༼བོད་ཀྱི་བང་ཆེན་དྲ་ཚིགས་ནས་འདྲེན་བཀོད་ཞུས༽
ཉེ་ལམ་བོད་སྨར་ཁམས་སུ་བྱུང་བའི་མེ་སྐྱོན་བྱུང་ནས་ཟླ་གཅིག་ཙམ་སོང་ཡོད་ཀྱང་ད་དུང་གསོད་མ་ཐུབ་པར། ཛ་དྲག་ཆགས་ཡོད་པ་དང། བོད་རང་སྐྱོང་ལྗོངས་ཟེར་བའི་དམར་ཤོག་དྲུང་ཆེ་ཁྲིན་ཆིན་གོས་མེ་སྐྱོན་ལ་འགན་མ་ཁུར་བར། ཁ་བྲལ་བར་དོགས་ཟོན་དགོས་སྐོར་གྱི་བཀའ་རྒྱ་ཞིག་ས་གནས་སུ་བཀྲམ་འདུག
དེ་ཡང་སྨར་ཁམས་རྫོང་གི་ཉེ་འགྲམ་ལྷོ་ར་ཤང་ལྕགས་སོ་སྟེང་ཞེས་པའི་ས་གནས་ཀྱི་རི་རྩེར། ཕྱི་ཟླ་༣ པའི་ཚེས་༡༠ ཡས་མས་ནས་མེ་སྐྱོན་བྱུང་བའི་གནས་ཚུལ་ཐོན་ཡོད་ཀྱང་། ས་གནས་སྲིད་གཞུང་གིས་དུས་ཐོག་མེ་གསོད་ཀྱི་འགན་ལེན་མ་བྱས་པས། མེ་དེ་རིམ་པས་ཉེ་མཁོའི་ནགས་ཚལ་ཁག་ལ་མཆེད་ནས་ད་ཆ་སྨར་ཁམས་ཕྱོགས་སུ་ཡོད་པའི་ནགས་ཚལ་མང་པོ་ཞིག་ཚིགས་ཡོད་འདུག
དེ་ཡང་མེ་སྐྱོན་ཕོག་ཡུལ་ས་གནས་ནས་འབྲོག་པ་ཞིག་གིས་ངོ་སྤྲོད་གནང་དོན། ས་གནས་སྲིད་གཞུང་གིས་ཆབ་མདོ་ནས་མེ་གསོད་རུ་ཁག་གི་རླངས་འཁོར་བཞི་ཙམ་ཆེད་གཏོང་བྱས་ནས། མེ་གསོད་རྒྱུ་བྱས་ཀྱང་དོན་ཕན་མ་བྱུང་བ་མ་ཟད། མེ་སྐྱོན་འདིར་འབྲེལ་ཡོད་རྒྱ་ནག་གཞུང་གི་ས་གནས་དཔོན་རིགས་ཚོས་དུས་ཐོག་ཏུ་དོ་ཁུར་མ་བྱས་པའི་རྐྱེན་ཡིན་སྐོར་འགྲེལ་བརྗོད་བྱས་སོང་།
མུ་མཐུད་ཁོང་གིས་བརྗོད་དོན། མེ་སྐྱོན་བྱུང་མ་ཐག་འབྲོག་པ་མང་ཚོགས་ནས་ས་གནས་སྲིད་གཞུང་ལ་འདི་ལོ་དགུན་ཁ་གངས་ཆར་སོགས་མ་བབས་པའི་རྐྱེན་གྱིས་ས་སྐམ་པོ་ཡིན་པར་བརྟེན། གཞུང་གི་མེ་སྐྱོན་འདི་ལམ་སང་གསོད་ཐབས་མ་བྱས་ཚེ། མེ་སྐྱོན་ཆེན་པོ་ཡོང་རྒྱུ་ཡིན་སྐོར་ཞུས་ཀྱང་། སྲིད་གཞུང་གི་འབྲེལ་ཡོད་ལས་བྱེད་ཚོས་ཡ་ལན་གཏན་ནས་བྱས་མེད་སྐོར་བློ་ཕམ་དང་བཅས་འགྲེལ་བརྗོད་བྱས་སོང་།
ད་ཆ་ས་གནས་འབྲོག་པ་ཚོ་ས་ཁུལ་གཞན་ལ་གནས་སྤོས་བྱ་དགོས་བྱུང་ཡོད་འདུག་ལ། གནས་ཚུལ་ཡོང་ཁུངས་ལ་གཞིགས་ན། མེ་སྐྱོན་འདི་སྨར་ཁམས་ཀྱི་ས་འབྲེལ་ཆབ་མདོ་དང་། གོ་འཇོ། བྲག་གཡབ་སོགས་རྫོང་ཁག་མང་པོ་ཞིག་ལ་ཁྱབ་གདལ་འགྲོ་བཞིན་པ་དང། དེའི་སྐོར་སྨར་ཁམས་རྫོང་གི་ཤིང་ནགས་ལས་ཁུངས་ཀྱིས་བཤད་དོན་ལ་ད་ལྟ་ས་གནས་སྲིད