ཁྲེན་ཆོན་གོ་ཡིས་ལྗོངས་ཡོངས་ཀྱི་འཐབ་ཕྱོགས་གཅིག་འགྱུར་ལས་དོན་ཐད་མཆན་བཀོད་བཀའ་སློབ་གནང་བ།
བོད་ལྗོངས་རླུང་འཕྲིན། — བོད་ལྗོངས་འཕྲིན་དྲ།
2012-1-17 16:08:45
ཉེ་དུས། རང་སྐྱོང་ལྗོངས་ཏང་ཨུད་ཀྱི་ཧྲུའུ་ཅི་ཁྲེན་ཆོན་གོ་ཡིས་ལྗོངས་ཡོངས་ཀྱི་འཐབ་ཕྱོགས་གཅིག་འགྱུར་ལས་དོན་ཐད་མཆན་བཀོད་བཀའ་སློབ་གནང་ནས་ལྗོངས་ཡོངས་ཀྱི་འཐབ་ཕྱོགས་གཅིག་འགྱུར་ཚན་པས་བསྐོང་འཐེན་བྱེད་ཐུབ་པའི་དགེ་མཚན་ལྡན་པའི་རྒྱུ་རྐྱེན་ཐ་དག་བསྐོང་འཐེན་བྱེད་པ་དང༌། མཐུན་སྒྲིལ་བྱེད་ཐུབ་པའི་སྟོབས་ཤུགས་ཐ་དག་ལ་མཐུན་སྒྲིལ་བྱས་ནས་ཆེས་ཡོངས་ཁྱབ་ཀྱི་རྒྱལ་གཅེས་འཐབ་ཕྱོགས་གཅིག་འགྱུར་རྒྱུན་ཆད་མེད་པར་སྲ་བརྟན་བཏང་སྟེ། བོད་ལྗོངས་མཆོངས་བསྐྱོད་ལྟ་བུའི་གོང་འཕེལ་དང་ཡུན་རིང་བདེ་འཁོད་ལ་སྐུལ་འདེད་གཏོང་བའི་མཉམ་ཤུགས་ཆེན་པོ་ཆགས་པ་བྱེད་དགོས་པའི་ཐུགས་རེ་གནང་བ་རེད།
ཁྲེན་ཆོན་གོ་ཡིས་མཆན་བཀོད་བཀའ་སློབ་ནང་འདས་ཟིན་པའི་ལོ་གཅིག་ནང་ལྗོངས་ཡོངས་ཀྱི་རིམ་ཁག་འཐབ་ཕྱོགས་གཅིག་འགྱུར་ཚན་པས་ལྟེ་བ་དང་དམ་པོར་བསྟུན་པ་དང་ཁྱོན་ཡོངས་ལ་ཞབས་ཞུ་བྱས་ནས་དངོས་ཐོག་བདེན་འཚོལ་དང་བསྒྱུར་བཅོས་གསར་གཏོད། མི་རིགས་ཆོས་ལུགས། དགོན་སྡེའི་དོ་དམ། ཏང་ཕྱི་རོལ་གྱི་མི་སྣ། སྤྱི་ལ་དབང་བའི་ལམ་ལུགས་མ་ཡིན་པའི་དཔལ་འབྱོར། ཕྱི་རྒྱལ་དུ་ཡོད་པའི་བོད་རིགས་སྤུན་ཟླ། འཐབ་ཕྱོགས་གཅིག་འགྱུར་གྱི་རིག་གནས་སོགས་ལས་དོན་ཁག་ལ་གོམ་སྟོབས་གསར་པ་སྤོས་པ་དང་གྲུབ་འབྲས་གསར་པ་ཐོབ་ནས་ལྗོངས་ཡོངས་ཀྱི་གོང་འཕེལ་དང་བརྟན་ལྷིང་གི་ཁྱོན་ཡོངས་སྲུང་སྐྱོང་བྱ་ཆེད་གལ་ཆེའི་ནུས་པ་འདོན་སྤེལ་བྱས་ཡོད་པ་རེད་ཅེས་མཛུབ་སྟོན་གནང་བ་དང༌། ཁྲེན་ཆོན་གོ་ཡིས་ད་ལོའི་འཐབ་ཕྱོགས་གཅིག་འགྱུར་གྱི་ལས་དོན་ཡག་པོ་སྒྲུབ་རྒྱུའི་ཐད་དོན་སྙིང་ཆེན་པོ་ལྡན་ཡོད་པས་ལྗོངས་ཡོངས་ཀྱི་རིམ་ཁག་འཐབ་ཕྱོགས་གཅིག་གྱུར་ཚན་པས་ངེས་པར་དུ་མཐུན་སྒྲིལ་ཆེན་པོ་དང་མཉམ་སྦྲེལ་ཆེན་པོའི་བརྗོད་དོན་ཁོང་དུ་ཆུད་པ་བྱས་པ་དང༌། ཚན་རིག་དང་མཐུན་པའི་གོང་འཕེལ་ལ་ཞབས་ཞུ་དང་རང་ངོས་ཚན་རིག་དང་མཐུན་པའི་གོང་འཕེལ་ཡོང་བ་བྱེད་པའི་གལ་ཆེའི་ལས་འགན་ཁོང་དུ་ཆུད་པ་བྱས་ནས། ཁྱོན་ཡོངས་ལ་རྒྱང་བལྟ་དང་བསམ་ཕྱོགས་གསར་གཏོད། ཉམས་མྱོང་ཕྱོགས་སྡོམ། ཆོས་ཉིད་དམ་འཛིན་བཅས་བྱེད་པ་དང༌། མཐུན་སྒྲིལ་མཉམ་ལས་དང་སློབ་གསོ་འཁྲིད་སྟོན། རོགས་རམ་ཞབས་ཞུ་བཅས་ཀྱི་ནུས་པ་ཆེན་པོ་གསུམ་འདོན་སྤེལ་ཡག་པོ་བྱེད་པ། ཤེས་ལྡན་མི་སྣ་གཅིག་འདུས་དང་་བློ་གྲོས་གཅིག་བསྡུས། ནུས་པ་ཆེན་པོ་ལྡན་པ། འབྲེལ་བ་རྒྱ་ཆེ་བ་བཅས་ཀྱི་དགེ་མཚན་ཆེ་བ་བཞི་བེད་སྤྱོད་ཡག་པོ་བྱེད་པ། ཏང་སྲིད་དབར་དང་མི་རིགས། ཆོས་ལུགས། རིམ་གྲས། རྒྱལ་ཁབ་ཕྱི་ནང་གི་སྤུན་ཟླ་བཅས་ཀྱི་འབྲེལ་བ་ཆེན་པོ་ལྔ་ཐག་གཅོད་ཡག་པོ་བྱེད་པ་བཅས་བྱས་ནས་འཐབ་ཕྱོགས་གཅིག་འགྱུར་གྱི་ཚན་རིག་ཅན་གྱི་ཆུ་ཚད་རྒྱུན་ཆད་མེད་པར་མཐོ་རུ་གཏོང་བ་དང༌། འཐབ་ཕྱོགས་གཅིག་འགྱུར་ལས་ཀའི་རྣམ་པ་གསར་པ་ཧུར་ཐག་གཏོད་དགོས་ཞེས་ནན་བཤད་གནང་བ་རེད།
དེ་ཡང་གཅིག་ནས་ལྟེ་བའི་ལས་དོན་ལ་ཞབས་ཞུ་བྱ་རྒྱུའི་ཐད་མཆོངས་སྐྱོད་གསར་པ་ཡོང་བ་བྱ་རྒྱུ་སྟེ། རང་སྐྱོང་ལྗོངས་ཏང་ཨུད་དང་སྲིད་གཞུང་གི་ལྟེ་བའི་ལས་དོན་དང་དམ་པོར་བསྟུན་ནས་འཐབ་ཕྱོགས་གཅིག་འགྱུར་གྱི་དམིགས་བསལ་དགེ་མཚན་འདོན་སྤེལ་