བོད་ལྗོངས་ཉིན་རེའི་ཚགས་པར་གྱི་རྩོམ་ཞིག

༼ཁ་བརྡ་དྲ་དེབ་ལ་གཤམ་གསལ་གྱི་རྩོམ་འདི་ཀློག་མཁན་ཞིག་གིས་བསྐུར་འདུག་ཅིང་།  མཁྱེན་རྟོགས་ཆེད་འདིར་བཀོད་པ་ཡིན། རྩོམ་ཡིག་འདིའི་ནང་། ༧སྐྱབས་མགོན་ཆེན་པོར་མཚན་སྨད་དང་བོད་ཀྱི་དངོས་དོན་ལ་འཁྱོག་བཤད་བྱས་འདུག་མོད། འདིར་ང་ཚོས་དེ་རིགས་མཁྱེན་རྟོགས་ཡོང་ཆེད་ཁོ་ནར་དམིགས་ཏེ་བཀོད་པ་ཡིན། ཁ་བརྡས།༽

—————————————-

༄༅༎ཆོས་གོས་གྱོན་ནས་གདུག་རྩུབ་ཆེན་པོས་མི་དམངས་ལ་བཤུ་གཞོག་གཏོང་མཁན་གྱི་ཞིང་བྲན་བདག་པོ།

སྤེལ་དུས།　2009-04-24　　 ཡོང་ཁུངས།　 བོད་ལྗོངས་ཉིན་རེའི་ཚགས་པར།　　 རྩོམ་པ་པོ། 　རྩོམ་སྒྲིག་པའི་མཆན།

ཏཱ་ལ་སྐྱེ་ཕྲེང་བཅུ་བཞི་པས་བོད་དུ་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་ལོག་སྤྱོད་དབང་སྒྱུར་རོ་ལངས་རྒྱག་ཆེད་དང་མེས་རྒྱལ་ཁ་ཕྲལ་གཏོང་ཆེད་ཆོས་ལུགས་ལ་ཁ་གཡར་ནས་ཆོས་གོས་གྱོན་ཏེ་མིང་གྲགས་ལ་བརྟེན་ནས་གང་ས་གང་དུ་འཁྱམ་བཤད་བྱས་ཏེ་འཇིག་རྟེན་ཐོག་གི་སྐྱེ་བོར་མགོ་སྐོར་གཏོང་བ་དང་མགོ་བོ་རྨོངས་སུ་འཇུག་གི་ཡོད།ཏཱ་ ལའི་རུ་ཚོགས་ཀྱི་ལོག་སྤྱོད་ངོ་བོ་དང་ཏཱ་ལའི་ཆོས་ལུགས་ཐད་ཀྱི་གཡོ་རྫུས་རང་བཞིན་སྔར་བས་ཐེར་འདོན་བྱེད་ཆེད་འདི་ག་ཚགས་པར་ཐོག་དེ་རིང་ནས་བཟུང“ཏཱ་ལ་སྐྱེ་ཕྲེང་བཅུ་བཞི་པའི་ཆོས་ལུགས་ཐད་ཀྱི་གཡོ་རྫུས་རང་བཞིན་ཐེར་འདོན་བྱེད་པའི་རིམ་སྤེལ་དཔྱད་གཏམ”བཏོན་ནས་ཏཱ་ལས་འདུལ་ཁྲིམས་ལས་འགལ་བ་དང་སྟོན་པར་རྒྱབ་གཏོད་བྱེད་པའི་གདོང་རིས་ངོ་མ་ཐེར་འདོན་བྱས་ཏེ་ཏཱ་ལས་མེས་རྒྱལ་ཁ་ཕྲལ་དུ་གཏོང་བ་དང“བོད་རང་བཙན”གྱི་ལྐོག་གཡོ་བཤམས་པའི་ངན་སེམས་འཛམ་གླིང་ཐོག་ཡོངས་བསྒྲགས་བྱས་ཏེ་མི་རྣམས་ལ་ཏཱ་ལའི་ཆོས་ལུགས་ཐད་ཀྱི་གཡོ་རྫུས་རང་བཞིན་གསལ་པོར་རྟོགས་སུ་འཇུག་རྒྱུ་ཡིན།

