བོད་ལ་ཆེས་མཐོའི་རང་སྲིད་རང་སྐྱོང་རེག་སྲིད་དམ།

Comments (7) on “བོད་ལ་ཆེས་མཐོའི་རང་སྲིད་རང་སྐྱོང་རེག་སྲིད་དམ།”

1. ཁྱེད་རང་གི་བསམ་ཚུལ་རིང་པོ་ཉོབ་ཏོ་འདི་སེམས་ཁྲལ་མེད་སར་སེམས་ཁྲལ་རེད། ང་ཚོར་རང་སྐྱོང་གི་གནས་བབ་ཅིག་འཐོབ་རྒྱུ་ཡོད་པ་ནི་ཁྲིམས་ཐོག་གཏན་ཁེལ་གྲུབ་ཡོད་པའི་ང་ཚོའི་ཐོབ་ཐང་རེད། ཡིན་ན་ཡང་ཐོབ་ཐང་འདི་ང་ཚོའི་ལག་པར་དངོས་སུ་ཡོང་རྒྱུར། རྒྱ་ནག་གི་འགྱུར་བ། བོད་ཕྱི་ནང་གཉིས་ཀྱི་རང་དབང་འཐབ་རྩོད་ཀྱི་ནུས་པ། རྒྱལ་སྤྱི་དང་རྒྱ་ནག་གཉིས་ཀྱི་འབྲེལ་བའི་འཕེལ་ཕྱོགས་བཅས་ཚང་དགོས་པའི་ཆ་རྐྱེན་དུ་མ་ཞིག་ལ་རག་ལས་ཡོད་པར་བརྟེན་ལམ་སེང་ལག་པ་བཟེད་ཆོག་ཆོག་ཅིག་ཅི་ལ་ཡིན།

2. བཀུར་འོས་མགོན་པོ་ཕྱག་གཉིས་པ་ལགས།
   གང་བསམ་པ་དེ་ཡིག་ཐོག་ལ་བཀོད་ཐུབ་པར་རྗེས་སུ་ཡི་རངས་ཡོད། ངེད་ཀྱི་བསམ་ཚུལ་གྱིས་ཉིད་ལ་ཉོབ་སྣང་སྦྱིན་པར་སྙིང་ནས་དགོངས་དག་ཞུ། ཁྱེད་ལ་ཡང་བོད་རྒྱའི་འབྲེལ་མོལ་དང་བོད་རྒྱའི་གནས་སྟངས་ཀྱི་སྐོར་ལ་རྣ་ཐོས་ཅུང་ཙམ་ཡོད་པ་འདྲ། ངའི་རེ་བ་ནི་ཉིད་ཀྱིས་གང་མཁྱེན་པ་དང་གང་བསམ་པ་དེ་ཞིབ་ཚགས་དགོས་སྤེལ་རོགས།
   རྗེས་ཕྱོགས་མང་དུ་འཕྲད་པའི་རེ་བ་ཆེ།

3. བཀུར་འོས་སྐུ་ཞབས་ལགས། ཁྱེད་ཀྱི་རྩོམ་དེ་བཀླགས་པ་ཡིན། མ་གཞིར་ངས་ཁྱེད་ལ་སྐད་ཆ་འདི་ཚོ་འདྲི་བར་འཚེར་སྣང་བྱུང༌། བོད་ཀྱི་ས་ཁུལ་ནས་ས་གཏེར་ཕོན་ཆེན་དེ་འདྲ་ཐོན་བཞིན་ཡོད་མེད་དེ་ད་དུང་དཔྱད་གཞིར་ལུས་ཡོད། དཔེར་ན་གསེར་ལྟ་བུར་མཚོན་ན་བོད་ཀྱི་ས་ཁུལ་གང་སར་གསེར་འདོན་གྱི་ཡོད་ཀྱང་བོད་གྱི་གསེར་འདི་སྤུས་ཀ་དང་གྲངས་འབོར་གང་ཐད་ནས་དེ་ཙམ་ལེགས་པོ་ཞིག་མ་རེད་ཟེར། དེ་བཞིན་བོད་ཀྱི་བལ་ལ་མཚོན་ན་ཡང་བཟོ་གྲ་ནང་དུ་བཙོང་དཀའ་བའི་བལ་རིགས་ཤིག་ཡིན་ལ། དེ་བཞིན་ཆུའི་ཐོན་ཁུངས་ལ་བསམ་ན་བོད་རང་བཙན་བྱས་ཀྱང་རྨ་ཆུ་དང་འབྲི་ཆུ་དེ་ཚོ་མར་རྒྱ་ནག་ཏུ་འགྲོ་བ་ལས་བོད་ཀྱིས་ཆུ་དེ་ཚོ་ཇི་སྲིད་བར་བཀག་བསྐྱིལ་ནི་བྱེད་མི་ཐུབ། དེ་བཞིན་ད་ལྟའི་གོང་ས་མཆོག་གི་དགོང་གཞི་བཞིན་རང་སྐྱོང་གི་གནས་བབ་སྤྲད་ཀྱང་གང་ལྟར་མཐའ་མཚམས་སྲུང་མཁན་རྒྱ་དམག་སྡོད་དགོས་པ་ལས་དེ་གར་བསྐྱུར་བས་ག་ལ་འཐུས། བོད་ཀྱི་ཤིང་ནགས་ལ་བསམ་ན་མཐོ་སྒང་གི་སྐྱེ་དངོས་ཉམས་ཆག་སླ་ཞིང་སྐྱེད་འཕེལ་དཀའ་བས་རྒྱ་ནག་མི་དམངས་ཐེར་བའབུམ་ལྷག་ལ་ཕན་ཐོགས་རྒྱུ་དཀའ་བར་སེམས། རྒྱ་མི་ས་ཡ་མང་པོ་བོད་ལ་གནས་སྤོས་བྱེད་ཟེར་བ་དེ་ཡང་ཨེ་བདེན་ན། བོད་ཀྱི་ས་ཆ་ཆགས་སྟངས་རང་གི་ཐོག་ནས་གྲང་ངར་ཆེ་བ་དང༌། ཞིང་ལས་ཐོན་སྐྱེད་ཚད་དམའ་བ་བཅས་ལ་བསམ་ན་མི་འབོར་ཆེན་པོ་དེ་འདྲ་ཞིག་འཚོ་སྡོད་ཐུབ་ཁག་པོ་ཡིན་པ་འདྲ། འདི་ཚོའི་སྐོར་ལ་ཁྱེད་ལ་དགོང་ཚུལ་ཁ་གསལ་རེ་ཡོད་དམ།

4. བཀུར་འོས་རྩོམ་འབྲི་བ་སྤོབས་པ་ལགས
   ཉིད་ཀྱིས་བསམ་ཚུལ་སྤེལ་བར་ཧ་ཅང་དགའ་བསུ་ཡོད། ངེད་ཀྱི་རྩོམ་དེའི་ཁ་ཕྱོགས་གཙོ་བོ་བོད་རྒྱ་འབྲེལ་མོལ་གྱི་ཕྱོགས་ནས་ཡིན་རུང༌། ཉིད་ཀྱི་དོགས་འདྲི་དག་ནི་ངེད་ཀྱི་བསམ་ཚུལ་ཁག་ཅིག་དང་འབྲེལ་བའི་བོད་ཀྱི་ཁོར་ཡུག་སྐོར་ནས་རེད། ད་ནི་དེའི་སྐོར་ལ་བསམ་ཚུལ་ཐུང་ཙམ་འབྲི་གི་ཡིན།
   ་བོད་ཀྱི་ས་ཁུལ་དུ་གཏེར་ཁ་ཕོན་ཆེན་ཡོད་མེད་དེ་ད་དུང་དཔྱད་གཞིར་ལུས་མེད་པ་མ་ཟད། ཉིད་རང་ནམ་རྒྱུན་ནས་བོད་ཀྱི་ཁོར་ཡུག་སྐོར་གྱི་ཞིབ་འཇུག་སྙན་ཐོ་དང་རྩོམ་ཡིག༌། དཔྱད་རྩོམ་སོགས་དང་གཞན་དེའི་སྐོར་ལ་ཞིབ་འཇུག་གི་དཔྱད་གཞིའི་བརྙན་ཕབ་བཟོས་བ་སོགས་ལ་ཞིབ་ཚགས་དགོས་དོ་སྣང་སྤྲོད་མཁན་ཞིག་ཡིན་ན། བོད་ཀྱི་ས་ཁུལ་དུ་གཏེར་ཁ་ཕོན་ཆེན་ཡོད་པ་ཁ་གསལ་གཏིང་གསལ་དགོས་ཧ་་གོ་གི་རེད། ཞིབ་འཇུག་སྙན་ཐོ་དེ་རིགས་ཀྱི་སྐོར་ཅིག་ནི་རྒྱ་ནག་གཞུང་གིས་བཏོན་པ་དང་ཁག་ཅིག་ནི་བཙན་བྱོལ་ནང་བཏོན་པ། གཞན་རྒྱལ་སྤྱིའི་ཁོར་ཡུག་ཞིབ་འཇུག་ཚོགས་པ་དང་དཀྱིལ་དབུས་ཨེ་ཤ་ཡའི་ཁོར་ཡུག་ལས་འགུལ་ཚོགས་པ་སོགས་ནས་བཏོན་པའི་དཔྱད་གཞིའི་ཡིག་རིགས་དང་ཞིབ་འཇུག་རྒྱུ་ཆ་སོགས་རྒྱ་བོད་དབྱིན་གསུམ་དུ་འདུག གཞན་བོད་ཀྱི་ཕྱུར་བ་དང་མར་སོགས་དེ་རིང་སང་ཉིན་རྒྱལ་སྤྱིའི་ཁྲོམ་རྭར་སླེབས་ཐུབ་ཀྱི་ཡོད། བོད་ལ་རང་བཙན་ཐོབ་མི་ཐོབ་མི་ཤེས་དེ། གང་ལྟར་བོད་ལ་རང་བཙན་རེག་པ་ཡིན་ན༌། བོད་ཀྱི་རྒྱུག་ཆུ་དེ་ཚོ་རྒྱ་ནག་ཏུ་མར་འགྲོ་བ་ལས་གཞན་ང་ཚོས་བཀག་སྐྱིལ་བྱེད་མི་ཐུབ་ཞེས་བ་དེ་ནི་བསམ་བློ་གཏོང་གཞི་ཞིག་རེད། དེ་རིང་སང་ཉིན་རྒྱ་ནག་གི་བཟོ་ལས་འཛུགས་བསྐྲུན་