ནམ་མཁའ།
ཁ་སང་གི་ཁྲུང་ཆིན་གྱི་ཟིང་ཆ་འདིས་དྲུག་བཞིའི་དོན་རྐྱེན་ལྟ་བུ་འབྱུང་རྒྱུར་ཕྲན་ལ་རེ་སྨོན་ཧ་ཅང་ཆེ། ཡིན་ཡང་རྒྱ་ནག་གི་མི་དམངས་ཕལ་ཆེར་དཔལ་འབྱོར་གྱི་འགྲན་བསྡུར་ནང་ཐིམ་ཡོད་པས། རང་དབང་དང་དམངས་གཙོའི་ཕྱོགས་ལ་དེ་ཙམ་གྱི་དོན་སྣང་བྱེད་ཀྱི་མེད་པ་མ་ཟད། ཕྱི་ལོགས་ཀྱི་དམངས་གཙོ་དོན་གཉེར་བ་ཚོ་ཡང་ཁོང་ཚོའི་ནང་ཁུལ་འཆམ་མཐུན་མེད་པའི་རྐྱེན་གྱིས་རྒྱ་ནག་ནང་ཁུལ་ལ་དེ་ཙམ་གྱི་ནུས་པ་སླེབས་ཐུབ་ཀྱི་མེད།ནུབ་ཕྱོགས་སུ་ཡོད་པའི་རྒྱ་རིགས་སློབ་ཕྲུག་མང་པོ་ཞིག་ད་རུང་ཡང་རྨོངས་གཉིད་ལས་སེལ་མ་ཐུབ་པར་རང་དབང་ཟེར་བའི་མིང་ཚིག་འདིའི་གོ་བརྡ་འཕྲོད་མ་ཐུབ་པར་མོ་ཙི་ལྔ་ཡི་སློབ་མའི་ལྟ་བ་ལས་འདའ་མ་ཐུབ་པར་ལྷག་ཡོད། དེ་མིན་ནུབ་ཕྱོགས་རང་དབང་ལུང་པར་ཡོད་པའི་སློབ་ཕྲུག་མང་པོས་ཁ་སང་ཁྲུང་ཆིན་གྱི་མི་དམངས་དང་སློབ་ཕྲུག་ཚོའི་རྒྱབ་རྩར་ལངས་ཏེ་སྐད་འབོད་བྱས་ན་འགྲིག་མོད། འོན་ཀྱང་གྲགས་འགུལ་ཅི་ཡང་མེད་པར་གནས་ཚུལ་མཁོ་སྤྲོད་ཙམ་ཡང་བྱེད་ཐུབ་ཀྱི་མེད།
སྤྱིར་ནུབ་ཕྱོགས་སུ་ཡོད་པའི་རྒྱ་རིགས་སློབ་ཕྲུག་མང་པོ་ཞིག་རྒྱ་ནག་གི་ལྐོག་ཟ་རུལ་སུང་གི་དཔོན་རིགས་ཚོའི་ཕྲུག་གུ་ཡིན་པས་རྒྱ་གཞུང་མགོ་རྟིང་སློག་པ་ལ་དགའ་མོས་ཡོད་པ་ཡང་བཤད་དཀའ་བ་ཞིག་རེད།
ཕྱོགས་ངོས་གཞན་ཞིག་ནས་བཤད་ན་དྲུག་བཞིའི་དོན་རྐྱེན་སྐབས་དྲག་གནོན་ཚད་ལས་འདས་བ་བྱས་སྟབས་རྒྱ་ནང་གི་མི་དམངས་དང་སློབ་ཕྲུག་ཚང་མ་འཇིགས་སྐྲག་གི་ནང་ལྷུང་ནས་ཡར་འབུད་ཐུབ་པའི་སྙིང་སྟོབས་ཡང་ཡོད་དཀའ་བ་ཞིག་རེད་སྙམ། གང་ལྟར་ད་ཐེངས་ཀྱི་ཁྲུང་ཆིན་གྱི་ཟིང་ཆ་འདིའི་སྐོར་རྒྱ་ནག་ནང་ཁུལ་ནས་ཕན་ཚུན་འགྲེམས་སྤེལ་བཤད་ཐུབ་ཚེ་གཅིག་གི་རྒྱབ་རྩར་གཅིག་ལངས་མི་སྲིད་པ་ཞིག་མིན།
