ཀ་ཉག་ཚེ་རིང་གིས།
རྒྱ་ཆེ་བའི་བོད་མི་དང་བོད་དོན་རྒྱབ་སྐྱོར་གནང་མཁན་ཚང་མ་ལ་ངས་ཀྱང་འདི་ནས་བསྐྱར་དུ་དྲན་སྐུལ་ཞིག་ཞུ་རྒྱུར། རྣམ་པ་ཚང་མ་གཤམ་གྱི་དྲ་ལམ་འདིར་ཞུགས་ནས། མཚན་རྟགས་འགོད་རོགས་གྱིས། དྲ་ལམ་གྱི་མཚན་རྟགས་འགོད་སྟངས་ནི། རང་ཉིད་ཀྱི་མིང་དང་། གློག་འཕྲིན་ཁ་བྱང་འགོད་རྒྱུ་ཙམ་ཡིན་པས་དེ་ལུགས་ཀྱིས་ལས་འགུལ་འདིར་མཉམ་ཞུགས་གནང་རོགས་ཞུ། http://standupfortibet.org/enough/dk-speakup-petition-1/
ལས་འགུལ་འདི་ནི་རྒྱལ་སྤྱིའི་བོད་དོན་ལས་འགུལ་འབྲེལ་མཐུད་ཁང་གིས་གོ་སྒྲིག་གནང་བ་ཞིག་ཡིན་ཞིང་། ཚོགས་པ་འདི་ནི་རྒྱལ་ཁབ་མང་པོའི་ནང་གི་གཞུང་འབྲེལ་ཡིན་མིན་ཅི་རིགས་ཀྱི་བོད་དོན་གྱི་ཚོགས་པ་བརྒྱ་དང་སུམ་ཅུ་ལྷག་གི་བར་དུ་འབྲེལ་མཐུད་ཀྱི་ཕྱག་ལས་གནང་བཞིན་པའི་ཚོགས་པ་ཞིག་ཡིན་ཞིང་། ཚོགས་པ་འདིས་དེ་སྔ་རྒྱལ་སྤྱིའི་རང་བཞིན་གྱི་བོད་དོན་ལས་འགུལ་མང་པོའི་ནང་ནུས་པ་ངེས་ཅན་ཐོན་མྱོང་བའི་ཚོགས་པ་གལ་ཆེན་ཞིག་རེད། ཚོགས་པའི་ངོས་ནས་འདི་ལོའི་ཕྱི་ཟླ་ ༡༢ ཚེས་ ༡༠ བར་དུ་མི་ཁྲི་ལྔས་མཚན་རྟགས་འགོད་རྒྱུའི་རེ་བ་བཟུང་ཡོད་པ་དང་། ཉིན་མོ་དེ་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་དང་། ༸སྤྱི་ནོར་གོང་ས་སྐྱབས་མགོན་ཆེན་པོ་མཆོག་ལ་ནོར་བྷེར་ཞི་བདེའི་གཟེངས་རྟགས་གནང་བའི་ཉིན་མོ་ཡང་ཡིན་ཞིང་། ཉིན་དེར་རྒྱལ་ཁབ་མང་པོའི་ནང་གི་བོད་དོན་ཀྱི་ཚོགས་པ་ཁག་ཐུན་མོང་གི་ནུས་པ་གཅིག་ཏུ་སྤུངས་ནས། རྒྱལ་ཁབ་མང་པོས་མཉམ་འབྲེལ་སྒོས་རྒྱ་ནག་གཞུང་ལ་སྐྱོན་བརྗོད་དང་། གནོན་ཤུགས་སྤྲོད་རྒྱུའི་ལས་འགུལ་ཞིག་འགྲོ་བཞིན་པ་དངོས་སུ་ལག་བསྟར་ཡོང་བའི་རེ་བ་གནང་གི་ཡོད་པ་དེའི་རྒྱབ་ལྗོངས་སུ་ཕུལ་རྒྱུ་ཡིན་འདུག་པས། དེ་ལུགས་ཀྱིས་ཐུགས་སྣང་ཆེན་པོས་རང་ཉིད་ཀྱི་ནང་མི་གཉེན་ཉེ་ཚང་མས་མཚན་རྟགས་འགོད་རྒྱུ་དང་། གྲོགས་པོ་ངོ་ཤེས་གང་མང་མཉམ་ཞུགས་ཡོང་བའི་སྐུལ་མ་གནང་རྒྱུ་བཅས་ལ་དྲན་སྐུལ་ཙམ་དུ།
ཕྱི་ལོ་ ༢༠༡༡ ཟླ་ ༡༡ ཚེས་ ༡༥ ལ།
རླབས་ཆེ་བའི་ལས་འགུལ་འདི་ལ་བོད་རིགས་ཚང་མས་རྒྱབ་སྐྱོར་བྱེད་ངེས་རེད།
བསྟན་འཛིན་རྒྱ་མཚོ
ལས་འགུལ་བཟང་བྱུང་།
དཔེ་ཡག་པོ་རེད་ཡིན་ན་ཡང་ད་དུང་ངོ་དེབ་སོགས་སུ་ཁྱབ་སྒྲགས་བྱེད་ཐུབ་ན་དེ་ལས་དགེ་མཚན་ཨེ་ཡོད་སྙམ། བསམ་ཚུལ་ཙམ་ཡིན།
ལས་འགུལ་སྤེལ་བ་རྒྱབ་སྐྱོར་ཡོད།
བདེན་པ་དང་འཚེ་མེད་ཀྱི་ལས་གཞི་རྒྱ་ཆེ་འདི་རིགས་ལ་རྒྱབ་སྐྱོར་ལོས་ཞུ། ཚང་མས་རང་རང་གི་ང་དེབ་སོགས་སུ་བླངས་ནས་ཁྱབ་བསྒྲགས་གནང་རོགས།
ལསའགུལ་བ་གྲ་ཀ་ཉག་ཚེ་རིང་ལ་རྒྱབ་བསྐྱོར་རྒྱ་ཐམ་པ་ཡོད