སྤོབས་པ་མཐའ་ཡས།
དགེ་བསྐོས་བཙན་པོ་གླེངས་སྐབས་དྲྭ་གྲོགས་ཚོའི་ཁྲོད་ན་ལ་ལས་གོ་བ་ཚུལ་བཞིན་ལེན་མི་ཐུབ་པ་དང༌། ལ་ལས་གོ་བ་ལྡོག་ཕྱོགས་ནས་ལེན་པ། ལ་ལས་གོ་ཡང་མ་གོ་བ་ལྟར་བརྫུ་བ་སོགས་གང་ལྟར་དང་ལེན་བྱེད་དཀའ་བའི་རྣམ་འགྱུར་ཅིག་མཐོང་སོང༌། དེ་ལྟར་བྱུང་དགོས་པའི་གནད་དོན་ཁག་གཅིག་གཤམ་གསལ།
༡་ རང་རེ་ཆོས་ལ་དུང་དྲགས་པས་དགོན་སྡེའི་ལམ་སྲོལ་ཡོངས་རྫོགས་ཆོས་སུ་ལྟ་བ་ལས་དེ་ལ་སྐྱོན་གྱི་ཆ་ཕྲ་མོ་ཙམ་གྱིས་གོས་པར་ཡང་དང་ལེན་བྱ་འདོད་མེད་པ།
༢་ ནང་པར་ཁེ་འཆེ་ཡང་ཆོས་ཀྱི་ཤེས་རྟོགས་དམན་དྲགས་པས་བླ་མ་དགེ་བསྐོས་ཀྱི་མོང་ཅན་ཚོས་གར་ཁྲིད་ཁྲིད་མ་གཏོགས་ཆོས་འདུལ་བ་དང་དེའི་དགོང་འགྲེལ་ཁག་གི་ལྟ་སྒོམ་སྤྱོད་འབྲས་དང་བསྟུན་ནས་བརྟག་དཔྱད་བྱེད་པའི་ཤེས་རྟོག་དམན་པ།
༣་ སྐྱོན་ཡོངས་རྫོགས་གཞན་སྟེང་དུ་འགེལ་བ་ལས་ཁ་རང་ཉིད་ཀྱི་སྤྱི་ཚོགས་ལ་ཚུར་བསྐོར་ཏེ་རྟོག་ཞིབ་བྱེད་པའི་སྙིང་སྟོབས་མེད་པ།
༤་ སྒེར་གྱི་ཁེ་ཕན་ཁོ་ན་ལས་སྤྱི་ཚོགས་ཁྱོན་ཡོངས་ལ་འགན་འཁུར་གྱི་འདུ་ཤེས་དམན་པ་བཅས་ཡིན།
དགེ་བསྐོས་བཙན་པོ་འབྲི་མཁན་ནི་ཀླུ་སྨྱོན་ལྟ་བུའི་གྲྭ་པ་དང་ལྷག་པར་སྤྲུལ་སྐུ་ཞིག ལྷག་པར་ཡང་བོད་གཞེས་བྱེས་གཉིས་ཀྱི་གནས་སྟངས་དང༌། གནའ་དེང་གི་རིག་གནས་རྣམ་བཞག རང་གཞན་གྱི་སྤྱི་ཚོགས་གནས་བབ། གསར་རྙིང་གི་དགོན་སྡེའི་ལམ་ལུགས་བཅས་ལ་རྒྱུས་མངའ་དང་ཤེས་རྟོགས་ཕུལ་ཏུ་ཕྱིན་པ་ཞིག་གིས་བྲིས་པ་དེ་ཧ་ཅང་འོས་བབ་ཡོད་པ་ཞིག་ཡིན་ཏེ། གཞན་ཞིག་གིས་དེ་ལྟར་འབྲི་མི་ཐུབ། དེ་ཡང་གཤམ་གསལ་ཡིན་ཏེ།
