གནས་ཚུལ་མཁོ་འདོན་པཿ བསོད་ནམས།
དེ་རིང་ཉིན་རྒྱབ་ཆུ་ཚོད་༡་༣༠སྟེང་རྒྱལ་གཅེས་དཔའ་མོ་སྒྲོལ་དཀར་འཚོ་བསྔོ་སྨོན་དང་ནང་མིར་སེམས་གསོའི་ཆེད། བླ་བྲང་བཀྲ་ཤིས་འཁྱིལ་ནས་དགོན་པ་རང་གི་གྲྭ་རྒྱུན་དང་ཕྱོགས་ཕེབས་ཀྱི་སློབ་གཉེར་བ་བཅས་དགེ་འདུན་ཞལ་གྲངས་སུམ་བརྒྱ་ལྷག་གཙོས་ཕྱོགས་སུ་བསྐྱོད་སྐབས། ས་གནས་ཆོས་ལུགས་ལས་ཁུངས་དང་འཐབ་ཕྱོགས་གཅིག་གྱུར་ལས་ཁུངས་སོགས་ཡོང་ནས། གལ་ཏེ་ཁྱེད་ཚོ་འགྲོ་ན་ཁྲིམས་འགལ་ཡིན་ཚུལ་དང་རླངས་འཁོར་གཞུང་བཞེས་བྱེད་རྒྱུ་ཡིན་ཚུལ། དག་ཐེར་གཙང་སེལ་བྱེད་རྒྱུ་ཡིན་ཚུལ་སོགས་འཇིགས་སྐུལ་དང་བཙན་བཀའ་སྣ་ཚོགས་བཏང་ནས་བཀག་ཀྱང་། གྲྭ་མང་ནས་ཨང་ཉན་མ་བྱས་པར་རླངས་འཁོར་མེད་ཀྱང་སྐྱོན་མེད། རྐང་ཐང་འགྲོ གང་ནས་བཀག་ན་དེ་ནས་སྨོན་ལམ་འདོན་གསུངས་ནས་སྲང་ལམ་དུ་སྐྱོད་འགོ་བརྩམས། སྐབས་དེར་དགོན་པའི་དོ་དམ་ཁང་གི་ཁོངས་མི་ཆ་ཚང་སླེབས་ནས་ཞུ་བ་དང་གོ་བསྐོན་སྣ་ཚོགས་སྒོས་བཀག་སོང་བས། ཚང་མ་འུ་ཐུག་ཐབས་ཟད་དང་ཡིད་སྐྱོའི་ངང་ནས་མཐར། དགོན་པའི་གཞུང་ལམ་གྱི་ནང་བསྟན་སློབ་གྲྭའི་སྒོ་ཁ་ནས་སྨོན་ལམ་མི་འདོན་ཐབས་མེད་དུ་གྱུར་སོང་། ད་ལྟ་དགེ་འདུན་པ་ཇེ་མང་དང་སྨོན་ལམ་གསུང་བཞིན་པའི་སྒང་རེད།
བུ་མོ་འདས་མོ་དེ་ལ་བསྔོ་སྨོན་གསུང་པ་ཐུགས་རྗེ་ཆེ་ཞུ་རྒྱུ་ཡིན།
བླ་བྲང་གི་དགེ་འདུན་པ་ཚོ་ཐུགས་རྗེ་བླ་ན་ཆེ། གནད་འགག་གི་སྐབས་སུ་ཁྱེད་ཚོའི་ཀུན་སློང་ཡག་པོ་དེ་ན་རྗེས་སུ་ཡི་རིང་བྱེད།
ཨ་ཨ། དགེ་འདུན་པ་ཚོ་ཐུགས་རྗེ་ཆེ། འོན་ཀྱང་། ཀུན་མཁྱེན་རིན་པོ་ཆེ་སྐྲག་ནས་ཅིག་ཤོར་སོང་མེད་གྲོ་་་་་་་་་་་