ཁ་སང་གི་བཞི་བའི་དོན་རྐྱེན་འདིས་རྒྱ་ནག་གི་དབང་འཛིན་པའི་ནང་ཁུལ་འཁྲུགས་འཛིངས་རྣོ་ངར་ཅན་ཞིག་ཏུ་གྱུར་ཡོད་པ་ཕྱི་ནང་ཀུན་ལ་ཡང་གསལ་བརྗོད་ལྟ་བུ་ཞིག་གྱུར་ཡོད་པས་ཕྲན་ལྟ་བུའི་བོད་མི་རྣམས་དགའ་སྤྲོའི་ཁེངས་ན་ཆོག་སྙམ། སྤྱིར་གོ་སྐབས་འདིར་བསྟུན་སྟེ་ཕྱི་ནང་གང་སར་ནས་ལངས་པ་ཡིན་ན་ཁྲུང་ཆིན་མི་དམངས་ཀྱི་སེམས་སུ་ཡང་ཁོང་ཚོར་རྒྱབ་རྩ་འདུག་སྙམ་པའི་སེམས་ཤུགས་འཕར་སྲིད།
ཁ་སང་གི་དོན་རྐྱེན་འདི་ལ་རྒྱ་གཞུང་གི་དབང་འཛིན་པ་ཕྱོགས་ཁག་གཉིས་ནས་ཀྱང་དགའ་སྐྲག་གཉིས་ཀ་བྱུང་ཡོད་སྲིད། ལག་དམར་ཧུའུ་ཡི་ཕྱོགས་ནས་མགོ་རྟིང་སློག་ཡོང་སྙམ་པའི་འཇིགས་སྣང་དང་ཕམ་ཁའི་ལམ་དུ་འགྲོ་སྲིད་པའི་སེམས་ཁུར་ཡང་ཡོད། ཅང་གི་ཕྱོགས་ནས་ཁོང་ཚོའི་ལག་ཏུ་དབང་འཛིན་གྱི་གོ་གནས་ཐོབ་འདོད་ཀྱི་རེ་བ་ཡང་ཤུགས་ཆེན་བྱས་ཡོད་པ་ཐེ་ཚོམ་མེད།
གལ་སྲིད་ཧུའུ་ཡིས་དྲག་སྤྱོད་ཀྱིས་སློབ་ཕྲུག་དང་མི་དམངས་དམར་གསོད་བྱས་ཚེ་ད་གཟོད་ཟིང་ཆ་ཆེ་རུ་འགྲོ་བ་ཐེ་ཚོམ་ཅི་ཡང་མེད་སྙམ། དེ་དུས་ཕྱོགས་གཉིས་ཀྱི་རྒྱལ་ཕམ་དབྱེ་བ་ཡང་འབྱེད་ཐུབ་ལ་དམར་ཕྱོགས་ཀྱི་མགོ་རྟིང་ཡང་སློག་སྲིད། གལ་ཆེ་བ་ཞིག་ནི་ནུབ་ཕྱོགས་སུ་ཡོད་པའི་རྒྱ་རིགས་དམངས་གཙོ་དོན་གཉེར་བ་ཚོས་ཁྲུང་ཆིན་མི་དམངས་ཀྱི་རྒྱབ་རྩར་ལངས་ཏེ་སྐད་འབོད་དང་ཁྱབ་བསྒྲགས་གང་མང་རྒྱ་ནང་ལ་བྱེད་ཐུབ་དགོས་བ་དེ་རེད།ནམ་མཁས་ཡོ་རུབ་ནས་གནས་ཚུལ་མཐོང་མ་ཐག་བྲིས།
ད་རྒྱ་དམར་ཚང་གི་དཔོན་རིགས་ཚོའི་ཚང་སྐྱིད་པོ་ཡོང་རྒྱུ་ཁག་པོ་རེད་་་་རྒྱ་ནག་མི་མང་གཉིད་ལས་སད་དགོས་་་་དུས་རབས་འདིར་སྒེར་གཅོད་ཀྱི་སྲིད་དབང་འཇུག་རྫོགས་ལ་ཉེ་བས་ཧུ་ཅིན་ཐོ་ཡང་སྐྱིད་ཉལ་བྱེད་ས་ཡོད་རྒྱུ་མ་རེད་
སྐུ་ཞབས་ནམ་མཁས་དུས་ཐོག་ཏུ་སྨན་པའི་བདེན་དངོས་བརྗོད་པར་དགའ་བསུ་ཞུ།
ངས་ཀྱང་རྒྱ་ནག་གཞུང་དེ་དམངས་གཙོ་ཅན་ལ་འགྱུར་དགོས་ན་རྒྱ་མི་མང་དང་གཞུང་་་་་ཡང་ན་དཔོན་རིགས་ཚོའི་བར་ལ་འགལ་བ་ཡོང་དགོས་པར་འདོད་ཀྱིན་ཡོད། ད་འགྲིག་ཤག་་་་
ཁྲུང་ཆེན་གྱི་དོན་དག་འདི་ནི་ཟིང་ཆ་ཞིག་ཡོང་གི་ཡོད་པ་མིན་པར་ཡོང་ཉེན་ཡོད་པའི་ཆབ་སྲིད་ཀྱི་ཟིང་ཆ་ཞིག་མགོ་གནོན་མགོ་ཚུགས་པ་རེད། མཁྲེགས་འཛིན་པ་དང་རྒྱབ་བཤིག་རྒྱག་འདོད་ཡོད་པ་རྣམས་ཕམ་པའི་མགོ་ཚུགས་པ་རེད། ཡིན་ནའང་། ཁ་ལ་བཅོས་བསྒྱུར་འཁྱེར་མཁན་གྱི་ཕྱོགས་ཁག་འདིས་མ་འོངས་པར་བཅོས་སྒྱུར་ག་འདྲ་ཞིག་གཏོང་རྒྱུ་ཡིན་མིན་དེའང་ཐེ་ཚོམ་སྐྱེ་གཞི་ཞིག་ལས་མ་མཆིས།
ཁྲུང་ཆེན་གྱི་མི་མང་གི་ངོ་རྒོལ་དེའང་རྒྱ་ནག་གི་མདུན་ལམ་ཆེད་མིན་པར་ཁོ་ཚོའི་ཁ་དང་ལྟོ་བ། ཟས་ཀྱི་ཆེད་ཡིན་པས་ངོ་རྒོལ་དེ་རྒྱ་ཁྱབ་ཆེན་པོར་འགྲོ་མི་སྲིད་པ་ཞིག་རེད།
ད་ལྟའི་རྒྱ་ནག་དབུས་གཞུང་གིས་ལམ་ཁའི་འགོག་རྡོ་ཆེན་པོ་ཞིག་བསལ་དང་སེལ་མུས་སུ་མཆིས། འགོག་རྡོ་ཆེན་པོ་དེ་ཡོངས་སུ་བསལ་ཚར་རྗེས། ཞི་ཅིང་ཕེན་ལམ་ཁ་འགྲོ་བདེ་ཆགས་པ་རེད་དེ་ཁོ་ཇི་ལྟར་འགྲོ་མིན་དེ་ང་ཚོས་མ་འོངས་པ་ན་བལྟ་རྒྱུ་ལས་མ་མཆིས།