༡་ དགོན་སྡེའི་ལམ་སྲོལ་དང་ཆོས་གཞུང་ལ་ཆ་རྒྱུས་ཆུང་བའི་མི་སྐྱའམ་སློབ་ཐོབ་ཤེས་ཡོན་པ་ཞིག་གིས་བྲིས་ན་དེས་ཆོས་ཀྱི་གཞུང་དང་མཐུན་པའི་ལུང་རིག་ཟབ་རྒྱས་འགོད་མི་ཐུབ་སྟབས་དད་ལྡན་མང་ཚོགས་དང་དཔྱོད་ལྡན་གྲྭ་བཙུན་ཚོའི་ཡིད་དབང་འགུགས་པའི་ནུས་ཤུགས་ཆུང་ངེས་ཡིན་ལ།
༢་ དམར་ཤོག་སོགས་ལྟ་གྲུབ་དང་ཆོས་ལུགས་གཞན་ལ་ཡིད་ཆེས་བྱེད་མཁན་ཞིག་གིས་བྲིས་ན་ང་ཚོར་དགྲར་འཛིན་གྱི་འདུ་ཤེས་བཅངས་བས་བྲིས་པའི་བློ་དོགས་ཀྱིས་རང་རེས་སྤྱི་ཚོགས་ཀྱིས་དོ་སྣང་དེ་ཙམ་ཡོང་ཐབས་མེད།
ངས་རྩོམ་པ་པོ་ཀླུ་སྨྱོན་ཧེ་རུ་ཀའམ་སྤྲུལ་སྐུ་ཡེ་ཤེས་རྒྱ་མཚོ་མཆོག་གི་རྩོམ་ཡིག་དང༌། མི་གཞི། མཁྱེན་དཔྱོད། ལྷག་བསམ་བཅས་ལ་བརྩི་འཇོག་བྱེད་པ་ལས་སྐུ་སྒེར་གྱི་ངོས་ནས་ང་ལ་མཚོན་ན་ཆོས་ཕྱོགས་ཀྱི་དད་པ་ཡང་མེད་ལ་དད་ལོག་ཀྱང་མེད། སྤྱིར་བཏང་རང་རེའི་སྤྲུལ་སྐུའམ་ཡང་སྲིད་ངོས་འཛིན་གྱི་ལམ་སྲོལ་འདི་ལ་ཡིད་རྟོན་ཕེར་བའི་ལུང་རིགས་ཀྱི་སྒྲུབ་བྱེད་ཡོད་མེད་ལ་བསམ་ན་མཐོ་དམན་ཚང་མ་མཉམ་སྟབས་དགག་ན་ནི་མཐོ་དམན་མེད་པར་མཉམ་དུ་ཁོག་ཅིག དེ་མིན་ན་དད་པ་དག་སྣང་ངམ་ཐ་ན་ཡང་མིའི་ཐོབ་ཐང་ལ་བརྩི་འཇོག་བྱས་ཏེ་བཏང་སྙོམ་དུ་བཞག་ན་འོས། དགོད་བྲོ་བ་ཞིག་ནི་རང་རེའི་སྤྱི་ཚོགས་ཁྲོད་ནས་རང་གི་ཞེ་འདོད་ལ་ཕོག་ཐུག་འགྲོ་བའི་རྩོམ་ཡིག་བསྒྲགས་གཏམ་གསར་པ་ཞིག་མཐོང་སྐབས་འདིས་རང་གི་མིང་གྲགས་སྤེལ་འདོད་པ་རེད་ཟེར་ནས་སྨྲེ་ངག་འདོན་པ་ཐེངས་མང་པོར་ཐོས་བྱུང༌། དེ་ལྟར་བརྗོད་པ་ནི་རང་ཉིད་ཀྱི་ཕྲག་དོག་གི་རང་གཟུགས་ཕྱིར་ངོམ་པ་ལས་གཞན་གང་ཡོང༌།
དགེ་བསྐོས་བཙན་པོ་ནི་དཔར་འགྲེམ་བྱེད་པ་ནི་དུས་བབ་གནད་སྨིན་གྱི་བྱ་བཞག་ཅིག་ཡིན། དེ་ཡང་གཤམ་གསལ་དོན་ཚན་གཉིས་ཏེ།
