རྒྱ་ནག་དང་རང་དབང་།

Comments (7) on “རྒྱ་ནག་དང་རང་དབང་།”

1. གོང་གསལ་ནི་ད་ལོ་སྤྱི་ཟླ་བཞི་བར་རྒྱ་ནག་ལྷོ་ཕྱོགས་སུ་ཚོང་ལས་ཚོགས་འདུ་ཞིག་གི་ཐོག་ཏུ་ཇཱ་ཁིས་ཆན་གྱིས་རྒྱ་ལ་རང་དབང་སྤྲོད་མི་རུང་བར་གཅུན་དགོས་པའི་མི་རིགས་ཤིག་རེད་ཅེས་བཤད་པའི་གཏམ་བཤད་དེ་རེད། ཁ་ཤས་ཀྱིས་དེ་ནི་རྒྱ་མི་རིགས་ལ་མཐོང་ཆུང་བྱས་པ་ཞིག་རེད་ཅེས་ངོ་རྒོལ་བྱེད་ཀྱི་འདུག་ལ། ཁ་ཤས་ཀྱིས་སྐད་ཆ་འདི་ལ་རྒྱབ་སྐྱོར་བྱེད་ཀྱི་འདུག

2. སྐབས་འདིར་ཇཱ་ཁིས་ཆན་གྱིས་རང་དབང་གི་སྐོར་གྱི་སྐད་ཆ་འཕྲོས་ས་དེ་གློག་བརྙན་འགྲེམ་སྤེལ་བྱེད་ཕྱོགས་ཐད་ཀྱི་བཀག་སྡོམ་གྱི་སྐོར་ནས་འགོ་བཙུགས་སོང་བསམས། དྲི་བ་གཏོང་གཞི་དེ་ཉེ་དུས་ཇཱ་ཁིས་ཆན་གྱི་གློག་བརྙན་ “ཤིན་ཇོ་ཀོང་གི་དོན་རྐྱེན་Shinjuku Incident” ཟེར་བ་དེའི་ནང་དུ་དྲག་སྤྱོད་ཤུགས་ཆེན་ཡོད་པ་ལ་བརྟེན་ནས་རྒྱ་ནག་སྐམ་ས་ཆེན་མོར་བསྟན་མི་ཆོག་པ་བཟོས་པ་དེའི་ཐད་ཁོང་ལ་བསམ་ཚུལ་དྲིས་པ་ཞིག་རེད།
   སྐབས་དེའི་ཚོགས་ཞུགས་སུ་རྒྱ་ནག་གི་སྲིད་བློན་Wen Jiabao ཡོད་པ་ཞིག་རེད།
   ངས་བསམས་པ་ཇཱ་ཁིས་ཆན་གྱིས་དྲི་ལན་འདེབས་སྟངས་ལ་བལྟས་ན་ཁོང་གི་ “བཀག་རྒྱ་མེད་པའི་རང་དབང་”ལས་ “བཀག་རྒྱ་ཡོད་པའི་རང་དབང་”ཡག་གི་རེད་ཟེར་བ་མིན་ནམ། གཅིག་བྱས་ན་ཁོང་ལུས་རྩལ་གཉེན་སྟོབས་ཆེན་པོ་ཡོད་ནའང་ཁ་ལྕེ་དེ་ཙམ་བདེ་བོ་མེད་པ་ཡིན་སྲིད་།

3. ཇཱ་ཁས་ཆན་གྱི་སྐད་ཆ་འདི་ལ་འགྲེལ་བཤད་སྣ་ཚོགས་ཤིག་འདུག གཏམ་བཤད་དངོས་གཞི་འདི་ནས་གཟིགས་རོགས། http://www.youtube.com/watch?v=V2Z4GdE95qU

4. རང་དབང་ག་འདྲ་ཞིག་ཡིན་ཡང་། ཚད་བཀག་མེད་པ་ཞིག་གཏན་ནས་མེད་པ་རེད། རང་དབང་རྒྱལ་ཁབ་ཡོད་མཁན་གྱི་རྒྱལ་ཁབ་ཁག་དུ་ཡང་དེ་ལྟར་ཡིན་པ་ཚང་མས་ལོས་ཤེས།

5. ཇ་ཁི་ཆན་གྱི་སྐད་ཆ་དེ་ང་ཚོ་བོད་ཀྱི་གཏམ་དཔེ། བོད་ཀྱི་བུ་གུའི་སློབ་སྦྱོང་རྐུབ་ན་ཡོད་ཟེར་བ་དེ་དང་། ཉེ་སྔོན་ང་ཚོའི་གྲྭ་གྲོགས་ཤིག་ནས་དྲངས་པའི་གཏམ་དཔེ་སྟེ་སྐྱེས་དམན་དང་རྔ་རྡུང་ན་བཟང་ཡིན་ནམ་རྡུང་དགོས་ཡིན་དེ་དང་འདྲ་སེ་ཞིག་བཤད་འདུག་ག
   དེ་ནི་ཤར་ཕྱོགས་པའི་སྲོལ་རྒྱུན་གྱི་འདུ་ཤེས་འཛིན་སྟངས་ཤིག་རེད། ནུབ་ཕྱོགས་ནས་སྐད་ཆ་དེ་འདྲ་བཤད་ན་མི་ཕལ་ཆེ་བ་ཧང་སངས་མདོག་ཁ་བོ་རེད།

