གངས་ཕྲུག་རྨས་མ།
ཉེ་ལམ་བལ་ཡུལ་དུ་གནས་སྡོད་བྱ་བའི་བོད་མི་སྤྲེལ་ལད་པ་འགས་དམར་ཤོག་གི་ལྟ་བ་སྐྱོང་བའི་བལ་གཞུང་གསར་བར་མི་ལོ་ལྔ་བཅུའི་རིང་བོད་མི་སྐྱབས་བཅོལ་བར་མཐུན་རྐྱེན་རོགས་རམ་གནང་བར་ཐུགས་རྗེ་ལན་པོ་ཞུ་རྩིས་ཡོད། སྤྱིར་བཟང་ལ་བཟང་ལན་དང་ངན་ལ་ངན་ལན་སྤྲོད་མ་ནུས་རུང་དྲན་པ་དེ་འགྲོ་བ་ཡོངས་ཀྱི་ཆོས་ཉིད་དུ་འདོད་མོད། མའོ་དམར་ཤོག་པས་བལ་ཡུལ་ནང་དུ་མི་ལོ་ཉི་ཤུའི་རིང་ཉམ་ཆུང་གི་ཡུལ་མིར་བརྡབ་གསིག་བྱས་པའི་བརྒྱུད་རིམ་ཁྲོད། བོད་པའི་དགོན་སྡེ་ཁག་དང་བཟོ་གྲྭ་ཁག་ལའངས་སུན་པོ་ག་ཚོད་བཟོས་ཡོད་པ། ཁྱད་པར་དུ་ལོ་སྔོན་མར་བོད་མི་སྐད་འབོད་པར་བལ་གཞུང་དམག་མིའི་དབྱུག་རྩལ་སྦྱོང་ཡུལ་བྱས་པ་དང་། ད་དུང་སྣེ་ལེན་སྐུ་ངོ་དང་བུད་མེད་ཚོགས་གཙོ་གཉིས་ཉེས་མེད་བཙོན་འཇུག་བྱས་པ་སྤྲེལ་ལད་པ་དག་གིས་བརྗེད་སོང་བ་མ་ཟད། འདི་ལོའི་སུམ་བཅུའི་དུས་དྲན་སྔོན་བོད་མི་ཉེས་མེད་བཅུ་གཅིག་འཛིན་བཟུང་བཀག་ཉར་བྱས་ཡོད་པ་ཧ་གོ་མེད་པ་འདྲ། རྒྱུན་དུ་བོད་མིའི་སྤྱི་ཚོགས་ལ་འཆམས་མཐུན་བྱ་བའི་མི་མང་ལ་ཐུགས་རྗེ་མི་ཞུ་བར་མའོ་ཡི་ལྟ་བ་འཁྱེར་བའི་བལ་གཞུང་གསར་བར་ཐུགས་རྗེ་ཞུ་དགོས་པའི་རྒྱུ་མཚན་ལ་གཞིག་ན། ཁོ་ཚོའི་སེམས་ཁྲལ་ཆེ་ཤོས་དེ་ཁོ་ཚོ་དང་འབྲེལ་ཆེ་བ་དག་ལ་སྔོན་རྒྱལ་པོས་བསྩལ་བའི་ས་ཞིང་དང་ཁང་ཁྱིམ་སོགས་ཕྱིར་གཞུང་བཞེས་བྱེད་པར་དོགས་ནས་སྤྲེལ་ལད་ཀྱི་ཁ་བཏགས་ཤིག་མི་དབུལ་རང་དབུལ་དུ་ཆགས་ཡོད་མི་སྲིད་པ་མ་རེད། སྤྲེལ་ལད་པ་འདི་དག་གི་མི་ཚེ་སྤྲེལ་ལད་དང་རྐུབ་ཀྱག་མཁྲེགས་སྲུང་བྱས་པར་གོམས་པ་ལས་གཞན་འཇོན་ཐང་དང་ལྷག་བསམ་གང་ཡང་མེད་པ་མིག་མཐོང་ལག་ཟིན་དུ་འདོད། ཡང་འདི་དག་