ཁ་སང་ཕྱི་ཚེས་བཞིའི་རེས་གཟའ་སྤེན་པའི་ཞོགས་པར་རྫ་ཆུ་ཁ་དབོན་པོ་ཞང་དུ་རྒྱ་གཞུང་ལ་ངོ་རྒོལ་སྤེལ་ཏེ། ད་ལྟ་དབོན་པོ་དགོན་གྲོང་གཉིས་དམ་དྲག་བྱེད་ཀྱིན་ཡོད་འདུག
བོད་ནས་གནས་ཚུལ་འབྱོར་གསལ་ལྟར་ན། ཁ་སང་རེས་གཟའ་སྤེན་པའི་ཞོགས་པ་ནམ་གསལ་བ་ན་རྫ་ཆུ་ཁའི་ཆར་གཏོགས་རྫ་སྨད་དབོན་པོ་ཞང་གི་ཡུལ་ཚོའི་སློབ་གྲྭའི་ཐོག་གི་རྒྱ་ནག་གའི་རྒྱལ་དར་མར་ཕབ་སྟེ། བོད་ཀྱི་རྒྱལ་དར་བསྒྲེངས་འཛུགས་བྱས་ཡོད་པ་དང་། ཡིག་ཆ་མང་བོ་སྦྱར་འགྲེམས་བྱས་པའི་གནས་ཚུལ་བྱུང་འདུག འོན་ཀྱང་། ཁ་པར་བརྒྱུད་ལམ་བཀག་ཟིན་པས་ས་གནས་རང་གི་མི་ལ་འབྲེལ་གཏུགས་བྱེད་མི་ཐུབ་ཅིང་། སྦྱར་ཡིག་གི་ནང་དོན་སོགས་བྱ་བྲག་གི་གནས་ཚུལ་ཤེས་རྟོགས་བྱེད་ཐུབ་ཀྱི་མེད་པ་དང་། གནས་ཚུལ་དེའི་རྐྱེན་གྱིས་སེལ་ཤུལ་རྫོང་ནས་ཉེན་རྟོག་པ་འབོར་ཆེན་ཆེད་གཏོང་བྱས་ནས་ད་ལྟ་དབོན་པོ་དགོན་གྲོང་གཉིས་ཧ་ཅང་དམ་དྲག་དོ་དམ་གྱི་འོག་ཏུ་ཚུད་ཡོད་འདུག་ཅིང་། གནས་ཚུལ་ཤེས་ཚོད་ལྟར་ན་དབོན་པོ་ཞང་དང་དབོན་པོ་དགོན་དུ་འགྲོ་བའི་ལམ་འགྲོ་བ་རྣམས་དེར་འགྲོར་མི་བཅུག་པ་དང་། དགོན་པ་དང་ཞང་གི་མི་རྣམས་ཀྱང་ཕྱི་ལ་ཐོན་མི་བཅུག་པ་སོགས་ལམ་འགྲོ་བ་དང་གླིང་བསྐོར་བ་ཚུན་ཆད་ཀྱི་སྒང་ལ་ཡང་དཀའ་ཁག་ཆེན་པོ་ཞིག་འཕྲད་བཞིན་ཡོད་པའི་གནས་ཚུལ་འདུག་ལ། ཟ་ཁང་དང་ཚོང་ཁང་ཁག་གི་སྒོ་ཕྱེ་མི་ཆོག་པའི་དམ་དྲག་ཀྱང་བྱས་ཡོད་འདུག གཞན་འབྲེལ་གཏུགས་བརྒྱུད་ལམ་བཀག་ཟིན་པས་ད་ལྟ་གནས་ཚུལ་ཅི་ཞིག་འབྱུང་བཞིན་ཡོད་ཤེས་རྟོགས་བྱེད་ཐབས་མེད་པར་གྱུར་ཡོད།
བོད་ཀྱི་དུས་བབ་ལས་དྲངས།
ཡ་བུ་རྒོད་པོ། རང་ས་རང་ཡུལ་ན་ཉམ་འཁུར་དགོས་དོན་མེད། །
འཛམ་གླིང་གི་ལོ་གསར་ཚེས་པ་ནས་སྟོད་དང་བར་གྱི་འབྲུག་སྒྲ་ཉུང་ཀྱང་སྨད་མདོ་ཁམས་སྒོང་དྲུག་གི་
དཔལ་བོའིའབོ་སྒྲ་ནི་འབྲུག་གྲགས་ཧཧཧཧཧ