ཟླ་བ་གཞོན་ནུ།
————ཕྱེ་ལེབ་དཀར་པོར་འཁྲེང་བའི་གྲོགས་ཤིག་ལ།
ཕྱེ་མ་ལེབ་དཀར་པོ་དེ་ངས་ཀྱང་མཐོང་མྱོང་།
དེས་ཀྱང་མེ་ཏོག་ཅིག་འཚོལ་གྱིན་འདུག་ཟེར་ལ།
མེ་ཏོག་དེ་ཁྱེད་རང་ཡིན་པར་སྨོན་ཞེས་ཡང་ཡང་ཞུ་ངེས་།
རེ་སྒུག་གི་མེ་ཏོག་བརྟན་པོར་སྡོད་དང་། དྲི་བསུང་གི་ཞིམ་མངར་ལྷོད་ཀྱིས་སྟོར་དང་།
སེམས་སོང་གི་ཕྱེ་ལེབ་དཀར་པོ།
ཡིད་འགུག་གི་དྲི་ངད་ལ་རིང་ནས་ཕྱོགས་ཏེ།
འཕོས་འདོད་ཀྱི་བསམ་པ་ལྷུན་གྱིས་འགྲུབ་ངེས།
རེ་སྒུག་གི་མེ་ཏོག་བརྟན་པོར་སྡོད་དང་། དྲི་བསུང་གི་ཞིམ་མངར་ལྷོད་ཀྱིས་སྟོར་དང་།
རེ་སྒུག་གི་མེ་ཏོག་དེ་རྙིད་དུ་མ་འཇུག་དང་།
ཞིམ་མངར་གྱི་དྲི་བསུང་དེ་སྟོར་མཚམས་མ་ཆད་དང་།
འཐམ་འཁྱུད་ཀྱི་སྐལ་བ་ངེས་པར་ལྡན་ཡོང༌།
ངེས་པར་ལྡན་ཡོང་་་
2009།7།3རྡ་སར།