བོད་མདོ་སྨད་ཨ་མདོ་རེབ་གོང་བདེ་ཆེན་དགོན་པའི་ནང་དུ་ཡུལ་དེའི་སེར་སྐྱ་མང་བོ་འདུ་འཛོམས་ཀྱིས་དགོན་པའི་འདུ་ཁང་སྒོ་ཁར་གོང་ས་མཆོག་གི་སྐུ་པར་དང་བོད་ཀྱི་དར་ཆ་ད་དུང་མཆོད་མེ་མང་བོ་བཤམས་ནས་བོད་རྒྱལ་ཁབ་ཆེན་མོའི་སྲིད་དབང་བཙན་ལག་ཏུ་ཤོར་ནས་ད་ལྟའི་བར་དུ་གངས་ལྗོངས་ཆོས་སྲིད་གཉིས་ཀྱི་རང་དབང་ཆེད་དུ་འདས་གྲོངས་སུ་ཕྱིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་བསྔོ་སྨོན་དང་བཙོན་ཁང་དུ་མནར་གཅོད་མྱོང་བཞིན་པ་རྣམས་མྱུར་ཏུ་གློད་གྲོལ་ཡོངས་པའི་འབོད་སྐུལ་ཁྲོད་ནས་སུམ་བཅུ་དུས་དྲན་ཐེངས་ང་གསུམ་པ་སྲུང་བརྩི་བྱས་ཡོད་འདུག།
༼བོད་ཀྱི་དུས་བབ་དྲ་ངོས་ཀྱི་ཟིན་བྲིས ‘སྒེའུ་ཁུང’ཞེས་པ་ནས་འདིར་འདྲེན་བཀོད་ཞུས་པ་ཡིན།༽
རྒྱ་དམར་ཚང་གི་མེ་མདའ་ཁ་ནས་ཁྱེད་ཅག་གི་བོད་མི་རིགས་ཀྱི་དགོས་འདུན་མངོན་གསལ་བྱས་དེ་མ་འོངས་པའི་བདེ་སྐྱིད་དེ་མྱུར་དུ་ཤར་བ་རེ་བས་ཁེངས་ཡོད་པ་བོད་མི་རིགས་ཀྱི་བདེན་པའི་དྲན་ཤིང་རེད། གཞིས་བྱེས་གཉིས་ཀྱི་རྡོག་རྩ་གཅིག་སྒྲིལ་བྱས་དེ་བོད་མི་རིགས་ཀྱི་རྩ་དོན་ཆེད་སྙིང་སྟོབས་སྐྱེད་ན་ང་ཚོ་བདེན་པའི་མདུན་ནས་རྒྱལ་ཐུབ་ངེས་ཡིན།
རྒྱལ་ཁབ་གདུག་རྕུབ་ཅན་དེ་ལྟ་བུའི་ཞིག་གི་འོག་ཏུ་གནས་བཞིན་དུ། རང་གི་མི་རིགས་དང་། རང་གི་རྒྱལ་ཁབ་ཀྱི་ཆེད་དུ། རླབས་ཆེན་གྱི་དུས་དྲན་སྲུང་བརྕི་ཞུ་མཁན་རྣམ་པ་ནི། ཆོལ་གསུམ་བོད་རིགས་ཡོངས་ནས་མིག་དཔེ་གྱེན་ལྟ་བྱེད་ཡུལ་དུ་གྱུར་པ་ཞིག་གོ།
རེབ་གོང་མི་དམངས་ཀྱི་སྙིང་སྟོབས་འདི་ག་དུས་ཡིན་ཡང་འབར་ཆོག་ཆོག་རེད།ལྷ་ས་ནས་འབྲུག་གྲགས་ན་་རེབ་གོང་ནས་ཆར་གཏོང་ཟེར་བའི་པེ་ཅིན་གྱི་གཏམ་དེ་ངོ་མ་རེད།
འཇོན་པོ་བྱུང་། འོན་ཀྱང་ཟབ་ཟབ་བྱོས། ཁྱི་སྤྱང་ཚོས་རིག་ཟིན་འདུག
ཁྱེད་རྣམས་ཀྱི་སྙིང་སྟོབས་ལ་ངོས་ནས་རྒྱབ་སྐྱོར་དང་མི་རིང་བོད་ཀྱི་བདེན་མཐའ་གསལ་བའི་སྨོན་འདུན་དང་ཡིད་ཆེས་ཡོད།
ཁྱི་སྤྱང་ཚོས་སོ་བར་ནས་ཁྱེད་ཚོས་འདི་ལྟར་བོད་མི་རིགས་དང་བོད་མི་རིགས་ཀྱི་བླ་སྲོག་གི་ཆེད་དུ་བདེན་དོན་ཞིག་སྙིང་སྟོབས་དང་སྤོབས་པས་བསླངས་ཏེ།་་་་འདི་ལྟར་ཁྱི་སྤྱང་གི་སོ་ཁ་ཇི་ལྟར་རྣོ་ཡང་བོད་མི་རིགས་ལ་ནམ་ཡང་ཞུམ་པ་མེད་པའི་སྙིང་སྟོབས་དང་།་་་ཉམས་པ་མེད་པའི་ལྷག་བསམ་ལྡན་པའི་ཅོང་བརྡ་ཞིག་ཡིན་པས་དངོས་གནས་ཁྱེད་ཅག་ནི་བོད་མི་རིགས་ཀྱི་དཔའ་བོ་དང་།་་་་གངས་རིའི་ཁྱིམ་བརྒྱུད་ཀྱི་གཟི་བརྗིད་ཡིན་པས་ངས་འདི་ནས་ཁྱེད་ཅག་ལ་བསྔགས་བརྗོད་དང་རྗེས་སུ་ཡི་རང་ཞུ།་་ཞུ།་་ཞུ།