ཅོག་རོང་གི་མྱི།
བབས་ཀྱང་རུང་མ་བབས་ཀྱང་རུང་། འབེབས་པ་ལས་མ་བབས་ན་དགའ་བའི་སྦྲང་ཆར་དུས་དེབ་ལ།
སྤྱིར་སྦྲང་ཆར་འགོ་བཙུགས་ནས་ལོ་འཁོར་སུམ་ཅུ་འགོར་བ་ནི་སྐྱོ་འོས་པའི་གནས་ཤིག་ཡིན་པ་མ་གཏོགས་དགའ་མོས་བྱེད་དོན་སྤུ་ཙམ་མེད་ལ་དོ་སྣང་བྱེད་དོན་ཡང་ཁྱོན་ནས་མེད། ཉེ་སྔོན་དྲ་ཐོག་ནས་སྦྲང་ཆར་ལ་རྟེན་འབྲེལ་དང་བསྟོད་པ་དང་རང་བསྟོད་རྒྱ་ཆེན་བྱེད་པ་དེ་མཐོང་ནས་གང་དང་གང་ལ་ནམ་རྒྱུན་རྗེས་སུ་ཡི་རང་བྱེད་ཐུབ་ཐུབ་ཀྱི་རང་བཞིན་ལྡན་པའི་བདག་གིས་རྗེས་སུ་ཡི་མི་རང་བའི་ཚིག་ག་གཅིག་གཉིས་ཙམ་བཤད་འདོད་བྱུང་། སྦྲང་ཆར་ནི་རྒྱུགས་ཁྱི་ཡིན།
ལོ་ངོ་སུམ་ཅུ་སྔོན་ལ་རྒྱ་ནག་གི་རིག་གནས་གསར་བརྗེའི་མཇུག་རྫོགས་ནས་བཅོས་སྒྱུར་སྒོ་འབྱེད་ཞེས་པའི་སྲིད་ཅུས་སྔར་ལས་ཅུང་གུ་ཡངས་བ་ཞིག་སྤེལ་པའི་དུས་སུ་སྨྲ་སྒོ་དང་རིག་རྩལ་སོགས་ཀྱི་སྒོ་ཡང་སྔར་ལས་རང་དབང་ཅུང་ཟད་ལྡན་པའི་སྲིད་ཇུས་ཤིག་རྒྱ་གཞུང་གིས་སྤེལ། དེ་དུས་མེ་ཏོག་བརྒྱ་མཉམ་བཞད་དང་མཁས་བརྒྱ་མཉམ་གླེང་ཟེར་བའི་སྐབས་དེ་དང་བསྟུན་ནས་སྦྲང་ཆར་བོད་ཀྱི་ས་ཐོག་ཏུ་བྱོན། དེ་དུས་སྦྲང་ཆར་གྱི་དམ་བཅའ་ནི་བོད་ཀྱི་རྩོམ་རིག་དར་སྤེལ་བྱེད་པ་དེ་ཁོ་ན་ཡིན། ཡིན་ནའང་ཅུང་མ་འགོར་བར་གུར་པ་ཁྱོ་ཧྤུ་ཡིས་ཨ་རུ་སུའི་གུང་ཁྲན་རིང་ལུགས་ཀྱི་སྲིད་དབང་ཞི་བའི་སྒོ་ནས་མཚམས་བཅད་དེ་མ་རྩ་རིང་ལུགས་ལ་བསྒྱུར་བའི་དོན་རྐྱེན་ལས་རྒྱ་ནག་ལ་༨༩ལོའི་གནམ་བདེ་སྒོ་མོ་ཆེའི་གྱེན་ལངས་བྱུང་བས་རྒྱ་གཞུང་གིས་སྨྲ་སྒོ་དང་རིག་རྩལ་གྱི་རང་དབང་ཕྱིར་བསྡུ་བྱས་ཏེ་དུས་ད་ལྟ་བར་དུ་དམ་འཛིན་བྱས་དང་བྱེད་བཞིན་ཡོད། གུང་ཁྲན་ཏང་གི་དམ་འཛིན་ལ་ངོ་རྒོལ་བྱེད་པའམ་དེང་ལེན་མི་བྱེད་མཁན་བྱུང་ན་རྒྱ་གཞུང་གིས་ཆད་པའང་འདྲ་མིན་བཅད་དེ་ཚར་གཅོད་གང་འདོད་འདོད་བྱས། ༡༩༨༩ལོར་ཀུན་གཟིགས་པཎ་ཆེན་རིན་པོ་ཆེ་བོད་མིའི་བདེ་སྡུག་རྒྱ་དང་བརྩད་མཐར་རྒྱ་གཞུང་གིས་བཀྲོངས། དེའི་སྔོན་ལ་ལྷ་ས་དང་རྔ་བ་ནས་བོད་མིས་ཡར་ལངས་བྱས་པའང་རྒྱ་གཞུང་གིས་གདུག་རྩུབ་ཀྱིས་དྲག་གནན་བྱས། དེ་ནས་༢༠༠༨ལོའི་གྱེན་ལངས་ལའང་དྲག་གནོན་ཚད་ལ་འདས་པ་བྱས་ཏེ་བོད་མི་བརྒྱ་སྟོང་ལྷག་གི་ཚེ་སྲོག་ཤོར་ཡོད་པ་མ་ཟད་ཉེ་བའི་ཆར་བཙུན་པ་ཕོ་མོ་བཅུ་གསུམ་ལྷག་གིས་རང་ལུས་གསོན་བསྲེག་མཛད་ནས་རྒྱ་གཞུང་གི་རྩིང་སྤྱོད་ལ་ངོ་རྒོད་བྱས། མདོར་ན་འདས་ཟིན་པའི་ལོ་ངོ་སུམ་ཅུ་ནི་བོད་ཕྱི་ནང་ལ་མཚོན་ན་དགའ་སྟོན་རྟེན་འབྲེལ་ལས་མྱ་ངན་རྗེས་དྲན་བྱེད་དགོས་པའི་དུས་ཚོད་སྐྱི་གཡའ་བ་འཇིགས་སུ་རུང་བ་ཞིག་ཡིན། འོན་ཀྱང་སྦྲང་ཆར་ལ་མཚོན་ན་མི་ལོ་སུམ་ཅུ་དེ་ནི་རླབས་ཆེན་གཟི་བརྗིད་ཡང་དག་གི་གུང་ཁྲན་ཏང་གིས་བྱམས་སྐྱོངས་གནང་ནས་མ་ལག་རྒྱས་པའི་ལོ་སུམ་ཅུ་ཡིན་ཞེས་སྦྲང་ཆར་ཚང་གིས་བསྒྲོག་པ་བཞིན་ནོ།། ཕ་ལ་བསྟོད་ཞོར་ཕ་བསད་ཀྱི་དགྲ་ལ་དེ་ལས་ལྷག་པའི་བསྟོད་པ་བྱེད་པ་ནི་སྦྲང་ཆར་དུས་ད་ལྟ་བར་དུ་ཆགས་འཇིག་ཉམས་ང་ཅི་ཡང་མ་བྱུང་ལ་འདམ་ལས་སྐྱེས་ཅིང་འདམ་གྱི་དྲི་མ་མ་གོས་པར་གཟི་མདངས་རྒྱས་རྒྱལ་མཚན་བསྒྲེང་ཐུབ་པའི་མན་ངག་ཉག་གཅིག་ཡིན། རྩོམ་པ་པོ་འོད་ཟེར་ལགས་ཀྱིས་གང་ཟག་དང་ཚོགས་པ་ལ་ལས་ཁ་བྲལ་རིང་ལུགས་ལ་ངོ་རྒོལ་བྱེད་པ་དེ་རྒྱུ་འབྱོར་བ་འཕེལ་ཐབས་དང་དཔོན་གོ་གནས་འཕེར་ཐབས་ཀྱི་ལམ་ཀ་ཞིག་ཏུ་བརྩི་བཞིན་ཡོད་ཞེས་བརྗོད་པ་དེ་སྦྲང་ཆར་ཚང་ལ་བཤད་པ་ལོས་ཡིན་སྙམ། བོད་ནང་ནས་སྦྲང་ཆར་ལ་བསྟོད་པ་བྱུང་ན་ཁག་མི་འདུག་མོད་རང་དབང་ལུང་བ་ན་གནས་པའི་བོད་པ་ཚོས་ཕ་མ་སྤུན་ཟླ་བསད་གསོད་ཀྱི་དགྲ་བོའི་རྒྱུགས་ཁྱི་ཞིག་ལ་བསྟོད་པ་བྱེད་དོན་མེད་ལ་སྦྲང་ཆར་ཀློག་ཉོ་བྱེད་དོན་ཡང་མེད།
ཧཧཧཧ་སྐད་ཆ་དེ་འདྲ་ཞིག་ཨེ་ཡིན་ན་་་་ཁྱེད་རང་ནས་སྤྲང་ཆར་ལ་ལྟ་ཚུལ་དེ་འདྲ་ཡོད་ན་ཡང་་རང་དབང་ལུང་པའི་བོད་མི་ཚང་མ་ལ་སྐད་ཆ་དེ་མི་འགྲོ་བ་ཐུགས་འཇགས་མཚལ་་
སྦྲང་ཆར་དུས་དེབ་ཀྱིས་བོད་ཀྱི་དེང་རབས་རྩོམ་རིག་འཕེལ་རྒྱས་དང་། རྩོམ་པ་པོ་སྐྱེད་སྲིང་ཐད་བྱས་རྗེས་བཞག་དང་འཇོག་བཞིན་ཡོད་པས། ཕྱོགས་རེ་ལོང་མཆོང་གི་སྐད་ཆ་འདི་ཚོ་ཐབས་རྡུགས་པ་ལ།
སྦྲང་ཆར་ལ་སྐྱོན་བརྗོད་བྱེད་རྒྱུ་ལས་དང་པོ་རང་གིས་སུམ་རྟགས་ཀྱི་འགྲོ་སྟངས་ཡག་པོ་ཞིག་སྦྱོངས། དེ་བསླབ་བྱ་བརྒྱབ་པ་ཡིན་དཱ། དཔེར་ན་ཡིག་ཚོགས་འདིའི་ཁ་བྱང་ལ། སྟོན་ཆར་རུ། ཞེས་བྲིས་པ་དེ་འདྲ་ཞིག་གནའ་ནས་ད་བར་བོད་ཀྱི་བརྡ་སྤྲོད་འགྲོ་སྟངས་ནང་ལ་མེད། དེ་བས། སྟོན་ཆར་དུ། ཞེས་ཕྲིས་ཤོག། དེ་དག་བཅོས་ཡིན་དཱ
སྒོ་ཡང་དྲག་ཏུ་ཕྱེ་མི་ཕོད།།
སྐད་ཆའང་སྦོམ་པོར་བཤད་མི་ཕོད།།
དེ་འདྲའི་བོད་མི་གཉོམ་ཆུང་ལ།།
སྟོབས་ལྡན་རྒྱ་ནག་ཅིའི་ཕྱིར་འཇིགས།།
དེ་ནས།
ང་ད་ན་མ་ར་ལ་དུ་ཤེས་དཱ་ཤེས།