དང་དཔལ་འབྱོར་གོང་སྤེལ་གྱི་དགོས་མཁོའི་དབང་གིས་བོད་ཀྱི་གཙང་ཆུའི་ཁ་ཕྱོགས་བསྒྱུར་རྒྱུར་བསམ་བློ་གཏོང་གི་ཡོད་པ་མ་ཟད་ཐ་ན་ཉེ་བའི་ལོ་ཤས་ནས་འཆར་གཞི་ཡང་འཐེན་འགོ་ཚུགས་པ་རེད། བོད་ལ་༧གོང་ས་མཆོག་གི་དགོངས་དོན་བཞིན་ཆེས་མཐོའི་རང་སྲིད་རང་སྐྱོང་རེག་ཚར་བའི་རྗེས་ཀྱི་ས་མཚམས་སྲུང་སྐྱོང་ཀྱི་གནས་སྟངས་དང་རྒྱའི་དབང་བསྒྱུར་འོག་གི་དེ་རིང་སང་གི་ས་མཚམས་སྲུང་སྐྱོབ་ཀྱི་གནས་སྟངས་གཉིས་རྦད་དེ་ལོགས་ཀ་རེད། དེ་རིང་སང་ལ་མཚོན་ན་རྒྱ་ནག་གི་ནུབ་རྒྱུད་དུ་གཏོགས་པའི་བོད་ཀྱི་ས་ཁུལ་དེ་རྒྱ་ནག་གི་དམག་མཚོན་གྱི་རྟེན་གཞི་གསུམ་གྱི་ནང་གི་གཅིག་ཡིན་པ་མ་ཟད་དེའི་གྲངས་འབོར་ཡང་ཧ་ཅང་ཕོན་ཆེ་རེད།
   འོན་ཀྱང༌། བོད་ལ་ཆེས་མཐོའི་རང་སྲིད་རང་སྐྱོང་རེག་པའི་རྗེས་ཀྱི་གནས་སྟངས་ནི་ད་ལྟའི་རྒྱ་ནག་གི་དམག་མཚོན་གྱི་རྟེན་གཞི་འདི་བོད་ནས་སྐྱུགས་དགོས་བ་མ་ཟད་བོད་འདི་འཚེ་མེད་ཞི་བའི་བསྟི་གནས་སུ་བསྒྱུར་མ་ཟིན་པར་རྒྱ་ནག་གཞུང་གིས་བོད་ཀྱི་སྲུང་སྐྱོབ་ཁོ་ནའི་ཆེད་གྲངས་ཚད་ངེས་ཅན་གྱི་དམག་དཔུང་བོད་ནང་ལ་བཞག་ཆོག་པ་དེ་རེད།
   རྒྱ་ནག་གཞུང་གིས་བོད་ཀྱི་གཏེར་ཁའི་རིགས་གཙོ་བྱས་བའི་ཤིང་ནགས་སོགས་ལོ་རེར་རྒྱ་ནང་ལ་ཇི་ཙམ་དབོར་འདྲེན་བྱེད་ཀྱི་ཡོད་མེད་དང་དེས་རྒྱ་ནག་གི་ལོ་རེའི་དཔལ་འབྱོར་གྱི་དགོས་མཁོ་ཅི་ཙམ་བསྐོང་གི་ཡོད་མེད་ལ་ཞིབ་འཇུག་བྱོས་དང་ཧ་གོ་གི་རེད། གཞན་བོད་ནང་དུ་རྒྱ་མི་འབོར་ཆེན་གནས་སྤོས་བྱས་བ་ཨེ་བདེན་ཞེས་བའི་སྐད་ཆ་འདིས་ང་ཧང་སངས་དུ་བཅུག་སོང༌། རྒྱུ་མཚན། ༧གོང་ས་མཆོག་གཙོ་བྱས་བའི་བཙན་བྱོལ་བོད་གཞུང་གི་ངོས་ནས་ད་ལྟ་བར་དུ་བོད་ནང་དུ་རྒྱའི་མི་འབོར་སྤོ་ཞུགས་མཚམས་འཇོག་བྱེད་དགོས་ཞེས་ཡིག་ངག་གཉིས་ཐོག་ནས་རྒྱ་ནག་གཞུང་ལ་འབོད་སྐུལ་ཞུ་དོན་གྱི་རྩ་བ་ཡང་འདི་ལ་ཐུག་ནས་ཡོད། གཞན་ཁྱེད་རང་བོད་དུ་སྐྱེས་བ་ཞིག་ཡིན་ན། ཁྱེད་ཀྱིས་རང་གི་ཕ་ཡུལ་གྱི་གཉེན་ཉེ་ཚོར་སྐད་ཆ་དྲིས་དང༌། ཁོང་ཚོས་ཀྱང་ཁྱེད་ལ་ལན་གསལ་ཐག་ཆོད་ཅིག་སྤྲོད་ངེས། བཙན་བྱོལ་བོད་གཞུང་གིས་ཞིབ་འཇུག་གི་སྙན་ཐོ་ལྟར་ན་ད་ལྟའི་ཆར་བོད་ནང་དུ་རྒྱ་མི་ས་ཡ་དགུ་ལྷག་གནས་སྡོད་བྱེད་ཀྱི་ཡོད་པ་མ་ཟད་རྒྱ་མིའི་གྲངས་འབོར་ཉིན་རེ་ནས་ཉིན་རེར་མང་དུ་འགྲོ་གི་ཡོད། རྒྱ་མི་རྣམས་གནས་སྡོད་བྱེད་ས་གཙོ་བོ་གྲོང་ཁྱེར་ཁག་རེད། དཔེར་ན། ༢༠༠༦ལོའི་བོད་རང་སྐྱོང་ལྗོངས་ཀྱི་མི་འབོར་གྲངས་བཤེར་སྙན་ཐོ་ལྟ་བུར་མཚོན་ན་ཡང༌། ལྷ་ས་གྲོང་ཁྱེར་གཅིག་པོའི་ནང་དུ་རྒྱ་རིགས་ཀྱིས་མཚོན་པའི་མི་རིགས་གཞན་ཁག་བརྒྱ་ཆ་བརྒྱད་ཅུ་གྱ་གཉིས་ཙམ་གནས་སྡོད་བྱེད་ཀྱི་ཡོད་པ་དང་བོད་རིགས་གནས་སྡོད་ཀྱི་གྲངས་འབོར་ནི་བརྒྱ་ཆ་བཅོ་བརྒྱད་ཙམ་རེད༌། ད་དུང་རྒྱ་ནག་གིས་བོད་ནང་དུ་མི་འབོར་སྤོ་ཞུགས་དང་གཏེར་ཁ་བསྔོགས་འདོན་ཇི་ཙམ་བྱེད་ཀྱི་ཡོད་མེད་ནུབ་རྒྱུད་ཐོན་འབྱེད་ཆེན་མོའི་སྐོར་ལ་ཞིབ་འཇུག་བྱས་ན་ཁ་གསལ་གཏིང་གསལ་ཧ་གོ་གི་རེད་ལ་ནུབ་རྒྱུད་ཐོན་འབྱེད་ཆེན་མོའི་དམིགས་ཡུལ་ཡང་དེ་ག་རེད།
   ངེད་ཀྱིས་སྔོན་མ་ཕྱི་རྒྱལ་རྩོམ་འབྲི་བ་ཞིག་གི་ཞིབ་འཇུག་རྩོམ་ཡིག་ལས་འདི་འདྲ་ཞིག་ྋཐྲྤཀློག་རྒྱུ་བྱུང། ཁོང་གིས་གསུངས་དོན་ལྟར་ན། ལྷ་ས་གྲོང་ཁྱེར་དང་མདོ་སྨད་ཟི་ལིང་གྲོང་ཁྱེར་གཉིས་སུ། དེ་རིང་སང་ཉིན་བོད་པ་ཞིག་བཙལ་དགོས་ན་ཆུ་ཚོད་ཕྱེད་ཀ་ཙམ་འགོར་གི་རེད་གསུངས་འདུག ཁོང་གི་རྩོམ་ཡིག་དེ་ལ་ཡང་བདེན་ཤས་འདུག་སྙམ་བྱུང༌། མདོ་དོན། ཉིད་ཀྱིས་དོགས་འདྲི་བྱས་བར་སྙིང་ནས་བཀའ་དྲིན་ཆེ་ཞུ་བ་དང་ལྷན་དུ་བོད་ཀྱི་ཁོར་ཡུག་སྐོར་ནས་དཔྱད་བརྗོད་ཞིག་རྗེས་སུ་སྤེལ་ཆོག

   མུ་མཐུད་དུ་བསམ་ཚུལ་སྤེལ་རོགས།

5. རིག་འབྱུང་དོན་གྲུབ་བཀྲ་ཤིས་ཀྱིས་འདི་ལྟར་བྲིས་འདུག

   བཀུར་འོས་རྩོམ་འབྲི་བ་སྤོབས་པ་ལགས
   ཉིད་ཀྱིས་བསམ་ཚུལ་སྤེལ་བར་ཧ་ཅང་དགའ་བསུ་ཡོད། ངེད་ཀྱི་རྩོམ་དེའི་ཁ་ཕྱོགས་གཙོ་བོ་བོད་རྒྱ་འབྲེལ་མོལ་གྱི་ཕྱོགས་ནས་ཡིན་རུང༌། ཉིད་ཀྱི་དོགས་འདྲི་དག་ནི་ངེད་ཀྱི་བསམ་ཚུལ་ཁག་ཅིག་དང་འབྲེལ་བའི་བོད་ཀྱི་ཁོར་ཡུག་སྐོར་ནས་རེད། ད་ནི་དེའི་སྐོར་ལ་བསམ་ཚུལ་ཐུང་ཙམ་འབྲི་གི་ཡིན།