འགའ་རེའི་ངག་སྒོ་ན་གང་ཡོད་ཅེ་ན། ང་ཚོ་བལ་སྡོད་བོད་མི་ཚོ་མི་མཐུད་དུ་གནས་ཐུབ་པ་གལ་ཆེ་བ་སོགས་ཀྱི་འཆལ་གཏམ་སྣ་ཚོགས་ལས། སྔོན་རྒྱལ་པོའི་སྐབས་བོད་མི་ཚོར་སྐྱབས་བཅོལ་ལག་འཁྱེར་བཟོས་པའི་ལམ་ཁ་དེ་རྒྱུན་སྐྱོང་མ་བྱས་པ་དང་མ་ནུས་པ་དེ། ད་ལྟ་བལ་ཡུལ་མཆོད་རྟེན་དང་འཕགས་ཤིང་སོགས་ཀྱི་ཉེ་འགྲམ་ན་བོད་མི་བརྒྱ་ཕྲག་མང་པོར་སྐྱབས་བཅོལ་གྱི་ཐོབ་ཐང་གང་ཡང་མེད་པ་དག་གི་དངོས་ཡོད་དཀའ་ངལ་ལ་གཞིག་ན་གསལ་བོ་རེད། སྤྲེལ་ལད་པ་དེ་ཚོས་སྒེར་དོན་གཙོ་ཉེར་ལ་མགོ་འཁོར་བ་ལས་མ་འོངས་བོད་མིའི་གཞི་རྩའི་བདེ་སྡུག་ལ་བསམ་གཞིགས་བྱས་མྱོང་མེད་པ་ཡང་དངོས་ཡོད་དུ་འདོད། སྤྱིར་ ད་ལྟའི་གནས་སྟངས་འདིར་དགྲ་དགའ་སྤྱད་དང་གྲོགས་སྡུག་སྤྱད་ཀྱི་སྡུག་སྨྲེ་འདོན་འདོད་མེད་མོད། དངོས་ཡོད་གནས་ཚུལ་ཕྲན་ཙམ་ཡིག་ཐོག་ཏུ་འགོད་ཤོར་སོང་བས། གལ་སྲིད་དྲ་གྲོགས་ཚོས་བལ་ཡུལ་བོད་མིའི་གནས་སྟངས་དེ་ལས་མང་བ་ཤེས་འདོད་ཡོད་ན་བསམ་ཚུལ་བརྗེས་རེས་ཀྱི་ལམ་ཁ་འདི་ནས་ཐུག་ཆོག
སྙིང་རྗེ། སྤྲེལ་ལད་དེས་སྤྲེལ་ལད་འཁྲབ་མཁན་དག་ལ་ཕན་ནའང་དཔེ་མི་སྲིད་པའི་ཡག་པོ་རེད། ངེས་རྒྱུ་ཞིག་ལ་ང་ཚོར་དགྲ་གཅིག་མ་གཏོགས་ཡོད་པ་མ་རེད།
མཁས་དབང་ཧོར་གཙང་འཇིག་མེད་ལགས་ཀྱིས།
གཞིས་ལུས་སེང་ཕྲུག་རྒོད་པོའི་ཚོགས་ཀྱིས་མདའ་མཚོན་ཆར་པར་གདོང་ལེན་བྱེད།།
གཅེས་སྲོག་དྲོན་པོར་ཕངས་པ་མེད་པར་དམར་པོ་ཁྲག་གི་ལོ་རྒྱུས་བསྐྲུན།།
འོན་ཀྱང་འཁྱམས་འཁྱར་སྐུ་ངོ་དག་གིས་ཉིན་བཞིན་དགའ་སྤྲོའི་གསོལ་སྟོན་ཟ།།
ང་ཡིས་ཐུགས་སྤྲོའི་ཟན་རྡོག་རེ་རེ་བཙན་གྱིས་མིད་ཀྱང་སླར་ཡང་སྐྱུགས།།
རང་ངོས་ནས།
བཀའ་སྤྱི་གཉིས་ལ་ཡིད་ཆེས་སྤྲད་པར་ཁ་འཇམ་མཁས་པའི་སྙན་ཞུ་ཕུལ།
