ཐེ་བོ་དཀོན་མཆོག་ཤེས་རབ་ཀྱིས།
༧གོང་ས་བདུན་པའི་སྐབས་མན་ཇུས་བོད་ཨ་མདོ་ཕྱོགས་སུ་བཙན་འཛུལ་བྱས་པ་ནས་བཟུང་། ཁམས་དང་ཨ་མདོའི་ས་ཁུལ་མང་བོ་ཞིག་ཁ་འཐོར་རྒྱལ་ཕྲན་གྱི་རྣམ་པར་གནས་པས་དགའ་ལྡན་ཕོ་ བྲང་བའི་ཐད་ཀའི་འཛིན་སྐྱོང་འོག་ཏུ་མེད་པ་ནི་དངོས་ཡོད་ཡིན་ལ། ལྷག་པར་སིམ་ལའི་ཆིངས་ཡིག་ལ་བརྟེན་ནས་འབྲི་ཆུས་བཅད་པའི་རྒྱ་སྡེ་དང་བོད་སྡེའི་དབྱེ་བ་འབྱེད་པ་དང་། ཨ་མདོ་ལ་མཚོན་ན་ཅོ་ནེ་དཔོན་དང་ཚ་ཁོ་རྒྱལ་ཁག་བཅོ་བརྒྱད་ཟེར་བ་སོགས་རྒྱལ་ཕྲན་མང་བོར་གྱེར་བ་དང་། ཁམས་ལ་ཡང་ཤར་ཕྱོགས་ཀྱི་རྒྱལ་ཆེན་བཞི་སྟེ་སྡེ་དགེ་རྒྱལ་བོ་དང་། ནང་ཆེན་རྒྱལ་བོ། ལྷ་ཐོག་རྒྱལ་བོ། གླིང་ཚང་རྒྱལ་བོ་ཟེར་བ་སོགས་རྒྱལ་ཕྲན་མང་བོ་བྱུང་ཡོད། དེ་ལྟར་བྱུང་བའི་རྒྱུ་མཚན་གཙོ་བོ་ཞིག་ནི་བོད་བཙན་པོའི་གདུང་རབས་ཀྱིས་བོད་སྤྱི་ལ་དབང་སྒྱུར་བའི་ནུས་ཤུགས་ཉམས་རྗེས་ཡུན་རིང་ཁ་འཐོར་དུ་གནས་པ་དང་། ས་སྐྱ་བ་སོགས་ཀྱི་སྐབས་སུ་ཡང་མདོ་ཁམས་ཕྱོགས་སུ་ཐད་ཀར་དབང་སྒྱུར་བྱེད་མ་ཐུབ་པས། བོད་མིའི་སེམས་ཁམས་སུ་ཁ་འཐོར་གྱི་བག་ཆགས་གཏིང་ཟབ་ཡོད་པའི་ཉེར་ལེན་ལ་བརྟེན་ནས་ཆིག་སྒྲིལ་ཡོང་མ་ཐུབ་པ་རེད། བོད་ཤོར་ནས་བཙན་བྱོལ་ལ་འབྱོར་བའི་སྐབས་སུ་ཡང་ཐོག་མའི་ཆར་བླ་ཆེན་རེ་རེའི་མཚན་ཐོག་ནས་གཞིས་ཆགས་བརྒྱབས་པ་དང་། ད་དུང་ཨ་མདོའི་གཞིས་ཆགས་དང་ཁམས་པའི་གཞིས་ཆགས་སོགས་ཕྱོགས་ཁག་བཅུ་གསུམ་ཟེར་བ་དང་། ཆོས་ལུགས་འཐེན་འཁྱེར་སོགས་ཁ་འཐོར་གྱི་རྣམ་པ་མངོན་གསལ་དོད་པོ་བྱུང་བ་མ་ཟད། སྐུ་དྲག་མང་བོ་ཞིག་མང་གཙོའི་ལམ་ལ་མ་དགའ་བར་ལས་གནས་ནས་དགོངས་ཞུ་བྱེད་བཞིན་པ་སོགས་༧གོང་ས་མཆོག་ལ་མཛད་དཀའ་ཤིན་ཏུ་ཆེན་པོ་ཞིག་བྱུང་བའི་ལོ་རྒྱུས་རྣམས་ཐོས་ན་ངུ་བྲོ་བ་མང་བོ་ཡོད་པ་རེད། འོན་ཀྱང་༧གོང་ས་མཆོག་ གི་ཕུལ་དུ་བྱུང་བའི་དཀྱེལ་ཆེའི་མཁྱེན་རབ་དང་ཐབས་མཁས་ཐུགས་རྗེ་ཉག་ཅིག་ལ་ བརྟེན་ནས་ད་ལྟའི་ཆིག་སྒྲིལ་གྱི་རྣམ་པ་བཟང་བོ་འདི་བྱུང་བ་ལོང་བས་བལྟས་ཀྱང་ མཐོང་བའི་ཚོད་དུ་ཡོད། ཡང་ཕྱོགས་གཞན་ཞིག་ནས་བཤད་ན་རྒྱ་ནག་དམར་ཤོག་ཚོགས་པར་རྒྱལ་ཁ་ཐོབ་རྗེས་རྒྱ་མི་མང་བོ་ཞིག་རྒྱ་གར་ཀ་ལི་ཀ་ཏ་སོགས་སུ་སྐྱབས་བཅོལ་ལ་འབྱོར་བ་དེ་དག་དང་། ༧གོང་ས་མཆོག་བཙན་བྱོལ་ལ་
ཆིབས་སྒྱུར་མ་གནང་ཙམ་གྱི་གོང་ལ་བོད་མི་མང་བོ་རྒྱ་གར་ལ་སྐྱབས་བཅོལ་དུ་འབྱོར་ཟིན་ པ་དེ་དག་ལ་རྒྱ་གར་གཞུང་གིས་ཕྱིར་བསློག་བྱ་རྒྱུའི་ཁྱབ་བསྒྲགས་བྱས་པ་མ་ཟད། རྒྱ་མི་རྣམས་ལ་རྒྱ་གར་གྱི་ཡུལ་མི་བྱས་ན་ལས་དེ་མིན་རྒྱ་གར་དུ་བསྡད་མི་ཆོག་ཚུལ་བརྗོད་ནས། ཆ་རྐྱེན་དེ་ཁས་མི་ལེན་པའི་རྒྱ་མི་ཚང་མ་ཕྱིར་བསློགས་ཡོད། བོད་མི་རྣམས་ཀྱང་ཕྱིར་བསློག་བྱ་བརྩིས་ཀྱིས་གྲ་སྒྲིག་བྱེད་བཞིན་པའི་སྐབས་དེར། ༧གོང་ས་མཆོག་རྒྱ་གར་ས་ཐོག་ཏུ་བཙན་བྱོལ་ལ་ཆིབས་སྒྱུར་བསྐྱངས་ཟིན་པ་རྒྱ་གར་གཞུང་གིས་ཤེས་འཕྲལ་ལམ་སང་འཆར་གཞི་དེར་འགྱུར་བ་བཏང་བའི་ཚུལ་རྣམས་རྒན་རབས་པ་ཚོའི་ཞལ་ནས་ཡང་ཡང་ཐོས། དེ་ལྟར་ན་རྒྱ་གཞུང་གིས་གུང་ཕྲན་ཏང་མེད་ན་ཀྲུང་གོ་གསར་བ་མེད་ཟེར་བ་དོན་ལ་གནས་པའི་སྐད་ཆ་ཞིག་མ་ཡིན་མོད། ༧གོང་ས་མཆོག་མེད་ན་བཙན་བྱོལ་བོད་གཞུང་གིས་གཙོས་པའི་གཞུང་འབྲེལ་དང་གཞུང་འབྲེལ་མིན་པའི་ཚོགས་སྡེ་ཁག་འདི་དག་དང་། བོད་དོན་བདེན་པའི་འཐབ་རྩོད་ཀྱི་གྲུབ་འབྲས་གཡུར་དུ་ཟ་བ་འདི་དག་དང་། མི་འཇོན་འཇོན་མདོག་བྱེད་མཁན་ རེ་འགས་བོད་རང་བཙན་རྩོད་དགོས་ཟེར་ནས་༧གོང་ས་དང་ཟམ་གདོང་རིན་པོ་ཆེ་སོགས་ལ་ སྒྲོ་སྐུར་མང་དུ་ཞུས་དང་ཞུ་བཞིན་པ་འདི་དག་ཐམས་ཅད་འབྱུང་བའི་གནས་མེད་ཅིང་གོ་ སྐབས་མེད་པ་ཁོ་ནའོ་ཞེས་ཚིག་ཐག་བཅད་ནས་བཤད་ཆོག དེས་ན་འདི་ཁོ་ནའི་ཐོག་ནས་བསམ་བློ་བཏང་ནའང་༧གོང་ས་མཆོག་གི་བཀའ་དྲིན་ནི་བསྐལ་པའི་མཐར་ཡང་རང་ཅག་བོད་མི་ཚོས་བསབ་ཐབས་བྲལ་བ་ཞིག་རེད། བོད་རང་གི་སྐད་ཡིག་གིས་གཙོས་པའི་ནང་ཆོས་རིག་གཞུང་དང་བཅས་པའི་ཐད་ནས་བཤད་ན་ཡང་། འཛམ་གླིང་ནང་བཙན་བྱོལ་བ་སུ་ལ་ཡང་མེད་པའི་བོད་པ་རང་ཉིད་ཀྱི་སློབ་གྲྭ་འདི་ལྟ་བུ་མང་བོ་ཚུགས་ཐུབ་པ་དང་། རིས་ སུ་མ་ཆད་པའི་བཤད་སྒྲུབ་ཀྱི་སྡེ་རྒྱ་བལ་འབྲུག་གསུམ་དུ་གནམ་གྱི་སྐར་ཚོགས་ལྟར་ བཀྲ་བ་འདི་ལྟ་བུ་སྔར་བོད་ནང་དུ་ཡང་མ་བྱུང་ཞེས་ཚིག་ཐག་བཅད་ནས་བཤད་ཆོག་ལ། སྔར་ཆོས་རྒྱལ་སོགས་ཀྱི་སྐབས་ནས་བོད་ལ་ནང་ཆོས་དར་ཡོད་མོད། སོག་པོ་དང་མན་ཇུ་མ་གཏོགས་བོད་བརྒྱུད་ནང་བསྟན་ལ་དོ་སྣང་དང་མཐོང་ཆེན་བྱེད་མཁན་མ་བྱུང་། བོད་ཤོར་རྗེས་འཛམ་གླིང་ཡུལ་གྲུ་ཕལ་མོ་ཆེར་བོད་བརྒྱུད་ནང་བསྟན་གྱི་ཆོས་ཚོགས་མང་བོ་ཚུགས་ཐུབ་པ་བྱུང་བ་དང་།