   ་བོད་ཀྱི་ས་ཁུལ་དུ་གཏེར་ཁ་ཕོན་ཆེན་ཡོད་མེད་དེ་ད་དུང་དཔྱད་གཞིར་ལུས་མེད་པ་མ་ཟད། ཉིད་རང་ནམ་རྒྱུན་ནས་བོད་ཀྱི་ཁོར་ཡུག་སྐོར་གྱི་ཞིབ་འཇུག་སྙན་ཐོ་དང་རྩོམ་ཡིག༌། དཔྱད་རྩོམ་སོགས་དང་གཞན་དེའི་སྐོར་ལ་ཞིབ་འཇུག་གི་དཔྱད་གཞིའི་བརྙན་ཕབ་བཟོས་བ་སོགས་ལ་ཞིབ་ཚགས་དགོས་དོ་སྣང་སྤྲོད་མཁན་ཞིག་ཡིན་ན། བོད་ཀྱི་ས་ཁུལ་དུ་གཏེར་ཁ་ཕོན་ཆེན་ཡོད་པ་ཁ་གསལ་གཏིང་གསལ་དགོས་ཧགོ་གི་རེད། ཞིབ་འཇུག་སྙན་ཐོ་དེ་རིགས་ཀྱི་སྐོར་ཅིག་ནི་རྒྱ་ནག་གཞུང་གིས་བཏོན་པ་དང་ཁག་ཅིག་ནི་བཙན་བྱོལ་ནང་བཏོན་པ། གཞན་རྒྱལ་སྤྱིའི་ཁོར་ཡུག་ཞིབ་འཇུག་ཚོགས་པ་དང་དཀྱིལ་དབུས་ཨེ་ཤ་ཡའི་ཁོར་ཡུག་ལས་འགུལ་ཚོགས་པ་སོགས་ནས་བཏོན་པའི་དཔྱད་གཞིའི་ཡིག་རིགས་དང་ཞིབ་འཇུག་རྒྱུ་ཆ་སོགས་རྒྱ་བོད་དབྱིན་གསུམ་དུ་འདུག གཞན་བོད་ཀྱི་ཕྱུར་བ་དང་མར་སོགས་དེ་རིང་སང་ཉིན་རྒྱལ་སྤྱིའི་ཁྲོམ་རྭར་སླེབས་ཐུབ་ཀྱི་ཡོད། བོད་ལ་རང་བཙན་ཐོབ་མི་ཐོབ་མི་ཤེས་དེ། གང་ལྟར་བོད་ལ་རང་བཙན་རེག་པ་ཡིན་ན༌། བོད་ཀྱི་རྒྱུག་ཆུ་དེ་ཚོ་རྒྱ་ནག་ཏུ་མར་འགྲོ་བ་ལས་གཞན་ང་ཚོས་བཀག་སྐྱིལ་བྱེད་མི་ཐུབ་ཞེས་བ་དེ་ནི་བསམ་བློ་གཏོང་གཞི་ཞིག་རེད། དེ་རིང་སང་ཉིན་རྒྱ་ནག་གི་བཟོ་ལས་འཛུགས་བསྐྲུན་དང་དཔལ་འབྱོར་གོང་སྤེལ་གྱི་དགོས་མཁོའི་དབང་གིས་བོད་ཀྱི་གཙང་ཆུའི་ཁ་ཕྱོགས་བསྒྱུར་རྒྱུར་བསམ་བློ་གཏོང་གི་ཡོད་པ་མ་ཟད་ཐ་ན་ཉེ་བའི་ལོ་ཤས་ནས་འཆར་གཞི་ཡང་འཐེན་འགོ་ཚུགས་པ་རེད། བོད་ལ་༧གོང་ས་མཆོག་གི་དགོངས་དོན་བཞིན་ཆེས་མཐོའི་རང་སྲིད་རང་སྐྱོང་རེག་ཚར་བའི་རྗེས་ཀྱི་ས་མཚམས་སྲུང་སྐྱོང་ཀྱི་གནས་སྟངས་དང་རྒྱའི་དབང་བསྒྱུར་འོག་གི་དེ་རིང་སང་གི་ས་མཚམས་སྲུང་སྐྱོབ་ཀྱི་གནས་སྟངས་གཉིས་རྦད་དེ་ལོགས་ཀ་རེད། དེ་རིང་སང་ལ་མཚོན་ན་རྒྱ་ནག་གི་ནུབ་རྒྱུད་དུ་གཏོགས་པའི་བོད་ཀྱི་ས་ཁུལ་དེ་རྒྱ་ནག་གི་དམག་མཚོན་གྱི་རྟེན་གཞི་གསུམ་གྱི་ནང་གི་གཅིག་ཡིན་པ་མ་ཟད་དེའི་གྲངས་འབོར་ཡང་ཧ་ཅང་ཕོན་ཆེ་རེད།
   འོན་ཀྱང༌། བོད་ལ་ཆེས་མཐོའི་རང་སྲིད་རང་སྐྱོང་རེག་པའི་རྗེས་ཀྱི་གནས་སྟངས་ནི་ད་ལྟའི་རྒྱ་ནག་གི་དམག་མཚོན་གྱི་རྟེན་གཞི་འདི་བོད་ནས་སྐྱུགས་དགོས་བ་མ་ཟད་བོད་འདི་འཚེ་མེད་ཞི་བའི་བསྟི་གནས་སུ་བསྒྱུར་མ་ཟིན་པར་རྒྱ་ནག་གཞུང་གིས་བོད་ཀྱི་སྲུང་སྐྱོབ་ཁོ་ནའི་ཆེད་གྲངས་ཚད་ངེས་ཅན་གྱི་དམག་དཔུང་བོད་ནང་ལ་བཞག་ཆོག་པ་དེ་རེད།
