བཀྲ་ཤིས་ནས།
ཁ་སང་གཉིས་པའི་ཚེས་བརྒྱད་ཀྱི་ཕྱི་དྲོ་དུས་ཚོད་བཞི་བ་ནས་བདུན་པའི་བར་དུ་ཨ་རིའི་གྲོང་ཁྱེར་ནེའུ་ཡོག་ཏུ་བཀའ་སྤྱི་གཉིས་ཀྱིས་བཀའ་གསུང་བཞིན་ཏུ་ས་གནས་new york དང new jersey བོད་རིགས་སྟོང་ཚོ་བརྒལ་བ་ཞིག་གྲོང་ཁྱེར་གྱི་སྲང་ལམ་ཞིག་ཏུ་མཉམ་འཛོམ་ཐོག་བོད་ནང་གི་རྒྱལ་གཅེས་དཔའ་བོ་དཔའ་མོ་ཚོར་མཆོད་འབུལ་སྨོན་ལམ་དང་ཞི་བའི་སྐད་འབོད་གནང་སོང་། དེ་བཞིན་དུ་སྤྱི་འཐུས་ཚུལ་ཁྲིམས་བསྟན་འཛིན་མཆོག་གིས་གསུང་བཤད་གནང་ནས་བོད་མི་ཡོད་ཚད་ལྡོག་རྩ་གཅིག་བསྒྲིལ་དགོས་ཚུལ་དང་སེམས་ཤུགས་བསྐྱེད་དགོས་ཚུལ་སོགས་བཀའ་སློབ་མདོརབསྡུ ས་ཤིག་གནང་སོང་། ས་གནས་བོད་རིགས་མཐུན་ཚོགས་ཀྱི་ཚོགས་གཙོ་དང་བུད་མེད་ཚོགས་གཙོ་གཞོན་ནུའི་ཚོགས་གཚོ་དེ་བཞིན་དུ་བོད་རང་དབང་
སློབ་ཕྲུག་ཚོགས་པའི་ཚོགས་གཙོ་བསྟན་རྡོར་སོགས་ཀྱིས་གསུང་བཤད་མདོར་བསྡུས་རེ་གནང་སོང་། རྒྱ་རིགས་རྩོམས་པ་པོ་ཞིག་གིས་གསུང་བཤད་གནང་སོང་། ཁོང་གིས་ཕྱི་སྡོད་ཀྱི་བོད་མི་ཚོ་སེམས་ཤུགས་མ་ཆགས་པར་བོད་དོན་གྱི་ཆེད་དུ་འཛམ་གླིང་གི་ཁྲིམས་ཁང་ཆེ་ཁག་ནང་དུ་ཁྲིམས་གཏུགས་ཀྱི་ལས་དོན་བསྒྲུབ་དགོས་པ་རེད་ཅེས་གསུང་སོང་། རྒྱ་གཞུང་གིས་རྒྱ་མི་རིགས་ཀྱི་ནང་དུ་དེ་འདྲའི་ངོ་རྒོལ་དང་གྱེན་ལང་གི་རིགས་བྱུང་ཚེ་འཇུ་བཟུང་བྱེད་པ་ལས་མེ་མདའ་རྒྱབ་ནས་དྲག་གནོན་བྱེད་ཀྱི་མི་འདུག་ཟེར། ཡར་ལང་གི་སྣེ་ཁྲིད་མཁན་ལ་གཅར་སྡུང་བྱས་ནའང་ཁོའི་ནང་མི་དང་གྲོང་ཁྱིམ་འཚེས་སོགས་ལ་བོད་ནང་ལག་ལེན་བསྟར་བ་བཞིན་བྱེད་ཀྱི་མི་འདུག་ཟེར། དེ་ནི་མི་རིགས་ལ་དབྱེ་འབྱེད་ཀྱི་ཐོག་ནས་བོད་ལ་ཐུབ་ཚོད་བཏང་བ་རེད་ཟེར།