བཀའ་སློབ་དུམ་གཅིག་བློ་རུ་བཟུང་ནས་རྨོངས་བའི་དམངས་ལ་སྦྲིད་སྨན་སྦྱིན།།
ཕྱི་དགྲ་གཏུམ་པོའི་མེ་མདའི་འོག་ན་གཞི་སྡོད་དཔའ་བོའི་མཛད་རྗེས་ཡོད།།
ནང་དགྲ་མགོ་བདེའི་གཡོ་སྒྱུའི་འགྲམ་ན་བྱེས་སྡོད་སྡར་མའི་ལྐོག་ལབ་ཡོད།།
ང་ཚོས་དཔའ་ངོམས་ས་དེ་གནས་ཡུལ་རྒྱལ་ཁབ་དང་དེའི་མི་མང་མིན། ག་དུས་ཡིན་རུང་རང་ཉིད་བཙན་བྱོལ་བ་ཞིག་ཡིན་ཟེར་ནས་དམའ་ས་དང་གཉོན་ཁུར་རྒྱུ་དེ་གནད་འགག་ཧ་ཅང་ཆེ། དེ་ལས་བཟློག་ན་ང་ཚོར་གནམ་འོག་ལ་མི་ཤོང་བའི་གྱོང་གུད་རེག་ཉེན་ཡོད།
གངས་ཕྲུག་རྨས་མ་ཟེར་བའི་བཤད་སྟངས་ལ་ཡིད་ཆེས་མེད། བལ་སྡོད་བོད་མིས་མའོ་རྗེས་འབྲང་པར་ཐུགས་རྗེ་ལེགས་གསོལ་ཞུ་རྩིས་ཡོད་པའི་བཟོ་འདྲ་བཀོད་འདུག དེ་བདེན་པ་མིན་པ་ང་ཚོས་ཐག་བཅད་ནས་བཤད་ཐུབ། གཞུང་གང་དང་གང་ལ་བཀའ་དྲིན་རྗེས་དྲན་ཞུ་ན་སྐབས་བབ་གཞུང་འཛིན་ཚོགས་པ་དེར་འབྲེལ་བ་མ་བྱས་ཀ་མེད་རེད། བལ་སྡོད་བོད་མི་ཚོས་བལ་ཡུལ་གཞུང་ལ་མི་ལོ་ལྔ་བཅུའི་རིང་སྐྱབས་བཅོལ་གཡར་བ་བཀའ་དྲིན་ལེགས་གསོལ་ཞུ་བ་མ་གཏོགས་མའོ་རྗེས་འབྲང་པས་ལོ་ངོ་ཉི་ཤུའི་རིང་དམག་འཁྲུག་གྱིས་རྒྱལ་ཁ་ཐོབ་སྟེ་ང་ཚོ་བོད་མི་སྐྱབས་བཅོལ་བར་བཀའ་དྲིན་ཆེན་པོ་བྱུང་ཞེས་ཞུ་འཆར་ཡོད་ཀྱི་མ་རེད། གལ་ཏེ་དེ་ལྟར་ཞུ་གིན་ཡོད་ན་ངས་གངས་ཕྲུག་རྨས་མར་སྙིང་ཐག་པ་ནས་དགོངས་སེལ་ཞུ་རྒྱུ་ཡིན།
སྤྱིར་རྒྱ་དམར་གྱི་གནོན་ཤུགས་འོག་བལ་ཡུལ་གཞུང་གིས་བོད་མིའི་ལས་འགུལ་ལ་བཀག་སྡོམ་བྱས་དང་བྱ་བཞིན་པར་སྐྱོན་བརྗོད་བྱེད་འོས་པ་ཞིག་ཡིན་ཀྱང༌། དེ་བཞིན་མི་ལོ་ལྔ་བཅུ་ཧྲིལ་པོར་སྐྱབས་བཅོལ་གནས་སྡོད་ཀྱི་མཐུན་རྐྱེན་སྦྱོར་བ་དེར་ངེས་པར་དུ་བཀའ་དྲིན་རྗེས་དྲན་ཞུ་དགོས་པ་ཞིག་ཡིན། དེས་ན་ང་ཚོས་ལེགས་ཉེས་སོ་འབྱེད་ཤེས་པར་བྱས་ཏེ་ཉེས་པ་ལ་སྐྱོན་བརྗོད་དང་ལེགས་ཚོགས་ལ་དགའ་བསུ་ཞུ་དགོས་པ་ལས་ཕྱོགས་ཚང་མར་ནག་པོར་རྩིས་ན་འགྲིག་ཐབས་མེད་པ་ཞིག་ཡིན་སྙམ།