ལྷག་པར་དུ་ཚན་རིག་མཁས་ཅན་མང་བོས་ནང་ཆོས་ལ་དོ་སྣང་དང་བསྔགས་བརྗོད་ཐོབ་ཐུབ་པ་བྱུང་བ་བཅས་ནི། ༧གོང་ས་མཆོག་གི་མཛད་པ་འཕྲིན་ལས་དང་ལམ་སྟོན་བཀའ་སློབ་སོགས་དངོས་ཤུགས་བརྒྱུད་གསུམ་ནས་བཀའ་དྲིན་གྱིས་མ་ཁྱབ་པ་རྐང་གཅིག་ཀྱང་མེད་དོ་ཞེས་མགྲིན་པ་གཟེངས་སུ་བསྟོད་ནས་སྨྲའོ།། བོད་ནང་ལ་ཆ་མཚོན་ནའང་མ་གཞི་པཎ་ཆེན་རིན་པོ་ཆེ་དང་ལྷག་བསམ་གྱིས་ཕྱུག་པའི་མཁས་དབང་རྣམ་པས་ནུས་ཤུགས་བཏོན་ཡོད་པ་ནི་བརྗོད་མ་དགོས་མོད། འོན་ཀྱང་དེ་ལྟར་ཡོང་བར་རྒྱ་དམར་གཞུང་གིས་བོད་ཐོག་འཛིན་པའི་སྲིད་ཇུས་ཀྱི་འགྱུར་བ་ལ་བལྟོས་ཤིང་། རྒྱ་གཞུང་གིས་བོད་ཀྱི་སྐད་ཡིག་རིག་གཞུང་དང་བཅས་པར་མི་འདོད་བཞིན་དུ་ཅུང་གུ་ཡངས་ཀྱི་སྲིད་ཇུས་ མི་འཛིན་ཀ་མེད་བྱུང་བ་དེ་ཡང་མཐར་གཏུགས་ན་༧གོང་ས་མཆོག་གི་མཛད་པ་འཕྲིན་ལས་ཉག་ གཅིག་ལ་བལྟོས་པ་ནི་དོན་འདི་ལ་བློ་ཁ་ཕྱོགས་ཙམ་གྱིས་རྟོགས་ནུས་པ་ཡིན། དེར་བརྟེན་གལ་སྲིད་༧གོང་ས་མཆོག་མེད་ན་བོད་འདི་ཕྱི་མའི་ལྔ་ལམ་གྱུར་ཟིན་པ་རེད། འོན་ཀྱང་དེང་སང་བཙན་བྱོལ་སྤྱི་ཚོགས་ཁྲོད་དུ་བཀའ་དྲིན་ལ་བསམ་ཤེས་བྱ་རྒྱུ་ཕར་བཞག ད་དུང་༧གོང་ས་མཆོག་དང་ཁོང་གི་བཀའ་བཞིན་སྒྲུབ་མཁན་རྣམས་ཕ་གསོད་ཀྱི་ལག་དམར་ལྟར་སྡང་ཟུག་ཆེན་པོས་ཧམ་པ་རི་ཙམ་བཤད་ན་བདེན་གཡག་ཙམ་ཐོབ་པའི་རེ་བ་དང་བཅས། ཁ་གང་བྱུང་དུ་གཏོང་མཁན་འཇམ་དབྱངས་ནོར་བུ་ཟེར་བ་དང་། ཀླུ་མཁར་བྱམས་ནམ་ཟེར་བ་སོཊ་ངོ་ཚ་ཞེ་ཁྲེལ་མེད་ཅིང་མགོ་རུལ་བ་རྣ་བས་མི་ཚོར་མཁན་མང་བོ་ཞིག་གིས། བུ་གླེན་པས་ཕ་ཡི་ཀླད་བཅོམ་ཟེར་བ་ལྟར་༧གོང་ས་མཆོག་ལ་མཚན་སྨད་སྒྲོ་སྐུར་གྱི་མུ་ཅོར་གང་བྱུང་དུ་སྒྲོག་པ་དེ་དག་ནི་ནགས་ཀྱི་སྤྲེའུས་ནགས་ལ་མི་གཙང་བ་འདོར་བའི་ངང་ཚུལ་ལས་མ་འདས་པས། དེ་དག་ནམ་ཡང་སྤྱི་ཚོགས་ཀྱི་སྡིངས་ཆའི་སྟེང་སྐད་ཆ་བཤད་པའི་གོ་སྐབས་སྤྲོད་མི་རུང་། མཁའ་ལ་མི་གཙང་འཐོར་གྱུར་ན་འཐོར་བ་བོ་ཡི་མགོ་ལ་ཟགས་ཟེར་བ་ལྟར་གོ་སྐབས་སྤྲོད་མཁན་རང་ཉིད་མ་རབས་ཐ་ཤལ་དུ་འགྱུར་ངེས་ཡིན། མང་གཙོ་ཡིན་ཟེར་ནས་སྐྱག་རྫུན་དང་མགོ་སྐོར་གཏོང་ཆོག་གི་ཡོད་ན། མང་གཙོ་ཡིན་ཟེར་ནས་རྐུ་འཕྲོག་དང་མི་བསད་ཁྲག་སྦྱོར་སོགས་ཅིའི་ཕྱིར་བྱེད་མི་ཆོག་སྟེ། རྒྱུ་མཚན་རྣམ་པ་ཀུན་ཏུ་མཚུངས་པའི་ཕྱིར། དེས་ན་མང་གཙོ་ཟེར་བ་ནི་ཁྲིམས་མེད་ལུགས་མེད་ཅིག་ག་ལ་ཡིན། མི་དེ་དག་ལ་འགྲོ་བ་མིའི་བཟང་སྤྱོད་ཀྱི་དྲི་ཙམ་ཡང་མེད་ན་མཁས་པའི་དྲི་ནི་དེ་བས་ཁ་ག་ལ་སྲིད། དེབ་གོག་ཏོ་ཁ་ཤས་ཀྱི་ཚིག་སྐྱོར་ཤེས་པ་དང་ཚིག་དམ་མེ་དུམ་མེ་ཁ་ཤས་འབྲི་ཤེས་ཙམ་གྱིས་མཁས་པའི་གྲལ་ལ་སླེབ་ཀྱིན་ཡོད་ན་ནི།འཛམ་བུ་གླིང་འདིར་མཁས་པ་མ་ཡིན་པ་ཞིག་རྙེད་དཀའ། ཡང་མི་མང་བོ་ཞིག་གིས་ཀླུ་མཁར་བྱམས་ཡིན་ནམ་དེ་རྒྱ་མིའི་སོ་བ་རེད་ཟེར། གཅིག་བྱས་ན་ཡིན་སྲིད་དེ་རྒྱལ་ཁམས་ཀྱི་ཁ་ན་ཡེ་ཤེས་ཀྱི་སྤྱན་ཡོད་ཟེར་བ་ལྟར་བདེན་སྲིད་པའི་ཕྱིེར་ཏེ། དེ་ལྟར་མིན་ན་ཅི་ཡང་མི་ཤེས་གང་ཡང་མི་འཇོན་པའི་ཨ་ཅེ་ཝ་མོའི་བརྟུལ་ཞུགས་འཛིན་པ་མི་ཁོ་ལྟ་བུ་ཞིག་གིས་རང་ཅག་གཞིས་བྱེས་བོད་མི་ཡོངས་ཀྱི་ལྟ་བའི་མིག་དང་ཁོག་པའི་སྙིང་ལྟ་བུ་ཙམ་དུ་མ་ཟད། འཛམ་གླིང་འདིའི་ཆེ་དགུ་མཐའ་དག་གིས་སྤྱི་གཙུག་གི་ནོར་བུ་ལྟར་བཀུར་བའི་༧གོང་ས་ཡིད་བཞིན་ནོར་བུ་ལ་མཚན་སྨད་གང་བྱུང་དུ་ཞུ་ཕོད་པའི་སྙིང་ཁམ་ཆེ་བ་ཞིག་འབྱུང་དཀའ་བས། འདིའི་རྒྱབ་ལྗོངས་ཀྱི་ཡོལ་བ་ནག་པོའི་ཕག་ན་ཅི་ཞིག་ཡོད་ཕལ་ཆེར་ཚོད་དཔག་བྱེད་ཐུབ་པ་ཡིན། གལ་སྲིད་དེ་དག་རྒྱ་མིས་ཆེད་དུ་མངག་པའི་སོ་བ་མ་ཡིན་པའི་དབང་དུ་བཏང་ཡང་སོ་བའི་བྱ་བ་དང་ལྡན་ན་དོན་གྱིས་སོ་བ་ཡིན་ཏེ། རྒྱ་མིའི་སོ་བ་ཟེར་བ་ཁ་ལ་མཆེ་བ་དང་མགོ་ལ་རྭ་སྐྱེས་པ་ཞིག་ཡོང་མི་དགོས་པར་གཙོ་བོའི་བྱེད་ལས་ཀྱི་ཆ་ནས་གཞག་དགོས་ལ། དེ་ལྟར་ན་ཡང་དེ་དག་ལ་སོ་བའི་མཚན་ཉིད་ཚང་སྟེ། བོད་མིའི་རྩ་དོན་གྱི་སྲོག་འཕྲོག་པའི་ལས་ལ་ཞུགས་མཁན་ཡིན་པའི་ཕྱིར། ༧གོང་ས་མཆོག་ལ་ཁ་གཏོང་བ་དང་བོད་མིའི་སྤྱི་ཚོགས་ནང་དབྱེན་སྦྱོར་དཀྲུག་ཤིང་བསླངས་ནས་བོད་མིའི་ཆིག་སྒྲིལ་གྱི་ནུས་པ་གཏོར་བཤིག་གཏོང་བ་འདི་ལས་སོ་བའི་བྱ་བ་ཞིག་ག་ལ་དགོས། རི་བོང་ཅལ་རྗེས་འབྲང་བ་དག་གཟབ་གཟབ་མ་བྱས་ན་ཐལ་བས་གཡོགས་པའི་མེ་དོང་དུ་ལྷུང་ཉེན་ཆེ་ཞེས་སྐུལ་ལོ།།མདོར་ན་༧གོང་ས་མཆོག་ནི་བོད་མིའི་ཆིག་སྒྲིལ་དང་སྟོབས་ཤུགས་ཀྱི་འབྱུང་ཁུངས།བོད་མི་རིགས་འཆི་ལམ་ནས་སྐྱོབ་མཁན་ཡིན་ནོ་ཞེས་ནན་ཏན་དུ་བཤད་པར་འདོད་དོ།།རི་བོ་གངས་ཅན་གྱི་ངོས་ནས་བྱ་གླག་རྒོད་པོ་གཙུག་དགུ་བར་འབོད་པས་ཆེད་དུ་བསྒྲགས་པའོ།།
གདངས་རྙིང་པ་དེར་ཚིག་གསར་བ་འདི་འཇུག་འོས།
གུང་ཁྲན་ཏང་མི་བཟང། གུང་ཁྲན་ཏང་ཐོན་ནས། བོད་ཡུལ་མུན་པས་བཏུམ་སོང།
ཡིག་བཞིན་ནོར་བུ་བཟང། ཡིད་བཞིན་ནོར་བུ་མེད་ན། རྒྱལ་ཁའི་རེ་བ་འདི་མེད་ངེས།
༧གོང་ས་མཆོག་དང་། ཁོང་གིས་ལོ་མང་དཀའ་བ་བརྒྱ་ཕྲག་གིས་བཙུགས་བཞག་པའི་གཞུང་གི་སྒྲིག་འཛུགས་བཟང་པོ་འདི་ལ་དུས་རྒྱུན་དུ། ལོག་པར་ལྟ་མཁན་ཚོའི་མགོ་ལ་ལོ་རྒྱུས་ཀྱི་རང་བཞིན་ལྡན་པའི་དངོས་ཡོད་གནས་ལུགས་དང་བདེན་པ་ར་སྤྲོད་ཀྱི་ཐོ་བ་ཞིག་ཕོག་སོང་སྙམ།
