ནམ་མཁའ་ནས།
ལོ་ངོ་སུམ་བཅུ་ལྷག་གི་ཡར་སྔོན་གྱི་༡༩༧༩ལོར་བོད་རིགས་སུམ་བཅུ་སོ་ལྔ་འདུ་འཛོམས་ཀྱིས་བོད་རིགས་ཚོགས་པ་བཙུགས་པ་ནས་བཟུང་།དེ་རིང་བར་དུ་གསུམ་བཅུ་དུས་ཐེངས་སུམ་བཅུ་སོ་གསུམ་བརྩི་སྲུང་བྱས།ཁོང་རྒན་པ་ཚོས་གསུངས་གསལ་ལ་སྔོན་མ་དེ་རིང་བཞིན་བོད་པ་མང་པོ་མེད་ན་ཡང་།ཧྥ་རན་སིའི་མི་སུམ་བརྒྱ་ལྷགས་སྐད་འབོད་དུ་ཕེབས་ཀྱི་ཡོད་པ་རེད་གསུངས་སོང་།
དེ་རིང་གི་གསུམ་བཅུ་དུས་དྲན་ལ་བོད་རིགས་གཙོ་བྱས་བའི་ཧྥ་རན་སིའི་མི་དང་རྒྱ་རིགས་དམངས་གཙོ་དོན་གཉེར་བ་འགའ་དང་ཕྰ་རེ་སའི་ས་གནས་རྫོང་དཔོན་འགའ་བཅས་ཁྱོན་བསྡོམས་མི་ཕལ་ཆེར་དྲུག་བརྒྱ་ཡས་མས་ཞིག་འཛོམས་སྟེ། རྒྱལ་ས་ཕ་རེ་སིའི་གྲོང་ཁྱེར་གྱི་ལྟེ་གནས་རྒྱལ་སྤྱིའི་འགྲོ་བ་མིའི་ཐོབ་ཐང་མཚན་རྟགས་འཁོད་སའི་ཐང་ནས་འགོ་འཛུགས་བྱས་སྟེ་རྒྱ་ནག་གཞུང་ཚབ་སྒོ་འགྲམ་བར་དུ་བསྐྱོད། ཡ་མཚར་བ་ཞིག་ལ། རྒྱ་ནག་གཞུང་ཚབ་ཀྱི་སྒོ་སྟེང་གི་སྐར་ལྔའི་དར་དམར་ཁོང་ཚོས་བླངས་ཚར་འདུག ནམ་རྒྱུན་རྒྱལ་དར་དེ་སྒོ་སྟེང་སྒྲེངས་ཡོད།
༢༠༠༨ནས་བཟུང་ཐེངས་འགའ་ཤས་ལ་བོད་པ་ཚོས་སྐད་འབོད་བྱེད་དུས་མར་ཕབ་པས་དེ་རིང་ཁོང་ཚོའི་དོག་ཟོན་གྱིས་བླངས་ཚར་བ་མིན་ནམ་སྙམ། གང་ལྟར་ཡང་ནམ་རྒྱུན་ང་ཚོའི་མིག་གིས་མཐོང་འདོད་མེད་པའི་དར་ཆ་དམར་པོ་དེ་མི་འདུག་པས་དགོད་བྲོ་བ་ཞིག་བྱུང་། མ་ཟད་ཧྥ་རན་སི་གཞུང་གིས་རྒྱ་ནག་གི་གཞུང་ཚབ་སྲུང་སྐྱོབས་ནན་མོ་བྱས་འདུག་པ་ཡང་། ལྕགས་དྲ་ཅུང་མཐོ་ཙམ་ཡོད་པ་ཞིག་གཞུང་ལམ་དཀྱིལ་དུ་བཞག་པའི་མ་ཟད།ད་རུང་ལྕགས་དྲའི་རྒྱབ་ལོགས་སུ་བདེ་སྲུང་གི་མོ་ཊ་ཆེན་པོ་འགའ་བཞག་སྟེ་བརྟན་པོ་བྱས་འདུག