༡་ རང་རེས་ཤུགས་ལྡན་དོལ་རྒྱལ་བརྟེན་གསོལ་བཀག་པ་དང་ཧ་ཅང་ཆ་འདྲ་བའི་རླབས་ཆེན་བྱ་བཞགག་ཅིག་ཡིན་ལ་དེ་ལས་ཀྱང་དངོས་ཡོད་ཀྱི་མི་ཆོས་རིང་ལུགས་ཀྱི་བཟང་སྤྱོད་སྤེལ་བར་དོན་སྙིང་ཟབ་མོ་ལྡན་ཡོད།
༢་ དེང་སྐབས་སུ་རྒྱ་དམར་གཞུང་གིས་བོད་ཀྱི་ཆོས་སྡེ་ཁག་ལ་སྐྱོན་འཛུགས་གང་ཐུབ་བྱེད་བཞིན་ཡོད་སྐབས་དོན་དངོས་རང་ཉིད་ཉིད་ཀྱི་སྤྱི་ཚོགས་ལ་ལ་ཡོད་པའི་སྐྱོན་ཆ་དེ་རང་ཉིད་ཀྱིས་སེལ་ཐུབ་པ་བྱུང་ན་མ་འོངས་པར་རིག་གནས་གསར་བརྗེ་ལྟ་བུའི་ཉམས་ཆག་མི་ཡོང་བའི་སྔོན་འགོག་ཡག་ཤོསཤིག་ཏུ་ཡང་འགྱུར་ངེས་ཡིན།
གཞན་ཡང་འདི་ལས་འཕྲོས་ཏེ་འཆད་འདོད་པ་མང་དུ་ཡོད་ཀྱང་རང་རེའི་ཁ་བརྡ་དྲྭ་རྒྱས་བསམ་ཚུལ་རྒྱས་བཤད་ལས་དོན་དངོས་བགྲང་བཤད་བདམས་ཡོད་པས་ན་འདི་ཙམ་གྱིས་འཐུས་པར་བྱས་ཡོད།
རང་རེའི་མི་རིགས་འདི་ལ་ཉིད་ལྟ་བུ་བདེན་པ་དང་བདེན་པ་སྨྲ་བའི་སྐྱེས་བུ་ལ་མཐའ་གཅིག་ཏུ་རྒྱབ་སྐྱོར་གནང་མཁན་གྱི་མི་སྣ་ག་ཚོད་ཅིག་ཡོད་དམ། བདེན་པ་སྨྲ་བའི་སྐྱེས་བུ་ཚོ་གང་མགྱོགས་མགྱོགས་འཆི་ལམ་དུ་སྐྱེལ་ཐབས་བྱེད་པ་ནི་རྨོངས་འཐོམ་ཚོའི་མཐའ་མཇུག་གི་བྱེད་ཐབས་ཡོད་ན་མེད་ན་དེ་རེད། འདི་ནི་དགེ་ཆོས་ཀྱིས།
མངོན་གྱུར་རྟགས་ཀྱིས་བདེན་པ་ངོ་སྤྲད་ཀྱང་། ། ངམ་ནག་བཞིན་གྱི་གཉེར་མ་མི་སངས་པ། ། མདོར་ན་ཕྲག་དོན་ཅན་གྱི་སྐྱེ་བོ་དེའི། །དགའ་བའི་དངོས་པོ་གཞན་གྱི་རྒུད་པ་ཉིད། །གསུངས་པ་དེ་ཡང་དག་པའི་སྡོམ་ཚིག་ཅིག་ཡིན་པ་ཇེ་གསལ་དུ་བཏང་བའི་དཔང་རྟགས་ཁུངས་བཙན་དེ་རེད་དོ། །
