གློག་བརྙན་འདི་དག་གི་ཡོང་ཁུངས་ནི་ http://www.freetibet.org/ ཡིན་འདུག
གོང་གསལ་གྱི་གློག་བརྙན་འདིའི་ནང་དགེ་འདུན་པ་ཚོས་སྐུ་ཞབས་འཇམ་དབྱངས་དཔལ་ལྡན་གྱི་འཁྲིས་སུ་སྨོན་ལམ་འདོན་པའི་ཚུལ་ཡིན་པ་རེད།
གོང་གསལ་གྱི་གློག་བརྙན་ནང་སློབ་མ་ཚོས་སྐད་འབོད་བྱེད་པའི་རྣམ་པ་དེ་ཡིན་འདུག
http://www.freetibet.org/ དྲ་རྒྱའི་སྟེང་པར་གཉིས་བཀོད་པ་ནི་གཤམ་གསལ་ལྟར།
དགེ་འདུན་པ་འཇམ་དབྱངས་དཔལ་ལྡན་ལགས་སྨན་ཁང་དུ་ཡོད་པའི་པར།
འཇམ་དབྱངས་དཔལ་ལྡན་ལགས་ཀྱི་ན་བཟའི་འཁྲིས་སུ་ཡོད་པའི་དགེ་འདུན་པ།
དཔའ་བོ་ཁྱེད་ཀྱི་སྙིང་སྟོབས་དང་ལ་རྒྱ་སེམས་ཁོང་ན་དྲག་ཏུ་འབར་པའི་བོད་མི་རིགས་ཀྱི་འདས་མ་ད་གསུམ་གྱི་སྐྱིད་སྡུག
གང་ཉིད་ཀྱིས་འཕངས་མེད་དུ་སྤྱིན་པའི་རང་ལུས་རིན་ཆེན་དྲོན་མོ།། མི་རིགས་ཀྱི་འདུ་ཤེས་དང་རེ་བར་བརྗེས་ནས་ཡུན་རིང་གི་སྡུག་བསྔལ་རྒྱང་དུ་འཕངས། དཔའ་བོ་ཁྱེད་དྲང་བདེན་རྒྱལ་ངེས།
འདི་ལྟར་དཔའ་བོ་རེ་རེས་བོད་མི་རིགས࿒ཀྱི་ལས་དོན་སྒྲུབས་པ་ལ་ཆོད་སེམས་ཀྱི་ཁེངས་འདུག
བོད་མི་རིགས་ཀྱི་གཟི་བརྗིད་རེད་
ངུར་སྨུག་གི་ན་བཟའ་གསོལ་ཞིང་།།
བོད་ཁ་བའི་བདེན་དོན་ཆེད་དུ།།
ཞི་བདེ་ཡི་དར་ཆ་བསྒྲེངས་མཁན།།
དཔའ་དྲིན་ཆེན་འཇམ་དབྱངས་དཔལ་ལྡན།།
བོད་མི་དམངས་ས་དྲུག་པོ།།
གཞི་བྱེས་ཀྱི་མཉམ་འཛོམ་ཆེད་དུ།།
ཚེ་སྲོག་གི་མཆོད་གཡང་འབུལ་མཁན།།
དཔའ་དྲིན་ཆེན་འཇམ་དབྱངས་དཔལ་ལྡན།།
འཇིག་རྟེན་གྱི་སྐྱེ་འགྲོ་ཀུན་ལ།།
རང་དབང་དང་བདེ་སྐྱིད་ཆེད་དུ།།
ལུས་ཕུང་ནི་མེ་ལ་སྒྲོན་མཁན།།
དཔའ་དྲིན་ཆེན་འཇམ་དབྱངས་དཔལ་ལྡན།།
སྙིང་སྟོབས་ལ་ཞུམ་པ་མེད་ཀྱང་།།
ནར་གཅོད་ཀྱི་སྡུག་སྔལ་མྱོང་མཁན།།
གངས་རི་བའི་དཔའ་བོ་ཆེན་པོ།།
དཔའ་དྲིན་ཆེན་འཇམ་དབྱངས་ལྡན།།
འདས་མ་འོངས་བོད་མི་སྐྱིད་སྡུག།
དཔའ་ཆེན་པོའི་ཐུགས་ལ་དགོངས་ཏེ།།
ཚེ་སྲོག་གི་བདེན་པ་བསུ་མཁས།།
དཔའ་དྲིན་ཆེན་འཇམ་དབྱངས་དཔལ་ལྡན།།
བོད་མི་དམངས་ཀྱི་མེ་རྒོད་གསར་བརྗེ་ལ་རྒྱལ་ཁ་མྱུར་དུ་ཐོབ་པར་སྨོན།