བསོད་ནམས་རྒྱལ།
རྒྱ་ཡིག་གི<<སྒྲུང་ཐུང་ཁྲོད་ཀྱི་ཚེ་སྲོག་གི་གཏན་སྲོལ་༡༩༢>>ཞེས་པ་ལས་བསྒྱུར།
“བདེ་ཐང་དང་ཚེ་སྲོག་གཉིས་ནི་མི་ཚེ་ནང་གི་ཆེས་རྩ་ཆེ་བའི་རྒྱུ་ནོར་དེ་ཡིན།” ན་གཞོན་ཞིག་ལ་རྒྱུ་མ་འཁོར་བ་མ་ཟད་ཁ་ལས་རླུང་རྟ་ཡང་མ་དར་བས། རང་ཉིད་ཀྱི་ལས་དབང་ལ་རང་ཉིད་ཀྱིས་འཁང་ར་བྱས་ཏེ།རྟག་པར་གདོང་ལ་སྡུག་གི་མདུད་པ་དགུ་བརྩེགས་རྒྱབ་ནས་བསྡད། ཉིན་ཞིག་སྐྲ་ལོ་དུང་ལྟར་དཀར་བའི་བགྲེས་སོང་ཞིག་སླེབས་ཏེ་འདྲི་དོན། “ཕོ་གསར། གདོང་མེ་ལོང་འདྲ་བོ་ལ་སྡུག་གི་གཉེར་མས་ཁེངས་དོན་ཅི” “ངས་ཤེས་མ་སོང་། ང་འདི་འདྲའི་དབུལ་ཞིང་མེད་པོ་ཞིག་ཡིན་དོན་ཅི་ཡིན་ནམ” “མེད་པོ??ཁྱོད་ཧ་ཅང་ཕྱུག་པོ་རེད་ལགས” “དེ་ག་རེ་གསུངས་ཀྱིན་ཡོད་དམ” བགྲེས་སོང་གིས་ཐབས་ཀྱིས་བརྗོད་དོན། “གལ་སྲིད། དེ་རིང་ཁྱོད་ཀྱི་མཛུབ་མོ་གཅིག་གཅད་ན། སྒོར་མོ་ཆིག་སྟོང་སྟེར་ཟེར་ན་ཁྱོད་ཀྱིས་དེ་ལྟར་བྱེད་སྲིད་དམ” “བྱེད་མི་སྲིད” “གལ་སྲིད། ཁྱོད་ཀྱི་ལག་པ་གཅིག་གཏུབ་ན། སྒོར་མོ་ཆིག་ཁྲི་སྟེར་ཟེར་ན་ཁྱོད་ཀྱིས་དེ་ལྟར་བྱེད་སྲིད་དམ” “བྱེད་མི་སྲིད” “གལ་སྲིད། ཁྱོད་ཀྱི་མིག་འབྲས་གཉིས་བྲུ་ན། སྒོར་མོ་འབུམ་གཅིག་སྟེར་ཟེར་ན་ཁྱོད་ཀྱིས་དེ་ལྟར་བྱེད་སྲིད་དམ” “བྱེད་མི་སྲིད” “གལ་སྲིད། ཁྱོད་རང་རྒན་པོ་ལོ་བརྒྱད་ཅུ་ཅན་ཞིག་ན་བསྒྱུར་ན། སྒོར་མོ་ས་ཡ་གཅིག་སྟེར་ཟེར་ན། ཁྱོད་ཀྱིས་དེ་ལྟར་བྱེད་སྲིད་དམ” “བྱེད་མི་སྲིད” “གལ་སྲིད། ད་ལྟ་ཁྱོད་ཀྱིས་འཕྲལ་དུ་རང་སྲོག་གཅད་ན། སྒོར་མོ་དུང་ཕྱུར་གཅིག་སྟེར་ཟེར་ན། ཁྱོད་ཀྱིས་དེ་ལྟར་བྱེད་སྲིད་དམ” “བྱེད་མི་སྲིད”
“འོ་ན་ད་འགྲིག་འདུག ཁྱོད་ལ་མངའ་བའི་སྒོར་མོ་ནི་དུང་ཕྱུར་གཅིག་ལས་བརྒལ་འདུག ད་དུང་ཁྱོད་ཀྱིས་རང་ཉིད་ནི་དབུལ་བོ་ཡིན་པའི་རང་ཉིད་ལ་འཁང་ར་བྱེད་ཀྱིན་ཡོད་དམ”ཞེས་བགྲེས་སོང་དེ་ཡིས་འཛུམ་དམུལ་དམུལ་གྱིས་དེ་ལྟར་བརྗོད་མཐར། ན་གཞོན་དེ་ཁ་རོག་གེར་ཚུགས་ཀ་ལས་ཅི་ཞིག་བློས་དཔོག་སོང་བ་ལྟ་བུའི་ཉམས་སྣང་ཞིག་མངོན།
