དེ་རིང་ནི་ཕྱི་ལོ་༢༠༡༢ ལོའི་ཟླ་བ་༥ པའི་ཚེས་༡༡ རེད། ཞི་བའི་འཐབ་རྩོད་པ་འམ་བོད་སྐྱོད་གོམ་བགྲོད་པ་གླིང་ཚ་མ་བུ་གསུམ་གསུམ་བཅུ་དུས་དྲན་ཐེངས་༥༣ དང་སྟབས་བསྟུན་བཞུགས་སྒར་ཐེག་ཆེན་གཙུག་ལག་ཁང་ནས་དབུ་བཙུགས་ཏེ་གོམ་བགྲོད་ཉིན་གྲངས་༦༡ རིང་བགྲོད་ཟིན། ཕྱི་ཚེས་༡༡ ཉིན་གྱི་སྔ་དྲོའི་དུས་ཚོད་༡༠ཿ༠༠ ཙམ་ལ་ཞི་བའི་འཐབ་རྩོད་པ་གླིང་ཚ་མ་བུ་གསུམ་རྒྱ་གར་དང་བལ་ཡུལ་གྱི་རྒྱལ་མཚམས་སུ་འབྱོར་ཡོད་པ་དང། སྐབས་དེར་རྒྱ་གར་གྱི་རྒྱལ་སྲུང་དམག་མིས་བཀག་འགོག་སོགས་ཅི་ཡང་མ་བྱེད་པར་ཁོང་མ་བུ་གསུམ་བལ་ཡུལ་ས་ཐོག་ཏུ་ཤར་སྐྱོད་བྱ་ཐུབ་བྱུང་འདུག། བལ་ཡུལ་ས་ཐོག་ནས་གོམ་པ་སུམ་བཅུ་ཡར་མར་ཞིག་ཏུ་འབྱོར་མ་ཐག་བལ་ཡུལ་རྒྱལ་སྲུང་དམག་མིས་བོད་སྐྱོད་གོམ་བགྲོད་པ་གླིང་ཚ་མ་བུ་གསུམ་གྱི་མདུན་བཀག་སྟེ་འདྲི་གཅོད་ཁང་དུ་ཁྲིད་ཡོད་དང།
དུས་ཚོད་གསུམ་གྱི་རིང་ཕན་ཚུན་དྲི་བ་དྲིས་ལན་བྱས་མཐར་བལ་ཡུལ་རྒྱལ་སྲུང་དམག་མིས་ཁོང་མ་བུ་གསུམ་ལ་བོད་ཀྱི་རྒྱལ་དར་མ་བཟུང་ཚེ་གོམ་བགྲོད་མུ་མཐུད་བྱ་ཆོག་པ་དང་
དེ་མིན་ཕྱིར་རྒྱ་གར་དུ་ལོག་དགོས་པའི་བཀའ་བཏང་སྟེ་བཀག་སྐྱིལ་ཁང་ནས་གློད་ཡོད་འདུག།ཞི་བའི་འཐབ་རྩོད་པ་གླིང་ཚ་མ་བུ་གསུམ་བཀག་སྐྱིལ་ཁང་ནས་ཕྱིར་བཏང་མ་ཐག་གོམ་བགྲོད་
མུ་མཐུད་འགོ་བཙུགས་ཀྱང་མཐའ་སྲུང་དམག་མིས་མདུན་བཀག་ཡོད་སྟབས་ས་ཆ་དེ་གར་ཟས་མེ་ཆུ་མེད་ཀྱི་ཟས་བཅད་ངོ་རྒོལ་བྱས། དགོང་དྲོར་དུས་ཚོད་༨ཿ༠༠ ཡར་མས་ཙམ་ལ་གློ་བུར་ཆར་བ་ཤུགས་ཆེན་བབ་ཏེ་གྱོན་ཆས་དང་ཡོལ་བྱད་རྣམས་ཡོངས་སུ་བརླན་ཡང་མུ་མཐུད་ཆོད་སེམས་གཏན་པོས་ཟས་བཅད་ངོ་རྒོལ་ལ་བསྡད་ཅིང། ཆར་བ་ཤུགས་ཆེན་བབ་པས་ས་མཚམས་སུ་གློག་ཡོངས་སུ་ཤི་བ་དང་སྟབས་བསྟུན་མཐའ་སྲུང་དམག་མི་གྲངས་དགུ་ཙམ་ཡོང་ནས་ཁོང་མ་བུ་གསུམ་ལ་གཅར་རྡུང་ཚོད་མེད་བྱས་པ་དང། དམག་མི་གཉིས་གསུམ་གྱི་བར་དུ་གོམ་བགྲོད་པ་རེ་རེ་བཞག་སྟེ་ཕྱིར་རྒྱ་གར་གྱི་ས་མཚམས་ཕྱོགས་སུ་དྲུད་ཡོད་པ་རེད། གཅར་རྡུང་བྱེད་བཞིན་སྐབས་རྒྱ་གར་མཐའ་སྲུང་དམག་མིས་བར་འདུན་གནང་སྟེ་རྒྱ་གར་གྱི་དམག་མིའི་ལས་ཁུངས་སུ་ཁྲིད་འདུག