ནམ་མཁའ། ༢༧/༣/༢༠༡༢ལ་ཡོ་རུབ་ནས་བྲིས།
འཛམ་གླིང་འདིའི་སྒང་ལུས་སེམས་ལྷོད་པའི་སྒོ་ནས་འཚོ་བ་རོལ་ན་མི་འདོད་མཁན་སུ་ཞིག་ཡོད། ཡིན་ཡང་ཁ་སང་དེ་རིང་གངས་ཅན་ལྗོངས་ཡོངས་སུ་ལུས་སེམས་ལྷོད་པའི་ཉིན་མཚན་ཞིག་མེད་ལ།
ཁྲོམ་སྲང་དང་ལམ་ཕྲན་རེ་རེ་མཐོ་འབྲིང་སློབ་གྲྭའི་ཉེ་འགྲམ་སོགས་སུ་ཡང་ལག་ཏུ་མཚོན་ཆ་ཐོག་པའི་དྲག་དམག་གི་ཁེངས་ཡོད།
ང་ཚོ་བོད་མི་ཚོས་ལག་པའི་མཛུབ་མོ་ལྔ་བཅིངས་ཀྱི་ཁུ་ཚུར་དགུང་ལ་འཕྱར་ཏེ་༧གོང་ས༧མཆོག་བོད་ལ་གདན་འདྲེན་དགོས་བ་དང་བོད་སྐད་ཡིག་གི་རང་དབང་སོགས་ཀྱི་ཚིག་ཙམ་གྱི་འབོད་སྒྲའི་ལན་ལ། རྒྱ་གཞུང་གི་དྲག་དམག་ཚོས་མེ་མདའི་སྒྲ་སྟེར་གྱི་ཡོད་པས། བོད་ཀྱི་བྱིས་པ་བསམ་མི་ཤེས་པ་ཚོས་ཀྱང་བོད་རྒྱ་གཉིས་ཀྱི་བར་ནས་དགྲ་དང་གྲོགས་པོའི་དབྱེ་མཚམས་ཀྱི་ཚོར་བ་ཞིག་སྐྱེས་ཡོད།
སྔོན་མ་ང་ཚོ་བྱིས་པའི་དུས་ཀྱི་གློག་བརྙན་ལ་བལྟ་བའི་སྐབས་ཀྱི་བྱིས་པའི་སྐད་ཆ་འགའ་ད་དུང་ངས་ཡིད་ལ་འཆར་གྱི་འདུག དེ་དུས་ང་ཚོས་དགྲ་ཡ་དང་ཀྲུང་གོ་ཟེར་གྱི་ཡོད། མི་ངན་པ་ཆ་ཚང་དགྲ་དང་མི་བཟང་པོ་ཚང་མ་ཀྲུང་གོ་ཡིན་པའི་འདུ་ཤེས་ཡོད། ༢༠༠༨ནས་བཟུང་བོད་ཀྱི་བྱིས་པ་བསམ་མི་ཤེས་པ་ཚོས་ཀྱང་ཁོ་རྒྱ་མི་རེད་ང་རང་བོད་པ་ཞིག་ཡིན། འདི་འདྲའི་སེམས་ཁོང་དུ་ན་ཟུག་ཞིག་བརྗེད་མི་ཐུབ་ཞིག་བྱུང་ཡོད།
དེ་ནི་༢༠༠༨་ནས་བོད་གངས་རིའི་ལྗོངས་སུ་དྲག་དམག་གི་ཁེངས་ཏེ་།སྐད་འབོད་བྱེད་མཁན་གྱི་དཀྱིལ་ལ་མེ་མདའ་རྒྱབ་སྟེ་དམར་གསོད་བྱས་བའི་འབྲས་བུ་རེད། ཁ་སང་དེ་རིང་བོད་རིགས་བྱིས་པ་བསམ་མི་ཤེས་པ་ཚོས་ཀྱང་དྲག་དམག་ཚོའི་ལག་གི་མཚོན་ཆ་དང་ཁྲབ་རྨོག་སོགས་ང་ཚོ་བོད་མི་ཚོར་དྲག་མནོན་བྱེད་པའི་མཚོན་ཆ་ཞིག་ཡིན་པ་ངོས་འཛིན་ཐུབ་ཀྱི་ཡོད་པ་རེད།
དེས་རྐྱེན་རྒན་བྱིས་མེད་པར་སེམས་སུ་འཇིགས་སྣང་ཞིག་གི་དུས་ཚོད་ལ་ཕུད་འདེད་བྱེད་བཞིན་རྒྱལ་སྤྱིའི་སྟེང་དང་བཙན་བྱོལ་གཞུང་ལ་རེ་ལྟོས་ཆེན་པོ་ཞིག་གི་ངང་བསྡད་ཡོད་མོད། འོན་ཀྱང་བཙན་བྱོལ་གཞུང་གིས་གྲོས་ཆོད་སྒམ་མང་པོ་ཞིག་བཞག་ཡོད་ཀྱང་།བཞག་པ་བཞིན་ལག་ལེན་དུ་བསྟར་རྒྱུའི་དོན་ཚན་འགའ་ཡང་གཡས་སྐོར་དང་གཡོན་སྐོར་བྱེད་བཞིན་ཡོད། ལོ་ངོ་ལྔ་བཅུའི་རིང་གྲོས་ཆོད་བཞག་མོད།འོན་ཀྱང་དོན་འབྲས་སོན་པ་ཞིག་བྱུང་མེད།
