བློ་དང་གློ་བ།

Comments (14) on “བློ་དང་གློ་བ།”

1. གློ་བ་དགའ་བྲིས་པ་དག བློ་དགའ་ཟེར་བ་དག

2. དེབ་དཀར་དུ།
   བཙན་པོ་མཆེད་གཉིས་ལ། མོང་སྔོན་པོ་གློ་བ་རིངས་པར། ཟུ་ཙེས་ཁོས་གྲབ་ཤོམས་བྱེད་པ་ཚོར་སྟེ། བཙན་པོ་མཆེད་གཉིས་ལ་སྐུ་ལ་བསྡོ་མ་ནུས་པར་མོང་སྔོན་པོ་བཀུམ་མོ། ཞེས་པ་འདུག

3. སྐབས་ཐོབ་གློ་བ་ཟེར་བ་སེམས་ལ་ག་བ་རེད།

4. བློ་ལ་གློ་བ་ཞེས་བརྗོད་ན་གོ་རྒྱུ་མི་འདུག ཡིག་ནོར་ཤོར་ནས་བྲིས་པ་འདྲ།

5. བློ་དང་གློ་བ་ཐ་དད་ཡིན་ཡང་། གློ་བ་དགའ་ཟེར་སྲོལ་ཡོད། ནོར་མེད།

6. མཁན་པོ་དགའ་དབང་གིས་དོགས་སློང་ཡག་པོ་གནང་འདུག དེའི་འཕྲོ་མཐུད་དུ་ཞུས་ན། གློ་བ་དགའ་ཞེས་པ་ནི་ཡིད་ཚིམ་པའི་དོན་ཅན་ཏེ། བསྐོར་བ་བྱེད་པ་ལའང་གློ་བ་དགའ་སྟེ། དེ་བས་ཅོས་ཅིག་བྱས་ན་མི་དགའ་འམ། ཞེས་བཀའ་གདམས་གསུང་བགྲོས་སུ་ཡོད་པ་དང་། ད་དུང་མུ་མཐུད་ཞུས་ན། ཏུན་ཧོང་གཏེར་ཡིག་ན། གློ་བ་ཉེར་འོང་བ་ནི། མ་བགམ་མ་བརྒལ་བར་ཐོངས་ཤིག ཅེས་ཡོད། སྙིང་ཐག་པ་དང་གློ་བ་ཐག་པ་གཉིས་དོན་གཅིག གློ་བ་འདྲིང་དང་རྒྱབ་གཏོད་པ་གཉིས་དོན་གཅིག གློ་བས་བས་པ་དང་ཞེ་སེམས་ཁྲེལ་བ་གཉིས་དོན་གཅིག་སྟེ། འདུལ་གཞུང་ན། ་་་་་་་་་་་་་་་་ཉེ་དུས་གློ་བས་བས་པར་མི་འགྱུར་བར་གྱིས་ཤིག་་་་ཅེས་བཀོད་དེ་ཡོད་པ་ལྟ་བུ་ཡིན། ད་མཁས་པ་དང་མཁས་པའི་ཚོགས་ཀྱིས་མུ་མཐུད་གླེང་རོགས།

   གཅན་ཚ་བ་སྲིན་པོ་རྫ་རྒན་ནས།

7. (གློ་བ་དགའ)་ཟེར་བ་སྐྱོན་ཡིན་ན་(སྙིང་ཚིམས)་ཟེར་བའང་སྐྱོན་ཡིན་དགོས་རྒྱུ་རེད། རིགས་པ་བཀོལ་ན་དེ་འདྲ་རེད། འདི་ཚོའི་གནད་འགག་ཡིག་རྙིང་བཀླག་ན་ཤེས་ངེས་པ་ལས་ཡོད་ཚད་ལ་རིགས་པས་འཚང་ག་རྒྱག་ཉན་ཡོད་ནི་མ་རེད། སྐབས་རེར་ལུགས་སྲོལ་དུ་གྱུར་བའི་འབྲི་སྟངས་ཡང་མང་པོ་ཡོད་པ་རེད། དེ་ཚོ་ཡིག་ཚོགས་མང་དུ་བཀླག་ན་ཤེས་རྒྱུ་ཞིག་ལས་རིགས་པ་ཁོ་ནས་ཤེས་རྒྱུ་ཞིག་མ་རེད།

