ་འོངས་པའི་གསོན་རྩ་ཡིན་པ་དང་། རིག་གཞུང་དར་སྤེལ་ལ་དགའ་བསུ་ཞུས་པ་ཡིན། གཟིགས་དང་། ཕྱི་གླིང་པ་ཚོ་ཆོས་དཔལ་རིག་གཞུང་དར་རྒྱས་ཕུན་སུམ་ཚོགས་པར་སོང་བའི་སྲོལ་རྒྱུན་གྱི་འཚོགས་འདུ་དང་། དགའ་རྟགས་སྲོལ་རྒྱུན་དེ་འདྲ་དག ང་ཚོ་བོད་མི་རིགས་ཀྱི་ནང་ནས་མི་ཚེ་སྙན་ངག་ལ་དུང་བའི་སྤྲུལ་སྐུ་ཡེ་ཤེས་རྒྱ་མཚོ་ལྟ་བུའི་མཚན་ཐོག་གིས་གཟེང་རྟགས་སྤྲད་པའི་གོ་སྐབས་ལེགས་འགྲུབ་ཅིག་དང་སྲོལ་རྒྱུན་རྣམ་དག་ཅིག་བྱུང་ན་བོད་མི་རིགས་ཀྱི་བསོད་ནམས་དང་བརླབ་ཆེན་གྱི་ཕྲིན་ལས་ཡིན་པར་ངེས་པར་ཤེས་དགོས།
   ཀླུ་སྨྱོན་ཧེ་རུ་ཀ་པའི་ཡེ་ཤེས་ཀྱི་རྒྱ་མཚོར། །
   ཀླུ་རྒྱལ་གཙུག་གི་ནོར་བའི་བྱ་དགའ་ཡི་ལེགས་སྐྱེས། །
   ཀླུ་བདུད་གཡུལ་རྒྱལ་བོད་འབངས་བསམ་དོན་ཀུན་འགྲུབ་ནས། །
   ཀླུ་སྒྲུབ་གཉིས་པའི་མཚན་སྙན་འཛམ་གླིང་ལ་ཁྱབ་ཤོག །
   གང་དྲན་དུ་ཤྲྰིས་གུས་ཕུལ། །

7. དཔལ་དགྱེས་པ་རྡོ་རྗེ་མཆོག་གིས་སྙན་ངག་་གི་བསྟོད་རྩོམ་ཡ་མེད་ཅིག་བྲིས་གནང་འདུག་པར་བཅོས་མིན་སྙིང་ནས་བསྔགས་བརྗོད་ཡོད། བསྔགས་བརྗོད་གནང་མཁན་དང་བསྔགས་བརྗོད་གནང་ཡུལ་གཉིས་ཀ་མཁན་པ་འགྲན་ཟླ་བྲལ་བ་གཉིས་ཡིན་པའི་ངོས་འཛིན་ཞུ་བཞིན་ཡོད། ངའི་གོ་ཚོད་ལ་དཔལ་དགྱེས་པ་རྡོ་རྗེ་དང་། སྟག་གསོད་འབྲོང་འདུལ། བོན། ཟེར་བ་འདི་གསུམ་མི་གཅིག་ཡིན་ཚོད་གདའ་ན་དེ་དངོས་འབྲེལ་ཡིན་མིན་གྱི་ལན་ཞིག་ཡོད་པ་ཞུ།