ཐ་ན་བོད་མི་རིགས་ཀྱི་ཚེ་སྲོག་ཏུ་གྱུར་བའི་བོད་སྐད་ཡིག་གི་སློབ་གསོའི་ཁ་ཕྱོགས་ཙམ་ཡང་བསྒྱུར་ཐུབ་ཀྱི་མེད་པས།བཙན་བྱོལ་གཞུང་གི་སློབ་ཕྲུག་མང་པོ་དབྱིན་བོད་སྐད་ཡིག་གི་བར་ན་ཕུང་གསུམ་པ་ཞིག་ཏུ་གྱུར་ཡོད་མོད། འོན་ཀྱང་མུ་མཐུད་ལམ་ཁ་དེར་བགྲོད་བཞིན་པ་ང་ཚོས་མཐོང་གསལ་ཡིན། ཁ་སང་ཉིན་ཤས་གོང་ནས་མདོ་སྨད་རེབ་གོང་ནས་བྱིས་པ་ལོ་བདུན་བརྒྱད་ཅན་གྱི་སློབ་ཕྲུག་ཚོས་སྐད་ཡིག་རང་དབང་གི་ངོ་རྒོལ་བྱས་ཀྱང་ཕྱི་ལོགས་ཀྱི་སློབ་ཕྲུག་ཚོར་ད་རུང་གཉིད་དུ་ཡུར་ཡོད་པ་མཟད། བོད་སྐད་ཡིག་གི་ཚེ་སྲོག་འདི་ཅི་ལྟར་གནས་ཐུབ་མིན་ཕྱོགས་སུ་ཡང་ཐབས་ལམ་གསར་བ་ཞིག་འཚོལ་བའི་བསམ་བློ་གསར་བ་ཞིག་རྙེད་ཐབས་ལ་འབད་ཀྱི་མེད། དྲང་མོར་བཤད་ན་ལོ་ངོ་ལྔ་བཅུའི་རིང་ཡིག་བསྒྱུར་སྡེ་ཚན་ཞིག་བཙུགས་ཏེ། དེང་དུས་ཀྱི་ཚན་རིག་ལག་ཤེས་སོགས་ཀྱི་དེབ་བོད་ཡིག་ཐོག་བསྒྱུར་ཐུབ་ཡོད་ཚེ། དེ་རིང་་ཡིག་བསྒྱུར་སྡེ་ཚན་རྨང་གཞི་བརྟན་པོ་ཞིག་ཆགས་ཡོད་པ་མ་ཟད། ཐ་སྙད་སོགས་ཀྱང་གཏན་འབེབ་ཡག་པོ་བྱེད་ཐུབ་ཡོད།
རྒྱལ་སྤྱིའི་སྟེང་ནས་ཀྱང་ཚོང་རྫས་སུ་གྱུར་བའི་བོད་དོན་འདི། གོ་སྐབས་རེ་བྱུང་དུས་གླེང་སློང་ཆར་དུས་གྱི་སྦལ་བ་བཞིན་གྲགས་འགུལ་རེ་བྱེད། དེ་ནི་རྒྱ་ནག་གི་དབང་འཛིན་པ་ཚོའི་རྣ་ལམ་དུ་བྱང་ཆ་ཡོད་པའི་ཚིག་ཞིག་ཡིན་སྟབས་ནུས་པ་ཞིག་ཐོན་ཐུབ་མེད།རྒྱལ་སྤྱིའི་སྟེང་རྒྱ་གཞུང་ལ་རྒྱལ་ཁབ་གཞན་དག་ལ་གཏམ་བརྗོད་ནན་པོ་བྱེད་པ་བཞིན་ནམ་ཡང་བཤད་མི་ཐུབ། དེ་ནི་རྒྱལ་སྤྱིའི་སྟེང་ཁོང་ཚོར་རྒྱ་གཞུང་ལ་སྐྲག་པ་ཞིག་ཡིན་ནམ་ཟེར་ན།དེ་འདྲ་ཞིག་རྩ་བ་ནས་མིན་ཡང་ཁོང་ཚོས་རང་རང་རྒྱལ་ཁབ་དེའི་ཁེ་ཕན་ལ་བསམ་གཞིགས་བྱེད་ཀྱི་ཡོད།
