ནམ་མཁའ་ནས་བྲིས།
འོད་ཟེར་གྱི་ངོ་དེབ་སྟེང་ལྷ་སར་དགོན་པ་གང་ཡིན་གསལ་བོ་མ་ཤེས་ཀྱང་།དགོན་ཐོག་ཏུ་རྒྱ་གཞུང་གི་དར་དམར་བསྒྲེངས་འདུག་པ་ཞིག་མཐོང་སོང་།བོད་མི་མང་པོ་ཞིག་སེམས་སྐྱོ་བཞིན་མགོ་བོ་སྨད་འདུག ངས་པར་འདི་མཐོང་མ་ཐག་སེམས་སུ་དྲི་བ་འགའ་དབང་མེད་དུ་འཆར། རྒྱ་གཞུང་གིས་གསལ་བོ་ཤེས་བ་ཞིག་ནི།བོད་མི་ས་ཡ་དྲུག་གི་མཐོང་ན་མི་འདོད་པ་དང་མཐོང་ན་ཁོང་ཁྲོ་ལངས་ཡོང་བའི་དར་དམར་འདི།ད་ལོ་བསམ་བཞིན་དགོན་པའི་སྟེང་བསྒྲེངས་དོན་ཅི་ཡིན་ནམ། བོད་ཀྱི་མི་རབས་གཉིས་པ་ཚོར་བསམ་བཞིན་ཁོང་ཁྲོ་བསླངས་སྟེ་མེ་མདའི་འོག་ནས་དོན་དག་ཞིག་བཤད་འདོད་ཡོད་པའི་རྣམ་པ་གསལ་བོར་རེད།
དྲི་བ་དང་པོ། བོད་མི་ས་ཡ་དྲུག་གི་བདེ་སྡུག་རྩོད་ལེན་བྱེད་འདོད་ཡོད་ན་དགོན་སྟེང་གི་དར་དམར་འདི་མར་ཕབ་ཏུ་ཤོག་དང་བོད་རྒྱ་གཉིས་ཀྱི་རྙོག་དྲ་འདི་མེ་མདའི་ཁ་ནས་ཐག་གཅོད་བྱེད་ཆོག་ཟེར་བའི་རྣམ་པ་དང་དེ་མིན་དར་དམར་འདིའི་འོག་ནས་མགོ་བོ་སྒུར་ནས་སྡོད་དགོས་བའི་བརྡ་རྟགས་ཞིག་མིན་ནམ་སྙམ་པའི་དྲི་བ་དང་།
གཉིས་པ།
རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ་དང་དེས་བཤད་པའི་ཐོབ་ཐང་ནི་ཚིག་ཙམ་ཞིག་ལས་རྒྱལ་ཁབ་ཡོངས་དང་འགྲོ་བ་མི་ཡོངས་ཁྱབ་ཐུབ་ཀྱི་མེད་པ་མ་ཟད། དེང་སང་འཛམ་གླིང་གི་རྒྱལ་ཁབ་ཨ་རི་དང་ཡོ་རུབ་སོགས་ཀྱིས་ཀྱང་རྒྱ་གཞུང་ལ་དཔལ་འབྱོར་གྱི་དབང་གིས་བསྟུན་དགོས་སྟབས་ཁྱེད་ཚོས་བཤད་པའི་ཐོབ་ཐང་ནི་ཚིག་ཙམ་ཞིག་ལས་དོན་ཐོག་ལག་ལེན་བསྟར་མི་ཐུབ་པས་བསམ་བློ་ཡོད་པ་མཚོན་ཐུབ་པ་མ་ཟད། དཔལ་འབྱོར་ཡོད་པའི་ང་རྒྱལ་ཀྱང་འཛམ་གླིང་ལ་སྟོན་གྱི་མེད་དམ་སྙམ།
གསུམ་པ།
དངུལ་ཡོད་ན་ཅི་ཡང་བྱེད་ཐུབ་ལ་གང་ཞིག་འདོད་པ་སྒྲུབ་པའི་བསམ་ཚུལ་འདི་ནི་རྒྱ་མི་རིགས་ཀྱི་གཤིས་ཀ་དང་སེམས་ཁམས་དངོས་གནས་དེ་ཡིན། རྒྱ་མི་རིགས་འདིའི་སེམས་ཁམས་དངོས་དེ་འཛམ་གླིང་ལ་སྟོན་གྱི་ཡོད་པ་རེད་སྙམ་པའི་དྲི་བ་གསུམ་ངའི་སེམས་སུ་དབང་མེད་དུ་ཤར་ཡོང་།
