སྤྱི་ཟུར་གསེར་རྟ་ཚུལ་ཁྲིམས་འོད་ཟེར།
ཕ་ཡུལ་མདོ་སྨད་ཨ་མདོ་མགོ་ལོག་དབལ་ཤུལ་གསེར་རྟ་གེ་འཕེན་སྡེ་བ་ནས་ཡིན་པའི་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་སམ། གངས་མེ་སྟག་ལགས་ཕྱི་ལོ་༢༠༡༢ལོའི་ཟླ་༢ཚེས་༡༥ཉིན་གྱི་མཚན་མོ་རྒྱ་གཞུང་གི་ཉེན་རྟོག་པ་སོགས་མི་སྣ་སྐོར་ཞིག་གིས་རང་ཁྱིམ་ནས་བཙན་ཁྲིད་བྱས་རྗེས་ཕྱི་ཟླ་༣་པའི་ཚེས་མགོར་ན་གཞོན་རྩོམ་པ་པོ་གངས་སྐྱེས་སྒྲུབ་པ་སྐྱབས་སམ། རྩོམ་པ་པོ་གངས་མེ་སྟག་གི་བཟའ་ཟླས་གཙོས་གཉེན་ཚན་རྣམས་ཀྱིས་ཁོང་གར་ཡོད་རྩད་གཅོད་བྱས་པར། ཁོང་དར་རྩེའི་མདོའི་བཀག་ཉར་ཁང་ཞིག་ཏུ་བཀག་ཉར་བྱས་ཡོད་པར་ཤེས་ཡོད་པ་དང་། སྐབས་དེར་རྒྱ་གཞུང་འབྲེལ་ཡོད་ཀྱིས་ཉིན་གྲངས་༡༥་ཙམ་གྱི་རྗེས་ནས་ཁོང་ཁྱིམ་ནང་གློད་བཀྲོལ་གཏང་ངེས་ཡིན་སྐོར་བཤད་པར་བརྟེན། ནང་མི་ཚོས་རྒྱ་གཞུང་གི་བཤད་པར་ཡིད་ཆེས་བྱས་ཏེ། སྐབས་དེའི་གནས་ཚུལ་གཞན་ལ་བཤད་ན་ཁོང་གི་བདེ་འཇགས་ལ་ཉེན་ཆེ་བར་བསམ་ནས། ཁོང་གི་ནང་མི་རྣམས་ཀྱིས་སྐབས་དེའི་གནས་ཚུལ་རྣམས་གཞན་ལ་མ་བཤད་པར་གསང་བ་བྱས་ཡོད་འདུག་ཀྱང་། ཕྱིས་སུ་དུས་ཐོག་རྒྱ་གཞུང་གིས་རྩོམ་པ་བོ་གངས་མེ་སྟག་མ་གློད་པར་མ་ཟད། ད་ལྟ་ཟླ་ཤས་སོང་ཟིན་པར་བརྟེན་དེང་སྐབས་ཁོང་གི་ནང་མི་ཚོས་ཁོང་ཚོ་རྒྱ་གཞུང་གིས་མགོ་སྐོར་བཏང་ཡོད་པར་ཤེས་ཡོད་འདུག་ལ། ད་ཆར་རྩོམ་པ་པོ་གངས་མེ་སྟག་ལགས་ཀྱང་གར་ཡོད་ཤེས་རྟོགས་མེད་པར་གྱུར་འདུག་པར་བརྟེན་ཁོང་གི་བཟའ་ཟླ་དང་བུ་ཕྲུག་རྣམས་ཀྱིས་ཁོང་གི་ཆེད་ཁོང་གི་ཆེད་སེམས་འཚབས་དང་སེམས་སྡུག་གང་ཆེ་མྱོང་བཞིན་ཡོད་འདུག །
སྙིང་རྗེ་ཁོང་རྣམ་པར་གདུང་སེམས་མཉམ་བསྐྱེད་ལུས་ཡོད།
ད་ང་ཚོས་ག་རེ་བྱེད་དགོས་པ་རེད།