8. བོད་ཡིག་སྡོམ་གསར་གནད་ཀྱི་སྒྲོན་མེ། དགེ་འདུན་རྒྱ་མཚོ། ༑ཡི་གེའི་ངོ་བོ་སྒྲ་དང་རི་མོས་མཚོན།། འདོད་རྒྱལ་མིང་ཡིན་ངེས་ཚིག་འགྲེལ་བ་མེད།། ཐོན་མིས་གསར་བཟོའི་བོད་ཀྱི་ཡི་གེ་ནི།། སྒྲ་སྦྱོར་ཡིན་གྱི་འདྲ་གཟུགས་འགྱུར་བ་མིན།། དེ་ལ་དབྱངས་བཞི་གསལ་བྱེད་སུམ་བཅུར་ངེས།། སྲོག་གཅིག་རྐྱེན་གཉིས་ཕ་མ་བུ་ཚར་བཏགས།། ༑རང་གྲོགས་གསལ་བྱེད་དག་དང་མ་སྦྱར་ན།། རྣམ་འགྱུར་མི་གསལ་དོན་མི་སྟོན་པ་དབྱངས།། གནས་དང་བྱེད་རྩོལ་མིང་གི་གཞིར་གྱུར་ཞིང་།། སྐྱེ་བོའི་ངག་གྱུར་དོན་སྟོན་གསལ་བྱེད་དོ།། ༑ཡི་གེ་གང་ལས་སྐྱེ་བའི་རྒྱུ་དག་ནི།། གནས་དང་རྩོལ་བ་རླུང་དང་རྣམ་རྟོག་བཞི།། ཞིང་དང་འདེབས་ལས་ཆུ་དང་ས་བོན་བཞིན།། རིམ་བཞིན་སྦྱར་ཏེ་ངག་ལས་རྟོགས་པར་བྱ།། ༑མགྲིན་པ་སྣ་དང་སྤྱི་བོ་ཁོག་པ་སྐན།། ལྕེ་དང་སོ་དང་མཆུ་བཅས་གནས་ནི་བརྒྱད།། དྲིལ་བུ་པི་ཝང་འཁྲོལ་བའི་དཔེ་བཞིན་སྤྱར།། རྒྱ་གར་སྐད་བཞིན་བོད་ལ་སྦྱོར་བ་མིན།། ༑ཡི་གེ་ལྕི་ཡང་འཇམ་རྩུབ་རིང་ཐུང་དང་།། སྲོག་ཆེན་སྲོག་ཆུང་བོད་ལ་མི་མཁོ་དོར།། ཕྲད་དང་ཅུང་ཟད་ཕྲད་པ་བཙུམ་པ་དང་།། ཕྱེ་དང་དོག་པ་ཡངས་པ་བྱེད་ལས་དྲུག། དྲིལ་ལྕེ་ལག་པས་བསྒུལ་བའི་རྣམ་འགྱུར་འདྲ།། བྱེད་པ་རྩོལ་བ་སོགས་ཀྱི་ཐ་སྙད་བཏགས།། ༑བརྗོད་པ་ཀུན་སློང་ནང་གི་རླུང་གཡོས་པ།། ཡི་གེའི་གདངས་རྣམས་སྐྱེད་པའི་ས་བོན་ཉིད།། དབུགས་ཀྱི་འབྱུང་རྔུབ་འབྱིན་པའི་རྩོལ་བ་གཙོས།། ལྷན་ཅིག་བྱེད་པའི་རྐྱེན་འདུས་མིང་གི་གཞིར།། ཆོས་ཉིད་སྟོབས་ཀྱིས་ཅི་ཡང་འབྱུང་བ་བཞིན།། མིང་ཚིག་བརྗོད་པ་གྲུབ་པས་དོན་ཀུན་སྟོན།། ༑དབུ་ཁྱུད་ཨྃ་ཡིག་དབང་ལྔ་སྐུ་ཡི་མཚོན།། དབང་ཕྱུག་ཆེན་པོའི་ངོ་བོར་སྐྱེ་འགག་བྲལ།། ཤད་ནི་དབྱེ་མཚམས་གཅོད་བྱེད་བཀའ་ཡི་གཙོ།། སྟོབས་འཕྲོག་གདེངས་ཀ་བརྗིད་པའི་ནཱ་གཱའི་གཟུགས།། ཚེག་ཁྱིམ་བར་སྟོང་མཁའ་དང་ཐིགས་ལེས་མཚོན།། རྣམ་པ་འགྱུར་བ་ཀློག་གི་ཆེད་དུ་བྲིས།། ༑གསལ་བྱེད་ཕོ་དང་དབྱངས་བཞི་མོ་རུ་བརྗོད།། སྔོན་རྗེས་བུ་དང་མགོ་འདོགས་ཚ་བོར་གཏོགས།། དབྱངས་བཞི་སྲོག་དུ་ཞུགས་པའི་སྲོལ་མེད་པས།། ལོང་བས་ལོང་བ་གཡང་ལ་མ་འཁྲིད་ཨང་།། ༑ཕོ་ཡི་ཡི་གེ་གསལ་བྱེད་སུམ་ཅུ་ནི།།གནས་དང་བྱེད་པས་ཅི་ལྟར་སྐྱེད་པའི་ཚུལ།། འ་ཧ་ཨ་གསུམ་རྩོལ་བ་དྲག་ཞན་གསུམ།། ཁོག་པའི་གནས་དང་མགྲིན་པར་བརྟེན་ལས་འབྱུང་།།༑ ཀ་ཁ་ག་ང་མགྲིན་པའི་ཡི་གེ་བཞི།། གཙོ་བོར་མགྲིན་པའི་སྦུགས་ནས་ལྷོད་ཀྱིས་དབྱུངས།། ༑ཅ་ཆ་ཇ་ཉ་ཙ་ཚ་ཛ་ཞ་ཡ།། ཤ་བཅས་བཅུ་བོ་ལྕེ་དང་རྐན་ལས་སྐྱེས།། ༑ཏ་ཐ་ད་ན་ཟ་ལ་ས་བཅས་བདུན།། ལྕེ་རྩེ་ཅུང་ཟད་སོ་དང་ཕྲད་ལས་བྱུང་།།༑ པ་ཕ་བ་མ་ཝ་བཅས་མཆུ་ཡིས་སྐྱེད།།༑ ང་ཉ་ན་མ་གཙོ་བོར་སྣ་ལས་འབྱུང་།། ༑ར་ཡིག་ཁོ་ན་ལྕེ་རྩེ་འདར་ལས་དབྱུང་།། སྤྱི་བོའི་ཡི་གེ་ཞེས་ཀྱང་བརྗོད་པ་ཡིན།། དབྱངས་བཞི་རྐྱང་བ་སྐྱེད་པའི་གནས་མེད་པས།། ཞ་དཔེ་ལྷ་འགེབས་བྱེད་པ་ཤིན་ཏུ་འཁྲུལ།། སྨྲ་སྒོ་བཤད་པ་རྒྱ་གར་ཤན་ཞུགས་ཕྱིར།། ཐོན་མིའི་ཕྱག་བྲིས་རྐང་བས་མ་གསུབ་ཨང་།། ༑ཡི་གེ་འདུས་པས་མིང་དང་ཚིག་གྲུབ་ཚུལ།། འདི་ཡང་ཤེས་པ་ཤིན་ཏུ་གལ་ཆེས་པས།། བོད་ཀྱི་ཡི་གེ་མགོ་འདོགས་འཕུལ་རྟེན་དང་།། དབྱངས་ཀྱི་ང་རོ་སྦྱར་པས་མིང་ཚིག་གྲུབ།། བརྗོད་པ་གསལ་བྱེད་དོན་རྣམས་འཆུགས་མེད་སྟོན།། ༑མགོ་ཅན་རྐན་དང་སྤྱི་བོ་སྣ་ནས་བསྒྲེང་།། འདོགས་བཞི་ལྕེ་དང་སོ་དང་ཕྲད་པས་བཀུག། དབྱངས་དང་ལྡན་རྣམས་མཆུ་ཡི་བར་ནས་དྲང་།། སྔོན་རྗེས་མིང་གཞི་སྟོབས་ཀྱིས་སྣ་ཚོགས་ཉིད།། ༑ར་ལ་ས་གསུམ་མགོ་ཡི་ཡི་གེར་དྲན།། ར་མགོ་བཅུ་གཉིས་ལ་མགོ་ལྔ་ཟུང་སྟེ།། ས་མགོ་བཅུ་གཅིག་འདོགས་ཅན་བཞི་ཡང་ཡོད།། ཡ་བཏགས་བདུན་དང་ར་བཏགས་བཅུ་གཅིག་ཡོད།། ལ་བཏགས་དྲུག་དང་ཝ་བཏགས་བཅོ་ལྔར་བརྩིས།། ༑ར་མགོ་་་་་་

