མིག་གསུམ་པ། ལྡ་ལི།
༡
སྒྲོལ་མ་དཀར་མོ
ཆེས་ཐོག་མའི་ཐུག་ཕྲད་ཀྱི་ཀློང་ནས
ཁམས་འདྲིའི་གོམ་སྟོབས་ལ་ཁད་ཀྱིས་ཞུགས་ཏེ
ཁྱོད་ཀྱི་ངོ་གདོང་ལ་ཐད་ཀར་དུ་ལྟ་དུས
ཞལ་རས་སྒོར་སྒོར་དེ་ང་ལ་གནང་བའི་པད་དཀར་ཞིག་གམ
སེམས་སྒྲ་གཉོམ་པོ་དེ་ང་ལ་བཏང་བའི་གླུ་གཞས་སྙན་མོ་ཞིག
༢
སྒྲོལ་མ་དཀར་མོ
གནག་ཅིང་སྣུམ་པའི་སྐྲ་ལོ་དེ
འཇམ་རླུང་གིས་ཇི་ལྟར་གཡོས་ནའང
ཁྱོད་ཀྱི་འཛུམ་མདངས་ལས་བརྩེ་བ་བཞུར་ཚུལ
སུ་ཞིག་གི་སྙིང་ལ་སྦར་བའི་མེ་དྲོད་ཅིག
༣
སྒྲོལ་མ་དཀར་མོ
དུས་ཆད་ཀྱིས་བཏབ་པའི་ངེད་གཉིས་ཀྱི་ཁོར་ཡུག་དེ
ལྷིང་འཇགས་ཀྱིས་ཟིན་པའི་སྐད་ཆའི་བརྒྱུད་རིམ་ཞིག
དེ་དུས ངོ་གདོང་དམར་པོར་གྱུར་བའི་ཁྱོད་ཀྱི་མཆུ་སྒྲོས་ཀྱི་ཁ་ན
མྱང་མི་ཚར་བའི་བདེ་ཚོར་གྱི་དཀྱིལ་འཁོར་བཞེངས་འདུག
ཨ་རོ། མྱི་ལྡང་། རང་གི་མཛའ་མོ་སྒྲོལ་དཀར་ལྷ་མོ་ཟེར་བ་དེའི་སྐྲ་སེར་པོ་དང་གདོང་རིང་པོ་རེད་འདུག་གཱ། མ་གཞི་མོ་མཛེས་མ་ཡིན་རུང་། རང་གིས་བྲིས་པའི་སྙན་ངག་དང་འདྲ་གི་མི་འདུག ད་ཐེངས་དཱ་མཛེས་མ་ཆགས་པ་ལངས་ཉན་ཞིག་རག་འདུག་གཱ། ཨེ་ཨེ་ཨེ། ཨ་ལ་སྐུ་རྩེད་ཡིན་དཱ།
ཡག་གི་འདོད་ནས་ཞིབ་ཀློིག་ཅིག་བྱས་ནས་ཐོན་སོང།
དྲ་གྲོགས་ཚང་མར་སྙིང་ཐག་པ་ནས་ཐུགས་རྗེ་ཆེ་ཞུ། བདག་གི་རྩོམ་ཡིག་འདིའི་བརྗོད་བྱ་དང་རྗོད་བྱེད་གང་ཅིའི་ཐད་ནས་མ་འགྲིག་པ་དང་། མ་རན་པ་མཆིས་ཚེ་བླང་དོར་གྱི་སྐད་ཆ་རེ་བརྗོད་རོགས།
དུས་ཆད་ཀྱིས་བཏབ་པའི་ཞེས་པ་དེར་གོ་རྒྱུ་དེ་ཙམ་མི་འདུག་པས། དུས་ཆད་བཏབ་པའི་ཞེས་བྲིས་ན་ལེགས་པར་འདོད། སྤྱིར་ན་ངས་སྙན་ངག་ལ་ཅང་མི་ཤེས།
ཨ་ཁུ་སྐུ་ལོ་ལགས། ཁེངས་སྐྱོང་མ་གནང་རོགས་ཟེར་རྒྱུ་དང་། སྐུ་ཉིད་བདག་གི་སྙན་ཐུང་འདིའི་ཉེ་སར་བཅར་ཏེ་མཁྲིས་སྨན་ཁེམ་བུ་གང་སྦྱིན་གནང་བགྱིས་པར་ཐུགས་རྗེ་ཆེ་ཞུ།
མིག་གསུམ་པའི་སྙན་ངག་ཡིན་ཞེས་བའི་འབྲི་རྩོམ་འདི་རྙོག་གཏམ་ཞིག་མིན་འགྲོ་ སུན་པ་ལ་
བདག་གི་རྩོམ་འདི་མི་ལ་གདམས་པ་ལས།།
ནམ་མཁའི་ལྷ་མོས་ཀློག་ན་སུན་འགྲོ་བ།།
ལྷ་མོར་རན་པའི་རྩོམ་ཡིག་བདག་ལ་མེད།།
མི་སྡེ་སྤྱི་ཚོགས་ཤིག་གི་འགྲོ་ལུགས་ཡིན།།
མི་དང་ལྷ་ཡི་འབྲེལ་ལམ་ཅུང་དཀའ་བས།།
ཟས་སྤྱོད་གཉིས་ཀའི་ཐད་ནས་ཁ་ཁ་ཡིན།།
སྐད་དང་ཆ་བྱད་ཕྱོགས་ནས་ཀྱང་དེ་བཞིན་པས།།
ངེས་མེད་རྒྱུ་བའི་ལྷ་མོར་དགོངས་སུ་གསོལ།།