༡༩༥༩ལོའི་དམངས་གཙོའི་བཅོས་སྒྱུར་གོང་དུ་བོད་འདི་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་དབང་སྒྱུར་འོག་གནས་པ་དང་སྡེ་པ་གཞུང་དང་།སྐུ་དྲགདགོན་སྡེའི་མཐོ་རིམ་གྲྭ་བཙུན་བཅས་མངའ་བདག་ཆེན་པོ་གསུམ་ལས་གྲུབ་པའི་ཞིང་བྲན་བདག་པོའི་གྲལ་རིམ་གྱིས་རྒྱ་ཆེའི་ཞིང་བྲན་དང་བྲན་གཡོག་ཚོར་གདུག་རྩུབ་ཆེན་པོས་ཆབ་སྲིད་ཐད་གཉའ་གནོན ་དང་།བསམ་པའི་ཐད་བྲན་བཀོལ།དཔལ་འབྱོར་ཐད་བཤུ་གཞོག་གཏོང་གི་ཡོད།འོན་ཏེ་ཆོས་སྲིད་ཀྱི་དབང་ཆེན་མི་གཅིག་ལ་བདག་པའི་ཏཱ་ལ་ནི་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་ཐོན་དངོས་དང་།བོད་རྙིང་པའི་བཀས་བཀོད་རྒྱུད་འཛིན་ཞིང་བྲན་བདག་པོའི་གྲལ་རིམ་གྱི་སྤྱིའི་ཚབ་བྱེད།ཆོས་གོས་གྱོན་ནས་ངལ་རྩོལ་མི་དམངས་ལ་གདུག་རྩུབ་ཆེན་པོས་བཤུ་ གཞོག་གཏོང་མཁན་ཞིང་བྲན་བདག་པོ་ཆེ་ཤོས་བཅས་ཡིན།

དམངས་གཙོའི་བཅོས་སྒྱུར་མ་བྱས་གོང་ཏཱ་ལ་སྐྱེ་ཕྲེང་བཅུ་བཞི་པའི་ཁྱིམ་རྒྱུད་ལ་བོད་དུ་གཞིས་ཀ་༢༧དང་འབྲོག་ར་༣༠ཡོད་པ་དང་།བྲན་གཡོག་༦༠༠༠ལྷག་ཙམ་ཡོད།ལོ་ལྟར་ཞིང་བྲན་གྱི་སར་ནས་ཁལ་（ཁལ་རེར་སྤྱི་རྒྱ་༡༤ཙམ་ཡིན）༣༣༠༠༠ལྷག་ཙམ་དང་མར་ཁལ་༢༥༠༠ བོད་དངུལ་སྲང་ཁྲི་༢༠༠ལྷག་ཙམ།  ནོར་ལུག་༣༠༠སྣམ་བུ་སྦུབས་༡༧༥བཅས་བཤུ་གཞོག་གཏོང་གི་ཡོད།༡༩༥༩ལོར་ཏཱ་ལ་སྐྱེ་ཕྲེང་བཅུ་བཞི་པ་མི་སྒེར་ལ་གསེར་སྲང་ཁྲི་༡༦དང་དངུལ་སྲང་ཁྲི་༩༥༠༠ནོར་བུའི་རིགས་དང་གཡང་ཊིའི་ཡོ་ཆས་ཁྲི་༢ལྷག་ཙམ།དར་གོས་སྣ་ཚོགས་དང་རྩ་ཆེའི་པགས་རིགས་ཀྱི་གྱོན་ཆས་ཁྲི་༡ལྷག་ཙམ་ཡོད་པའི་ནང་སྒོར་ཁྲི་ཁ་ཤས་རི་བའི་ནོར་བུའི་རིགས་ཀྱིས་བརྒྱན་པའི་ཟླ་གམ་༡༠༠ལྷག་ཙམ་བཅས་ཡོད།བ ོད་ཀྱི་ཞིང་བྲན་བདག་པོ་ཆེ་ཤོས་ཡིན་པའི་ཏཱ་ལ་སྐྱེ་ཕྲེང་བཅུ་བཞི་པའི་སྡིག་ཉེས་བརྗོད་ཀྱིས་མི་ལངས་པ་ཞིག་ཡོད་པ་འདི་ལྟ་སྟེ།

ཏཱ་ལས་སྐྱེད་ཆེའི་བུ་ལོན་བཏང་བ།ཏཱ་ལ་སྐྱེ་ཕྲེང་རིམ་བྱོན་ལ་བུན་གཏོང་ལ་ཆེད་མངགས་དོ་དམ་བྱེད་མཁན་གྱི་སྒྲིག་གཞི“རྩིས་དཔོན”དང“རྩིས་ཆུང”བཙུགས་ནས་ལོ་ལྟར་ཏཱ་ལར“བསྙེན་བཀུར”དུ་ཕུལ་བའི་ཡོང་འབབ་ཁག་གཅིག་སྐྱེད་ཆེའི་བུ་ལོན་དུ་བརྩིས་ནས་མང་ཚོགས་ལ་བཏང་སྟེ་ཁེ་བཟང་ཆེན་པོ་རག་ཐབས་བྱེད་ཀྱི་ཡོད།༡༩༥༠ལོའི་བུན་གཏོང་སྒྲིག་གཞི་གཉིས་ཀྱི་རྩིས་ཁྲའི་ཐོག་རགས་ཙམ་འཁོད་པར་གཞིགས་ན།སྐྱེད་ཆེའི་བུ་ལོན་དངུལ་སྲང་ཁྱོན་༣༠༣༨༥༨༡བཏང་བར་ལོ་རེར་སྐྱེད་ཀ་དངུལ་སྲང་༣༠༣༠༥༨བསྡུ་གི་ཡོད།བོད་ཀྱི་རིམ་ཁག་ས་གནས་སྲིད་གཞུང་དུ་བུན་གཏོང་སྒྲིག ་གཞི་མི་ཉུང་བ་ཞིག་བཙུགས་ཡོད།བུ་ལོན་གཏོང་བ་དང་སྐྱེད་ཀ་བསྡུ་རྒྱུ་དེ་རིམ་ཁག་དཔོན་རིགས་ཀྱི་སྲིད་འཛིན་འགན་འཁྲི་ཞིག་ཏུ་གྱུར་ཡོད།༡༩༥༩ལོར་བརྟག་དཔྱད་བྱས་པར་གཞིགས་ན།ལྷ་སའི་འབྲས་སྤུངས་དགོན་དང་།སེ་ར་དགོན།དགའ་ལྡན་དགོན་བཅས་དགོན་སྡེ་ཆེན་པོ་གསུམ་གྱིས་ཁྱོན་འབྲུ་རིགས་རྒྱ་མ་༤༥༤༥༡༦༤༤བུ་ལོན་བཏང་ནས་ལོ་རེར་སྐྱེད་ཀ་རྒྱ་མ་༧༩༨༧༢༨བསྡུས་པ་དང་།དངུལ་ སྲང་༥༧༡༠༥༨༩༥བཏང་ནས་ལོ་རེར་སྐྱེད་ཀ་དངུལ་སྲང་༡༤༠༢༣༨༠བསྡུས་ཡོད།སྐྱེད་ཆེའི་བུ་ལོན་གྱི་བཤུ་གཞོག་བཏང་བའི་ཡོང་འབབ་དེས་དགོན་སྡེ་ཆེན་པོ་གསུམ་གྱི་སྤྱིའི་ཡོང་འབབ་ཀྱི་༢༥%ནས་༣༠%བར་བཟུང་ཡོད། ཏཱ་ལས“ཐ་མི”སྲིད་གཞུང་ནང་ལས་ཀ་དང་རང་མོས་གཉེན་སྒྲིག་བྱེད་དུ་མི་འཇུག་པ།