ད་ཤེས་སོང་། བཀའ་དྲིན་གྱི་ཆེད་དུ་དྲང་བདེན་དང་མ་འོངས་ཁེ་ཕན་བློའི་བཏང་དགོས་བ་རེད། དེ་ལྟར་ཡིན་ན་ཕ་མ་ལས་འཇིག་རྟེན་འདི་གལ་ཆེ་བ་མེད་པས་དེ་སྐད་ཆ་ལས་གཞན་དུ་སློབ་དགོས་དོན་མེད་དེ། ཕ་མའི་བཤད་པའི་སྐད་ཆ་ལས་བདེན་པ་མེད་དེ། ཕ མ་ལས་བཀའ་དྲིན་བ་མེད་པས་སོ། ཤར་གླིང་མང་གཙོ་ཡང་དག་མི་ཡོང་བའི་རྒྱུ་མཚན་གཙོ་བོ་ཡང་ཤར་གླིང་རྣམས་བཀའ་དྲིན་འཇལ་རྒྱུ་དགའ་བས་རེད། བཀའ་དྲིན་གྱི་ཆེད་དུ་རང་བཙན་དོར། བསམ་བློ་བ་རེད།
༼མི་འཇོན་འཇོན་མདོག་བྱེད་མཁན་རེ་འགས་བོད་རང་བཙན་རྩོད་དགོས་ཟེར་ནས་༧གོང་ས་དང་ཟམ་གདོང་རིན་པོ་ཆེ་སོགས་ལ་སྒྲོ་སྐུར་མང་དུ་ཞུས་དང་ཞུ་བཞིན་པ་འདི་དག་ཐམས་ཅད་འབྱུང་བའི་གནས་མེད་ཅིང་གོ་ སྐབས་མེད་པ་ཁོ་ནའོ་ཞེས་ཚིག་ཐག་བཅད་ནས་བཤད་ཆོག ༽
རིགས་ཀྱི་བུ་དེ་དེ་བཞིན་ནོ། །དེ་དེ་བཞིན་ཏེ། ཇི་ལྟར་ཁྱོད་ཀྱིས་བརྗོད་པ་དེ་བཞིན་དུ་དཔྱོད་ལྡན་དྲང་པོའི་ལམ་དུ་ཞུགས་པ་ཀུན་གྱིས་དེ་ལྟར་སེམས་ཤིང་ཡང་ནས་ཡང་དུ་བརྗོད་པར་བྱེད་དོ།།
དེང་སང་ཡི་གེ་ཐོར་རེ་བ་རེ་འབྲི་ཤེས་པ་དང་ཆབ་སྲིད་ཐར་ཐོར་རེ་བཤད་ཤེས་པ་དེ་གས་གློ་བ་འཚིམ་སྟེ། ཁོ་བོ་ནི་སུ་ལས་ཀྱང་མཁས་ཤིང་ཀུན་ལས་ཀྱང་བླ་ན་མེད་པའོ་སྙམ་པའི་རང་མཐོང་ཞིག་གིས་བོད་ཀྱི་ལོ་རྒྱུས་ནང་དུས་ནམ་ཡང་བཀའ་དྲིན་གཞལ་ཐབས་མེད་པའི་ཤཱཀྱའི་དགེ་སྦྱོང་ཁོང་ལ་བརྙས་ཐབས་སྣ་ཚོགས་ཤིག་བྱེད་ཀྱི་འདུག་པར་མ་ཟད། རང་མཐོང་རང་རློམ་གྱིས་ཕྱི་ནང་གང་ལ་ཡང་སྤོབས་པ་དང་བཅས་གཟེངས་མཐོར་སྒྲོག་པ་ནི་རང་མཚང་ཕྱིར་འདོན་པ་ཙམ་ལས་མ་འདས་མོད། ཨ་ཕའི་ཁ་ཕོར་ནང་རང་སྐྱག་ཚ་བོ་ཞིག་བཏང་སྟེ་འཁོས་ཆུང་ནང་མི་རྣམས་ལ་དཔའ་བློ་ཁོག་ངོམས་པ་དང་འདྲ་བ་ལ་འདི་དག་ལ། ཅི་འདྲ་ཞིག་ལ་སྨྲ་བརྗོད་རང་དབང་དང་། དམངས་གཙོའི་ཁྱད་ཆོས་ཟེར་བ་སོགས་ཀྱི་ཟབ་སྦྱོང་གནད་དུ་འཁེལ་བ་རེ་གལ་ཆེ་བར་འདུག དེང་སང་ཀླུ་མཁར་བྱམས་གཅིག་པུ་མ་རེད། གཞོན་ནུ་དང་བུད་མེད་ཚོགས་པ་སུ་ཡང་དེ་འདྲ་མཐོང་རྒྱུ་འདུག
དྲ་གྲོགས་དཀོན་ཤེར་ནས་བཤད་པ་བདེན་པ་འདུག་་་་ཡིན་ན་ཡང་ཀ་ལི་ཀ་ཏ་ན་ཡོད་པའི་རྒྱ་མི་རྣམས་ནི་ལོ་བརྒྱ་ཞིག་གི་ཡར་སྔོན་ནས་ཡོད་པ་ལས་ང་ཚོ་བཙན་བྱོལ་ལ་ཡོང་དུས་སྐབས་དང་བསྡུར་ས་མེད་་་་ཁོ་ཚོ་ཡང་ང་ཚོ་ནང་བཞིན་ངོ་མང་པའི་སྔོན་ལ་སྐྱབས་བཅོལ་བ་གཅིག་པ་ལོ་རེ་ལ་རྒྱ་གར་གཞུང་ལ་དེབ་སྐྱེལ་བྱེད་དགོས་་་ད་ལྟའི་སྐབས་མང་ཆེ་བ་རྒྱ་གར་ཡུལ་མི་ནང་བཞིན་ཆགས་ཡོད་པ་བདེན་ལགས་་་བཙན་བྱོལ་ནས་གོང་ས་མཆོག་ནས་དཀའ་ལས་རྒྱབ་ནས་འདི་ལྟ་བུའི་ཉི་མ་ཞིག་ཡོད་པ་ཁེས་མི་ལེན་མཁན་དག་ལ་མིག་དང་རྣ་བ་མེད་པ་འདྲ་་་་་་གཞན་བོད་ནང་ནས་པན་ཆེན་རིན་པོ་ཆེ་ནས་དཀའ་ལས་རྒྱབ་དེ་གཅེས་པའི་སྐུ་སྲོག་ཡང་ཤོར་བ་ཡང་ཞོར་ཏུ་བརྗེད་ནི་ཉན་་་་
མི་འདི་ཚོས་ལ་དཀའ་ངལ་འཕྲད་སྐབས་དངུལ་གཉིས་གསུམ་ཞིག་སྤྲད་ཚེ་དེའི་བཀའ་དྲིན་བསམ་ཤེས་ཀྱི་ཆེད་ཚེ་གང་དྲང་བདེན་དང་གནས་ལུགས། ཁེ་ཕན་ལ་གུས་བཀུར་མི་བྱེད་པ་ཐག་གཅོད་རེད། བོད་མི་རྣམས་བཀའ་དྲིན་འཇལ་རྒྱུ་མོས་བས་གོང་ཁྲན་གྱི་ཐོབ་མཁན་རྣམས་ཀྱིས་མི་རིགས་ཀྱི་བདེན་དོན་ལ་ཅི་ཡང་མི་སེམས་པར་བཀའ་བསམ་ཤེས་ཀྱི་ཚུལ་དུ་ཏང་གི་་བཀའ་བཀོད་བཞིན་འགྲོ་བ་བཞིན་ད་ལྟ་བཙན་བྱོལ་དུའང་བསམ་མཁན་མང་བས། བཟང་རྟགས་རེད། མུ་མཐུད་དུ་ཕྱིན། མི རིགས་ཀྱི་བདེན་དོན་བཀའ་དྲིན་བསམ་ཤེས་སུ་བརྗེ་སྟེ་ཕྱིན། ཡ་རབས་ཀྱི་སྤྱོད་པ་རེད།
བཀའ་དྲིན་བསམ་མི་ཤེས་མཁན་ནི་དུད་འགྲོ་དང་ཁྱད་པར་མེད། དེང་སང་དུད་འགྲོ་མི་ཡི་མགོ་ཅན་ཇེ་མང་རེད།
རེད་ཡ། ཡང་རྒྱ་སྡེ་ཚང་གི་མི་རང་ས་རྒྱ་དངུལ་ཏཱ་ཡང་དང་འཚོང་བྱེད་མཁན་སྐོར་ཞིག་སླེབས་སོང་།
མི་འདི་ཚོ་ག་དུས་ཡིན་ཡང་མདུང་རྩེ་ཁ་ནང་དུ་གཏད་ཐུབ་ཙམ་ལས་མདུང་རྩེ་ཁ་ཕྱིར་གཏད་མི་ཐུབ་པ་ནི་དེ་འདྲའི་ཡ་མཚན་པ་ལ། དེ་འདྲའི་༧གོང་ས་མཆོག་དང་བཙུན་པ་ཟམ་གདོང་ཚང་ལ་བཀའ་དྲིན་བསམ་ཤེས་ཡོད་ན་གུང་ཁྲན་ཚང་གིས་རྒྱུན་དུ་མཚན་སྨོད་ཞུས་ཞུས་རེད་ལ། ༧གོང་ས་མཆོག་ཡུ་རོབ་དང་ཨ་རི་སོགས་སུ་མཛད་འཕྲིན་གང་དུ་ཡང་ལྷ་འདྲེ་གདོན་བགེགས་ཚོགས་པས་མཚན་སྨོད་དང་ངོ་རྒོལ་བྱས་དང་བྱེད་བཞིན་པར་སྨྱུག་ཁ་སྐོར་ཙམ་ཡང་མེད་པ་ཅི་ཡིན་ནམ། གུང་ཁྲན་ཚང་དང་ལྷ་འདྲེ་གདོན་བགེགས་ཚོགས་པར་སྐྲགས་པ་ནི་ཡིན་རྒྱུ་མ་རེད་པ།
དབུ་ལམ་ལྟ་གྲུབ་པ་དང་རང་བཙན་ལྟ་གྲུབ་པ་གཉིས་ལྟ་གྲུབ་མི་མཐུན་པའི་གནད་དོན་ཙམ་ལས་དེ་འདྲའི་ཕན་ཚུན་མདུང་རྩེ་གཏད་རེས་བྱ་རྒྱུ་ཞིག་གི་གནད་དོན་རྩ་བ་ནས་མ་རེད། འོ་ན་བོད་པའི་སྤྱི་ཚོགས་ནང་རང་བཙན་ལྟ་གྲུབ་པ་ཡོངས་མི་ཆོག་པ་འདྲ་ཞིག་བཙན་བྱོལ་སྒྲིགས་འཛུགས་ཀྱི་བཅའ་ཁྲིམས་ལེའུ་གང་དུ་གསལ་འདུག་གམ། དབང་ཆ་གཅིག་བསྡུས་རིང་ལུགས་ཡིན་ན་མ་གཏོགས་སྤྱིར་དམང་གཙོའི་སྤྱི་ཚོགས་ནང་ལྟ་གྲུབ་འདྲ་མིན་ཡོངས་ཆོག་ལ་དམང་གཙོའི་སྒྲུབ་བྱ་གལ་ཆེན་ཞིག་ཀྱང་རེད། དུས་དང་རྣམ་པ་ཀུན་ཏུ་བཙན་བྱོལ་སྒྲིག་འཛུགས་ཀྱི་ངོས་ནས་དམང་གཙོ་དང་འདྲ་མཉམ་སྨྲ་བརྗོད་རང་དབང་སོགས་ཁ གཡང་ཆེན་པོ་སྒྲོགས་བཞིན་པ་མ་རེད་པས། ད་དུང་དམངས་གཙོ་གླེང་ཁུལ་བྱས་པ་ནི་ཞལ་དགད་ཀྱི་གནས་མ་ཡིན་ནམ། དམངས་གཙོ་མགོ་ཚོད་ཀྱི་མེད་ན་ནུབ་ཕྱོགས་ཀྱི་དམངས་གཙོ་ཡང་དག་པའི་ལྟ་གྲུབ་ལ་སློབ་སྦྱོང་ངེས་པར་དུ་བགྱིས་དང་དེ་ནས་ཧ་གོ་མདོག་ཁ་པོ་རེད།