9. ཨ་ར་དཀར་པོ་ལགས། བཀྲ་ཤིས་རྟགས་བརྒྱད་ཀྱི་མཆོད་པ་འདི་མཆོད་ཡུལ་སྐྱབས་རྗེ་དམ་པ་ཉིད་བཟང་བ་ལས་ཐོལ་བྱུང་གི་བསྟོད་ཚིག་འདི་དག་བྲིས་པ་ཡིན། ཨ་ར་དཀར་པོ་ཁྱོད་ཀྱིས་དེ་འདྲའི་བཅོས་མིན་སྙིང་ནས་བསྔགས་བརྗོད་གནང་བར་བཀའ་དྲིན་ཆེ། བྱ་དགའ་མ་ཐོབ་རུང་འགྱོད་སུན་གང་ཡང་མེད་ལགས། ཁྱེད་ཀྱི་གོ་ཚོད་ཀྱི་མིང་དེ་ཚོ་ང་རང་གི་མིང་མིན་ལགས་སོ། བདག་གིར་འཛིན་པའི་མིང་ནི་དཔལ་དགྱེས་པ་རྡོ་རྗེ་འདི་ཁོ་ན་ཡིན་པས་མཁྱེན་པར་མཛོད་ཅིག
   མ་རབས་རིང་ལུགས་ཀྱི་ཕྱོགས་འཛིན་པ་འགས་འཇིགས་བསྐུལ་དངོས་སུ་བྱུང་བདག་ལ་ཡ་ང་དང་བག་ཚ་དགོས་པ་ཅི་མི་འདུག
   ཁོ་ཚོར་ངས་བཤད་པ་ཡིན། ཁྱེད་ཚོས་ངའི་མགོ་བཅད་རུང་སྐེ་ཁྲག་འོ་མ་ཡིན་བཤད་ཡོད། ། དཔེར་ན་བདག་གིས་ལྷག་བསམ་དག་པས་ཆོས་མཐུན་གྱིས་མཐོ་དམན་སྤྲུལ་མིང་འཛིན་པ་དང་ཆོས་ལུགས་ནས་བཟུང་སྟེ་ཡག་ཉེས་ག་རེ་དང་བཟང་ངན་སྣ་ཚོགས་པ་དག་བདག་གིས་ཅི་འཆར་དང་ཅི་བཤད་ཡོད་པ་ཐམས་ཅད་ཨེ་མ་ཧོའི་རིག་མཛོད་ཆེ་ཆུང་དུ་འགྲེལ་ཆེན་དང་རྒྱས་པ་འགའ་ཞིག་མ་གཏོགས་ཚང་མ་སྦས་གསང་མེད་པར་བཀོད་ཟིན། དེར་གཟིགས་དང་ཤེས་སོ། །
   ཉེ་ཆར་བདག་གི་ཡིག་ཟམ་དང་ངོ་དེབ་ལས་འགའ་ཞིག་གིས་བདག་ལ་བཀྲ་ཤིས་བདེ་ལེགས་དང་འགའ་ཞིག་གིས་ད་ལྟ་གསོད་རྒྱུ་ཡིན་ཞེས་འཇིགས་བསྐུལ་བྱུང་ཡང་དེ་ག་རང་ལན་ཞུས་པ་ཡིན། ཡིད་མ་ཆེས་ན་ཁ་བརྡ་དྲ་བདག་ལ་དྲིས་དང་དྲ་ཞབས་རྐུན་མ་ཏག་ཏག་ངོས་ཟིན་ནི་རེད། དཔེར་ན་བདག་གི་ཨེ་མ་ཧོའི་རིག་མཛོད་ཆེ་བའི་ནང་དུ་ཁྱོད་ཚོས་བཟང་ངན་གྱི་མཆན་ཅི་བཏབས་ན་བྲིས་པའི་མི་དེའི་གློག་ཀླད་དུ་ཡར་འཛུལ་བའི་ཁ་བྱང་དང་བཅས་པ་ཤེས་ཀྱིན་འདུག །
   http://www.amahoweb.org/
   དེས་ན་བདག་གིས་
   དཀའ་ཚེགས་ཡེ་མི་དགོས་པར་གོ་ལ་ཇེ་ཆུང་དང་འབྲེལ་འདྲིས་ཇེ་ཉེ་རུ་ཐུབ་པའི་དྲ་ཚིགས་ལ་བརྟེན་ནས་དྲང་བདེན་རིགས་པའི་བླང་དོར་གསལ་བའི་སྒྲོན་མེ་ཞིག་སྦར་ན་བསམས། བདག་ནི་སྐྱེས་སྦྱང་གི་ཡོན་ཏན་ན་ཕྲ་ཡང་ལྷག་བསམ་དྲང་བདེན་གྱི་བསམ་པ་རྒྱ་ཆེ་བས་རྒྱལ་བསྟན་སྤྱི་དང་བོད་རང་གི་གནའ་དེང་གི་རིག་གཞུང་ལ་གོམས་འདྲིས་ཀྱི་མྱོང་ཚོར་དག་ངོ་ལྐོག་མེད་པར་རྒྱལ་ཕྱི་ནང་གི་རང་རིགས་སྤུན་མཆེད་དག་ལ་དམ་པའི་ཆོས་དང་མཐུན་མི་མཐུན་གྱི་བཟང་ངན་ཤན་འབྱེད་ཅིག་ཐུན་མིན་བོད་རང་གི་སྐད་ཡིག་ལས་སྟོན་པར་འདོད་ཐལ།
   http://www.amahonet.blogspot.com/
   དེང་རབས་ངོ་ལྐོག་མི་ཐུབ་པའི་རྫུན་མ་ཚོ་ཚར་གཅོད་པ་ལས་སླ་འོ་རེད། ཨ་ར་དཀར་པོ་སྐུ་ཚེ་བརྟན།
   ད་ཡང་ང་རང་ཡུན་རིང་ཁ་བརྡ་དྲ་བར་མཆན་འབྲིར་ཡོང་གི་མེད་པས། ད་བདེ་མོ་གྱིས།

