(དཀར་མཛེས་རྫོང་ཁོངས་སྟོང་སྐོར་སྙི་ཁོག་གི་ཕོ་མདའ་ཤང་དུཡིག་ཆ་སྦྱར་འགྲེམས་ཀྱི་གནས་ཚུལ།)
རྒྱ་གར་ལྷོ་ཕྱོགས་སེ་ར་ཆོས་སྒར་ནས་བསྟན་འཛིན་དར་རྒྱས་ཀྱིས།
བོད་ནས་ཁུངས་ལྡན་གནས་ཚུལ་འབྱོར་གསལ་ལ། དཀར་མཛེས་རྫོང་ཁོངས་སྟོང་སྐོར་སྙི་ཁོག་གི་ཕོ་མདའ་ཤང་དུ། ཉེ་སྔོན་ལོ་སར་ཚེས་གཅིག་གི་དགོང་མོར་ས་གནས་རྒྱ་ནག་གཞུང་གི་ལས་བྱེད་པས་ཤོག་སྦག་རྒྱག་པ་སོགས་དགའ་སྐྱིད་ཀྱི་རྣམ་པ་བསྟན་སྐབས། ས་གནས་དེ་གའི་བོད་མི་ཚོས་ཀི་འབོད་སོགས་བྱས་ནས་སྤྲོ་སྐྱིད་དེར་མི་འདོད་པའི་རྣམ་འགྱུར་དང་ངོ་རྒོལ་བྱས་འདུག་ཅིང་། ལོ་སར་སྔ་རྗེས་ཀྱི་ཉིན་ཁ་ཤས་རིང་ཕོ་མདའ་ཤང་གི་རྒྱ་ནག་གི་ལས་ཁུངས་ཀྱི་སྒོ་དང་སྒེའུ་ཁུང་། ལམ་ཆེན་དང་། ཟམ་པ། གློག་གི་ཀ་བ་སོགས་སུ། བོད་རང་བཙན་ཡིན། ༸རྒྱལ་བ་བསྟན་འཛིན་རྒྱ་མཚོ་བོད་ལ་ཕེབས་དགོས། བོད་མིའི་སྐྱིད་སྡུག་མཉམ་མྱོང་ཡིན། ཞེས་སོགས་ཀྱི་ནང་དོན་འཁོད་པའི་ཡིག་ཆ་ཧ་ཅང་མང་པོ་སྦྱར་འགྲེམས་བྱས་ཡོད་འདུག་ལ། ས་གནས་ཀྱི་རྒྱའི་ལས་བྱེད་པ་རྣམས་ཡོང་ནས་སྦྱར་འགྲེམས་བྱས་པའི་ཡིག་ཆ་རྣམས་བསྡུ་རུབ་བྱས་ཡོད་འདུག་མོད། ཆ་ཚང་བསྡུས་མ་ཐུབ་པར་ལམ་ཟུར་དང་གློག་གི་ཀ་བ་སོགས་ཀྱི་སྟེང་དུ་ད་དུང་ཡང་མང་པོ་ལྷག་ཡོད་འདུག་ཀྱང་། ས་གནས་དེའི་བོད་མི་འཇུ་བཟུང་བྱས་པའི་གནས་ཚུལ་ཤེས་རྟོགས་མ་བྱུང་། ཁ་པར་གྱི་བརྒྱུད་ལམ་སོགས་ལ་དམ་དྲག་ཆེ་བའི་སྟབས་ཀྱིས་གནས་ཚུལ་དེ་ཙམ་ལས་རག་སོན་མ་བྱུང་ཡང་། ད་དུང་མུ་མཐུད་རྩད་དཔྱོད་བྱེད་མུས་ཡིན།།
དཔེ་ཡག་པོ་རེད། སྲོག་ཉན་མེད། ཞི་བ་ཞི་བ་རེད། དེ་འདྲ་མང་ཙམ་གནང་དགོས། ཐུག་རྗེ་ཆེ་དཔའ་རྒོད་ཚོ།
རྗེས་སུ་ཡི་རང་ཡོད།
ས་བྱིའི་ཞི་རྒོལ་ཆེན་མོའི་སྐབས་ཉིན་གཅིག་གི་ནང་རྒྱ་དམར་གྱིས་བོད་མི་༡༥ཙམ་བསྡེབས་གསོད་བཏང་སའི་སྟོང་སྐོར་གྱི་ཡུལ་འདིར་དགུན་དུས་གྲང་ངར་ཆེ་བའི་སྐབས་ད་ལྟ་ནས་ཡ་མཚན་ཆེ་བའི་མེ་ཏོག་མང་པོ་འཁྲུངས་ཡོད་འདུག་པ་མ་ཟད། ས་ཐག་རིང་བའི་ཡུལ་ལུང་དུ་མ་ནས་ཀྱང་མེ་ཏོག་དེ་དག་མཇལ་དུ་ཡོང་གི་ཡོད་འདུག་ཅིང་། ལས་དག་དད་ལྡན་དུ་མས་ནི་མེ་ཏོག་དེ་དག་གི་ནང་དུ་༸གོང་ས་༸སྐྱབས་མགོན་ཆེན་པོའི་སྤྱན་ཤེལ་དང་། ཕྱག་གཉིས་ཐལ་མོ་སྦྱར་ནས་བཞུགས་པའི་རྣམ་པ་སོགས་གསལ་པོར་མཇལ་ཐུབ་ཀྱི་ཡོད་པའི་གནས་ཚུལ་གོ་ཐོས་བྱུང་བས་དེའི་སྐོར་གྱི་གནས་ཚུལ་གསུང་མཁན་ཞིག་བྱུང་ན་བསམས་ཏེ་ངང་སྒུག་བྱས་ནས་སྡོད་ཡོད།