གང་ལེགས་བྱེད་པ་དང་རང་ལྗོངས་ཀྱི་དཔལ་འབྱོར་འཛུགས་སྐྲུན་དང་ཆབ་སྲིད་འཛུགས་སྐྱོང༌། རིག་གནས་འཛུགས་སྐྱོང༌། སྤྱི་ཚོགས་འཛུགས་སྐྲུན། ཤེས་དཔལ་འཛུགས་སྐྱོང༌། ཏང་འཛུགས་སྐྱོང་བཅས་ལ་ཁྱོན་ཡོངས་ནས་ཞབས་ཞུ་བྱེད་དགོས་པ་དང༌། གཉིས་ནས་ཞི་མཐུན་བརྟན་ལྷིང་ལ་སྐུལ་འདེད་གཏོང་རྒྱུའི་ཐད་ནུས་པ་གསར་པ་ཐོན་པ་བྱ་རྒྱུ་སྟེ་རང་སྐྱོང་ལྗོངས་ཏང་ཨུད་དང་སྲིད་གཞུང་གིས་བཏོན་པའི་ཕྱོགས་བཅུའི་ཐད་ཀྱི་བརྟན་ལྷིང་སྲུང་སྐྱོང་བྱ་ཐབས་དོན་འཁྱོལ་ཡག་པོ་བྱས་ནས། བརྟན་ལྷིང་སྲུང་སྐྱོང་གི་ཡུན་རིང་ཕན་འབྲས་ཐོན་པའི་སྒྲིག་གཞི་འཛུགས་དགོས་པ། གསུམ་ནས་དགོན་སྡེའི་དོ་དམ་ཞབས་ཞུར་ཤུགས་སྣོན་རྒྱག་རྒྱུའི་ཐད་གྲུབ་འབྲས་གསར་པ་ཐོབ་པ་བྱ་རྒྱུ་སྟེ། རྒྱུན་ཆད་མེད་པར་དགོན་སྡེའི་དོ་དམ་ལ་ཤུགས་སྣོན་དང་གསར་གཏོད་བྱས་ཏེ་གཅིག་བྱས་པ་དྲུག་གི་བྱེད་སྒོ་རྒྱ་ཁྱབ་ངང་སྤེལ་བ་དང༌། དགུ་ཡོད་པའི་ལས་གཞི་ལག་བསྟར་ཏན་ཏིག་བྱེད་པ། གྲྭ་བཙུན་ཚོའི་སྨན་བཅོས་འགན་བཅོལ་དང་རྒན་གསོའི་འགན་བཅོལ་ཁྱོན་ཡོངས་ལ་གང་མགྱོགས་ཁྱབ་པ་བྱེད་པ། ཞི་མཐུན་དཔེ་སྟོན་དགོན་སྡེ་འཛུགས་སྐྱོང་དང་རྒྱལ་གཅེས་ཁྲིམས་སྲུང་སྔོན་ཐོན་གྲྭ་བཙུན་དཔྱད་འདེམས་བྱེད་པའི་བྱེད་སྒོ་གཏིང་ཟབ་སྤེལ་བ་བཅས་བྱས་ནས་དགོན་སྡེ་དོ་དམ་ཡག་པོ་དང་བརྟན་ལྷིང་ཡོང་བ། ཞི་མཐུན་ཡོང་བ་བཅས་བྱེད་དགོས་པ། བཞི་ནས་ཆོས་ལུགས་བྱ་བ་ཚད་ལྡན་བཟོ་རྒྱུའི་ཐད་ཕན་འབྲས་གསར་པ་ཐོན་པ་བྱེད་རྒྱུ་སྟེ། ཏང་གི་ཆོས་ལུགས་ལས་དོན་གྱི་གཞི་རྩའི་འཛད་ཕྱོགས་དང་རྒྱལ་ཁབ་ཀྱི་ཆོས་ལུགས་ལས་དོན་ལ་དོ་དམ་བྱ་རྒྱུའི་ཁྲིམས་ལུགས་ཁྲིམས་སྲོལ་ཁྱོན་ཡོངས་