་གཞུང་གིས་མེ་གསོད་ཀྱི་ཐབས་ཤེས་གང་ཡོད་བྱེད་བཞིན་པ་དང་། གཞུང་གི་མེ་སྐྱོན་ལ་རྟོག་ཞིབ་ཆེད་བོད་རང་སྐྱོང་ལྗོངས་དང་ཆབ་མདོ་ཁུལ་ནས་འབྲེལ་ཡོད་དཔོན་རིགས་ས་གནས་ལ་འབྱོར་ཡོད་པ་དང་། བཅིངས་འགྲོལ་དམག་དཔུང་དང་དྲག་ཆས་ཉེན་རྟོག་པ་སོགས་ཀྱིས་གང་ཐུབ་ཀྱི་ལས་འགུལ་སྤེལ་བཞིན་ཡོད་ལུགས་བརྗོད་འདུག
མེ་སྐྱོན་འདི་ཐོག་མ་འབྱུང་རྐྱེན་སྐོར་སྨར་ཁམས་རྫོང་ཉེན་རྟོག་ལས་ཁུངས་ཀྱི་འགན་འཛིན་གཞོན་པ་ཝང་གིས་བཤད་དོན། མེ་འདི་དང་པོ་ཁྲིམས་འགལ་གྱི་ཐོག་ནས་རིར་རྔོན་རྒྱག་མཁན་ཁ་ཤས་ཀྱིས་མེ་སྤར་བ་ཡིན་ཚུལ་དང་། རྔོན་པ་མི་བཞི་འཛིན་བཟུང་བྱས་ནས་ད་ལྟ་བཙོན་ཁང་ནང་ཡོད་སྐོར་དང་། དེ་ཚོའི་ནང་རྒྱ་མི་གསུམ་དང་དཀར་མཛེས་ཁུལ་ནས་ཡིན་པའི་བོད་རིགས་གཅིག་བཅས་ཡོད་སྐོར་འགྲེལ་བརྗོད་བྱས་འདུག
ཉེ་ཆར་ཕྱི་ཟླ་༤ ཚེས་༡ ཉིན་བོད་རང་སྐྱོང་ལྗོངས་ཟེར་བའི་དམར་ཤོར་ཚོགས་པའི་སྤྱི་ཁྱབ་དྲུང་ཆེ་ཁྲིན་ཆིན་གའོ་ཟེར་བས། བཀའ་རྒྱ་དོན་ཚན་༧ ཅན་ཞིག་སྨར་ཁམས་ཕྱོགས་སུ་བཏང་ཡོད་པ་དང་དེའི་ནང་དམག་མི་དང་། དྲག་ཆས་ཉེན་རྟོག་པ། ཡུལ་དམག། ས་གནས་ཡུལ་མི་བཅས་ཚང་མས་མཉམ་རུབ་ཀྱི་མེ་གསོད་ཀྱི་ལས་དོན་ཁག་ཛ་དྲག་ངང་སྤེལ་དགོས་པ་དང་ཆབས་ཅིག ས་ཁུལ་བརྟན་ལྷིང་གི་ལས་དོན་ལ་ལྷོད་ཡང་མེད་པ་དགོས་གལ་ཆེ་ཚུལ་བཤད་འདུག ད་དུང་ཁོ་པའི་བཀའ་རྒྱའི་ནང་ས་ཁུལ་བརྟན་ལྷིང་གི་ལས་དོན་ལ་དོ་ཁུར་མ་བྱུང་ཚེ། མེ་སྐྱོན་གྱི་གོ་སྐབས་འདི་བཟུང་སྟེ་ཁ་བྲལ་རིང་ལུགས་པ་ཚོས། གཏམ་འཆལ་དང་འུར་སྒྲ་བསྒྲགས་ཏེ་ཟིང་ཆ་སློང་རྒྱུ་སོགས་ཡོང་སྲིད་པར་གཟབ་གཟབ་བྱ་དགོས་སྐོར་བཀོད་ཡོད་པ་རེད།
མེ་སྐྱོན་འདི་ད་ཆ་སྨར་ཁམས་དང་འདབས་འབྲེལ་གྱི་ས་ཆ་མང་པོ་ཞིག་ལ་ཁྱབ་བཞིན་ཡོད་པ་མ་ཟད། ཁུལ་དེར་གནས་པའི་མི་མང་ཚོས་ས་གནས་རྫོང་གིས་མེ་སྐྱོན་བྱུང་མ་ཐག་བདག་སྤྲོད་མ་གནང་བས་བློ་ཕམ་གྱི་རྣམ་པ་ཡང་སྟོན་བཞིན་འདུག །
གནས་ཚུལ་མཁོ་གཏོང་བ་གོ་བོ་བསོད་ནམས་སེང་གེ།
བོད་ཡུལ་རྒྱ་ཡིས་མ་བཟུང་སྔོན་དུས་རབས་བདུན་པ་ནང་བྱོན་པའི་བོན་གྱི་བླ་མ་དྲན་པ་ནམས་མཁའི་མ་འོངས་ལུང་བསྟན་ནང་ལ་རྒྱ་འདྲེ་བོད་ལ་སྡོང་ཞིང་ཡུལ་ཁམས་ཕུང་ཞེས་གསུངས་པ་དག་བདེན་འདུག་རླག་པར་བྱེད་ས་རེད་