   རྒྱ་ནག་གཞུང་གིས་བོད་ཀྱི་གཏེར་ཁའི་རིགས་གཙོ་བྱས་བའི་ཤིང་ནགས་སོགས་ལོ་རེར་རྒྱ་ནང་ལ་ཇི་ཙམ་དབོར་འདྲེན་བྱེད་ཀྱི་ཡོད་མེད་དང་དེས་རྒྱ་ནག་གི་ལོ་རེའི་དཔལ་འབྱོར་གྱི་དགོས་མཁོ་ཅི་ཙམ་བསྐོང་གི་ཡོད་མེད་ལ་ཞིབ་འཇུག་བྱོས་དང་ཧ་གོ་གི་རེད། གཞན་བོད་ནང་དུ་རྒྱ་མི་འབོར་ཆེན་གནས་སྤོས་བྱས་བ་ཨེ་བདེན་ཞེས་བའི་སྐད་ཆ་འདིས་ང་ཧང་སངས་དུ་བཅུག་སོང༌། རྒྱུ་མཚན། ༧གོང་ས་མཆོག་གཙོ་བྱས་བའི་བཙན་བྱོལ་བོད་གཞུང་གི་ངོས་ནས་ད་ལྟ་བར་དུ་བོད་ནང་དུ་རྒྱའི་མི་འབོར་སྤོ་ཞུགས་མཚམས་འཇོག་བྱེད་དགོས་ཞེས་ཡིག་ངག་གཉིས་ཐོག་ནས་རྒྱ་ནག་གཞུང་ལ་འབོད་སྐུལ་ཞུ་དོན་གྱི་རྩ་བ་ཡང་འདི་ལ་ཐུག་ནས་ཡོད། གཞན་ཁྱེད་རང་བོད་དུ་སྐྱེས་བ་ཞིག་ཡིན་ན། ཁྱེད་ཀྱིས་རང་གི་ཕ་ཡུལ་གྱི་གཉེན་ཉེ་ཚོར་སྐད་ཆ་དྲིས་དང༌། ཁོང་ཚོས་ཀྱང་ཁྱེད་ལ་ལན་གསལ་ཐག་ཆོད་ཅིག་སྤྲོད་ངེས། བཙན་བྱོལ་བོད་གཞུང་གིས་ཞིབ་འཇུག་གི་སྙན་ཐོ་ལྟར་ན་ད་ལྟའི་ཆར་བོད་ནང་དུ་རྒྱ་མི་ས་ཡ་དགུ་ལྷག་གནས་སྡོད་བྱེད་ཀྱི་ཡོད་པ་མ་ཟད་རྒྱ་མིའི་གྲངས་འབོར་ཉིན་རེ་ནས་ཉིན་རེར་མང་དུ་འགྲོ་གི་ཡོད། རྒྱ་མི་རྣམས་གནས་སྡོད་བྱེད་ས་གཙོ་བོ་གྲོང་ཁྱེར་ཁག་རེད། དཔེར་ན། ༢༠༠༦ལོའི་བོད་རང་སྐྱོང་ལྗོངས་ཀྱི་མི་འབོར་གྲངས་བཤེར་སྙན་ཐོ་ལྟ་བུར་མཚོན་ན་ཡང༌། ལྷ་ས་གྲོང་ཁྱེར་གཅིག་པོའི་ནང་དུ་རྒྱ་རིགས་ཀྱིས་མཚོན་པའི་མི་རིགས་གཞན་ཁག་བརྒྱ་ཆ་བརྒྱད་ཅུ་གྱ་གཉིས་ཙམ་གནས་སྡོད་བྱེད་ཀྱི་ཡོད་པ་དང་བོད་རིགས་གནས་སྡོད་ཀྱི་གྲངས་འབོར་ནི་བརྒྱ་ཆ་བཅོ་བརྒྱད་ཙམ་རེད༌། ད་དུང་རྒྱ་ནག་གིས་བོད་ནང་དུ་མི་འབོར་སྤོ་ཞུགས་དང་གཏེར་ཁ་བསྔོགས་འདོན་ཇི་ཙམ་བྱེད་ཀྱི་ཡོད་མེད་ནུབ་རྒྱུད་ཐོན་འབྱེད་ཆེན་མོའི་སྐོར་ལ་ཞིབ་འཇུག་བྱས་ན་ཁ་གསལ་གཏིང་གསལ་ཧ་གོ་གི་རེད་ལ་ནུབ་རྒྱུད་ཐོན་འབྱེད་ཆེན་མོའི་དམིགས་ཡུལ་ཡང་དེ་ག་རེད།
   ངེད་ཀྱིས་སྔོན་མ་ཕྱི་རྒྱལ་རྩོམ་འབྲི་བ་ཞིག་གི་ཞིབ་འཇུག་རྩོམ་ཡིག་ལས་འདི་འདྲ་ཞིག་ཀློག་རྒྱུ་བྱུང། ཁོང་གིས་གསུངས་དོན་ལྟར་ན། ལྷ་ས་གྲོང་ཁྱེར་དང་མདོ་སྨད་ཟི་ལིང་གྲོང་ཁྱེར་གཉིས་སུ། དེ་རིང་སང་ཉིན་བོད་པ་ཞིག་བཙལ་དགོས་ན་ཆུ་ཚོད་ཕྱེད་ཀ་ཙམ་འགོར་གི་རེད་གསུངས་འདུག ཁོང་གི་རྩོམ་ཡིག་དེ་ལ་ཡང་བདེན་ཤས་འདུག་སྙམ་བྱུང༌། མདོ་དོན། ཉིད་ཀྱིས་དོགས་འདྲི་བྱས་བར་སྙིང་ནས་བཀའ་དྲིན་ཆེ་ཞུ་བ་དང་ལྷན་དུ་བོད་ཀྱི་ཁོར་ཡུག་སྐོར་ནས་དཔྱད་བརྗོད་ཞིག་རྗེས་སུ་སྤེལ་ཆོག