ལྟ་གྲུབ་མི་མཐུན་པའི་གནད་དོན་གླེང་བར་རྒྱུ་མཚན་དུ་བྱས་ཏེས་མཚན་སྨོད་ཞུས་པ་རེད་ལབ་ན་གུང་ཁྲན་ཚང་དང་ལྷ་འདྲེ་གདོན་བགེགས་ཚོགས་པར་ཅི་ཞིག་བརྗོད་ཀྱི་ཡིན་ནམ། མ་གཞི་འཇམ་ནོར་དང་ཀླུ་མཁར་བྱམས་ཀྱིས་རང་ཉིད་ཀྱི་བསམ་ཚུལ་དངོས་གླེང་བ་མ་གཏོགས་མཚན་སྨོད་ཞུས་པ་ཞིག་གང་དུ་ཡང་རིག་མ་སོང་། མགོ་གཏད་རིང་ལུགས་པའི་རྣམ་འགྱུར་ཡ་མ་བརླ་ཅན་གྱི་མགོ་གཉིས་མ་འདི་ཚོས་བཀའ་དྲིན་བསམ་ཤེས་ཡོད་མདོག་སྟོན་པ་ལས་དོན་ངོ་མར་ལྷ་འདྲེ་དོན་བགེགས་ཚོགས་པ་དང་ཀྲུང་ནན་ཧེའེ་ལ་སྨྱུག་ཁ་སྐོར་ཙམ་ཡང་མི་བྱེད་པར་མདུང་རྩེ་ནང་དུ་གཏད་དེ་རང་བཙན་ལྟ་གྲུབ་པར་རྒོལ་སྟངས་ལ་བལྟས་ན་མི་འདི་ཚོ་གུང་ཁྲན་འཐབ་ཕྱོགས་གཅིག་བསྒྱུར་པུའི་བཀོད་མངགས་འོག་ཡོད་པའི་རྣམ་པ་གསལ་པོ་འདུག། ངོ་རྒོལ་ཡོད།
དཀོན་མཆོག་ཤེས་རབ་ཟེར་བ་དེ་ཡང་། ཨ་ལགས་འཇིག་མེད་གྱི་ཨབ་ཕྲུག་ཞིག་ཡིན་པ་ཐག་གིས་ཆོད། འདི་ཚོ་གི་རིགས་འདིའི་སྤྱི་ཚོགས་ནང་ལ་ཕྱོགས་སློང་དཀྲུག་ཤིང་འཕེན་པ། མི་ཤེས་ན་ཤེས་མདོག། མི་དཀར་པོ་ལ་ཞྭ་ནག་པོ་གཡོག་ན་འགྲིག་གི་མ་རེད། མི་འདི་ཚོ་གི་གྲང་ལ་བསྟན་དགྲ་ཟེར། ཤེས་དགོས་བ་ཞིག་ལ། ཀླུ་མཁར་བྱམས་ཀྱིས་བོད་སྤྱི་བའི་ཆེད་དུ་རང་བཙན་གཙང་མ་ཡིན་ཞེས་རྒྱ་ནག་གཞུང་ལ་རྩོད་གི་ཡོད་པ་རེད་མ་གཏོགས།
གོང་ས་མཆོག་ལ་རང་བཙན་རྩོད་གི་ཡོད་པ་མ་རེད། གང་ལྟར་རང་བཙན་རྩོད་ན་རེད་དབུ་མའི་ལམ་རྩོད་ན་ཡང་རེད། གང་རྩོད་འདོད་ན་འདོད་པ་རེད། དེ་སོ་སོས་ཐོབ་ཐང་དང་དབང་ཡང་རེད། གཉིས་ཆ་རྩོད་དགོས་ཀྱིས་རེད། ལམ་གཅིག་རྩོད་སྡོད་ན་ཁྱི་རྒྱུག་ན་ཅི་བྱེད་རྡོ་ཚར་ན་ཅི་བྱེད་དཔེར་བཞིན། གོང་ས་མཆོག་གིས་ཡང་རེ་བ་ཡག་ས་ལ་རྒྱོབ་གྲ་སྒྲིགས་སྡུག་ས་ནས་བྱས་ཞེས་གསུང་བ་ནང་བཞིན་རེད།
དེང་སྐབས་བོད་ནང་དགེ་འདུན་པ་མང་པོས་སོ་སོའི་སྐུ་སྲོག་མེ་ལྷའི་ཞལ་དུ་ཕུལ་ནས་རྒྱ་དམར་ལ་ངོ་རྒོལ་གནང་བའི་གནས་ཚུལ་རེ་རེ་བཞིན་གོ་དུས་སེམས་ཧ་ཤང་ཕམ་ཡང་བྱ་ཐབས་ནི་གང་ཡང་མེད།
གལ་སྲིད་ཀུན་གཟིགས་པཎ་ཆེན་སྐུ་ཕྲེང་བཅུ་པ་བཞུགས་ཡོད་ན་གནས་ཚུལ་སྐྱ་ཟད་སྔོ་ལ་ཐུག་པའི་ཐབས་སྐྱོ་དེ་འདྲ་རང་ཆགས་མི་སྲིད། ཁོང་ཞལ་བཞུགས་དུས་མཐོ་པད་ཅིང་དཔོན་ལ་དབུ་མ་མགུར་བར་གདོང་དམར་བོད་པ་འདིའི་ཆེད་དུ་ལག་ལེན་དངོས་ཀྱི་འཐབ་རྩོད་གནང་ཡོད་ལ། མདོ་དབུས་ཁམས་གསུམ་གྱི་ས་ཁུག་ལུང་ཁུག་གྲོང་དང་གྲོལ་འདལ་ཀུན་ཏུ་ཞབས་ཀྱིས་བཅགས་ནས་རང་མི་རིགས་ཀྱི་གནས་སྟངས་ངོ་མ་སྤྱན་གྱིས་གཟིགས་པ་དང་། གདུང་འབོད་རྣམས་སྙན་གྱིས་གསན་ནས་དཔོན་ངན་བཟའ་རྔམས་ཅན་གྱི་བྱ་ངན་དང་། ཉམས་ཐག་མི་མང་གི་དཀའ་ངལ་རྣམས་དབུས་པད་ཅིང་གཞུང་ལ་འཇིགས་མེད་ཐུགས་སྟོབས་ཆེན་པོས་ཞུས་ནས་དཀའ་ངལ་མང་པོ་ཞིག་སེལ་ཐུབ་པ་བྱུང་བ་དང་། ས་གནས་དཔོན་ངན་མང་པོ་སྐད་ཤོར་ནས་ད་ཡག་པོ་མ་བྱས་ན་པཎ་ཆེན་བླ་མ་ཡོང་གི་རེད་ཟེར་སྐད་ཤོར། དེ་བཞིན་རིས་མེད་ཀྱི་གདན་ས་ཁག་གསར་བཞེངས་དང་། བཤད་སྒྲུབ་སློབ་གཉེར་ར་རྒྱས། ལྷག་པར་བོད་མི་སྤྱི་བོ་གནམ་བསྟན་ཡོངས་ཀྱིས་བོད་ཡིག་འབྲི་ཀློག་ཐུབ་པ་ཙམ་མ་ཟད་རང་རྐྱ་ཕེར་བ་དགོས་པའི་བཀའ་སློབ་ཙམ་མིན་པར་དེའི་ཆེད་དུ་སྒྲིག་གཞི་གསར་བཟོ་དང་། སློབ་གྲ་གསར་རྒྱག་སོགས་གནང་བའི་བཀའ་དྲིན་ལས་ད་ལྟ་བཙན་བྱོལ་ནང་བོད་ཡིག་གི་དྲུང་ཡིག་དང་། དུས་དེབ་དང་། གསར་ཤོག་ཁག་གི་རྩོམ་སྒྲིག་པ། སློན་གྲ་ཁག་གི་སློབ་དགེ་སོགས་མདོར་ན་བོད་ཡིག་དང་འབྲེལ་བའི་ལས་ཀའི་ས་མིག་ཡོངས་རྫོགས་ཀ་ཅ་གསར་འབྱོར་རྣམས་ཀྱིས་འཕྲོག་པ་ཡང་ཀུན་གཟིགས་ཁོང་གི་བཀའ་དྲིན་ཡིན།
ཁོང་མེད་པའི་རྗེས་ལ་བོད་ནང་གི་བོད་མི་རྣམས་ཕ་མེད་དྭ་ཕྲུག་ཏུ་གྱུར་ནས་ལུས་སེམས་གཉིས་སྡུག་གི་ཁེངས་ཀྱང་རེ་སའི་མགོན་དང་། ཞུ་སའི་སྐྱབས་མེད་པས་འུ་ཐུག་ཐབས་ཟད་ནས་དེ་ལྟར་གནང་དགོས་པ་ཆགས་ཡོད།
ཡོད་དུས་ཚོང་པ་རྒྱག་པའི་མིང་གིས་དམོད།
མེད་དུས་བཀའ་དྲིན་ཅན་ཞེས་བཙུག་ཏུ་བཀུར།
ཝ་སྐྱེས་རྒན་པོའི་སྤུན་ཅན་བོད་མིའི་གཤིས།
དུས་བཞིའི་གནམ་གཤིས་ལས་ཀྱང་འགྱུར་བ་མང་།
གང་གི་ཡང་སྤྲུལ་ཉི་མ་གཞོན་ནུ་དང་།
དགེ་འདུན་གྲུབ་པའི་གདན་སའི་བླ་སྤྲུལ་སོགས།
ཉེས་མེད་རྒྱལ་སྲས་མཁས་དབང་བགྲངས་ཡས་པ།
ཆོས་མེད་ཀླ་ཀློའི་ལག་ཏུ་སྦྱིན་འདི་སྐྱོ།
གྲུ་འཛིན་མགོན་ལ་ལྐོག་ཏུ་ངན་སྨད་བྱེད།
འོད་མཚན་མགོན་ལ་ཚོང་པའི་མིང་གིས་སྙད།
ཐོད་དཀར་པུར་རྒྱལ་བོད་ཀྱི་འགྲོ་བ་འདིས།
བདག་ཅག་སྟོན་པ་བྱོན་ཡང་འཕྱ་བར་ངེས།
དམར་
ངོ་མ་མྱི་འདི་ཚོ་སྙིང་རྗེ་བ་ཞིག་འདུག བོད་ནང་ཁུལ་ནས་རང་མི་རིགས་ཀྱི་ཆེད་རང་ཉིད་ཀྱི་སྐུ་སྲོད་མེ་ལ་སྒྲོན་བཞིན་འདུག འདི་ན་ཞབ་ཆུང་ཁ་ཤས་ཀྱི་རང་མི་རིགས་ཀྱི་ནང་ཁུལ་ལ་ཉོག་བཟོ་ནས་དམིགས་ཡིད་གང་ཞིག་ཡོད་ན། ༸གོང་ས་མཆོག་ལ་ཤ་ཚ་གི་ཡོད་དམ་ཡང་ན་བསམ་སྦྱོར་གཞན།
དངོས་གནས་ཡ་མཚན་རེད།དེང་སང་བཙན་བྱོལ་ནང་བོད་མི་སྐོར་ཅིག་གིས་ཇི་ཙམ་བོད་མི་རིགས་ལ་བཀའ་དྲིན་ཆེ་བ་༧གོང་ས་སྐྱབས་མགོན་ཆེན་པོར་རྒྱབ་ལྗོངས་དང་གཞི་རྩ་མེད་པའི་སྐུར་འདེབས་བྱས་ན།མི་དེ་བོད་མི་ལ་ཤ་ཚ་ཅན་དང་སྙིང་སྟོབས་ལྡན་པ།རང་དབང་དང་གུ་ཡངས་ཀྱི་བསམ་བློ་ཡོད་མཁན་ཅིག་ལ་བརྩིས་ཏེ་བསྔགས་བརྗོད་ངོ་སོ་བསྟོད་ཅིང་།༧གོང་ས་སྐྱབས་མགོན་ཆེན་པོའི་གསང་གསུམ་མཛད་འཕྲིན་བློ་ཡུལ་དུ་གཤོང་དཀའ་བར་ཆེ་བརྗོད་ཅུང་ཙམ་བྱས་ན་མི་དེ་རྒྱ་ནག་གཞུང་གི་རྒྱུགས་ཁྱི་དང་ཏཱ་ཡང་གིས་བསླུས་ཟིན་པ།བོད་རྒྱལ་ཁབ་བཙོང་མཁན་ཡིན་པ་སོགས་བོད་ཕྱི་ནང་གཉིས་ཀར་ཏཱ་ལའི་བླ་མའི་རྗེས་འབྲངས་པ་ཚོ་སྔོན་འཐོན་པ་ཚོའི་ལག་ནས་ཐར་ཐབས་དཀའ།
ལར་ཀླུ་མཁར་དང་འཇམ་ནོར་རྗེས་འབྲངས་དང་བཅས་པ་བོད་ཞེན་ཡོད་མཁན་དང་ཡར་འཐོན་ཅན་གང་ཡང་མ་རེད།དཔེ་བཞག་ན།འཇམ་ནོར་གྱི་མིག་ནང་དུ་༧གོང་ས་ཆེན་པོའི་གང་མཛད་ལོག་པར་མཐོང་བ་ནི་དེ་སྔ་འོས་སྒམ་ནང་གི་ནོར་བུ་དང་མང་གཙོ་ལ་སྒུག་པ་སོགས་བྲིས་ནས།༧རྒྱལ་དབང་གིས་ཞལ་ནས་མང་གཙོ་གསུང་པ་མ་གཏོགས་དོན་གྱིས་དབང་ཆ་སྒེར་འཛིན་ངང་མང་གཙོ་ངོ་མ་ཡོང་གི་མེད་པ།མང་གཙོ་ཡང་དག་ཅིག་ཡོང་དགོས་ན་༧རྒྱལ་བའི་དབང་ཆ་རྩིས་སྤྲོད་དགོས་པ་བཅས་བཤད་ཡོད་རུང་།
ཉེ་སྔོན་༧རྒྱལ་བའི་སྲིད་དབང་རྩིས་འབུལ་སྐབས་འཇམ་ནོར་གྱིས་དེ་དུས་ལ་བབ་མེད་པ་དང་བློ་འཚབ་ཡོད་པ།ནོར་འཁྲུལ་ཡིན་པ་དང་༧རྒྱལ་དབང་གིས་དགའ་ལྡན་ཕོ་བྲང་ཚུན་སྒེར་འཛིན་བྱས་ཏེ་བོད་ཀྱི་རྒྱལ་རབས་ལོ་རྒྱུས་དང་རང་བཙན་ནག་བསུབ་བཏང་སོགས་ཉམས་རྒུད་ཀྱི་འགོ་ཚུགས་ཞེས་པའི་རྩོམ་ཡིག་ནང་འཁོད་ཡོད།
ཀླུ་མཁར་ནས་ནམ་རྒྱུན་གཞི་རྩ་མེད་པའི་སྒྲོ་སྐུར་སྣ་ཚོགས་བཤད་བསྡད་པ་ནི་ཁོ་རང་གིས་ཁ་གསོ་ཐབས་ཙམ་ཡིན་པས་ཧ་ལས་རྒྱུ་མེད་རུང་།ཁ་ཤས་ནས་ཁོ་སྙིང་སྟོབས་ཅན་དང་རང་ཚུགས་ཅན་༧གོང་ས་མཆོག་ལ་མཚན་སྨད་མི་ཞུ་མཁན་ལྟ་བུར་བརྩི་བཞིན་པ་ནོར་འཁྲུལ་རང་ཡིན།ཁོས་༧རྒྱལ་བ་རིན་པོ་ཆེས་སྲིད་སྒེར་འཛིན་བྱས་རབས་ཉེ་ལམ་མང་པོ་བཤད་ཡོད་ལ།སྲིད་དབང་རྩིས་སྤྲོད་བྱས་རྗེས་ཡང་རྒྱ་གར་སོགས་ལ་བསྟུན་དྲག་ནས་བོད་བཙོང་པ་དང་༧སྐུ་ཕྲེང་བཅུ་གསུམ་པ་ལ་དཔེ་འགེབས་ཀྱིས་༧བཅུ་བཞི་པར་ཟུར་ཟ་དང་ཁྱད་བསོད་སྣ་ཚོགས་བྱས་རྗེས།བོད་གཞུང་གི་མིང་དེ་གནས་ཐབས་ཆེད་༧རྒྱལ་དབང་གིས་བོད་མི་རྣམས་རྒྱལ་ཁབ་གཞན་ལ་སྐྱབས་བཅོལ་དུ་འགྲོ་དུས་སུ་བབ་ཡོད་པ་སོགས་བཤད་པས།
ཟམ་གདོང་གིས་ནད་མ་འཁྱོག་པར་༧གོང་ས་ཆེན་པོར་རྒྱུ་མཚན་མེད་པར་ཚད་བརྒལ་གྱི་གནས་དུས་ཚོད་རྩིས་རེད་ཅེས་བསྡོམས་བརྒྱབ་ཡོད་དུས།མདོར་ན་མི་དེ་ཚོ་དཔའ་བོའི་ཡ་ཐོད་དགྲར་ངོམ་རྒྱུའི་ཚབ་ཏུ་ཀླེན་པའི་ཁུ་ཚུར་ཨ་མ་ལ་ངོམ་མཁན་ཞེ་གཅིག་ཡིན་པས།དེ་འདྲའི་གྲས་ལ་བསམ་བློ་ཡར་འཐོན་ཅན་སོགས་སུ་བགྲང་པ་ནི་རྐུན་མ་དཔའ་དར་དང་སྤྱང་ཀི་ལ་རྣ་ཙོར་རང་ཡིན་པ་རེད།
མཁས་དབང་འཇམ་དབྱངས་ནོར་བུ་དང་ཨ་ཚོགས་གླུ་མཁར་བྱམས་གཉིས་ཀྱིས་༧གོང་ས་མཆོག་ལ་གཞི་མེད་བཀུར་འདེབས་བྱས་ཡོད་ན་ནོར་འཁྲུལ་རེད། ནོར་འཁྲུལ་ཚབ་ཆེན་རེད། དེ་ནང་བཞིན་དྲ་འབུ་ཤོག་ཁག་གིས་འཇམ་ནོར་དང་གླུ་བྱམས་ལ་གཞི་མེད་བཀུར་འདེབས་བྱས་པ་དེ་ཡང་ནོར་འཁྲུལ་རེད། ནོར་འཁྲུལ་ཚབ་ཆེན་རེད། ཟིན་བདག་དཀོན་ཤེས་ཀྱི་སྐད་ཆ་འདི་ལས་གཞི་མེད་བཀུར་འདེབས་ཆེ་བ་ཞིག་ག་ན་ཡོད། མདོར་ན་འདི་ནས་འཇམ་ནོར་དང་གླུ་བྱམས་གཉིས་ནས་ཅི་ཡང་མི་འཇོན་རབ་དང་གང་མི་ནུས་རབ་བཤད་མཁན་ཚོ་ལ་ལྟོས་ན་འཇམ་ནོར་དང་གླུ་བྱམས་གཉིས་མི་དྭང་མ་གཉིས་དང་མི་འཇོན་པོ་གཉིས་ལ་རྩི་ཆོག
རྒྱ་ནག་གཞུང་མིན་ན་བོད་རང་བཙན་ལ་ཁ་གཏད་ཆོག་མཁན་བོད་རང་གི་ནང་ལ་ཡོད་པ་འདི་ལ་ཧ་ཅང་གི་བློ་ཕམ་ཡོད་ཇོ་བོ་རིན་པོ། མི་འདི་ཚོས་བཤད་སྲོལ་ཡིན་ན། བོད་ནང་ལ་རང་སྲོགས་བློས་གཏོང་བྱས་ནས་བོད་རང་བཙན་ཡིན་ཞེས་འབོད་ཚིགས་སྒྲོགས་ནས་ངར་ལུས་མེར་བསྲེགས་བཏང་བ་དེ་འགྲིགས་མི་འདུག་ག། མི་འདི་ཚོ་ལ་རྒྱ་གཞུང་གིས་དངུལ་སྤྲད་ནས་ང་ཚོའི་ནང་ལ་དཀྲུག་ཤིང་འཕེན་གྱིས་ཡོད་པ་འདྲ། ངེས་བར་དུ་རྩར་གཅོད་བྱས་དགོས།
བོད་ནང་གི་བོད་མི་ཚོས་བོད་རང་བཙན་ཡིན་ཟེར་ནས་སྐད་འབོད་དང་། རང་སྲོག་བློས་བཏང་། བཙན་བྱོལ་ནང་ཡོད་པའི་བོད་མི་རྣམས་ཀྱིས་བོད་རྒྱ་མིའི་འོག་ཡིན་ཟེར་ནས་སྐད་འབོད་བྱེད།་་་
འདིར་ཁག་ཅིག་གིས་ཧ་མི་གོར་ཧོན་རྒྱུགས་དང་ཁྱི་རྒྱ་ལིས་བསྐོར་རྒྱུགས་རང་བྱེད་ཀྱིན་འདུག།བོད་རང་བཙན་བརྩད་མི་ཆོག་ཅེས་སུས་བྲིས་འདུག།།བོད་མི་རིགས་ཉམས་རྒུད་གཉན་འཕྲང་གི་དུས་རབས་འདིར་༧རྒྱལ་དབང་༡༤པའི་རྣམ་དཔྱོད་དང་མཛད་འཕྲིན་ལ་བརྟེན།བོད་མི་ལོ་བརྒྱ་ཕྲག་མང་པོར་བྱུང་མ་མྱོང་བའི་ཆིག་སྒྲིལ་ཐུབ་པ་དང་བློ་སྟོབས་འཕེལ་བ།རེ་བའི་མིག་འབུར་གཏོད་ས་ཅིག་བྱུང་སྟེ་བོད་ནང་དུ་རང་དབང་འཐབ་རྩོད་ཀྱི་མེ་རླབས་འཕྱུར་བ་དང་བོད་ཕྱི་ནས་ང་ཚོར་མགོ་དཀྲོག་དཀྲོག་དང་ཁ་རྒྱགས་པས་མང་གཙོ་དང་རང་དབང་སོགས་བཤད་གཞི་ཅིག་བྱུང་བ་རེད།
དེ་འདྲ་སོང་༧རྒྱལ་དབང་བཅུ་བཞི་པ་འདི་བོད་མིའི་རང་དབང་འཐབ་རྩོད་ཀྱི་གཞུང་ཤིང་དང་བོད་འཆི་གསོན་གྱི་བླ་སྲོག་ཡིན་པ་རྒྱ་ནག་གཞུང་ནས་ནམ་རྒྱུན་ཏཱ་ལའི་བླ་མ་བདུད་རེད་སོགས་འུ་ཐུག་གི་སྨྲེ་ངག་འདོན་བཞིན་པ་ལས་ཤེས་ཐུབ་པ་ཡིན།
ད་འདི་གར་བོད་མི་ཁག་ཅིག་གིས་རང་བཙན་གྱི་དར་ཆ་ཁ་ལ་ཁྱེར་ནས་རྒྱ་ནག་གཞུང་ཆེས་སྐྲག་ས་༧རྒྱལ་དབང་མཆོག་དང་བོད་མིའི་བར་གྱི་དད་དམ་དང་ཡིད་ཆེས།གུས་བརྩི་སོགས་གང་ཐུབ་མེད་ཐབས་བྱས་ན།མི་འདི་ཚོའི་ཀུན་སློང་ལ་ངེས་པར་ཡིད་ཟབ་བྱེད་དགོས་པ་ཅིག་དང་ཁྱི་དང་གློ་བ་འཕྲད་པ་ལྟར་ཟ་རྐྱང་བྱེད་རྒྱུ་ཅིག་ནི་མིན་པར་སྙམ།
གནས་ཚུལ་འདི་རིགས་གོང་ནས་རེ་ཟུང་གིས་བཤད་པ་ལྟར་རང་བཙན་དང་ལམ་དབུ་མའི་ལྟ་གྲུབ་འཐབ་རྩོད་ཅིག་ཨེ་ཡིན་ནམ།རང་བཙན་རྩོད་མཁན་བོད་མིའི་ནང་མང་པོ་ཡོད་པ་བདེན་དོན་རེད།འོན་ཀྱང་ཁོང་ཚོ་ཚང་མས་གནང་སྟངས་གོང་གི་མིང་སྨྲོས་པ་ཁག་དང་མི་འདྲ་བ་འདུག།དེར་བརྟེན་ད་ཆ་ང་ཚོའི་རྩོད་རྡོ་གནད་འགག་༧རྒྱལ་དབང་མཆོག་དང་འཇམ་ནོར་གཉིས་ལས་སུས་བོད་བཙོང་གི་རེད་བསླུ་ཀི་རེད།ང་ཚོ་སུ་ལ་ཡིད་ཆེས་ཡོད་མེད་དང་།གཉིས་སུ་ཟམ་གདོང་བླ་མ་དང་ཀླུ་མཁར་གཉིས་ནས་སུ་ལ་བོད་མི་རིགས་ཆེད་ལག་རྗེས་ཆེན་པོ་ཡོད་མེད།ཕྱི་ནང་རིག་གནས་སྤྱི་དང་ཆབ་སྲིད་འཛིན་སྐྱོང་ཁྲིམས་ལ་སོགས་གང་ཆ་ནས་སུ་མཁས་པ་འདུག།མིའི་གཤིས་སྤྱོད་ཐོག་ནས་སུ་ལ་རང་ཚུགས་བརྟན་པོ་ཡིད་ཆེས་འཕེར་ངེས་དང་སུ་ཅོལ་ཆུང་འདུག་པ་སོགས་རྩོད་པ་འདི་ཡོང་གཞི་རེད།
དེ་བས་དྲ་རོགས་ཚོ་དངོས་གནས་བོད་ཞེན་ཅན་ཡིན་ན་བོད་མིའི་གསོན་སྙིང་ལ་སྦར་བྲད་འདེབས་མཁན་ཁ་ཤས་ཀྱི་དེ་ཉིད་ཕྱི་ལ་བསྟན་པར་རང་བཙན་ནག་སུབ་དང་ནང་མགོ་ཕྱི་བཙོང་སོགས་ཀྱི་ཐུགས་དོགས་གནང་དགོས་མེད།ཡང་ཁ་ཤས་ནས་ཆེད་མངགས་དམིགས་ཡུལ་ངན་པ་བཟུང་སྟེ་ཚང་མ་མགོ་འཐོམ་དང་དཀྲུག་ཤིང་སོགས་བྱེད་འདོད་ཀྱིས་སྨྱོན་པའི་ལབ་བརྡོལ་སྐད་ཆ་ཡ་མ་ཟུང་ཆེད་དུ་བཤད་ཀི་ཡོད་ཀྱང་སྲིད་པ་རེད།
དེང་རྒྱ་ནག་གཞུང་གི་མངོན་གསལ་དོད་པོའི་དམིགས་ཡུལ་ཆེན་པོ་གཅིག་ནི་བཙན་བྱོལ་ནང་༧རྒྱལ་དབང་མཆོག་དང་ལྟ་བ་ཐ་དད་འཛིན་མཁན་ཚོ་བེད་སྤྱོད་བྱས་ཏེ་བོད་མི་དང་༧རྒྱལ་དབང་གི་དད་དམ་གཙང་མ་མེད་པར་བཟོ་རྒྱུ་དང་བོད་མིའི་ཆིག་སྒྲིལ་ནུས་པ་ཆབ་སྲིད་ལྟ་གྲུབ་འདྲ་མིན་འོག་འཐོར་བཅུག་རྒྱུ་སོགས་ཡིན་པས།སྤྱི་ཚོགས་ནང་ཚད་འཛིན་ཆ་འཇོག་འཕེལ་བའི་མི་དེ་འདྲ་མ་གཏོགས་དེང་སང་ང་ཚོ་མི་གང་བྱུང་གི་ཁ་ལ་རྒྱུགས་ཆོག་དུས་ཚོད་ཅིག་མིན་པ་ཟབ་འཚལ།།།།
ཁྲི་རལ་ཁྱེད་ཀྱི་དམ་ཚིག་ནི་ཤོག་བུ་བཞིན་སྲབ་སྲབ་ཅིག་དང་།གཞན་གྱིས་ཟེར་རྗེས་འབྲངས་ཆོག་ཆོག་ཅིག
ད་དུང་གཞན་ཡང་དེ་ལྟར་བསམས་པ་ནི་ནོར་འཁྲུལ་རེད།ང་ཚོ་དེ་འདྲ་མིན་པས་ཁྱེད་ཀྱིས་བསླབ་བྱ་དགོས་དོན་མེད།རབ་བྱུང་ན་སོ་སོའི་སྙིང་ནད་ཡིན་ཞེས་ཁ་བསེངས་རོགས།དེ་མིན་ཆོ་མེད་ཅ་ཅོལ་མ་འདོན།
༸གོང་ས་མཆོག་སྐུ་ཚེ་ཡུན་དུ་བརྟན་འགྱུར་ཅིག །
ལྷ་སྐྱིད་ལགས་སུ།
ཁྱོད་ལྷ་སྐྱིད་མ་རེད་འདྲེ་སྐྱིད་རེད། །
ཁྱོད་སྨྲ་སྐྱིད་མ་རེད་བཙུམ་སྐྱིད་རེད། །
ཚིག་འདི་དག་ཤོད་མཁན་མི་ཤེས་ན། །
ང་ཀརྡོ་རབ་འབྱམས་མིང་ཅན་ཡིན། །
ཕོ་མིན་མོ་མིན་ལྷ་སྐྱིད་མིང་ཅན་པ་།
རྒྱ་མིན་བོད་མིན་གཏམ་འཆལ་མ་གསུང་རོག
ག་ལབ་དེ་ལབ་མེད་པའི་གཏམ་འཆལ་དེ་།
རྒྱ་འདྲེའི་དངུལ་གྱིས་བསླུས་པ་མིན་ན་ཡང་།
བཀའ་དྲིན་བསམ་ཤེས་མེད་པའི་འདྲེ་མོ་འདྲ།
རང་བཙན་གཙང་མས་བོད་མིའི་བདེ་སྡུག་བསམ།
དབུ་མའི་ལམ་གྱིས་བོད་མིའི་བདེ་སྡུག་བསམ།
བསམ་པ་ཐམས་ཅད་བོད་མིའི་ཆེད་དུ་ཡིན་།
ཀླད་སྟོང་དྲ་འབུ་རྣམས་ཀྱིས་སེམས་ལ་ཞོག
ལྷ་སྐྱིད་ནི་གུང་ཇག་གིས་རྡ་སར་བཏང་བའི་གཞོང་ཚོང་མ་ཞིག་མིན་འགྲོ ཡུག་ས་མ་འདིའི་སྐད་ཆར་དོ་སྣང་བྱེད་དགོས་པ་མི་འདུག་ལ། དྲ་བདག་ཁ་བརྡ་ཚང་གིས་ཕྱིར་འབུད་གཏོང་ན་ཅི་ལ་མི་ཆོག
བོད་ཀྱི་ན་གཞོན་ཁག་ཅིག་གིས་ཁ་ཚུར་འཁོར་ནས་བོད་ཀྱི་བླ་མ་དང་གྲྭ་བ་སྤྱི་ཚོགས་ཀྱི་རྡོག་ཁྲེས་ཡིན་ཚུལ་དང་དོན་མེད་ཡིན་ཚུལ་གྱི་རྩོམ་ཡིག་བཙན་བྱོལ་ནང་གང་མང་མཐོང་རྒྱུ་འདུག །འདི་དག་མཐོང་ན་སེམས་པ་སྐྱོ་དགོས་པ་རེད། ད་དུང་སྐྱབས་མགོན་རིན་པོ་ཆེ་ཁ་གཏོང་མཁན་དེ་ཚོས་ཁ་ནས་བོད་རང་བཙན་དང་དབུ་མའི་ལམ་ག་ཚོད་ཅིག་བཤད་ཀྱང་དེ་ཚོའི་སྐད་ཆ་ལ་ཡིད་ཆེས་གཏན་ནས་མེད། བོད་མི་རིགས་ཀྱི་ཐོབ་ཐང་མི་ཤེས་པའི་བླུན་པོ་དང་དམར་པོའི་ལྟ་བ་ཁོག་ལ་ཞུགས་ཚར་བའི་མི་དེ་ཚོས་བོད་རང་བཙན་དང་དབུ་མའི་ལམ་ནི་མ་ནི་འདོན་འདོན་བཞིན་སྐྱོར་ཡང་དེ་ལ་དོན་དག་ག་རེ་ཡོད་པ་རེད། སུ་ཞིག་གིས་ཆ་འཇོག་བྱེད་ཐུབ་ཀྱི་རེད། བོད་ཀྱི་རིག་གཞུང་གི་དྲི་མི་བྲོ་བའི་མི་དེ་ཚོས་རང་བཙན་བརྩད་ཀྱང་དགོས་པ་ཆུང་། བོད་ཀྱི་རིག་གཞུང་དང་སྐད་ཡིག་ལ་དོ་སྣང་ཡོད་མཁན་ཞིག་གི་ངོས་ནས་བོད་མི་རིགས་ཀྱི་ཁྱད་རྟགས་གཙོ་བོ་སྐད་ཡིག་དང་རིག་གཞུང་གི་སྒང་ན་ཡོད་པ་ཤེས་དགོས་པ་དེ་གལ་ཆེན་པོ་རེད། མི་དེ་དང་དེའི་རིགས་རྒྱུད་ཁུངས་དེད་ནས་སོང་ན་བརྩད་ཆོད་རྒྱུ་ཁག་པོ་རེད། དེ་བས་བོད་མི་རིགས་དང་འབྲེལ་བའི་བྱ་བཞག་འདི་བོད་ཀྱི་ལས་དབང་ལ་ཡོད་པ་རེད། གོམས་གཤིས་དང་རིག་གཞུང་དང་འབྲེལ་ནས་ཡོད་པ་རེད། བོད་རིགས་རྣལ་མ་ཞིག་ཡིན་ན་ཆོག་གི །མིན་ན་ཆོག་གི །དེ་གལ་ཆེན་པོ་མ་རེད།