10. དཔལ་གཅེས་ལགས་བཀྲ་ཤིས་བདེ་ལེགས།

11. དམ་སྡོམ་ཟླ་བ་ནུབ་ཀྱི་རི་ལ་ཤོར།།
    དམ་སེལ་དབང་གིས་སེམས་ལ་རྒྱལ་འགོང་ཞུགས།།
    དམ་མིན་དམ་རྫུ་དཔལ་གཅེས་བྱ་བ་དེ།།
    དམ་ལྡན་ཆོས་སྐྱོང་སྲུང་མས་ཚར་ཆོད་ཅིག།

12. དཔལ་གྱེས་བསྡོ་རྗེ་ལགས།
    ཁྱེད་ནི་མིང་མང་ལ་རྙོགས་སྒྲ་ཆེ་བ་ཁོག་ཏུ་དོལ་རྒྱལ་གྱི་་ཟིན་པ་མི་ནམ་བསམ་གི་འདུག་དེ་མིན་ང་ཚོ་བོད་མི་ཡོངས་ལ་ད་ལྟ་བཀའ་ངལ་ག་འདྲ་ཡོད་ཚང་མའི་མཁྱེན་གསལ་ལྟར་རེད་ང་ཚོ་མི་རིགས་མཐུན་ལམ་ཡག་པོ་བྱེ་ཡག་གལ་ཆེན་པོ་མཐོང་གི་འདུག།

13. ནགས་སེང་ལགས། སྟག་གསོད་འབྲོང་འདུལ་དཔལ་དགྱེས་ཡིན་པ་དེ་ཁོ་རང་གིས་ཁས་བླང་གིས་གྲུབ་སོང་། ཁྱོད་དེ་ལ་གསལ་བཤད་ཅི་ཡང་མི་དགོས། ཁྱོད་ཀྱང་ཕལ་ཆེར་དཔལ་གཅེས་ཀྱི་མིང་གི་རྣམ་གྲངས་ཡིན་ལས་ཆེ།

14. གོང་གི་བསྙེན་པར་་་་་་་ཞེས་པའི་མཚམས་སུ། རྫོགས་མེད་པ་གསལ་པོ་རེད། ཅེས་པ་ཆད་འདུག་པས་དགོངས་འགལ་མེད་པ་ཞུ།

15. དྲ་གྲོགས་ནགས་ཀྱི་སངྒཻལགས། བོན་ཟེར་བ་དཔལ་གྱེས་བསྡོ་རྗེ་མིན་པ་གཞན་པ་ཞིག་ཁྱེད་ཀྱི་ཕྲན་ལ་རྩིས་སྤྲོད་བྱས་སོང་ན་གུས་པའི་དཔལ་གྱེས་བཤགས་པ་བྱེད་ཆོག །བོན་ཞེས་པ་དེ་དཔལ་རྡོ་ཡིན་པ་དཔང་རྟགས་་ཆ་ཚང་ཡོད།ཁོ་པའི་དཔལ་རྒྱལ་བ་ཀརྨ་པ་མཆོག་ལ་མཚན་སྨོད་ག་ཚོད་བཏང་སོང་དེ་ཁྲིམས་འགལ་མིན་ན་གུས་པ་ཁྲིམས་འགལ་དོན་མེད།།