བོད་རང་སྐྱོང་ལྗོངས་ཡིག་ཚགས་ཁང་དུ་ཉར་ཚགས་བྱས་པའི《མགར་བའི་རྒྱུད་རྩ་ཉར་འཇོག་བྱེད་མི་ཆོག་པའི་སྙན་ཞུའི》ནང་༡༩༥༣ལོར་སྟོད་ལུང་བདེ་ཆེན་རྫོང་གི་མགར་བའི་རྒྱུད་རྩ་ཞིག་ཏཱ་ལའི་བླ་མ་སྐྱེ་ཕྲེང་བཅུ་བཞི་པའི་འགྲམ་དུ་ལས་ཀ་བྱེད་ཀྱི་ཡོད།ཏཱ་ལ་སྐྱེ་ཕྲེང་བཅུ་བཞི་པས་ཁོ་པ་ནི་མགར་བའི་རྒྱུད་རྩ་ཡིན་པ་ཤེས་འཕྲལ་ཕྱིར་འབུད་བྱས་པ་དང་འབྲེལ་གསེར་བཟོ་བ་དང་དངུལ་བཟོ་བ་དང་མགར་བ་དང་ཤན་པ་སོགས་ཀྱི་ཁྱིམ་ལ་སྐྱེས་པའི་མི་ཞིག་ཡིན་ཕྱིན་ཚང་མ་ཐ་མའི་ཐ་མ་ཡིན་པས་སྲིད ་གཞུང་གི་ནང་ལས་ཀ་བྱེད་མི་ཆོག་ལ་རིམ་པ་གཞན་གྱི་ཁྱིམ་དང་གཉེན་སྒྲིག་བྱེད་མི་ཆོག་ཅེས་བཀའ་རྒྱ་ཕབ་ཡོད་པ་འཁོད་ཡོད།

མིའི་དབང་པོ་སྤྱད་དེ་ཏཱ་ལར་ཚེའི་རིམ་གྲོ་བྱེད་པ།ད་ཆ་ཉར་ཚགས་བྱས་པའི་དུས་རབས་༢༠པའི་ལོ་རབས་༥༠པའི་ལོ་འགོའི་བོད་ས་གནས་སྲིད་གཞུང་གི་འབྲེལ་ཡོད་སྡེ་ཁག་གིས་རགས་རྒྱབ་པའི་འགོ་པར་བསྐུར་བའི་འཕྲིན་ཡིག་གཅིག་གི་ནང“ཆེད་དོན།སྤྱི་ནོར་གོང་ས་སྐྱབས་མགོན་ཆེན་པོའི་སྐུ་ཕྱའི་ཞབས་བརྟན་ཆེད་རྒྱུད་སྨད་ཚོགས་ཡོངས་ཁྲོ་བཅུའི་གཏོར་བཟློག་གནད་མིན་སྒྲུབ་ཚུགས་ཀྱིས་འདི་ཚེས་ཉིན་ཟོར་འཕེན་དགོས་ཆར་རྒྱུ་མ་རློན་པ་རྒྱུ་ཤལ་གཅིག་དང་།མི་མགོ་གཉིས།ཁྲག་སྣ།གཡང་གཞི་བཅས་དགོས་པ་འཕྲལ་སྤྲོད་དགོས་རྒྱུའི་ངོས་སྦྱོར་དུ”འཁོད་ཡོད།ཏཱ་ལའི་ཁྱིམ་རྒྱུད་ཀྱི་ཁོངས་མི་དང་འཁོར་གཡོག་གིས་ཞིང་བྲན་ལ་གདུག་རྩུབ་ཆེན་པོས་གནོད་འཚེ་བཏང་བ།ཁོ་པའི་ཡོངས་འཛིན་ཁྲི་བྱང་གིས་བདེ་ཆེན་རྫོང་དུ་བཙུགས་པའི་སྒེར་གྱི་དགོན་པའི་དོ་དམ་ཁང་དུ་ཁྲི་བྱང་བླ་བྲང་གིས་གསད་པ་དང་ཉེས་རྡུང་བཏང་བའི་ཞིང་བྲན་དང་གྲྭ་པ་དབུལ་པོའི་མི་གྲངས་དེ་༥༠༠ལྷག་ཙམ་ཟིན་ཡོད་ཁར་མི་༡༢༡བཙོན་དུ་བཅུག་པ་དང་།མི་༨༩ར ྒྱང་འབུད་བཏང་བ།མི་༥༣༨བཙན་ཤེད་ངང་བྲན་གཡོག་བྱེད་དུ་བཅུག་པ།མི་༡༠༢༥སྡུག་བསྔལ་གྱིས་མི་བཟོད་པར་བྲོས་དགོས་བྱུང་བ།མི་༧༢ཀྱི་གཉེན་སྒྲིག་མེད་པ་བཟོས་པ།བུད་མེད་༤༨༤ལ་བཙན་གཡེམ་བྱས་པ་བཅས་རེད།