རེད་ལགས། བལ་ཡུལ་གྱིས་རྒྱ་མི་ལ་ངོ་དགའ་བྱེད་ཞོར་བྱེད་ཞོར་བོད་པ་སྐྱབས་བཅོལ་བ་ཉིས་ཁྲི་ལྔ་སྟོང་ཙམ་ཞིག་ལོ་ངོ་དེ་སྙེད་ཅིག་ལ་ཁོ་ཚོའི་རྒྱལ་ཁབ་ཏུ་སྡོད་བཅུག་ཡོད་པ་རེད། འདི་ལས་སླ་བོ་ཞིག་ག་ལ་ཡིན། ང་ཚོ་དང་ཆོས་རིག་གཅིག་པའི་འབྲུག་པ་ཚོས་ང་ཚོར་ཅི་བྱས་སོམས་དང་དེ་ནས་ཤེས་རྒྱུ་ཞིག་ཡོད། བལ་བོ་ནི་རྩ་བའི་ཆ་ནས་ཆོས་རིག་རིགས་གསུམ་ང་ཚོ་དང་ཡོངས་སུ་ཐ་དད་པའི་ཧིན་རྡུའི་རྒྱལ་ཁབ་ཅིག་རེད་དོ།།དེ་དང་མཉམ་དུ་ང་ཚོའི་ཚོང་བ་ཚོས་བལ་བོའི་མི་སེར་སྟོང་ཕྲག་མང་པོར་ལས་ཀ་སྤྲད་པའི་གནས་ཚུལ་དང་། བོད་པའི་བླ་མ་ཚོས་བལ་ཡུལ་གྱི་ནང་བསྟན་ཧ་ལས་པའི་ཡར་རྒྱས་སུ་བཏང་བ་དེ་ཡང་བསུབ་ཏུ་མེད་པའི་བོད་མིའི་གཟི་བརྗིད་ཅིག་དང་ལོ་རྒྱུས་ཤིག་རེད།
བཀུར་འོས་པའི་དྲ་གྲོགས་རྣམ་པའི་དགོངས་འཆར་ལ་གུས་པས་ཀྱང་མོས་མཐུན་ཡོད། ཡིན་ནའང་བལ་དམག་གིས་བོད་པ་སྐད་འབོད་པའི་སྟེང་དུ་གདུག་རྩུབ་ཀྱི་རྣམ་འགྱུར་དང་བྱ་སྤྱོད་རེ་རེ་སྤེལ་སྐབས་ཁོང་ཁྲོ་གནོན་ཐུབ་ཀྱི་མི་འདུག་ག
རྒྱ་ནག་གཞུང་གིས་བལ་གཞུང་ལ་རོགས་དངུལ་ས་ཡ་བྱེ་བ་སྤྲོད་ཀྱི་ཡོད་པ་སུས་བཀའ་དྲིན་ཡིན་པ་ངོས་ཟིན་པ་ཕར་ཞོག བོད་པ་སྐྱབས་བཅོལ་བ་བལ་ཡུལ་དུ་སླེབས་པ་ནས་བཟུང་ཁ་ལག་པར་དྲིན་ཆེ་དང་ལག་པ་ཁར་དྲིན་ཆེ་བ་ཤེས་ཀྱི་མེད་པར་འདོད་ལ། བོད་ནང་གི་བྱམས་པ་ཕུན་ཚོགས་སོགས་ཀྱིས་རྐུབ་ཀྱག་གི་ཆེད་དུ་རྒྱ་དམར་གྱི་རྒྱུག་ཁྱི་བྱས་པ་དང་། བལ་གཞུང་དཔོན་ངན་ཚོས་མི་དམངས་ལ་ཕན་མི་ཐོག་པར་ཁ་རྒྱལ་ཁབ་ཀྱི་ཆེད་དུ་ཁ་གཡར་ནས་རྒྱ་མིའི་རྒྱུག་ཁྱི་བྱས་དེ་གཉིས་ལ་ཁྱད་པར་ཆེན་པོ་མེད་པར་སྙམ། ང་མའོ་དམར་པོའི་གཞུང་ལ་ཁོང་ཁྲོ་ལངས་དགོས་དོན་བོད་པར་གཉའ་གནོན་བྱས་པ་ཁོ་ནས་མིན། བོད་པར་འཆམས་མཐུན་དང་རམ་འདེགས་གང་ནུས་གནང་བའི་ཉམ་ཆུང་གི་ཡུལ་མིར་དཔོན་ངན་དེ་དག་གིས་གཉའ་གནོན་དང་བསླུ་འཁྲིད་བྱ་བར་སྣང་བར་འགྲོ་གི་མི་འདུག རྒྱལ་པོ་སྔོན་མའི་སྐབས་ལྟ་བུ་ཞིག་ཡིན་ན་ངས་དྲིན་ཅན་ལ་དྲིན་ལོག་བྱ་སྲིད་ཀྱི་མ་རེད། ལག་ཏུ་མཚོན་ཆ་ཐོགས་ནས་ང་གསོད་པའི་ལག་དམར་དང་ང་དགྲ་ལ་བཙོང་མཁན་གཉིས་ལ་ངས་ཁྱད་པར་དབྱེ་འབྱེད་མྱོང་མེད། དེ་ནི་ངའི་བསྒྱུར་ཐབས་བྲལ་བའི་རང་གཤིས་གྱོང་བོ་དེ་རེད།
སྐད་ཆ་དག་མོ་ཞིག་སུས་ཀྱང་བཤད་དཀའ་མོ་རེད། དེས་ན་ ངས་བལྟས་ནའང་སྤྲེལ་ལད་པས་གཞུང་ལ་སྤྲེལ་ལད་འཁྲབ་པ་ལའང་རྒྱུ་མཚན་ཞིག་ཡོད་ངེས་རེད། ཁོང་ཚོའི་འཚོ་སྡོད་ཐད་ཀྱི་སྤྲེལ་ལད་ཅིག་ཡིན་ན་དེ་སྨན་དུ་འགྱུར་རྒྱུ་རེད་མ་གཏོགས་དུག་ཏུ་འགྱུར་ཉན་མི་འདུག་ཨང༌། སུས་ཀྱང་གནད་འགག་གི་སྐབས་སུ་རང་གི་མིག་འདུན་ལ་བསམ་བློ་མི་གཏོག་མཁན་ཉུང་ནི་རེད། དེ་བས། གནས་ཚུལ་ལ་རྒྱུས་ལོན་མེད་པར་ཁ་གཏོང་རྐྱང་མ་བྱེད།
ཧ་ཧ་ཧ་་་་་་་་་་་་གུས་པ་རྨྲ་བརྗོད་ཀྱི་རང་དབང་ལྡན་པའི་ལུང་བར་སླེབས་ཡོད་པར་ངོས་ཟིན་གྱི་ཡོད་པས། གནས་ལུགས་དང་རྒྱུ་མཚན་མེད་པར་ཁྱི་ཟུག་ཟུག་བྱེད་དེ་བས་ཀྱང་ག་ལ་རུང་། དྲ་གྲོགས་མི་ཞུན་གྱི་དགོངས་ཚུལ་ལ་ཁག་མེད། དེང་སང་ཁ་གཅིག་གྲགས་ན་རང་གཞུང་ལ་སྐྱོན་བརྗོད་ཁོ་ནར་གོམས་པའི་མི་མི་ཉུང་བ་ཞིག་ཡོད་ག།
བཀྲ་ཤིས་བདེ་ལེགས།
བོེད་ཀྱི་མི་དམངས་ཀྱི་མི་དང་ བོད་ཀྱི་རྒྱལ་ཁབས