བཀུར་འོས་དགེ་ཆོས་ལགས། བསྟན་པ་ཚད་མས་སྟོན་པ་ཚད་མ་སྒྲུབ་དགོས་ཟེར་བ་བཞིན་གང་ཟག་ལ་མི་རྟོན་ཆོས་ལ་རྟོན་རྒྱུ་དེ་གལ་ཆེན་རེད། རང་རེའི་སྤྱི་ཚོགས་ལ་ཁ་ཆག་སྣ་རལ་འདི་འདྲ་ཞིག་བྱུང་བ་མ་ཟད་ད་ལྟ་ཡང་ཆག་ཆེ་ཉམ་ང་མུ་མཐུད་དུ་གནས་པ་འདི་ཡང་དྲང་བདེན་དང་ཞི་བདེ་ལ་རྒྱབ་ཀྱིས་ཕྱོགས་པའི་སྦྱོར་བ་རྩོམ་པ་མང་དྲགས་པས་ལོས་ཡིན། དཔེར་ན། རྡོ་སྦིས་དགེ་བཤེས་ཤེས་རྒྱམ་ཆོས་དང་རིག་གནས་ལ་མཁས་ཀྱང་ཁོང་གི་ྋཐྲྤཀླུ་དགོང་དགག་ཡིག་དེར་གཅིག་བལྟས་ཚེ་ལུང་དང་རིགས་པ་ལས་ཀྱང་མིང་འདོགས་མཚངས་འབྲུ་དང་འཇིགས་སྐུལ་ཧམ་བཤད་མང་ཙམ་ཞིག་བྲིས་འདུག དེས་ནི་རང་རེའི་སྲོལ་རྒྱུན་བག་ཆགས་དྲི་མ་ཅན་ཞིག་མཚོན་པ་ཡིན། དགེ་བསྐོས་བཙན་པོ་རྩོམ་པ་པོའི་ངོས་ནས་གླེང་བརྗོད་བྱས་པ་ལས་ཀྱང་བརྩམས་ཆོས་དགེ་བསྐོས་བཙན་པོ་ལས་གླེང་བརྗོད་བྱས་ན་དོན་དང་ལྡན་པར་ངེས། འོན་ཀྱང་འདི་ལྟ་བུ་ལ་རྟག་ཏུ་ཆགས་སྡང་རྨོངས་གསུམ་གྱིས་ཀུན་ནས་བསླངས་པའི་སྦྱོར་བ་རྩུབ་ལ་དོས་དྲགས་པོ་ཤ་སྟག་གིས་རྒོལ་བ་འབྱུང་རྒྱུ་ཆོས་ཉིད་ཡིན་ཡང་སངས་རྒྱས་ཀྱི་བདེན་པ་དང༌། ཆོས་ཀྱི་བདེན་པ་དང༌། དགེ་འདུན་གྱི་བདེན་པ་དང༌། བདག་སོགས་དྲང་བདེན་ལ་རྒྱབ་སྐྱོར་བྱེད་མཁན་གྱི་བདེན་པ་སོགས་བདེན་པ་དང་བདེན་པ་ཆེན་པོའི་མཐུ་ལ་བརྟེན་ནས་དགེ་བསྐོས་བཙན་པོ་དཔར་འགྲེམ་གྱི་བྱ་བ་དོན་དང་ལྡན་པ་ཡོང་རྒྱུར་གདོན་མི་ཟའོ། །
བཙན་པོ་ཡིན་མིན་གྱི་སྐོར་ནས་བཤད་ན། དགེ་བསྐོས་བཙན་པོ་གཅིག་པོ་མ་རེད། ང་ཚོར་བཙན་པོ་མང་ནི་རེད། དགོན་པར་དགེ་བསྐོས་བཙན་པོ། ཁྱིམ་ལ་ཕ་མ་བཙན་པོ། སློབ་གྲྭར་དགེ་རྒན་བཙན་པོ། ད་དུང་རྨོ་རྨོ་བཙན་པོ། ད་དུང་བོད་པའི་སྤྱི་ཚོགས་ནང་ལ་བཙན་པོ་ག་ཚོད་ཡོད་མེད་བརྩད་ཞིབ་བྱས་ན་གྲངས་ཀྱིས་མི་ལངས། འོན་ཀྱང༌། བཙན་པོ་འདི་དག་ཀྱང་སྐྱེས་དུས་ནས་བཙན་པོ་ཞིག་ག་ལ་ཡིན། མི་འདི་དག་བཙན་པོ་ཆགས་པ་ལ་ཡང་བརྒྱུད་རིམ་ངེས་ཅན་ཞིག་ཡོད།