རྒྱ་མིས་མེ་མི་བསོད་ན་ང་ཚོས་ཕྱིའི་རྒྱལ་ཁབ་ཁག་ལ་ཁྱབ་བསྒྲགས་འབྲེལ་མེ་བསོད་རྒྱུའི་འབོད་སྐུལ་ཞུས་ན་ཕན་ཐོག་ཆེ་བ་མེད་འགྲོ།
བོད་་་་་ཕྱི་སྣོད་ཀྱི་བཀོད་པ་དང་ནང་བཅུད་ཀྱི་སེམས་ཅན་གཉིས་ཀ་མེས་ཚིག་གིན་ཡོད་པས། དོན་ངོ་མ་སུ་ཞིག་མེ་དཔུང་དེ་དག་གཞིལ་ཐུབ་བམ།
མེ་སྐྱོན་ཁ་བྲལ་རིང་ལུགས་པས་བྱས་ན། གསོད་ཐབས་སྲིད་གཞུང་གིས་མི་བྱེད་པ་ཡ་མཚན།
རྒྱ་ནག་ཧྤུ་ཅིན་སྨྱོན་པས་བོད་མིའི་ས་ཐོག་ནས་ཤིང་ནགས་ཙམ་མེས་འཚིག་པ་ལ་དོ་སྣང་དང་ཡ་ལན་མེད་པ་ནི་རྒྱུན་ལྡན་ལྟ་བུ་རེད།་་་གང་ལ་ཟེར་ན་ཁོང་ཚོས་བོད་ཡུལ་ཡོངས་རྫོགས་བསྲེགས་ནས་ཐལ་བར་གཏོང་ན་འདོད་ཀྱི་ཡོད་པའི་མ་ཚད་ར་ལུག་གླང་གསུམ་སོགས་སེམས་ཅན་རེ་མེས་འཚིག་ན་སྙམ་ནས་དགའ་བ་སྒོམ་གྱི་ཡོད་ལ།་་་ལྷག་པར་བོད་མི་གསོན་པོ་རེ་མེས་འཚིག་པ་མཐོང་ན་ཧྤུ་ཅིན་ཐའོ་ལ་དྲོས་ཇ་དང་དགུང་ཇ་མི་ཤ་སྲེག་མ་ཞིག་ཐོབ་སོང་སྙམ་ནས་གནམ་ལྡིང་ས་ལྡིང་གིས་པེ་ཅིན་ལ་ཁྱེར་ནས་ཧྤུ་ལ་སྤྲད་ན་ཧྤུས་གཟེངས་བསྟོད་དང་ཟ་དང་ཟུར་ནས་ཤ་སྣེ་རེ་རྔན་པ་ཡང་སྤྲོད་ཀྱི་ཡོད་པས་ཁ་ནས་བདེ་འཇགས་དང་གཏན་ལྷིང་ཟེར་ནས་སྒྲོག་གི་ཡོད་ཀྱང་དོན་དུ་རྒྱང་ནས་ལྟད་མོ་བལྟས་ནས་འདུག་གི་རེད།་་་ད་རུང་གཅིག་བྱས་ན་མིས་མི་མཐོང་ས་ནས་རླུང་གཏོང་འཕྲུལ་འཁོར་ཞིག་བཙུགས་ནས་རླུང་ཤུགས་ཆེ་རུ་གཏོང་གི་ཡོད་པ་ཡང་མི་སྲིད་པ་མིན་པས་ང་ཚོས་ཕྱོགས་ཡོངས་ནས་གནས་ཚུལ་རྒྱུས་ལོན་དང་ཞིབ་དཔྱད་བགྱིས་ཏེ་རང་མི་རང་གིས་མེ་གསོད་པར་ཐབས་ཤེས་སམ་རེ་བསྐུལ་ཞུ་ས་འདྲ་ཡོད་ན་ཞུས་ན་ཡག་གི་རེད་བསམ་གྱི་སྙམ།་་་དེ་མིན་ན་ཧྤུ་ཅིན་ཐའོ་སྨྱོན་པར་རློམ་གྱི་ཡོད་པ་མ་རེད།་་་ཧྤུ་སྨྱོན་པའི་སྨྱོ་གཏམ་བཤད་ནས་ས་གནས་དེ་གའི་བོད་མི་ཚང་མ་ཁ་བྲལ་དང་བརྟན་ལྷིང་ལ་ཁ་གཡར་ནས་མེ་ནང་ལ་ལྕེབ་ཏུ་འཇུག་ངེས་ཡིན་པས་ས་གནས་དེ་གའི་དམངས་ཚོགས་ཚང་མས་གཟབ་གཟབ་བྱས་ན་སྙམ།
འབྱུང་བ་མེ་ཡི་འཇིགས་པ་ཞུ་བ་ཤོག།
འགྲོ་རྣམས་བདེ་སྐྱིད་ལྡན་བར་ཤོག