རྡ་ས་སྨན་རྩིས་ཁང་གི་དབུ་འཛིན་གསར་པ་ཚེ་རིང་བཀྲ་ཤིས་མཆོག་ནས་ཕྱི་ལོ་ ༢༠༡༢ ཟླ་ ༣ ཚེས་ ༡ ནས་སྨན་རྩིས་ཁང་གི་དབུ་འཛིན་གྱི་ལས་འགན་རྩིས་ལེན་འགོ་འཛུགས་གནང་ཡོད་པ་ལྟར། ཁོང་གིས་ཉིན་ཤས་སྔོན་གསལ་བསྒྲགས་ཤིག་སྤེལ་ཏེ། རྡ་ས་སྨན་རྩིས་ཁང་གིས་བྱང་ཨ་མེ་རི་ཀར་གནས་འཁོད་རྡ་ས་སྨན་རྩིས་ཁང་གི་སྨན་པ་དང་སྐར་རྩིས་པ་ཟུར་པ་ཚོའི་མཉམ་དུ་བོད་ཀྱི་གསོ་དཔྱད་སྐར་རྩིས་ཀྱི་བྱ་གཞག་ཐད་ལས་དོན་མཉམ་སྒྲུབ་དང་ཕན་ཚུན་རོགས་རམ་གཞོགས་འདེགས་ཇི་ལྟར་བྱེད་འོས་བགྲོ་གླེང་བཞུགས་མོལ་གྱི་ཚོགས་འདུ་ཞིག་ཕྱི་ལོ་ ༢༠༡༢ ཟླ་ ༥ ཚེས་ ༥ ཉིན་ཨ་རིའི་ནིའུ་ཡོག་གྲོང་ཁྱེར་དུ་ཉིན་རྒྱབ་ཆུ་ཚོད་ ༢ ནས་ ༧།༣༠ བར་སྐོང་ཚོགས་ཞུ་རྒྱུ་གཏན་འཁེལ་འདུག་པ་དང་། ཚོགས་ཡུལ་ཚོགས་འདུ་སླེབས་ཉེའི་མཚམས་གསལ་བསྒྲགས་གནང་རྒྱུ་ཞེས་འཁོད་འདུག་པས། རྡ་ས་སྨན་རྩིས་ཁང་གི་སྨན་པ་དང་སྐར་རྩིས་པ་ཟུར་པ་གང་མང་ཕེབས་ཐུབ་པའི་སྨོན་འདུན་དང་བཅས་གསར་གནས་སུ་ཕུལ།
རིན་ཐང་ཆེ་བའི་བོད་ལུགས་སྨན་རྩིས་གཉིས་པོ་སྒོར་མོ་ཁོ་ནའི་ཆེད་དུ་མི་འགྲོ་བར། མ་ཉམས་གོང་འཕེལ་དང་རིན་ཐང་བསྲུང་སྐྱོབ་གནང་རྒྱུ་མ་བརྗེད་པ་གནང་རོགས།
བོད་ཀྱི་རྩིས་ལས་སྨན་འདི་དེ་བས་ཀྱང་གལ་ཆེ་བར་ཡིན་པར་མཁྱེན་པར་མཛོད་ཅིག ལས་བྱེད་ཚོས།
མེས་པོ་གོང་མ་རྣམས་ཀྱི་རྣམ་དཔྱོད་ཀྱི་རྩལ་ལས་ཐོན་པའི་རིན་བྲལ་གྱི་རིག་གཞུང་མ་ཉམས་པར་བྱེད་རྒྱུ་གལ་ཆེན་རེད།
ལག་རྩལ་མཐོར་འདེགས་རིག་གནས་སྲུང་སྐྱོབ་ཕ་ཤུལ་རྒྱུད་འཛིན།
གཞན་ལ་མ་རྟེན་རང་འགོ་ཐུབ་དཀའ་སྨན་རྩིས་ཁང་གཉིས་ཀྱི་མཉམ་འབྲེལ་བྱས་ནས་བོད་ཀྱི་ཐུན་མོང་མ་ཡིན་པའི་ཁྱད་ཆོས་གང་ཡིན་ཡང་མ་ཉམས་པ་བྱེད་པར་དཀའ་དྲིན་ཆེ་ཞུ།
ཚེ་སྲོག་ཡུན་གནས་ཐུབ་པའི་ལག་ལེན་དང་བྱ་ཐབས་ལ་རིན་ཐང་བྲལ་བའི་ལེགས་སྐྱེས་ཤིག་དང་།་་་་འདས་ད་ལྟ་མ་འོངས་མཐོང་པའི་མན་ངག་ལྷུག་ལྷུག་གྲོལ་བའི་སྨོན་འདུན་ཞུ།
བྱམས་བརྩེའི་ཕྱག་ཟུང་ལ་ཉེ་རིང་མེད་པ་དང་། སྨན་དཔྱད་ལག་རྩལ་གྱི་སྤྱན་ཟུང་ཕུལ་བྱུང་དངུལ་དངོས་ཀྱིས་མི་ལོང་བ་ཤོག
ནུབ་ཕྱོགས་བདེ་བ་ཅན་ལ་འཁོད་པའི་སྨན་པ་རྣམས་སྐུ་ཚེ་རིང་བར་ཤོག