ནས་དོན་འཁྱོལ་བྱེད་པ་དང༌། སློབ་གསོ་དང་སྣེ་འཁྲིད། འགྱུར་བ་གཏོང་རྒྱུ་བཅས་ཀྱི་གཙོ་བོ་བྱེད་རྒྱུ་རྒྱུན་འཁྱོངས་བྱེད་པ། གནས་ངེས་མེད་ཀྱི་ཆོས་ལུགས་བྱེད་སྒོ་སྤེལ་མཁན་ལ་དོ་དམ་བྱེད་ཤུགས་ཆེ་རུ་གཏོང་བ། ཆོས་ལུགས་བྱེད་སྒོ་གཙང་བསེལ་དང་ཚད་ལྡན་བཟོ་བ། བོད་ཀྱི་ནང་བསྟན་སློབ་གླིང་འཛུགས་སྐྲུན་ལ་ཤུགས་སྣོན་རྒྱག་པ། ཡང་སྲིད་བཙལ་འཚོལ་དོ་དམ་ཚད་ལྡན་བཟོ་རྒྱུར་ཤུགས་སྣོན་རྒྱག་པ་བཅས་བྱེད་དགོས་པ། ལྔ་ནས་མི་རིགས་མཐུན་སྒྲིལ་ལ་སྐུལ་མ་གཏོང་རྒྱུའི་ཐད་གྲུབ་འབྲས་གསར་པ་ཐོབ་པ་བྱེད་རྒྱུ་སྟེ་ཏང་གི་མི་རིགས་སྲིད་ཇུས་ཁྱོན་ཡོངས་ནས་དོན་འཁྱོལ་བྱེད་པ་དང་མི་རིགས་ས་ཁོངས་རང་སྐྱོང་་ལམ་ལུགས་རྒྱུན་འཁྱོངས་བྱེད་པ། མི་རིགས་མཐུན་སྒྲིལ་ཡར་ཐོན་གསར་གཏོད་བྱེད་སྒོ་གཏིང་ཟབ་སྤེལ་བ། མི་རིགས་ཁག་སྐྱིད་སྡུག་མཉམ་མྱོང་དང་ལས་དབང་གཅིག་མཐུན། གཅིག་སེམས་གཅིག་སྦྲེལ་བཅས་ཡོང་བ་བྱེད་རྒྱུར་སྐུལ་མ་གཏོང་བ་བཅས་བྱེད་དགོས་པ། དྲུག་ནས་སྤྱི་ལ་དབང་བའི་ལམ་ལུགས་མ་ཡིན་པའི་དཔལ་འབྱོར་གོང་་འཕེལ་གཏོང་རྒྱུའི་ཐད་འགག་སྒྲོལ་གསར་པ་ཡོང་བ་བྱེད་རྒྱུ་སྟེ། བཟོ་ཚོང་མཉམ་འབྲེལ་རྩ་འཛུགས་ཀྱིས་སྤྱི་ལ་དབང་བའི་ལམ་ལུགས་མ་ཡིན་པའི་དཔལ་འབྱོར་དང་འབྲེལ་བ་བྱེད་པའི་ཟམ་པ་དང་སྒྲོགས་ཐག་ལྟ་བུའི་ནུས་པ་འདོན་སྤེལ་གང་ལེགས་བྱས་ཏེ། ལྗོངས་ཡོངས་ཀྱི་སྤྱི་ལ་དབང་བའི་ལམ་ལུགས་མ་ཡིན་པའི་དཔལ་འབྱོར་གོང་འཕེལ་ཆེན་པོ་དང་གོང་འཕེལ་མགྱོགས་པོ་ཡོང་བ་བྱེད་རྒྱུར་སྐུལ་འདེད་གཏོང་དགོས་པ། བདུན་ནས་ཏང་ཕྱི་རོལ་གྱི་འཐུས་མིའི་དཔུང་ཁག་འཛུགས་སྐྱོང་ཐད་བྱ་ཐབས་གསར་པ་ཡོད་པ་བྱེད་རྒྱུ་སྟེ། མཐོང་བ་དང་གསོ་སྐྱོང༌། བེད་སྤྱོད། དོ་དམ་བཅས་ཀྱི་ལྷུ་ཚིག་བཞི་དམ་འཛིན་བྱས་ནས་ཐོག་མཐའ་བར་གསུམ་དུ་རང་རེའི་ཏང་དང་གཅིག་འགྱུར་ཡོང་བ་དང་ཆབ་སྲིད་ཐད་བློ་བརྟན་འགྱུར་མེད། སྦྱང་ཚད་མཐོ་བ་བཅས་ཀྱི་ཏང་ཕྱི་རོལ་གྱི་འཐུས་མིའི་དཔུང་ཁག་འཛུགས་སྐྱོང་ཧུར་ཐག་བྱེད་དགོས་པ། བརྒྱད་ནས་རྒྱལ་ཁབ་ཕྱི་ནང་གི་བོད་རིགས་སྤུན་ཟླའི་འཐབ་ཕྱོགས་གཅིག་འགྱུར་རྒྱ་ཆེར་གཏོང་བའི་ཐད་རྣམ་པ་གསར་པ་ཐོན་པ་བྱ་རྒྱུ་སྟེ། བསྐོང་འཐེན་བྱེད་ཐུབ་པའི་དགེ་མཚན་ལྡན་པའི་རྒྱུ་རྐྱེན་ཐ་དག་བསྐོང་འཐེན་བྱེད་པ་དང་མཐུན་སྒྲིལ་བྱེད་ཐུབ་པའི་སྟོབས་ཤུགས་ཐ་དག་ལ་མཐུན་སྒྲིལ་བྱས་ཏེ་ཆེས་ཡོངས་ཁྱབ་ཀྱི་རྒྱལ་གཅེས་འཐབ་ཕྱོགས་གཅིག་འགྱུར་རྒྱུན་ཆད་མེད་པར་སྲ་བརྟན་གོང་འཕེལ་བཏང་ནས། བོད་ལྗོངས་མཆོངས་སྐྱོད་ལྟ་བུའི་གོང་འཕེལ་དང་ཡུན་རིང་བདེ་འཁོད་ལ་སྐུལ་འདེད་གཏོང་བའི་མཉམ་ཤུགས་ཆེན་པོ་ཆགས་པ་བྱེད་དགོས་པ་བཅས་རེད།།
རྩོམ་སྒྲིག་པ་བསོད་སྒྲོན།
༼ རྒྱ་ནག་ཕྱོགས་ལ་དོ་སྣང་ཅན་ཚོས་ལྟ་གལ་ཆེ་བར་མཐོང་སྟེ་འདིར་བཀོད་ཡོད། ༽
ཐུགས་རྗེ་ཆེ་ཡག་པོ་བཀོད་འདུག།
མི་ངན་དེ་ཚོའི་སྐད་ཆར་བདེན་པ་འཛིན་ཡག་ཡོད་པ་མ་རེད།
ཆུ་དཀྲོག་ནས་མར་ཐོན་ཡས་ཡོད་པ་མ་རེད།
རྫུན་མའི་ལུང་དྲངས་ན་རྫུན་མ་མ་གཏོགས་ཆགས་ཡས་མེད།
འདིར་བཀོད་་པ་ཐུགས་རྗེ་ཆེ་ང་ཚོའི་ངེས་པར་དུ་ཤེས་དགོས་བ་རེད་།་བོད་ནང་གི་ལས་དོན་ཐམས་ཅད།
ཁོས་གཙོ་བོ་དགེ་འདུན་པ་དོ་དམ་བྱེད། ཕྱི་རྒྱལ་ལ་ཡོད་པའི་བོད་པ་ཚུར་འགུག་ཐབས་བྱེད། བོད་པ་འབྱིངས་ལ་མགོ་སྐོར་གཡོགས་ཟེར། བོད་པ་སྟངས་འཛིན་བྱེད་པར་འདི་འདྲ་ལས་སླ་པོ་ཡོད་ཨེ་ཡོད་དམ།