ང་ཚོ་མི་རིགས་ཉམས་ཆུང་ཞིག་གིས་ནམ་རྒྱུན་ག་དུས་སྐད་འབོད་བྱས་ན་ཡང་།ཁྲིམས་མཐུན་གྱིས་འགྲོ་བ་ལས་གཏོར་བཅོམ་སོགས་གཏན་ནས་བྱས་མྱོང་མེད། ཡིན་ཡང་ཐེངས་ཁ་ཤས་ཞིག་ལ་རྒྱལ་དར་སར་ཕབས་པ་བྱུང་ཡོད། དེ་རིང་གི་འདི་འདྲའི་སྲུང་སྐྱོབས་ནན་མོ་དང་བརྟན་པོས་ལྕགས་རི་རིམ་པ་གཉིས་ཞིག་བྱེད་དགོས་དོན་མེད། སྤྱིར་རྒྱལ་ཁབ་གང་གི་གཞུང་ཚབ་དེ་དེ་གར་གྱི་སྲུང་སྐྱོབ་བྱེད་དགོས་བ་ཁྲིམས་ཀྱི་འགྲོ་ལུགས་རེད། ཡིན་ཡང་དེ་རིང་གི་འདི་ནི་བོད་མི་རིགས་ཀྱི་གཤིས་ཀ་དང་བསྡུར་ན་ཚད་ལས་བརྒལ་འདུག
གང་ལྟར་ཀྱང་རྒྱ་ནག་གི་དངུལ་གྱི་སྟོབས་ཤུགས་འདིས་ང་ཚོས་སྐད་འབོད་བྱེད་པའི་གནས་ཚུལ་ཧྥ་རན་སིའི་གསར་འགྱུར་བརྒྱུད་ལམ་ཁག་ན་གཅིག་ཀྱང་མཐོང་རྒྱུ་མེད། ང་ཚོ་བོད་མི་ཉམ་ཆུང་ཚོ་གསོན་པོ་མེ་འབར་ནས་མེ་མདའི་ཁ་ནས་རྩེད་མོ་རྩེད་བྱེད་བྱས་ཀྱང་རྒྱལ་སྤྱིའི་གསར་ལམ་ཁག་ཏུ་ད་རུང་ཚུད་ཐུབ་ཀྱི་མི་འདུག རྒྱལ་སྤྱིའི་འགྲོ་བ་མིའི་ཐོབ་ཐང་ཟེར་བ་ཚིག་ཙམ་ཞིག་གིས་ཁེ་ཕན་ཡོད་སའི་ལུང་པའི་མི་ལ་སེམས་གསོ་བྱེད་ཙམ་དུ་གྱུར་འདུག ང་ཚོ་གཞི་བྱེས་བོད་མི་སུ་ཡིན་ཡང་རྒྱལ་སྤྱིའི་སྟེང་རེ་བ་ཞིག་བྱེད་དགོས་ཚེ་།བོད་མི་རིགས་ཟེར་བའི་མིང་ཙམ་ཞིག་འཛམ་གླིང་འདིའི་གནས་ཐུབ་པ་ཙམ་རེད། གཞི་བྱེས་བོད་མི་ཡོངས་ཆིག་སྒྲིལ་གྱིས་འཐབ་རྩོད་བྱེད་དགོས་བ་ལས་མི་རིགས་གཞན་དང་རྒྱལ་ཁབ་གཞན་ཞིག་གིས་ཚིག་ཙམ་གྱིས་ཡང་རོགས་རམ་བྱེད་རྒྱུ་ཁེགས་པ་རེད་ཅེས་འབོད་སྐུལ་ཡང་ཞུ་འདོད་བྱུང་།
ངོ་མ་རེད་སྐད་ཆ་དེ་ལྷག་བསམ་རྣ་དག་རེད་་་་་་ངོ་མ་རང་ཉིད་ནས་མ་རེམ་ན་གཞན་དག་དངུལ་ལོའི་དབང་དུ་ཡོད་པ་ཤེས་དགོས་་བོད་རྒྱལ་ལོ་