   མུ་མཐུད་དུ་བསམ་ཚུལ་སྤེལ་རོགས།

6. བཀུར་འོས་རིག་འབྱུང་དོན་གྲུབ་བཀྲ་ཤིས་ལགས། ཁྱེད་ཀྱིས་ལན་ཁ་གསལ་གནང་བར་ཐུགས་རྗེ་ཆེ། ང་ལ་གོང་གི་དོག་གཞི་དེ་ཚོ་སླེབས་དགོས་དོན་ནི་རང་གིས་བསམ་བློ་བཏང་ནས་བྲིས་པ་ཞིག་ལས་དཔྱད་གཞིའི་ཡིག་ཆ་འཚོལ་བསྡུ་དང་དཔྱད་བརྡུར་སོགས་བྱས་མ་མྱོང༌། ཡིན་ན་ཡང་དོན་གནད་དེ་ཚོ་ཧ་ཅང་གལ་ཆེ་བའི་གནད་དོན་ཤ་སྟག་རེད།
   མི་འབོར་གནས་སྤོས་ཀྱི་ཕྱོགས་ནས་ངེད་ལ་ལ་དོག་པ་ཞིག་ཡོད་པ་ནི་སྤྱིར་བཏང་དེང་སང་བོད་ནང་ལ་རྒྱ་མིའི་མི་འབོར་ཇེ་ཆེར་འགྲོ་བཞིན་པ་བདེན་ཡང་ས་ཡ་དགུ་ཟེར་བ་ལྟ་བུ་ཅུང་ཨེ་བདེན་ནམ། ངེད་རང་གི་མྱོང་ཚོར་ལྟར་ཡིན་ན་ཕྱི་ཕྱོགས་སྒོ་འབྱེད་ཀྱི་རྗེས་ནས་རྒྱ་ནག་ནང་ཁུལ་གྱི་དཔལ་འབྱོར་ཡར་རྒྱས་ཕྱིན་སྟབས་བོད་ཁུལ་དུ་གནས་སྡོད་རྒྱ་རིགས་མང་པོ་ཕྱིར་རྒྱའི་ཞིང་ཆེན་ཁག་ལ་གནས་སྤོས་བྱས་ནས་བོད་ཁུལ་དུ་སྡོད་མཁན་རྒྱ་རིགས་ཧ་ཅང་ཉུང་དུ་ཕྱིན་པ་རེད། དེ་བཞིན་སྔོན་ལྷོ་ནུབ་དམག་ཁུལ་ཁང་གི་རྒན་ཡོལ་དམག་མི་བོད་པའི་བུད་མེད་དང་ཆང་ས་བརྒྱབས་མཁན་དེ་རིགས་ཀྱང་བོད་ལ་ཐེམ་ཐོ་སྤོར་དགོས་ན་སྔར་ཡོད་ཁེ་ཕན་མང་པོ་ཞིག་བློས་གཏོང་བྱེད་དགོས་སྟབས་བོད་ལ་ཐེམ་ཐོ་སྒྱུར་མཁན་ཉུང་ཉུང་རེད་ཟེར་གྱི་འདུག བོད་རང་སྐྱོང་སྗོངས་ཀྱི་ཁོངས་གཏོགས་སུ་ཐེམ་ཐོ་སྤོ་བསྒྱུར་བྱེད་པ་ལས་སླ་མོ་ཞེ་དྲགས་དེང་སང་མ་རེད། གལ་སྲིད་བོད་ལ་རང་སྐྱོང་ཚད་ལྡན་ཟེར་བ་དེ་ཐོབ་ཀྱང་ཚོང་པ་དང་ལས་བཟོ་བ་སོགས་རྒྱ་རིགས་གཙོ་བོར་གྱུར་པའི་ཕྱི་མི་བོད་ལ་ཡོང་རྒྱུ་བཀག་ན་རང་གཞན་གཉིས་ཀའི་གྱོང་རྒུད་ལས་ཕན་ཐོགས་གང་ཡོད་རེད།
   ཁྱེད་ཀྱི་བྋཐྲྤཀླགས་པའི་སྙན་ཐོ་དེ་ཚོ་ལས་ས་གཏེར་རིགས་དེ་ཙམ་མང་པོ་ཞིག་འདོན་བཞིན་ཡོད་ཚུལ་བཀོད་ཡོད་ན་ས་གནས་གང་དང་གང་ནས་གཏེར་རིགས་གང་དང་གང་འདྲ་ཞིག་ལེན་བཞིན་ཡོད་སྐོར་བྲིས་འདུག་གམ། རྒྱ་ནག་གིས་གཙང་པོ་ཁ་བསྒྱུར་རུང་མ་བསྒྱུར་རུང་དེ་ལྷོ་ཤར་ཨེ་ཤེ་ཡའི་རྒྱལ་ཁབ་གཞན་ཚོ་དང་འབྲེལ་བའི་དཀའ་རྙོགས་ལས་དེས་བོད་ལ་ཉེན་ཚབ་ཆེ་བའི་གནོད་གཞི་ག་རེ་ཡོད།