འགྲེལ་བཤད་ག་ཚོད་རྒྱབ་ཀྱང་ཆོས་སྲིད་ཟུང་འབྲེལ་ནི་འཛམ་གླིང་ནང་ཆེས་རྗེས་ལུས་ཀྱི་ལམ་ལུགས་ཤིག་ཡིན་པས་དགེ་ཕན་བཅུ་ལས་གྱོང་གུད་དགུ་བཅུ་ཡོད་པ་འཛམ་གླིང་ཀུན་གྱིས་འཚོར་ཤིང་གང་ཐུབ་ཀྱིས་དོར་བའི་སྐབས་སུ། ལག་ཏུ་ཡང་སྐྱར་ལེན་འདོད་སྐྱེས་བ་ནི་འཇིག་རྟེན་གྱི་ཁ་ཕྱོགས་མ་རྟོགས་པའི་སྐྱོནརེད། དེ་སྔོན་མི་དེ་འདྲ་མང་པའི་རྒྱུ་མཚན་ལ་རྟེན་ནས་བོད་འདི་ཤོར་བ་རེད།
༡༽༸རྒྱལ་པཎ་རྣམ་གཉིས་ཞཱ་སེར་བསྐྱངས་ཁོ་ནས།།
ཁ་བའི་ལྗོངས་སུ་མཚན་སྙན་རྒྱས་མིན་ཏེ།།
བྷོ་བྷབྷདྷདྷགྷཏྲའི་ལྗོངས་ཀྱི་འགྲོ་བ་མཐའ་དག་ལ།།
འཕྲལ་ཕུགས་ཆོས་སྲིད་ལམ་མཆོག་སྩལ་བས་ཀྱང་།།
༢༽མཆན་མཁན་ལྷ་སྐྱིད་དབང་པོ་རྟུལ་ཁོ་ནས།།
འབྱུང་པོའི་བྱ་ཡི་རྗེས་སུ་སོང་མིན་ཏེ།།
ཉོན་མོངས་དུག་ཆུ་འཁོལ་བའི་ཀུན་སློང་ཀྱིས།།
ཉིན་ཟླ་མུན་པར་མཐོང་བའི་ཚུལ་དེས་ཀྱང་།།
ལྷ་སྐྱིད་ཁྱེད་རང་གིས་བཤད་པ་དངོས་གནས་རེད། རྒྱལ་དབང་ཡབ་སྲས་གཉིས་མེད་ན་བོད་ཤི་བ་རེད། པཎ་ཆེན་སྐུ་ཕྲེང་བཅུ་པ་དེ་མེད་པ་ནས་བཟུང་བོད་ནང་གི་སློབ་གྲ་ཁག་ཏུ་བོད་ཡིག་སློབ་ཚན་དེ་ཤི་བ་དང་། བོད་པ་གཞོན་སྐྱེས་རྣམས་ཀྱིས་ཕ་མེས་ནས་བརྒྱུད་པའི་རིག་གཞུང་དེ་སྦྱང་རྒྱུའི་གོ་སྐབས་དེ་་ཤི་བ་རེད། གདན་ས་ཁག་ཏུ་དགེ་འདུན་པར་ནང་ཆོས་སྦྱང་རྒྱུར་བཀག་འགོག་བྱེད་པ་དང་། གདན་ས་རྣམས་འགྲེམ་སྟོན་ཁང་ལྟ་བུར་བཟོས་པ་སོགས་དགེ་འདུན་པ་རྣམས་ཀྱི་ནང་ཆོས་རང་དབང་གི་སྦྱང་རྒྱུའི་གོ་སྐབས་དེ་ཤི་བ་རེད། འབྲོག་པ་རྣམས་ཡངས་པའི་རྩ་ཐང་དུ་རྩ་གང་བཟང་དང་། ཆུ་གང་བཟང་དུ་བག་ཡངས་ཀྱི་འཚོ་བ་བསྐྱལ་རྒྱུའི་གོ་སྐབས་ཤི་བ་དང་། ཞིང་པ་རྣམས་ཀྱི་ཕ་མེས་ནས་གནང་བའི་ཞིང་ས་རྣམས་བཙན་འཕྲོག་བྱས་པས་ཁོང་ཚོའི་རང་དབང་གི་འཚོ་བ་དེ་ཤི་བ་རེད། ད་ལྟ་བོད་ནང་གི་བོད་མི་རྣམས་རི་དབང་གིས་གནོན་པ་ལྟ་བུའི་སྡུག་མངལ་ཡོད་ཀྱང་ཞུ་ས་མེད། ཀུན་གཟིགས་མཆོག་དེ་བཞུགས་པའི་སྐབས་སུ་བོད་མི་ས་ཡ་དྲུག་གི་དཀའ་ངལ་ཇི་ཡོད་རྣམས་པད་ཅིང་དཔོན་ངན་རྣམས་ལ་གདོང་དང་གདོང་བསྟན་ནས་ཞུས་པ་དང་། དཀའ་ངལ་མང་པོ་ཞིག་ཐད་ཀར་སེལ་ཐུབ་པ་བྱུང་། ཁོང་གི་བོད་ནང་དུ་དགེ་ལུགས་པ་གཅིག་པོའི་ཆེད་དུ་ཕྱག་ལས་གནང་མིན་ནི་མདོ་དབུས་ཁམས་གསུམ་གྱི་བོད་མི་རྣམས་ཀྱིས་མཁྱེན་བཞིན་པ་དང་། པཎ་ཆེན་རིན་པོ་ཆེ་དགེ་ལུགས་པ་ཁོ་ནའི་ཆེད་དུ་ཕྱག་ལས་གནང་བའི་བསམ་ཚུལ་ཡོད་ན། ཁོང་དགོངས་པ་རྫོགས་ནས་ལོ་༢༠་ལྷག་ཕྱིན་པ་རེད། ད་བོད་ནང་གི་བླ་མ་གཞན་པ་རྣམས་ཁོང་ལྟ་བུའི་མཛད་པ་ཞིག་སྐྱོང་དགོས་པའི་བོད་མི་མང་ལ་དགོས་མཁོ་ཡོད་ཀྱང་གང་དུ་ཡིབ་པ་རེད། ལྷ་སྐྱིད་ལགས།
༧གོང་ས་༧སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་གི་མཛད་པ་རྣམ་ཐར་ནི་མིག་ལོང་དང་རྣ་འོན་ཕྱོགས་ལྷུང་གདོན་གྱིས་མྱོས་པ་ཞིག་མ་ཡིན་ན་མཁྱེན་ངེས། གཞན་ཕར་ཞོག་ད་ལྟ་བར་དུ་ང་ཚོ་བཙན་བྱོལ་ནང་ཟས་གོས་གནས་མལ་ལ་དཀའ་ངལ་མེད་པར་མགོ་བོ་བཀྱག་ནས་འགྲོ་ཐུབ་པ་དེ་ཡང་༧གོང་ས་མཆོག་གི་བཀའ་དྲིན་མ་ཡིན་ནམ། ལྷ་སྐྱིད་ཁྱེད་རང་གསར་འབྱོར་བ་ཞིག་ཡིན་ན་བལ་ཡུལ་སྣེ་ལེན་ཁང་ནས་བཟུང་ཁྱེད་བསམ་པ་ལོག་ལམ་དུ་མ་ཕྱིན་བར་དུ་ཟས་གོས་གནས་མལ་སོགས་་སུས་གནང་བྱུང་དེ་དུས་ཁྱོད་དགེ་ལུགས་པ་ཡིན་མིན་སྐད་ཆ་འདྲི་གི་འདུག་གམ། གཞིས་ཆགས་ཡིན་ན་དེ་བས་ཤོད་མི་དགོས་པ་ཞིག་རེད།།
ཀུན་གཟིགས་མཆོག་ནི་རྩ་བ་ནས་མེད་པ་ཆགས་ཟིན་པ་རེད། ༧གོང་ས་མཆོག་བགྲེས་ཡོལ་དུ་ཕེབས་པ་རེད། ད་འཇོན་པོ་ཡོད་ན་དོན་ཤོག
རྒྱ་ནག་ནང་རོབ་རྩིས་བྱས་ན་ནང་པ་ས་ཡ་བརྒྱ་དང་བདུན་ཅུ་ཙམ་ཡོད་རབས་འདུག །དེའི་ནང་ནས་བོད་ཀྱི་ནང་ཆོས་ལ་དོན་གཉེར་བྱེད་མཁན་གྲངས་འབོར་མང་དུ་ཕྱིན་འདུག་ཅེས་ཁ་སྔོན་བོད་དུ་ལྟ་སྐོར་ཕྱིན་པའི་གྲྭ་བ་ཞིག་གིས་བརྗོད་སོང་། ལྷག་པར་རྒྱལ་བ་རིན་པོ་ཆེ་ལ་དད་འདུན་རྩེ་གཅིག་ཏུ་ཡོད་པའི་རྒྱ་རིགས་ས་ཡ་མང་པོ་ཡོད་པ་དང་ཁོང་ཚོས་རིན་པོ་ཆེ་ལ་དགའ་མོས་བྱེད་པ་དང་། ཐ་ན་རིན་པོ་ཆེ་ལ་འཚང་ཁ་ཤིག་ཤིག་གིས་བསྔོ་རྟེན་ཕུལ་རོགས་ཟེར་མཁན་ཡང་མང་པོ་བྱུང་འདུག འདི་ལྟར་བལྟས་ནས་སོང་ན་རྒྱ་བོད་མི་རིགས་གཉིས་ཀྱི་མཛའ་བཤེས་ཀྱི་འདུ་ཤེས་འདི་བོད་ཀྱི་ནང་ཆོས་ཀྱི་ཤུགས་རྐྱེན་རེད། དེང་སང་བཙན་བྱོལ་གྱི་ལྟེ་གནས་རྡ་ས་དང་གདན་ས་ཁག་ན་རྒྱ་ཡིག་འཛིན་གྲྭ་ཚོགས་པ་དང་གྲྭ་བ་ཚོར་རྒྱ་ཡིག་སློབ་པ་ཡག་པོ་རེད། ཆོས་དང་སྲིད་གཉིས་ཁ་ཁ་རེད། ཆོས་སྲིད་ཟུང་འབྲེལ་བྱེད་པ་ནི་ཡ་ཐོག་རིང་མོའི་སྐད་ཆ་རེད། ངོ་བོའི་ཐད་ནས་ཆོས་ནི་གཞན་རྒྱལ་རང་ཕམ་དང་སྲིད་ནི་རང་རྒྱལ་གཞན་ཕམ། ཇོ་བོ་རྗེས། གྱོང་དང་ཕམ་ཁ་རང་གིས་ཁུར།།ཁེ་དང་རྒྱལ་ཁ་གཞན་ལ་བྱིན། །གསུངས་པ་ལྟར་རེད། སྲིད་དོན་པ་ཟེར་ན་རྒྱ་ནག་གུང་ཁྲན་ལྟ་བུ་དགོས་པ་རེད། ཆོས་ལུགས་པ་ཟེར་ན་རྒྱན་དྲུག་མཆོག་གཉིས་ལྟ་བུ་ཞིག་དགོས་པ་རེད། ཆོས་མིན་སྲིད་མིན་གྱིས་བོད་འདི་ཕོངས་རྒྱུ་ཉག་གཅིག་རེད།