སྐབས་དེ་དུས་དགོང་མོའི་དུས་༩ཿ༠༠ ཙམ་ཟིན་འདུག་ཟེར། གཅར་རྡུང་ཁྲོད་བཀྲམས་ཡིག་དང་ཉིན་ཐོ་འབྲི་དེབ། རྒྱལ་དར་སོགས་བཙན་འཕྲོག་གིས་མེད་བརླགས་སུ་བཏང་ཡོད་པ་མ་ཟད་ཨ་མ་ལྡོམ་སྐྱིད་ཀྱི་སྐེ་ཚུགས་དང་ཕྱི་མགོ་གཉིས་ལ་རྨས་སྐྱོན་བྱུང་ཡོད་པ་དང་ཉིན་གུང་ཚ་བའི་ཁྲོད་འདུག་ཡུན་
རིང་དྲགས་པ་དང་ཕྱི་དྲོར་ཆར་ཆེན་འོག་ལྷག་ཡོད་སྟབས་འབྱུང་བའི་དྲོད་གྲང་འཁྲུགས་པས་གཟུགས་པོའི་གནས་བབ་ཧ་ཅང་ཛ་དྲག་ཏུ་གྱུར་འདུག་ཅིང་རྒྱ་གར་མཐའ་སྲུང་དམག་མིས་
མྱུར་སྐྱོབས་གནང་འདུགདེའི་མཚན་མོར་རྒྱ་གར་མཐའ་སྲུང་དམག་མིའི་སྲུང་སྐྱོབ་འོག་ས་མཚམས་དང་སྤྱི་ལེ་གསུམ་གྱི་སར་ཕྱི་འཐེན་གྱིས་ཧིན་དྷི་ལྷ་ཁང་ཞིག་ནས་ཞག་འདུག་བྱས་ཡོད་པ་རེད།
ཕྱི་ཚེས་༡༢ཉིན་ཞི་བའི་འཐབ་རྩོད་པ་གླིང་ཚ་མ་བུ་གསུམ་གྱི་དང་བླང་གསར་འགོད་པ་བྱས་མྱོང་བའི་ཀླུ་འབུམ་བཀྲ་ཤིས་ཀྱིས་ཐད་གར་གླིང་ཚ་ཚེ་བརྟན་རྡོ་རྗེ་ལགས་སུ་འབྲེལ་བ་བྱས་ཏེ་
གནས་ཚུལ་ཞིབ་འདྲི་བྱས་པའི་ཁྲོད།གླིང་ཚ་ཚེ་བརྟན་རྡོ་རྗེ་ལགས་ཀྱིས་གནས་སྐབས་ཉིན་གཉིས་གསུམ་ཙམ་ལ་ཕྱི་འཐེན་བྱས་ཏེ་ཨ་མའི་རྨས་སྐྱོན་ལ་སྨན་བཅོས་བྱ་རྒྱུ་ཡིན་པ་དང་རྨས་སྐྱོན་ཅུང་ཇེ་དགར་སོང་ཚེ་མུ་མཐུད་གོམ་བགྲོད་བྱ་རྒྱུར་ཆོད་སེམས་གཏན་པོ་ཡོད་ཚུལ་བརྗོད་ཡོད་པ་དང་། ཨ་མ་ལྡོམ་པོ་སྐྱིད་ལགས་སུ་གནས་སྟངས་སོགས་བཀའ་འདྲི་ཞུས་སྐབས་སྤོབས་པ་ཆེན་པོའི་ཐོག་སྨྲས་སྐྱོན་ལ་སྐྱོན་མི་འདུག ངས་ཁྱེད་རང་ལ་སྔོན་ཆད་བཤད་མྱོང་ཡོད། ང་རྐང་ལག་བཞི་ས་ལ་བཙུགས་ནས་འགྲོ་དགོས་རུང་འགྲོ་རྒྱུ་ཡིན།་ ཞེས་ཚོད་སེམས་བརྟན་པོས་བརྗོད་འདུག། དེ་ནས་གླིང་ཚ་ལྷ་མོ་སྐྱིད་ལགས་སུ་གནས་བབ་སོགས་བཀའ་འདྲི་ཞུ་སྐབས། ཁོ་མོས་བདེ་ཐང་ཡིན་ཟེར་བ་ལས་ཅི་ཡང་མི་བཤད་མོད། དབུགས་ཀྱི་རྒྱུ་བ་སོགས་ལ་བརྟག་ན་ངུ་ངག་གིས་ངག་སྒོ་བཅད་ཡོད་པ་འདྲ།