པོ་ཞི་ལེ་སོགས་ལ་རྒྱ་ནག་ནང་དུས་འགྱུར་སློང་རྒྱུའི་ཀུན་སློང་ཡོད་ཚུལ་འདུག་པ་མ་ཟད་དེའང་ཞི་ཅིང་ཕེན་གྱི་མགོ་ཁྲིད་སྐབས་ཁོ་པ་གོ་གནས་ནས་གཡུག་ཏུ་པོ་ཞི་ལིས་དབང་འཛིན་སེམས་ཡོད་སྐད་འདུག་ཀྱང་། དེ་བདེན་པ་ཡིན་མིན་མི་ཤེས་ཀྱང་། གང་ལྟར་ཁོ་ཚོའི་ཕྱོགས་གཏོགས་དེ་ད་ཆ་ཡོངས་སུ་ཕམ་པ་རེད
ཚང་མར་བཀྲ་ཤིས་བདེ་ལེགས་ཞུ།
གང་དུ་བཙན་གནོན་ཡོད་པ། དེ་རུ་ངོ་རྒོལ་ཡོད།
མགོན་པོ་ཕྱག་གཉིས་བའི་བསམ་ཚུལ་ལ་ཁོང་ཚོའི་ལྟོ་གོས་ཆེད་རེད་བསམ་འདུག ཡིན་ཡང་ལྟོ་གོས་ངོ་བོ་ནས་རང་དབང་གི་ངོ་བོ་འགྲོ་བ་རང་དབང་མེད་པའི་ལུང་པའི་མི་ཚོས་སྐད་འབོད་ཀྱི་འགྲོ་ལུགས་ལྟ་བུ་ཞིག་རེད་སྙམ།༨༩ལོའི་དོན་རྐྱེན་ཡང་ཐོག་མར་ཧའོ་ཡོ་པང་ལ་མྱ་ངན་འདུ་ཚོགས་ནས་འགོ་བཙུགས་པ་རེད།རྒྱ་ནག་མི་རིགས་འདི་ལྟོགས་ནས་གཉིད་སད་མ་ཐུབ་ན་རང་དབང་གི་དམངས་གཙོ་བསམ་སྟེ་ངོ་རྒོལ་བྱེད་མཁན་ནི་ཧ་ཅང་ཉུང་།
ནམ་མཁས་བཤད་པ་བཞིན་དཔལ་འབྱོར་གྱི་འགྲན་བསྡུར་ནང་ཐིམ་ནས་ཡོད་པ་འཛམ་གླིང་དང་རྒྱ་གཞུང་གི་དབང་འཛིན་པ་ཚོས་ཀྱང་ཤེས་ཡོད།འདིའི་ངོ་བོ་ནས་ཆབ་སྲིད་ཀྱི་ངོ་བོ་འགྱུར་རྒྱུའི་རེ་བ་ཧ་ཅང་ཆེ།
དོན་སྙིང་ཆེ་ཞིང་དུས་ལ་བབ་པའི་རྩོམ་ཡིག་འདི་འདྲ་སྤེལ་བར་དགའ་བསུ་ཞུ། ད་ནི་རྒྱ་དམར་ཚང་གི་བྱེ་རི་ཉུལ་བར་ཐག་རིང་རྒྱུ་མ་རེད།
ད་ཡིན་ན་རྒྱ་ནག་ལྟོ་གོས་ཆེད་དུ་ཡིན་ན་འང་དྲ་ཆབ་སྲིད་ཀྱི་ཆེད་དུ་ཡིན་ན་འང་འདྲ་གང་ལྟར་ཟིང་ཆ་ལང་ནས་སྦྱོར་བཅོས་བྱས་ན་མ་གཏོགས་འདུག་མི་བདེ་བ་ཆགས་ཡོད་པ་དངོས་ཡོད་རེད་དེ་དངོས་གནས་གཏང་བཟང་རེད་གཏང་བཟང་རེད་གཏམ་བཟང་རེད།།།
འཁྲུང་ཆེན་མི་མང་ལ་དགའ་བསུ་ཡོད་ཤུགས་རྒྱབ་བཅོས་བརྒྱུར་ལ་དགའ་བོ་ཡོད་བཅོས་བརྒྱུར་ལ་དགའ་བོ་ཡོད་ཧཧཧཧཧཧཧཧཧཧཧཧཧ