ཡང་ཕྱོགས་གཞན་ཞིག་ནས་བསམ་བློ་བཏང་སྟེ་བཤད་ན། གལ་སྲིད་རྒྱ་ནག་གི་དཔལ་འབྱོར་ཉམས་ཆགས་སུ་སོང་བའི་ཉིན་མོ་རྒྱལ་སྤྱིས་བོད་དོན་འདི་ད་རུང་ཡང་ཚོང་རྫས་བྱེད་ཀྱི་རེད་དམ། དེ་མིན་རྒྱལ་སྤྱིས་རྒྱ་གཞུང་ལ་ཤུགས་ཆེན་ཞིག་ལབ་སྲིད་དམ། དེ་དུས་ང་ཚོ་བོད་མི་རིགས་ཀྱི་རིག་གཞུང་འདི་ཚད་གང་ཞིག་ལ་སླེབས་ཡོད་དམ། དྲི་བ་འདི་ལྟ་བུ་གང་མང་ཞིག་ཁ་སང་དེ་རིང་ངའི་སེམས་ཁོང་དུ་རང་བཞིན་གྱིས་འཁོར་ཡོང་ལ།
རྒྱ་གཞུང་གི་མེ་མདའི་འོག་ནས་བོད་ནང་གི་སློབ་ཕྲུག་ཚོའི་ལག་ཏུ་སློབ་དེབ་རྒྱ་ཡིག་བཞག་པ་ནས་བཟུང་། མ་འོངས་པའི་སྲིད་འཛིན་ཞིན་ཅེན་ཕེན་ལ་ལམ་སྟོམ་གསར་བ་ཞིག་སྤྲད་པ་དང་བོད་རྒྱ་གྲོས་མོལ་གྱི་འབྲས་བུ་ཡང་ཚད་གང་ལ་སླེབས་ཐུབ་པ་ཕལ་ཆེར་བརྗོད་ཐུབ།
ཁྱེད་གྱིས་གསུང་བ་དངོས་གནས་རེད་། ནམ་ཡང་རྒྱབ་སྐྱོར་ཡོད་།
ལོ་ངོ་རྒྱ་ཁྲག་ག་ཚད་སོང་ན་ཡང་རྒྱ་བོད་བར་གྱི་གདད་དོན་དེ་གསེལ་ཐུབ་པའི་ནུས་པ་མེད་ཡིང་ན་ཡང་རྒྱལ་བ་རིན་པོ་ཆེ་སྐུ་འཚོ་བཞིན་དུ་བཞུགས་ཚེ་བོད་ཀྱིས་རྩོད་བཞིན་པའི་རང་སྲིད་རང་སྐྱོང་དེ་མིང་དོན་མཚུངས་པ་ཞིག་སྤྲད་ན་རྒྱ་བོད་བར་གྱི་ཞི་བའི་ཐབས་ལམ་ཞིག་ཡོད་སྲིད།།
བོད་ནང་འགྱུར་བ་འགྲོ་དགོས་ན་རྒྱྣག་ནང་འགྱུར་བ་ཐེབས་དགོས། རྒྱ་ནག་ནང་འགྱུར་བ་ཐེབས་པར་རྒྱ་རིགས་ཚོར་ད་ལྟའི་གུང་ཕྲན་གཞུང་ལ་བཟོད་མ་ཐུབ་པའི་བསུན་སྣང་སྐྱེས་ཏེ་ཐ་ན་རང་སྲེག་ཀྱང་གཏོང་ཐུབ་པ་ཆགས་དགོས། དེ་འདྲའི་རྒྱ་རིགས་དང་ལྷག་པར་ཆེན་པོ་ཧན་མི་རིགས་ནས་ཡར་ལངས་བྱས་ཚེ་ད་བཟོད་བོད་དོན་ལ་དྲག་ཤུགས་ཡོད་ཚད་ཀྱིས་རྩོད་ན་རྒྱལ་རྒྱུ་ཉག་གཅིག་ཡིན།
དམག་རྒྱག་པར་བྱུས་དགོས་པ་ནང་ལྟར་འཐབ་རྩོད་ལའང་ངེས་པར་དུ་བྱུས་ཡག་པོ་འདིང་དགོས་པ་དང་། བྱུས་དེར་དུས་དང་འཁོར་ཡུག་གི་རྒྱབ་སྐྱོར་ནི་མེད་དུ་མི་རུང་བ་ཞིག་ཀྱང་རེད།
ག་རེ་ཡིན་ན། རག་ཕྱགས་རྡོར་མིང་ཅན་འདིས་ཧོན་བཤད་འདྲ་རྒྱག་གི་འདུག རྒྱུ་མཚན་འདྲ་འདྲེན་རྒྱུ་ཡོད་ན་ལས་སེམས་པ་ཐང་ཐང་མེད་པའི་གྲལ་ལ་འཇོག་རྒྱུ་ཡིན།
ཡ་ད་ཆོག་གི་ཁ་སྨྲ་ཞེ་དྲག་མ་བྱེད་ཤ་ཚ་་་་་་་ད་མོ་སྨན་རྩིས་ཁང་གི་ནད་ཁང་ནང་མལ་དུ་གུམ་སྟེ་འགྱོད་པ་རྟས་མ་ཟིན་པར་ཡོད་སྐད་འདུག་སྙིང་རྗེ་་་་་་སྣིང་རྗེ་་་་་་་སྣིང་རྗེ།