གྲོགས་པོ་ཁྱེད་ཀྱི་སྒྲུང་ཐུང་འདིས་མི་རྣམས་ལ་རང་ཉིད་ལ་གང་ཞིག་ཡོད་པ་དེར་ཆོག་ཤེས་བྱེད་དགོས་པ་གསལ་པོར་བསྟན་འདུག་གོ།། ཡག་པོ་འདུག
རྒན་པོ་དེས་ཕོ་གསར་དེ་ཁ་གྲགས་རྒྱུ་མེད་པ་བཟོས་འདུག་ག
ཉེ་བའི་དུས་སུ་རྒྱ་ནག་ནང་གཞོན་སྐྱེས་ཁྲོད་ཀུ་ཤུ་རྟགས་ཅན་གྱི་ཁ་པར་ལ་དབྱིངས་ཞུགས་ཏེ་རེ་འགས་སོ་སོའི་ཁྲག་དང་མཁལ་མ་བཙོང་ནས་དེ་ཉོས་པའི་གནས་ཚུལ་བྱུང་ཡོད་སྐད།
བསོན་ནམས་རྒྱལ་ལགས་ཀྱིས་སྒྲུང་ཐུང་སྙམ་མོ་ཐུང་ཐུང་བསླབ་བྱ་ཡག་པོ་ཡོད་པ་ཞིག་བྲིས་འདུག་པར་ཡིད་སྨོན་དང་དགའ་བསུ་ཞུ།།
དགོངས་དག་སྙམ་མོ་ཞེས་པ་དེ་སྙན་མོ་ཞེས་བཅོས་རོགས།
སྒྲུང་ཐུང་དེ་སྙན་མོ་གོ་བདེ་མོ་བྱུང་སོང་བརྒྱུར་མཁན་ལ་ཐུགས་རྗེ་ཆེ་ཞུ་ལགས་།
སྒྲུང་དེ་ལ་གོ་རྒྱུ་ཆེན་པོ་ཞེ་དྲག་འདུག་་་་ཐུགས་རྗེ་གནང་ཞུ་རྒྱུ་ཡིན།
gg re redsd
དེང་སང་རྒྱ་གར་ནག་གི་མི་མང་པོས་རང་ལུས་ཀྱི་ཁྲག་ཁལ་མ་བཙོང་བཞིན་འདུག སྒོར་མོས་རྩ་བ་འཕྲོད་བསྟེན་ཡིན་པ་ཤེས་གསལ་རེད།འཕྲོད་བསྟེན་མེད་ན་ཤེས་འབྱོར་ཅི་ཞིག་ཡོད་ཀྱང་བེད་སྤྱོད་མེད།
བོད་ཀྱི་གཏམ་དཔེར། ནོར་བུ་རང་ལ་ཡོད་དུས།། ནོར་བུའི་ནོར་ཉམས་མ་ཆོད།། ནོར་བུ་མི་ལ་ཤོར་དུས།། འགྱོད་པ་གཏིང་ནས་སྐྱེས་ཡོང་།།
ཁ་བརྡ་འདི་ཡག་པོ་ཞིག་དྲག་འདུག་་་་་་་་་
རྒྱ་གར་པའི་གཏམ་བཤད་དུ།
རྒྱུ་ནོར་བརླག་་སླར་ཁུག་ཐུབ།
ལུས་ཁམས་བཟང་བརླག་པ་ན།
བརླག་པ་བརླག་པ་རང་ཡིན།།
དྲྭ་གྲོགས་ལ་དྭགས་ ཧིན་དྷི་མེ་བོལ་ལོ་ནཱ། མ་ཛ་ཧི་ཀུཆ་ཨ་ལ྄ག་ཧེ་ཡཱར།
རྒྱ་མིའི་སྐད་ཆ་རང་རེད། དབུལ་པོ་ཡིན་མིན་བཤད་ས་ན་མི་ལུས་རིན་ཐང་ཆེ་མི་ཆེ་བཤད་འདུག རྒྱ་ཀོག་ཁོ་ཡིན་ན་དབུལ་བོ་ཟེར་ཡ་ཞིག་མེད་འདྲ་བོ་བཤད་འདུག
མི་ཚེ་སྡུག་ལ་མ་འབྱར་ཅིག །
མི་ཚེ་བདེ་སྐྱིད་ཀྱི་ཆེད་དུ་རེད། །
དངུལ་ལོར་ཆེད་དུ་ལུས་གཏོང་ཞོགས། །
དངུལ་ལོར་བདེ་ཐང་ཆེད་དུ་ཐོངས། །