དེ་རིང་བོད་མི་ས་ཡ་དྲུག་གི་བདེ་སྡུག་འདི་ང་ཚོ་རང་ཉིད་ཀྱིས་ཐག་གཅོད་བྱེད་དགོས་བའི་དུས་ལ་སླེབས་འདུག་པས་ང་ཚོའི་མུ་མཐུད་ནས་ལམ་དབུ་མ་ནས་བསྐྱོད་ཀྱི་ཡིན་ནམ།དེ་མིན་ལམ་གཞན་ཞིག་བཙལ་རྒྱུ་ཡིན་དེ་རེད། གང་ལྟར་བོད་རྒྱ་གཉིས་ཀྱི་གནད་དོན་འདི་རྒྱ་གཞུང་གིས་མེ་མདའི་ཁ་ནས་ཐག་གཅོད་བྱེད་འདོད་པ་འདི་འུ་ཐུག་དང་གླེན་རྟགས་ཡིན་པས་གནས་སྐབས་རྒྱལ་ཁ་ཐོབ་སྲིད་ཀྱང་མཐའ་མའི་རྒྱལ་ཁ་སུ་ལ་ཐོབ་མིན་དང་མུ་མཐུད་འདི་ལྟར་བྱེད་ཐུབ་མིན་སོགས་བཤད་དཀའ་བ་ཞིག་རེད། རྒྱ་གཞུང་འདི་སྔོན་མ་སྤྱི་ཚོགས་རིང་ལུགས་ནས་གུང་ཁྲན་རིང་ལུགས་འགྲོ་འདོད་པའི་རྨི་ལམ་བཏང་མྱོང་བའི་སྲིད་གཞུང་ཞིག་ཡིན།ཡིན་ཡང་དེ་རིང་སྤྱི་ཚོགས་རིང་ལུགས་ནས་བཤུ་གཞོག་རིང་ལུགས་ཀྱི་ལམ་དུ་བསྐྱོད་བཞིན་པའི་སྲིད་གཞུང་ཞིག་ཡིན་པ་གང་ལ་ལྟོས་ཀྱང་ཤེས་ཐུབ། གང་ལྟར་ཡང། འཛམ་གླིང་གི་ཆབ་སྲིད་ཉམས་ཞིབ་པ་དག་གིས་རྒྱ་མི་རིགས་ཀྱི་སེམས་ཁམས་མ་ཤེས་བས་སྐྱོན་གྱིས་ཆབ་སྲིད་ལ་ཉམས་ཞིབ་བྱས་ཀྱང་ནོར་འཁྲུལ་བྱུང་ཡོད།དེང་སང་ཕལ་ཆེར་ཆབ་སྲིད་ཉམས་ཞིབ་པ་ཚོས་རྟོགས་ཡོད་པའི་རེ་བ་ཡོད། རྒྱུ་མཚན་ནི་འགྲོ་བ་མིའི་ཐོབ་ཐང་མི་དགོས་བའི་རྒྱལ་ཁབ་ཞིག་གིས་འཛམ་གླིང་གི་རྒྱལ་ཁབ་མང་པོ་ཚུར་བཀོད་འདོན་བྱེད་ཀྱི་ཡོད། གལ་སྲིད་ད་རུང་རྒྱ་ནག་འདི་དཔལ་འབྱོར་གྱི་དཀའ་ངལ་ནང་ལྷུང་ཡོད་ན་འདི་འདྲའི་སྤོབས་པ་སྐྱེས་མི་སྲིད། བོད་པའི་མདུན་ནས་ཀྱང་འདི་འདྲའི་བསམ་བཞིན་གདུགས་རྩུབ་དང་འགྲོ་འདུག་སྡོད་གསུམ་ལ་རང་དབང་མི་སྤྲོད་པ་ཞིག་ཨེ་ཡིན་སྙམ།མཐར་ཐུག་གི་རེ་བ་ནི་རྒྱ་གཞུང་ཕམ་དགོས་ན་དཔལ་འབྱོར་ཉམས་ཆགས་སུ་འགྲོ་རྒྱུ་འདི་རེད།
རྒྱ་ནག་གི་དཔལ་འབྱོར་ཉམས་རྒུད་བཏང་དགོས་ན་རྒྱ་ནག་གི་གྲོང་ཁྱེར་ཁག་ཏུ་འབར་རྫས་བཞག་ནས་འཇིགས་སྐུལ་དྲག་སྤྱོད་པའི་ལམ་དུ་ཞུགས་རྒྱུ་དེ་རེད། དེ་ལྟར་བྱས་ན་ཕྱི་རྒྱལ་གྱི་མ་རྩ་འཇོག་མཁན་གྱི་ཚོང་པ་ཚོས་རང་གི་རྒྱུ་རྫས་རྒྱ་ནག་ནས་བཞག་ན་བདེ་འཇགས་མེད་པས་ཉན་ཁ་མཐོང་ནས་ཕྱིར་འཐེན་བྱེད་ངེས་རེད། དེ་མཚུངས་རྒྱ་ནག་དང་ཚོང་རྒྱག་མཁན་ཉུང་དུ་འགྲོ་ལ་ཡུལ་སྐོར་སྤྲོ་འཾཁྱམ་པ་ཡང་ཉུང་དུ་འགྲོ། སྐབས་དེ་ཐོན་དུས་གུང་ཁྲན་ཏང་ངུ་རྒོད་ཀྱི་གནས་སུ་འགྲོ་ངེས་རེད།