ཡ་མཚན་པ་ཞིག་ལ་ས་གནས་སྤྱི་མཐུན་ཚོགས་པའི་ཚོགས་གཙོ་ཚེ་རིང་བཟང་པོ་ནས་བོད་ཆས་གྱོན་མི་འདུག་ལ་ཁ་རས་ནག་པོ་ཡང་གོན་མི་འདུག་གསལ་བསྒྲགས་ཤིག་སྤེལ་ནས་གཉིས་པའི་བཅུ་གཅིག་ལ་གླུ་གཞས་ཀྱི་དགུང་ཚོགས་ཤིག་ཡོད་ཟེར དེ་རུ་ཕེབས་དང་བོད་ཀྱི་གླུ་བ་གླུ་མ་མང་པོ་ཞིག་ཡོད་ཚུལ་བཤད་སོང་། བོད་རིགས་སྤྱི་མཐུན་ཚོགས་པའི་གོ་བསྒྲིག་བྱས་ནས་བོད་ནང་གི་རྒྱལ་གཅེས་དཔའ་བོ་དཔའ་མོར་ཚོས་ཆེད་དུ་ལས་འགུལ་སྤེལ་བ་ཞིག་ལོ་གསར་རྙིང་གཉིས་ཀྱི་ནང་དུ་བྱུང་མ་སོང་། ད་དུང་འགྲོ་སོང་གི་སྐོར་ནས་སྐད་ཆ་ཤིག་བཤད་ཡོང་གི་འདུག།
ང་ཚོ་བོད་རིགས་ཚོར་སྡུག་ཐོག་སྡུག་བརྩེགས་བྱས་ནས་མྱ་ངན་གྱི་ལོ་སར་ཀྱང་གཏོང་འདོད་མེད་ནས་ཡོད་དུས་བོད་རིགས་མཐུན་ཚོགས་ཀྱི་ཚོགས་གཙོས་གླུ་གཞས་ཀྱི་དགོང་ཚོགས་
འཚོགས་རྒྱུར་འབད་བརྩོན་བྱེད་ཀྱི་འདུག ངས་ས་གནས་བོད་རིགས་སྤྱི་མཐུན་ཚོགས་པའི་ཚབ་བྱས་ཏེ་སྐད་ཆ་བཤད་རྒྱུ་ཡིན་ཟེར་ནས་ཁོ་རང་གི་ལུས་ལ་བོད་ཆས་ཞིག་ཀྱང་གྱོན་མི་འདུག་
ཁྱེད་ཚོས་སོམས་དང་དུས་ཚོད་འདི་འདྲ་བ་ཞིག་གི་ནང་དུ་གླུ་གཞས་དགོང་ཚོགས་ཤིག་ལ་ཡོང་བའི་འབོད་བསྐུལ་ཞུ་བའི་དུས་ཚོད་རེད་དམ། ས་གནས་བོད་རིགས་མཐུན་ཚོགས་ཀྱི་ངོས་ནས་
བོད་མི་རིགས་དང་རྒྱལ་གཅེས་དཔའ་བོ་དཔའ་མོ་ཚོའི་ཆེད་དུ་ལས་འགུལ་མང་ཞིག་སྤེལ་ཡོད་ན་དཔལ་འབྱོར་འདུ་འགོད་ཀྱི་ཆེད་དུ་ཡིན་ཟེར་ན་བཤད་འོས་པ་ཞིག་རེད། བོད་ནང་དུ་གནས་ཚུལ་
ཅི་ཞིག་ལྷག་ནའང་རྣ་བ་གཡར་ཙམ་མི་བྱེད་པར་ད་ང་ཚོས་གླུ་གཞས་དགོང་ཚོགས་ཤིག་གོ་བསྒྲིག་བྱེད་ཀྱི་ཡིན་ཟེར་ན་བོད་མི་ཞིག་གི་རྣ་ལ་འགྲོ་སྲིད་དམ། ཧ་ཅང་གི་བློ་ཕམ་སྐྱེ་འོས་པ་ནི་ཚོགས་