6. ལྷ་ཀླུ་གཉན་གསུམ་ལགས་སུ།
   མཁྱེན་གསལ་རེད་། ལྟོས་ས་ལྟོས་འཇོག་གི་སྒོ་ནས་རང་དབང་ལ་འགྲེལ་བཤད་སྣ་ཚོགས་ཅིག་ཡོང་གི་ཡོད་། སྨྲ་བརྗོད་ཀྱི་རང་དབང་ཟེར་བའི་རང་དབང་ལའང་གོ་དོན་བྱེ་བྲག་པ་ཞིག་ཡོད། གོ་དོན་དེ་གཏན་ལ་འབེབས་ཟིན་པའི་རང་དབང་དེ་ལ་སྲིད་གཞུང་ནས་བཀག་རྒྱ་ཡོད་མེད་ཤོད་ཆོག་གི་རེད་བསམས། དཔེར་ན། དྲུག་བཞིའི་དུས་དྲན་ཧོང་ཀོང་དུ་འཚོགས་ཆོག་པ་དང་པེ་ཅིན་ལ་མི་ཆོག་པ་ནི་སོ་སོའི་དགོས་དབང་ལ་གཞིགས་ནས་རང་དབང་གི་ཁྱབ་ཚད་ལ་འགྲེལ་བཤད་བརྒྱབ་ཀྱི་ཡོད།
   མགོན་པོ་ཕྱག་གཉིས་པས་དཔྱད་པ་བཞིན་འདི་ནི་ཤར་ནུབ་ཀྱི་རང་དབང་ལ་ཕྱོགས་པའི་འདུ་ཤེས་མི་འདྲ་པས་རང་དབང་གི་ཁྱབ་ཚད་ལའང་དམ་ལྷོད་ཡོང་གི་ཡོད་པ་ཞིག་རེད།
   དེ་དང་ཇཱ་གིན་ཆན་གྱིས་རྒྱ་ནག་སྐམ་ས་ཆེན་པོ་རུ་གློག་བརྙན་འདོན་སྤེལ་བྱེད་པར་བཀག་རྒྱ་ཡོད་པས་གློག་བརྙན་སྤུས་གཙང་ཡོད་པ་དང་ཧོང་ཀོང་ལ་བཀག་རྒྱ་མེད་པས་གློག་བརྙན་ཆོ་མེད་ཉབ་ཉོབ་མང་པོ་ཐོན་གྱིན་ཡོད་པ་སོགས་བཤད་པ་རེད་། ཇཱ་གིན་ཆན་གྱིས་རྒྱ་གཞུང་ལ་ངོ་བསྟོད་བྱེད་པ་ལས་ཁོང་རང་གི་ལྟ་བ་ཡིན་པས་མ་ཁྱབ། གང་ལྟར་ཁོང་གི་གཏམ་བཤད་དེར་རྒྱབ་སྐྱོར་དང་དགག་པ་བརྒྱབ་མཁན་གྱི་ཕྱོགས་ཁབ་གཉིས་སུ་གྱེས་པའང་ཤར་ནུབ་ཀྱི་ལྟ་བའི་ཤུགས་རྐྱེན་ལས་ཡོང་པ་གྲགས།
   ལོངས་སུ་སྤྱོད་པ་པོའི་མི་དམངས་ཚོས་རང་དབང་གི་གོ་དོན་མ་ཤེས་པར་གློ་བུར་དུ་སྤྱི་ཚོགས་སུ་རང་དབང་སྤྲོད་ལ་དེས་རྙོག་འཛིང་ཡང་ཆེན་པོ་བཟོ་ཡི་ཡོད་པ་གྲགས།

7. ཇཱ་གིན་ཆན་གྱིས་རྒྱ་མི་ལ་རང་དབང་ཆེ་དྲག་ན་ཡག་པོ་མེད་ཞེས། ་ཧོ་ཀོང་དཔེ་ལ་དྲང་ནས་བཤད་པ་འདི་དངོས་དགོད་དྲོ་བ་ཞིག་རེད་ཡ། ཁོང་མི་དམངས་ཀྱི་བདེ་སྡུགས་ལ་བསམ་བློ་དེ་ཙམ་མི་གཏོང་མཁན་ཞིག་ཡིན་པ་མཚོན་ཐུབ། ཁོ་རང་ནི་ཆུང་དུས་ནས་མི་ཚང་ཕྱུག་པོ་ཞིག་གི་ནང་དུ་ཚར་ལོང་བྱུང་བ་ཞིག་ཡིན་པས་ཆ་ནས་རྒྱ་རིགས་མི་དམངས་སྐྱུས་མ་རྣམས་ཀྱི་བདེ་སྡུགས་དངོས་དེ་མཁྱེན་ཀྱི་མེད་པ་འདྲ། ཡང་ན་དཔལ་འབྱོར་གྱི་སླུར་ཟིན་པ་ཞིག་ཡིན་ངེས།