བདེན་པ་རེད། ༧གོང་ས་མཆོག་གི་མཛད་པ་འཕྲིན་ལས་འཛམ་གླིང་ནང་མ་ཁྱབ་པའི་ཡུལ་ལུང་ཅིག་ཀྱང་མེད་པ་ནི་བདེན་པ་རེད་ལགས། སྨྲ་ཤེས་དོན་གོ་བ་མིའི་མཚན་ཉིད་ཡིན་པར་བརྟེན་༧གོང་ས་མཆོག་གི་མཛད་པ་འཕྲིན་ལས་མ་ཤེས་མཁན་སུ་ཡོད། ཡིན་ཡང་མི་རེ་སུང་གི་༧གོང་ས་མཆོག་ལ་མཚན་སྨད་སྒྲོ་སྐུར་བྱས་པ་དེས་༧གོང་ས་མཆོག་ལ་མཚན་སྨད་འགྲོ་བ་དང་། ཁོང་གི་མཛད་པ་འཕྲིན་ལས་ལ་བར་ཆད་ཡོང་མི་སྲིད།། བོད་པ་ཚང་གི་གཏམ་དཔེ་ལ། ཆུ་གཙང་དྲག་ན། ཉ་མ་སྐྱིད་ཟེར་བའི་དཔེ་ཞིན་རེད།། གལ་སྲིད་༧གོང་ས་མཆོག་གི་མཛད་པ་འཕྲིན་ལས་འདི་དག བོད་མི་ནང་ཁུལ་དུ་ངོ་སོ་གཏང་རེས་བྱས་ན། ལྷ་ས་གཙོ་བའི་དབུས་ལ་འོས་བབ་ཡོད་དགོས། རྒྱུ་མཚན་རྒྱ་བ་སྐུ་འཕྲེང་རིམ་བྱོན་འཕྲུལ་མེད་བདག་བསྐྱངས་བྱས་པ་དང་། ༧སྐུ་འཕྲེང་བཅུ་བཞི་བ་མཆོག་མདོ་སྨད་ཨ་མདོ་ནས་མི་རྒྱུ་གཉིས་སྤྲད་ནས་ལྷ་ས་གཙོས་པའི་དབུས་ཀྱིས་ཉོས་པའི་ཕྱིར།། ཡིན་ཡང་ལྷ་ས་གཙོས་བའི་དབུས་ཀྱི་མི་བོད་གཞུང་ལས་ཁུང་ཁག་དང་། གྲོས་ཚོགས་ནང་མིན་འདུག་ན། བོད་མི་ས་ཡ་དྲུག་གི་ངོ་ཚབ་ཟེར་བ། བོད་མིའི་ཅིག་སྒྲིལ་ཟེར་བ། བོད་མིའི་དམངས་གཙོ་ཟེར་བ། ཁ་སྟོང་ནང་གི་ལྕེ་སྟོང་རེད།།
བདེན་པ་རེད། ༼རྒྱ་མིས་ཆེད་དུ་མངག་པའི་སོ་བ་མ་ཡིན་པའི་དབང་དུ་བཏང་ཡང་སོ་བའི་བྱ་བ་དང་ལྡན་ན་དོན་གྱིས་སོ་བ་ཡིན་ཏེ།༽བྱ་བ་འདི་རིགས་སོ་བའི་བྱ་བ་དང་ལྡན་ནམ།།
ཀ༽སྤྱི་འཐུས་ལ་མ་བསྟན་པའི་ཡིག་ཆ། དཔེ་ཅིང་སྲིད་གཞུང་ལ་སྤྲད་པ།།
ཁ༽བོད་གཞུང་གིས་ཁེ་ལས་དེ་དག་ནང་ཁུལ་བརྒྱུད་ཚོང་བྱས་པ།།
ག༽བོད་མིའི་རང་དབང་གཅེས་འཛིན་ལག་དེབ། དཔྱ་ཁྲལ་ལག་དེབ་ཏུ་རྒྱུར་བ།།
ང༽བོད་ཀྱིས་དེན་དོན་མྱུར་དུ་གསལ་བའི་ཆེད། མགུ་རུ་ང་འདྲ་མའི་སྐུ་འདྲ་ཚོང་གི་ཡིན་ཟེར་ནས། བོད་ཕྱི་ནང་གཉིས་ལ་དངུལ་གྱི་ཁ་བསླུས་བརྒྱབ་པ།། ཅ༽བོད་མིའི་བསོད་ནམ་འཕེལ་ཆེད་སྟོན་པའི་གསེར་གྱིས་ལྷུང་བཟེད་ཟེར་ནས། བོད་ཕྱི་ནང་གཉིས་ལ་དངུལ་གྱི་ཁ་བསླུས་བརྒྱབ་པ།། ཆ༽བཀའ་ཁྲིའི་དུས་ཡུལ་རྫོགས་ལ་ཉེ་བའི་སྐབས།
ཚ་ཚ་འུར་འུར་གྱི་བཙན་བྱོལ་བོད་གཞུང་བསྡུ་གསོག་བརྒྱབ་པ།།
ཇ༽ཐག་སྔོན་ལ་བཅད། གྲོས་རྗེས་ལ་དྲི་བའི་ལུགས་སྲོལ་འདི་རིགས་སུའི་ལུགས་སྲོལ་རས།། ཉ༽ཡང་མིང་ལ་འགྱུར་བ་ཕྱིན་པ་ལས། དོན་ལ་འགྱུར་བ་ཕྱིན་མེད་ཟེར་བའི་གཡོ་གཏམ་མིན་ན་གང་རས།། འོན་ན། དོན་ལ་འགྱུར་བ་ཕྱིན་མེད་ན། མིང་འགྱུར་དགོས་པའི་རྒྱུ་མཚན་གང་རས།། ཏ༽ངས་ད་བར་ཁྲི་བྱང་རྡོ་རྗེ་འཆང་གི་བཀའ་སྒྲུབ་པ་ལས། བོད་རྒྱལ་ཁབ་དང་མི་རིགས་ཀྱི་དོན་དུ་གང་ཡང་སྒྲུབ་མྱོངས་མེད་ཟེར་དུས།། དོན་དངོས་བོད་གཞུང་འདི་ལོ་བཅུའི་རིང་བླ་མ་ཟམ་གདོང་གི་ཁྱིམ་ཚང་མིན་ན་གང་རེད་ལགས།།།
སྐྱིད་ཆུ་ཚང་ལགས།༧གོང་ས་སྐྱབས་མགོན་ཆེན་པོ་ལྟ་བུ་བྱང་ཆུབ་སེམས་དཔའ་འཁོར་འདས་ཀྱི་ཆོས་ཐམས་ཅད་སེམས་ཀྱི་རོལ་རྩེད་ཙམ་དུ་མཐོང་བསྡད་པ་ཅིག་ལ།བསྟོད་སྨད་གང་བྱས་ན་བྱེད་མཁན་ཁོ་རང་ལ་བསོད་ནམས་ཀྱི་ཚོགས་འགྲིབ་པ་ལས་༧གོང་ས་མཆོག་ལ་ཕན་གནོད་གང་ཡང་མེད་མོད།
ད་ཆ་བོད་མིའི་ངོ་བོ་དང་ཆིག་སྒྲིལ་གྱི་སྟོབས་ཤུགས་གཙོ་བོ་༧གོང་ས་མཆོག་དང་ལུས་དང་གྲིབ་མ་བཞིན་འགྲོགས་ཡོད་པས།༧ཁོང་ཉིད་ལ་མཚན་སྨད་སྒྲོ་སྐུར་འདྲ་མིན་བྱས་ན་བོད་མི་མང་པོ་སེམས་ཤུགས་འཆགས་གཞི་དང་ནང་ཁུལ་མི་མཐུན་པ།ཡང་གཏད་སོ་མེད་པ་མང་པོ་ཅིག་མི་ངན་གྱི་ཁ་ལ་རྒྱུགས་ནས་མཐར་རང་གཞན་ཕུང་ལ་སྦྱོར་ཉེན་བཅས་ཡོད་སྟབས།དེས་བོད་མི་རིགས་ལ་གནོད་ཀྱི་ཡོད་པ་རེད།
དེ་ནས་དབུས་དང་ལྷ་ས་པ་སྤྱི་འཐུས་མེད་པ་ནི་སྟོད་པ་ཚོ་འཇོན་དྲག་ནས་ཁྱོད་ཚོར་མགོ་འགྱོག་མ་བཅུག་པ་ཡིན་ཙང་།ཁོ་ཚོ་ལ་རྙོག་བྲ་བཤད་དགོས་པ་ལས་བཙན་བྱོལ་བོད་མི་སྤྱི་ལ་ཁ་གཏོང་ས་གང་ཡང་མེད་པ་རེད།
ཟམ་གདོང་རིན་པོ་ཆེར་བཀའ་བཀྱོན་མང་པོ་ཕབ་འདུག་མོད་ཁོང་བཀའ་ཁྲི་ལ་འཇོག་མཁན་དབུས་གཙང་མི་མང་རེད།དེ་འདྲར་སོང་ཁྱོད་རང་ཚོས་རྗེས་མར་ནོར་འཁྲུལ་དེ་འདྲ་མི་བཟོ་རྒྱུར་ནང་ཚགས་གོ་བསྡུར་བྱས་ན་ལེགས་བསམ།
འདྲེ་ཕྲུག་འདི་ཚོའི་ལག་གིས་འབུ་གཅིག་གསོད་མི་ཐུབ། །
ཁ་ནས་འཛམ་གླིང་ཧྲིལ་བོའི་ལོ་རྒྱུས་གང་བྱུང་སྨྲ། །
ལབ་རྒན་འདི་ཚོས་༧གོང་ས་མཆོག་དང་རང་གཞུང་ལ། །
ཚད་མེད་སྒྲོ་སྐུར་བྱེད་པའི་ཁ་ལ་སྐྱག་པས་མཆོད། །