ངོ་ལོག་བྲོས་བྱོལ་སེང་ནས་ལོ་༥༠སོང་རིང་ཏཱ་ལའི་རུ་ཚོགས་ཀྱིས་བོད་རྙིང་པའི་བཀས་བཀོད་རྒྱུད་འཛིན་ཞིང་བྲན་བདག་པོའི་སྟོབས་ཤུགས་ལྷག་འཕྲོའི་ཚབ་བྱེད་པའི་ངོ་བོ་ལས་གཡོལ་ཐབས་བྲལ་ནས་སྐུ་དྲག་རྙིང་པ་དང་ཁྱིམ་རྒྱུད་ཆེ་བ་དང་ལྷག་པར་དུ་ཏཱ་ལའི་ཁྱིམ་རྒྱུད་ཀྱིས་དུས་ཡུན་རིང་པོའི་ནང་ཏཱ་ལའི་རུ་ཚོགས་ཀྱི་སྲོག་ཤིང་དབང་ཆ་བཟུང་ཡོད། ཏཱ་ལ་རང་ཉིད་ནི“ཆོས་སྲིད་ཀྱི་གཙོ་འཛིན”ཡིན་པས་དབང་ཆ་མཐོ་ཤོས་བཟུང་ཡོད།   “མི་གཅིག་དབང་ཆ་ཐོབ་པས་ན། དེ་ཡི་འཁོར་ཡང་དབང་ཡོད་འགྱུར”ཅེས་པ་ལྟར་ཁོ་པའི་གཅེན་གཅུང་བདུན་པོ་ཚང་མས་དབང་ཆ་བཟུང་ཡོད་པ་སྟེ།གཅེན་པོ་རྒན་པ་སྟག་འཚེར་སྤྲུལ་སྐུས“ཉིའུ་གཡོད་དུ་བཅའ་སྡོད་དོན་གཅོད་ཁང”དང“རི་པིན་དུ་བཅའ་སྡོད་དོན་གཅོད་ཁང”གི་ཀྲུའུ་རེན་བྱེད་མྱོང་བ་དང་ནང་མི་ཚང་མ་ཨ་རིར་གཞིས་ཆགས་ཡོད་པ་དང་།གཅེན་པོ་འབྲིང་བ་རྒྱ་ལོ་དོན་གྲུབ་ཀྱིས་“ཡུལ་གྱར་སྲིད་གཞུང”གི“བཀའ་བློན་ཁྲི་པ”བྱེད་མྱོང་བས་ཏཱ་ལའི་རུ་ཚོགས་ནང་གི་ཏཱ་ལ་དང་ཧ་ལམ་འདྲ་བའི་མི་སྣ་གཉིས་པ་དེ་ཡིན་པ་དང་རྒྱ་གར་གྱི་རྡི་ལི་གསར་པ་དང་།ཀ་ལུན་སྦུགརྡོ་རྗེ་གླིང་དང་ཀྲུང་གོའི་ཤང་ཀང་སོགས་སུ་ཁོ་པ་མི་སྒེར་གྱི་སྡོད་ཁང་ཡོད་པ།གཅེན་པོ་ཆུང་བ་བློ་བཟང་བསམ་གཏན་གྱིས་འཕྲོད་བསྟེན་གྱི“བཀའ་བློན”དང་སྨན་རྩིས་ཁང་གི་འགན་འཁུར་བ་ཡུན་རིང་བྱེད་མྱོང་བ་དང་ཁོ་པའི་བཟའ་ཟླ་ཡང“འཕྲོད་བསྟེན་ལས་ཁུངས”ཀྱི་དྲུང་ཆེའི་བར་སླེབས་མྱོང་བ།གཅེན་མོ་ཚེ་རིང་སྒྲོལ་མའི་བཟའ་ཟླ་སྟག་ལྷ་ཕུན་ཚོགས་བཀྲ་ཤིས་ཀྱིས“ནང་སྲིད་ལས་ཁུངས”དང“བདེ་སྲུང་ལས་ཁུངས”ཀྱི“བཀའ་བློན”གྱི་འགན་ཡུན་རིང་འཁུར་ཡོད་པ།གཅུང་མོ་རྗེ་བཙུན་པད་མ་ནི“བོད་གཞོན་ནུ་ཚོགས་པ”འཛུགས་མཁན་གྲས་ཤིག་ཡིན་པ་དང“བཀའ་བློན”ཐེངས་མང་བྱེད་མྱོང་བ་དང་རྒྱ་གར་དུ་བཙུགས་པའི “བོད་ཀྱི་བྱིས་པའི་གྲོང་ཚོའི”སྤྱི་འགན་ལོ་༤༦འཁུར་བ་དང་ཕྱི་རྒྱལ་གྱིས་ཏཱ་ལའི་རུ་ཚོགས་ལ་རོགས་རམ་བྱས་པའི་ནང་གི་ཧ་ཅང་མང་པོ་ཞིག་ནི་ཁོ་མོས“བྱིས་པའི་གྲོང་ཚོའི”མིང་ཐོག་ནས་བསྡུ་ལེན་དང་བཀོལ་སྤྱོད་བྱས་པ།   གཅུང་པོ་མངའ་རིས་སྤྲུལ་སྐུས“བོད་གཞོན་ནུ་ཚོགས་པའི”སྐབས་གཉིས་པའི་ཚོགས་གཙོའི་འགན་འཁུར་མྱོང་བ་མ་ཟད“རྒྱ་གར་དང་བོད་ཀྱི་དམིགས་བསལ་མཐའ་མཚམས་དཔུང་སྡེའི”ནང་དམག་དཔོན་ལོ་༥བྱེད་མྱོང་བ་དང་དམག་ཁོངས་ནས་ཐོན་རྗེས་ཏཱ་ལའི་རུ་ཚོགས་ཀྱི་སྲོག་ཤིང་དབང་ཆ་སྟེ—“ཏཱ་ལ་མི་སྒེར་གྱི་དྲུང་ཡིག་ཁང”གི་དབང་ཆ་བཟུང་བ། མངའ་རིས་སྤྲུལ་སྐུའི་བཟའ་ཟླ་རིན་ཆེན་མཁའ་འགྲོས“རྒྱ་གར་དང་བོད་ཀྱི་དམིགས་བསལ་མཐའ་མཚམས་དཔུང་སྡེའི”བུད་མེད་བརྒྱ་ཤོག་གི་བརྒྱ་དཔོན་དང“བོད་བུད་མེད་ཚོགས་པའི”སྐབས་གསུམ་གྱི་ཚོགས་གཙོ་བྱེད་མྱོང་ཡོད།

༡༩༩༣ལོར་ཏཱ་ལས“ཡུལ་གྱར་སྲིད་གཞུང”བསྐྱར་སྒྲིག་བྱས་རྗེས་ཁོ་མོས་སློབ་གསོའི“བཀའ་བློན”ལོ་༨བྱེད་མྱོང་བ་དང་ཨོའུ་གླིང་དང་ཨ་རིར་ཟབ་སྦྱོང་བྱེད་པར་འགྲོ་འདོད་ཡོད་པའི་རྒྱ་གར་དུ་ཡོད་པའི་བོད་རིགས་སློབ་མ་དེ་ཚོ་མང་ཆེ་བ་ཁོ་མོས“ཞིབ་མཆན”འགོད་དགོས་ཀྱི་ཡོད་པས་ཕྱི་རྒྱལ་དུ་སློབ་སྦྱོང་བྱ་རྒྱུ་དེ་ཐར་ལམ་ཡག་ཤོས་སུ་བརྩི་བའི་ཡུལ་གྱར་བོད་མི་སློབ་མའི་ངོས་ནས་བཤད་ན་འཆི་གསོན་གྱི་དབང་ཆ་ཆེན་པོ་འཛིན་པ་ནི་སྨོས་མེད་ཅིག་རེད།   