   ཤིང་ནགས་གཅོད་འབྲེགས་ཚབ་ཆེན་བྱས་པ་བདེན་ཡང་༡༩༩༧ ཡས་མས་ནས་རི་རྒྱ་ནགས་སྲུང་གི་ལས་འགུལ་ཆེན་པོ་སྤེལ་ནས་ད་ལྟ་ཤིང་ནགས་གཅོད་འབྲེག་གི་ཚད་སྔ་མ་ལས་ཧ་ཅང་ཉུང་དུ་ཕྱིན་ཡོད། གལ་སྲིད་བོད་རང་བཙན་རང་སྐྱོང་ག་རེ་རེག་ན་ཡང་རང་བྱུང་ཐོན་ཁུངས་གཅིག་ལ་ཡང་ལག་པ་མ་འཆངས་བར་དཔལ་འབྱོར་ཡར་རྒྱས་ཇི་ལྟར་གཏོང་ངམ། ཡར་རྒྱས་ཕྱིན་ཟིན་པའི་རྒྱལ་ཁབ་ཚོ་དང་བསྡུར་རྒྱུ་ག་ལ་ཡོད། ཁོང་ཚོ་སྔོན་མ་རང་བྱུང་ཐོན་རྫས་བེད་སྤྱད་ནས་ཡར་རྒྱས་སོང་བ་མ་གཏོགས་གཞན་གང་ཡིན། ཁྱེད་ཀྱིས་བོད་ཀྱི་ཁོར་ཡུག་སྐོར་ལ་རྩོམ་ཡིག་འབྲི་བཞིན་ཡོད་པ་ཧ་ཅང་ལེགས། གྲོགས་པོ་ལགས། འདི་ཚོ་རང་གི་དོག་གཞི་སེལ་ཆེད་ལས་ཁྱེད་ཀྱི་རྩོམ་ཡིག་དགག་འདོད་སོགས་མིན་པ་དགོང་འཇགས་འཚལ། གླེང་འདོད་པ་མང༌།

7. བཀུར་འོས་སྤོབས་པ་ལགས།

   ཉིད་ཀྱི་བསམ་ཚུལ་ཐུང་ངུ་དེ་ལ་རྒྱུ་མཚན་ཁྱོན་ནས་མི་འདུག་ལབ་ན་ག་ལ་འགྲིག འོན་ཀྱང༌། ཉིད་ཀྱི་བསམ་ཚུལ་དེ་བཀླགས་གྲུབ་རྗེས། ངེད་ཀྱི་སེམས་སུ་ཕྱི་སྡོད་རྒྱ་རིགས་རྩོམ་པ་པོ་ཚོས་བོད་རྒྱའི་གནད་དོན་དང་འབྲེལ་བའི་དཔྱད་བརྗོད་སྤེལ་བ་ཁ་ཤས་དྲན་སོང༌། ཁྱེད་ཀྱི་བསམ་ཚུལ་འདི་འདྲ་ངས་ཀྱང་ཁོང་ཚོའི་དེབ་ནས་བྋཐྲྤཀླགས་མྱོང་ཡོད། རྒྱ་ནག་གི་རྩོམ་པ་པོ་ལྦང་ལི་ཞུང་གིས་བརྩམས་པའི་བོད་ནི་དུས་རབས་ཉེར་གཅིག་པའི་རྒྱ་ནག་གི་རྩུབ་རིས་མཉེན་པོ་ཞེས་པའི་དེབ་དེར་ཁྱེད་ཀྱི་བསམ་ཚུལ་འདྲ་བ་ཞིག་སྤེལ་ཡོད། ཡིན་ན་ཡང༌། བསམ་ཚུལ་དེའི་གཞི་བཅོལ་ས་ལོ་ངོ་བཅུ་ཕྲག་འགའི་སྔོན་གྱི་གནས་སྟངས་ཡིན།
   དེ་རིང་སང་ཉིན་གྱི་གནས་སྟངས་དེ་འདྲ་མ་རེད། འཛམ་གླིང་ཡང་ཐོག་གི་བོད་ཀྱི་རང་བྱུང་གཏེར་མཛོད་ཀྱི་གནས་སྟངས་དེ་ཚིག་ཁ་ཤས་དང་ཞིབ་འཇུག་རྩོམ་ཡིག་གཅིག་གཉིས་ཀྱིས་ཁ་གྲགས་ཐུབ་པ་ཞིག་མ་རེད།
   ད་ནི་ངེད་ཀྱི་རེ་བར། ཁྱེད་ལ་ཁོམ་ལོང་འདྲ་ཡོད་ན། ཁྱེད་ཀྱིས་བོད་ཀྱི་ཁོར་ཡུག་གནད་དོན་གྱི་སྐོར་ལ་རང་གི་བསམ་ཚུལ་ཡེ་གེར་བསྡེབས་རོགས། ངས་དེ་ལ་ལན་གྱི་ཚུལ་དུ་ཞིབ་འཇུག་གི་དཔྱད་བརྗོད་ཞིག་སྤེལ་ཆོག
   རྗེས་སུ་མང་དུ་འཕྲད་དུ་རེ་བ་ཆེ།