16. དང་པོ་རྟེན་རབ་བྱུང་ཡིན་ན་དེ་རྗེས་བུད་མེད་ལ་སྒྲོག་ན་གྲྭ་ལོག་རང་རེད། སྔོན་དུ་གངས་ལྗོངས་ཀྱི་དགེ་སློང་རྡོ་རྗེ་འཛིན་པ་རྣམས་ཀྱིས་འདུལ་བའི་ཉམས་བཞེས་རྩ་བར་འཛིན་པའི་ཐོག་ནས་གསང་སྔགས་ཀྱི་ལམ་དུ་བཞུགས་པ་ལས་གསང་སྔགས་ཀྱི་ཉམས་བཞེས་སྐབས་སུ་འདུལ་ཁྲིམས་བློས་བཏང་ནས་བུད་མེད་ལ་གང་བྱུང་ལོངས་སྤྱོད་གནང་གི་མེད། ཇི་སྐད་དུ་ཡང་། ཕྱི་རུ་ཉན་ཐོས་སྤྱོད་པས་ཞི་ཞིང་འདུལ། །ནང་དུ་གསང་སྔགས་རྣལ་འབྱོར་ལྡེང་དང་ལྡན། །གསུངས་པ་ལྟར་དགེ་སློང་རྡོ་རྗེ་འཛིན་པས་གནམ་གྱིས་ས་བཀབས་པ་ལྟ་བུར་ཁྱབ་ཡོད།

17. ཡ་སྣ་ཚོགས་རང་གྲོལ།   དེས་ན་ཁྱོད་རང་གིས་ལྟོས།  ང་ལ་ཁྱད་པར་མེད།  

18. ཁྱེད་ཚོས་ངོ་མ་ང་ནགས་སེང་དཔལ་དགྱེས་རེད་བསམ་གྱི་ཡོད་ན་ཁ་པར་ཨང་གྲངས་འདི་ལ་ཞོགས་དང་ང་སྒེར་གྱི་ཁ་པར་ངོ་མའི་སྟེང་ནས་ངས་འཕྲལ་དུ་ཁ་པར་གཏོང་ཡོང་།  གལ་ཏེ་འདིར་འཇོག་སྟབས་མི་བདེ་ན་གློག་ཕྲིན་འདིའི་ནང་དུ་བཞག་ཆོག།    chodenchoden70@yahoo.com   ང་ཨ་རི་ལ་སྡོད་མཁན་ཞིག་ཡིན།   དེ་རིང་ཝ་ཤིན་ཀྲོན་ན་ཡོད།   གྲོསག་པོ་ཚོ།  བོད་པ་ཞིག་ཡིན་ན་ལས་འབྲས་ལ་བརྩི་དགོས་ནི་རེད།   དེ་འདྲ་བྱས་ནས་ཅི་བྱེད།

19. ཨོ་རེད། ཡང་མིན་ན་ད་ལྟ་རང་ཁ་པར་ཐོངས་དང་འདི་ངའི་ཁ་པར་ཡིན། སྒོ་ཕྱེས་ནས་བཞག་ཡོད། ཆ་ཚོད་ཉེར་བཞིའི་ནང་ག་དུས་བཏང་ན་ཡང་ཆོག 001-301-534-7862 གྲོགས་པོ་ཚོ། སྐྱག་རྫུན་ཟེར་བ་དེ་ཡག་པོ་ཞིག་མ་རེད་ཡ། རང་གི་སྣང་བ་ལ་མི་འགྲོ་བའི་མི་ཡོད་ཚད་མི་གཅིག་རེད་ཟེར་བ་དེ། རྒྱ་མིས་བོད་ནང་གི་ལས་འགུལ་ཐམས་ཅད་ཏཱ་ལས་ངན་སྐུལ་རེད་ཟེར་བ་དང་གཅིག་པ་དང་། མ་གཞི་ཁྱེད་ཚོས་ཀྱང་རྒྱ་ནག་ནས་སློབ་སྦྱོང་ཡག་པོ་རག་ཡོད་ས་རེད། ཁྱེད་ཚོས་ངོ་ལ་བལྟས་བལྟས་ལ་རྫུན་འདི་འདྲ་བཤད་ལུགས་ལ་བལྟས་ན་མཁན་ཆེན་བླ་མ་ལ་སྐྱོན་བརྗོད་ཚད་གཞི་མེད་སྐུར་འདེབས་ཡིན་པ་གསལ་པོ་རེད།

Comments are closed.