དཔའ་སྤོབས་ལྡན་པའི་གླིང་ཚ་མ་བུ་གསུམ་གྱིས་དཀའ་སྡུག་གི་རི་བོ་འདི་འདྲ་ཞིག་ཕྲག་ལ་འཁུར་ཞིང་སེམས་ལ་སྒོམ་ནས་ལམ་ལ་ཆས་པ་རེད། དེ་ཡིན་དུས་ད་ལྟ་བལ་ཡུལ་འདྲེ་དམག་གིས་ཚད་ལས་བརྒལ་བའི་ཉེས་རྡུང་དང་མཐོང་ཆུང་གཏོང་ནས་བོད་མིའི་སེམས་ལ་ཕོག་ཐུག་གཏོང་བ་དེ་ཡིད་སྐྱོ་བའི་གནསཤིག་རེད།
ད་ཡིན་ན་ཚོགས་པ་དང་ལྟ་བ་ལངས་ཕྱོགས་གཙོར་འདོན་མི་བྱེད་པར་བཙན་བྱོལ་བོད་མི་རྣམས་ཁོ་ཚོ་གསུམ་ནང་བཞིན་བློ་ཐག་ཆོད་པའི་ལམ་ལ་བུད་ཚེ། འུ་ཚོར་རེ་བའི་ཉིན་མ་ཞིག་ཡོད་པ་ཐག་གིས་ཆོད་ཐུབ། དེ་མིན་རྡ་སའི་ཆབ་སྲིད་པ་གསོན་འདྲེ་ཁ་ཤས་ཀྱིས་བོད་འདི་སྐྱོབ་མི་ཐུབ་པའི་གནས་ལུགས་གཞི་ནས་གསལ་ཀི་ཡོད་པ་དང་།ངོ་ར་འཕྲོད་ཀི་ཡོད།
ཆོས་ཆེ་ས་ན་བདུད་ཆེ་ཟེར་བ་ལྟར་དོན་ཆེན་སྒྲུབ་ས་ན་བར་ཆོད་ཡོད་པ་རེད་གང་ལྟར་སེམས་ཆུང་བྱོས་ཧོད་རྒྱུགས་མ་བྱེད་ཐབས་ཤེས་ཚོལ་ནས་འགྲོ་དགོས་པ་རེད།ཅིའི་ཕྱིར་བལ་ཡུལ་མཐའ་སྲུང་དམག་གིས་ཁོ་ཚོ་མ་བུ་གསུམ་གཅར་རྡོང་བྱེད་དགོས་པ་དང་རྒྱ་གར་དམག་གིས་ཁོ་ཚོར་ཅིའི་ཕྱིར་རྒྱབ་སྐྱོར་བྱེད་དགོས་པ་ང་ཚོའི་ནམ་ཡང་བརྗེད་ཉན་ནི་མ་རེད།
དཔའ་སྤོབས་ལྡན་པའི་གླིང་ཚ་མ་བུ་གསུམ་ལ་རྒྱབ་སྐྱོར་ཡོད་
ནམ་རྒྱུན་སྐད་ཆ་སྦོམ་པོ་བཤད་མཁན་གྱི་རྡ་སའི་བོད་ཞེན་ཅན་ཚོ། དེ་རིང་གླིང་ཚ་མ་བུ་གསུམ་གྱི་རྒྱབ་ཏུ་ལངས་ཏེ། གཅིག་རྒྱབ་གཉིས་འཐུད་ཀྱིས་ས་མཚམས་བལ་ཡུལ་འདྲེ་དམག་ཚོའི་ཁ་གཏད་དུ་ཁོང་མ་བུ་གསུམ་གྱི་རྗེས་སུ་ཁྱེད་གསོན་ང་ཤི་ཡི་སྤོབས་པའི་ཐོག་ནས་བསྐྱོད་རན་པ་དང་སྐྱོད་པའི་དུས་ཚིགས་ལ་སླེབས་ཡོད་པ་རེད། དེ་ལུགས་བོད་རིགས་སྙིང་ལ་དྲོད་ཡོད་པ་ཚོས་ད་རིས་དཔུང་འཇུག་བྱེད་རྒྱུའི་དུས་ལ་བབ་ཡོད་པ་རེད་ཞུ་རྒྱུ་ཡིན།
ཁྲི་གདུགས་ལགས། རྡ་སའི་ཁ་ཤུགས་དཔུང་ཤུགས་ཅན་ཚོའི་དོན་དུ་གཉེར་བྱ་གཙོ་བོ་ནང་དཀྲུས་དང་པེ་ཤག་ཟ་རྒྱུ་དེ་རེད། ཉམས་ཆུང་དང་རྒྱབ་རྩ་མེད་མཁན་ཚོ་མཐོང་གི་མ་རེད།