གནས་ཚུལ་སྤྲོད་མཁན། ཨ་མདོ་གཡང་འཛོམས།
ཉེ་ཆར་བོད་མདོ་སྟོད་སྨད་གཉིས་ནས་བསྟུད་མུར་རང་ལུས་མེར་བསྲེགས་བཏང་སྟེ་རྒྱ་གཞུང་གིས་བོད་ཐོག་འཛིན་པའི་སྲིད་ཇུས་ལ་ངོ་རྒོལ་གནང་བར་གདུང་སེམས་མཉམ་སྐྱེད་མཚོན་སླད། དེ་རིང་བོད་འབྲུག་ལོའི་ལོ་གསར་ཚེས་གཅིག་ཉིན་རྒྱ་གར་བྱང་ཤར་ཁུལ་གྱི་རྡོར་གླིང་ས་གནས་གཞོན་ནུ་དང་བུད་མེད་མཉམ་འབྲེལ་གོ་སྒྲིག་འོག་རྡོར་གླིང་གངས་ཅན་རིའི་མདུན་ཐང་དུ་ཞོགས་པ་དུས་ཚོད་དགུ་པ་ནས་དགོང་མོ་དུས་ཚོད་ལྔ་བ་བར་ཟས་བཅད་རྒོལ་ཞིག་གནང་ཡོད་པ་དང་། ཟས་བཅད་ངོ་རྒོལ་ལས་ལས་འགུལ་དེའི་ནང་རྡོར་གླིང་གཞིས་མགོའི་ཁྱབ་ཁོངས་སྤོག་རི་སྦོང་ས་གནས་བོད་མི་དང་དགོན་ས་གནས་བོད་མི། རྡོར་གླིང་ཁུལ་དུ་གནས་སྡོད་བོད་མི་རྣམས་མཉམ་ཞུགས་བྱས་ཡོད་པ་རེད། གཞན་ཡང་རྡོར་གླིང་ཁྱབ་ཁོངས་ཀྱི་ས་གནས་བསོད་ནམས་དར་དང་མཁར་བྱང་གཉིས་ཀྱི་བོད་མི་ཚོས་ས་གནས་རང་ནས་ལས་འགུལ་སྤེལ་ཡོད་པ་དང་། དེ་བཞིན་འབྲེལ་ཡོད་མི་སྣས་བརྗོད་གསལ་ལྟར་ན། ཀ་སྦུག་མི་དམངས་ཀྱིས་ཀྱང་བོད་འབྲུག་ལོའི་ལོ་གསར་ཉིན་ཟས་བཅད་ངོ་རྒོལ་གྱི་ལས་འགུལ་གཞི་རྒྱ་ཆེ་བ་ཞིག་སྤེལ་ཡོད་ཚུལ་གནས་འདུག
དངོས་གནས་ཡག་པོ་བྱུང་འདུག དུས་རྒྱུན་བོད་མི་ཚོས་བཀའ་རྡོར་སྒང་གསུམ་བོད་མི་ཚོས་བོད་སྐད་མི་ཤེས་པ་དང་། བོད་ཞེན་མེད་སྐོར་ལབ་བཞིན་ཡོད་པར་ལེན་འདེབས་གསལ་པོ་ཞིག་ཀྱང་རེད། གནས་ཡུལ་དབང་གིས་བོད་སྐད་གཙང་མ་ཞིག་མ་ཤེས་ཀྱང་རང་རིགས་ལ་ལྷག་བསམ་དང་ལར་རྒྱ་ཆེན་པོ་ཡོད་པ་ཡག་པོ་རེད་། རྡོར་གླིང་དོན་སྤྱོད་དེ་ལས་འགུལ་མཉམ་ཞུགས་བྱས་ཡོད་མེད་གསལ་ཁ་མི་འདུག་ཕལ་ཆེར་ཡོད་ཀྱི་མ་རེད། ཁོང་ཆོས་ལུགས་ལ་ཕྱོགས་ཞེན་དང་། མཐོ་འདོད་ཆེ་བའི་རང་གཤེས་ཤིག་ཡོད་སྐད་འདུག