8. ལ་དྭགས་པ་དེ་ཅི་ཡང་མི་ཤེས།

9. ཡོད་ཚད་ལ་རིག་པ་བཏངས་སྡད་ན། འཇིག་རྟེན་གྱི་གྲགས་པ་ཕལ་ཆེ་བརླག་འགྲོ་ཡི་རེད།

10. གློ་བ་དགའ་ཟེར་བ་དེ་ཞང་ཞུང་གི་སྐད་ཡིན་པར་སྙམ བཙན་པོའི་གདུང་རྒྱུད་མཇུག་མ་རྫོགས་གོང་གི་ཡིག་རྙིང་དག་ཏུ་གློ་བ་ཉེ་དང་གློ་བ་རིང་།གློ་བ་དགའ་ཞེས་བྲིས་པ་མང་པོ་འདུག་ ཡིན་ནའང་བཙན་པོའི་གདུང་རྒྱུས་སིལ་བུར་ཐོར་བ་ནས་ཐ་སྙད་དེ་དག་རྙེད་དཀའ་བར་སྣང་།

11. གློ་བ་དགའ་ཞེས་པ་བོད་སྐད་རེད། ཡོད་ཚད་རྒྱ་གར་དང་ཞང་ཞུང་ལ་ཁུངས་བཏུག་ག་ལ་དགོས།

12. ༨༽ ཐུབ་པ་ནས།
    སྤྱི་ལོ་ ༢༠༡༢ ཟླ་ ༥ ཚེས་ ༡༣ གི་ཆུ་ཚོད་ ༠ སྐར་མ་ ༥༢
    ལ་དྭགས་པ་དེ་ཅི་ཡང་མི་ཤེས།
    ཁྱེད་བདེན་ནོ། ད་དུང་སྦྱོང་བཞིན་པ་ཡིན།
    རང་བློ་ཤེས་བྱ་ཀུན་ལ་མ་སྦྱངས་ན།
    ཐམས་ཅད་མཁྱེན་པ་ནམ་མཁའི་མཐའ་ལས་རིང་།

13. གློ་བ་ཞེས་པ་མདོ་སྡེ་ལས་བརྒྱ་པ་ན་ཡང་གསལ། བློ་ལ་གློ་བ་ཞེས་སྔོན་མ་ནས་མ་དག་རྒྱུན་འབྱམས་སུ་སོང་བ་ཞིག་མ་ཡིན་ནམ། ཁྱེད་ཀློག་པ་རྣམས་ནས་དཔྱད་པ་བཀླགས་པས་བློ་དགའ། ད་འོ་ན། འཕྲལ་དུ་འོངས་པ་ལ། ལེགས་སྦྱར་སྐད་དུ། ཨཱ་གནཏུ་ཀ་དང་། ཨིན་སྐད་དུ། adventitious བོད་སྐད་དུ། གློ་བུར་ཞེས་མིང་ཇི་ལྟར་བྱུང་། སྒྲ་འདི་བོད་སྐད་ཤེས་པ་ཀུན་གྱིས་གོའམ། ལེགས་སྦྱར་དང་། ཨིན་བརྡ་དེ། སྐད་ཡིག་དེ་དག་ལ་ལེགས་པར་སྦྱངས་པ་རྣམས་ཀྱིས་མ་གཏོགས་གོ་ཐུབ་པ་ཞིག་ཡིན་མི་འདུག །

14. གང་ལྟར་བློ་དང་གློ་གཉིས་སྒྲ་གདངས་དང་དོན་གཉིས་ཀའི་ཆ་ནས་མི་འདྲ་ལ། དོན་གྱི་ངོ་བོའི་ཆ་ནས་ཀྱང་ཚིག་གྲོགས་སྦྱར་ན་དོན་ཡང་མི་འདྲ་བ་སྟོན་པ་ཡིན། བློ་བ་དཀར། གློ་བ་དཀར།