གཙོ་ཚེ་རིང་བཟང་པོས་སྐད་ཆ་དེ་ཚོ་རེད།
བོད་རིགས་དག་མཉམ་འཛོམ་བྱས་ནས་བོད་ནང་གི་རྒྱལ་གཅེས་དཔའ་བོ་དཔའ་མོར་ཚོར་གདུང་སེམས་མཉམ་བསྐྱེད་བྱས་ནས་ལས་འགུལ་རེ་སྤེལ་བ་ནི་སེམས་འགུལ་ཐེབ་པ་ཞིག་དང་ཞེ་གཏིང་
ནས་སྐྱོ་ཡོང་བ་ཞིག་རེད། སྤྱིར་བོད་ནང་གི་རང་ལུས་མེར་བསྲེག་གི་ཡིད་སྐྱོ་བའི་གནས་ཚུལ་དག་གཅིག་འཕྲོར་གཉིས་འཐུདཀྱིས་བྱུང་བ་ནས་བཟུང་ས་གནས་འདིར་ཡོད་བོད་རིགས་ཚོས་རྒྱ་ནག་གཞུང་ཚབ་ཁང་ གི་སྒོ་འགྲམ་དང་མཉམ་འབྲེལ་རྒྱལ་ཚོགས་ཀྱི་སྒོ་འགྲམ་སོགས་སུ་ཞི་བའི་སྒོ་ནས་སྐད་འབོད་བྱེད་པ་དང་གཞན་ཡང་མཆོད་འབུལ་སྨོན་ལམ་སོགས་གང་མང་ཞིག་བྱས་སོང་། དེ་ཡང་བོད་ཀྱི་གཞོན་ནུ་ལྷན་ཚོགས་དང་བུད་མེད་ལྷན་ཚོགས་སློབ་ཕྲུག་ཚོགས་པ་སྐྱིད་སྡུག་ཁག་གི་ཚོགས་པ་བཅས་ནས་ལས་འགུལ་རབ་དང་རིམ་པ་སྤེལ་སོང་བ་ནི་གདུང་སེམས་མཉམ་བསྐྱེད་མཚོན་པའི་བོད་ཀྱི་ཚོགས་པ་སྐྱིད་སྡུག་ཁག་ནས་ཕྱར་བ་གྲུ་འདེགས་ཀྱི་ལས་དོན་ཞིག་ཏུ་སེམས། ས་གནས་བོད་རིགས་སྤྱི་འཐུན་ཚོགས་པའི་ཚོགས་གཙོ་ཚེ་རིང་བཟང་པོ་ལ་བརྡ་ལན་འདྲ་ཡོད་ན་
གསལ་བ ོ་གསུང་རོག་གནང་། ང་ཚོས་མྱ་ངན་བྱེད་པའི་དུས་འདི་ལ་དགའ་བསུ་བྱེད་པའི་དགོང་ཚོགས་དེར་འགྲོ་མི་སྲིད་ལ་གྲོགས་པོ་ཚོ་ཡང་མ་ཕེབས་རོགས་གནང་།
སྤྱི་མཐུན་ཚོགས་པའི་ཚོགས་གཙོའི་ཕྱུར་པ་དེ་ལམ་བར་དུ་མི་ནག་པོ་ཞིག་ནས་བཅོམ་པའི་སྐོར་གོ་རྒྱུ་འདུག
ཁ་སང་ ནེའུ་ཡོག་གཅིག་པོ་མིན་པ་ འཛམ་གླིང་ནང་བོད་རིགས་གནས་ཡུལ་ས་གནས་མང་པོར་མཆོད་འབུལ་སྨོན་ལམ་དང་ཞི་བའི་སྐད་འབོད་ མར་མེའི་ཁྲོམ་སྐོར་སོགས་གནང་འདུག་།