ད་ལྟའི“ཡུལ་གྱར་སྲིད་གཞུང”སྐབས་འདིའི“བཀའ་བློན”ནང་བསྟན་པ་ཚེ་རིང་ནི་རྗེ་བཙུན་པད་མའི་བཟའ་ཟླ་ཡིན་པ་དང་།སྟག་ལྷ་སྐལ་བཟང་དབངས་ཅན་ནི་སྟག་ལྷ་ཕུན་ཚོགས་བཀྲ་ཤིས་ཀྱི་བཟའ་ཟླ་གཉིས་པ་དེ་རེད།     “ཡུལ་གྱར་སྲིད་གཞུང”བཙུགས་པ་ནས་ད་བར་ཏཱ་ལ་སྐྱེ་ཕྲེང་བཅུ་བཞི་པའི་ཁྱིམ་རྒྱུད་ནང་གི་མི་༧གྱིས་སྔ་རྗེས་སུ“བཀའ་བློན”དང“བཀའ་བློན་ཁྲི་པ”བྱེད་མྱོང་བས་དེའི་ཁྱིམ་རྒྱུད་ཀྱི་སྟོབས་ཤུགས་ཆེ་བ་ནི་ཏཱ་ལའི་བླ་མ་སྐྱེ་ཕྲེང་རིམ་བྱོན་ཚང་མ་ལས་བརྒལ་ཡོད།བོད་རྙིང་པའི་བཀས་བཀོད་རྒྱུད་འཛིན་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་མུན་ནག་དང་།གདུག་རྩུབ།ཀླ་ཀློ།རྗེས་ལུས་བཅས་ནི་འཛམ་གླིང་ཐོག་གི་སྐྱེ་བོ་ཀུན་གྱིས་སྔ་ས་ནས་གསལ་པོར་རྟོགས་པ་དང་སྔ་ས་ནས་མཆིལ་མ་བཏབ་ ཡོད།འོན་ཏེ་ཏཱ་ལ་ནི་ཆོས་སྲིད་ཟུང་འབྲེལ་གྱི་བཀས་བཀོད་རྒྱུད་འཛིན་ཞིང་བྲན་ལམ་ལུགས་ཀྱི་ཐོན་དངོས་དང་བོད་རྙིང་པའི་ཞིང་བྲན་བདག་པོ་ཆེ་ཤོས་ཡིན་སྟབས་མི་རྣམས་ལ་རབ་རིབ་ཀྱི་ངོས་འཛིན་ཡོང་སླ་པོ་ཡོད།ཏཱ་ལ་སྐྱེ་ཕྲེང་བཅུ་བཞི་པས་ཆོས་ལུགས་ཀྱི་ཕྱི་གོས་གྱོན་པ་དང་ཆོས་ལུགས་ཀྱི་དར་རྟགས་འཕྱར་ཏེ་མི་དམངས་ལ་གདུག་རྩུབ་ཆེན་པོས་བཤུ་གཞོག་གཏོང་བ་དང་།མེས་རྒ ྱལ་ཁ་ཕྲལ་གཏོང་བའི་རེ་ངན་འཆང་བ།བཀས་བཀོད་རྒྱུད་འཛིན་ཞིང་བྲན་ལམ་ལུགས་རོ་ལངས་རྒྱག་རེ་བྱེད་པ་བཅས་ལ་དེ་བས་མགོ་བསྐོར་རང་བཞིན་ཧ་ཅང་ཆེན་པོ་ལྡན་ཡོད།ང་ཚོས་ཏཱ་ལ་ནི་བོད་རྙིང་པའི་ཞིང་བྲན་བདག་པོ་ཆེ་ཤོས་དེ་ཡིན་པའི་ཚང་མཐིལ་བརྟོལ་བ་དང་ཏཱ་ལ་སྐྱེ་ཕྲེང་བཅུ་བཞི་པའི“བྱམས་སྙིང་རྗེ་ཅན་གྱི་བླ་མའི”རྫུན་ཆས་དབྲལ་ཚེ་གཞི་ནས་ཁོ་པའི་ཆོས་ལུགས་ཐད་ཀྱི་གཡོ་རྫུས་རང་བཞིན་གསལ་པོ་རྟོགས་པ་དང་གཞི་ནས་ཁོ་པའི་རྫུན་གཏམ་མཐའ་དག་མཐིལ་བརྟོལ་ཐུབ།