ང་ཚོས་སོམས་དང༌། དགོན་པར་ཡོད་པའི་གྲྭ་ཕྲུག་དེ་ཚོ་ཡང་གྲྭ་ཕྲུག་ཡ་རབས་རྐྱང་རྐྱང་ག་ལ་ཡིན། ཁྱིམ་གྱི་བུ་ཕྲུག་དེ་ཚོ་ཡང་ཕ་མའི་བཀའ་དྲིན་ལ་བསམ་ཤེས་བྱེད་ཐུབ་མཁན་རྐྱང་ག་ལ་ཡིན། སློབ་གྲྭའི་སློབ་ཕྲུག་དེ་ཚོ་ཡང་སློབ་སྦྱོང་ལ་འབད་བརྩོན་བྱེད་མཁན་རྐྱང་རྐྱང་ག་ལ་ཡིན།
དགོན་པར་དགེ་བསྐོས་བཙན་པོ་ཡོད་པ་ནང་བཞིན། དགེ་ཕྲུག་ཀྱང་ཕྲ་ཚགས་མང་ནི་རེད།
ཁྱིམ་ལ་ཕ་མ་བཙན་པོ་ཡོད་པ་ནང་བཞིན། བུ་ཕྲུག་ཀྱང་ན་རག་མང་ནི་རེད།
སློབ་གྲྭར་དགེ་རྒན་བཙན་པོ་ཡོད་པ་ནང་བཞིན། སློབ་ཕྲུག་ཀྱང་མ་རབས་མང་ནི་རེད།
ངས་བསམ་ན། ང་ཚོས་དགེ་བསྐོས་བཙན་པོ་ཡིན་མིན་གྱི་སྐོར་གཅིག་པོ་མ་བཤད། ཕྱོགས་གཉིས་ཀ་ཤོད། དཔེར་ན། ཁྱེད་རང་དགོན་པར་ཡོད་དུས། དགེ་བསྐོས་དེ་ཚོ་བཙན་པོ་ཡོད་པ་ནང་བཞིན། ཁྱེད་རང་ཇི་འདྲ་ཞིག་ཡིན། སྤྱིར་བཏང༌། འདི་འདྲ་བའི་བརྗོད་གཞིའི་སྒང་ལ་རྩོམ་ཡིག་སྤེལ་དུས། བསམ་བློ་གུ་ཡངས་པོ་དང་རིག་པ་ཕྱོགས་སུ་མ་ལྷུང་བའི་སྒོ་ནས་སྐད་ཆ་བྱེད་རྒྱུ་གལ་ཆེན་པོ་རེད།
ད་ལྟ་ང་ཚོས་དགེ་བསྐོས་ཚོ་གླེང་བཞིན་པ་རེད། ཀླུ་སྨྱོན་གྱི་དགེ་བསྐོས་བཙན་པོ་ངོ་སྤྲོད་བྱེད་མཁན་དག་ལྟར་ན། ཀླུ་སྨྱོན་གྱི་དེབ་དེ་མ་བཀྲམས་གོང་ནས་འཆི་ལམ་དུ་འདེད་རྩིས་ཡོད་མེད་མི་ཤེས། ཕར་བལྟས་ཚོད་ལ་བསམ་ཕུགས་ན་དེ་ཡོད་པའི་རྒྱུ་མཚན་ཁག་ཅིག་མདུན་དུ་མངོན་ནས་འདུག ཡང༌། བསམ་ཚུལ་གླེང་མཁན་ཁག་ཅིག་གིས། ཀླུ་སྨྱོན་གྱིས་རྩོམ་ཡག་པོ་འབྲི་མི་ཤེས་པའི་སྐོར་ནས་གླེང་ཞིང༌། བཙན་བྱོལ་ནང་དེབ་ལ་ཡི་ག་འགག་འཇུག་མཁན་གྲས་སུ་བགྲངས་འདུག་པ་ནི་ཡག་པོ་མ་རེད། གང་ཡིན་ཟེར་ན། ཀླུ་སྨྱོན་ལྟ་བུའི་གྲྭ་པ་སྙན་ངག་པ་འདི་ཚོར། གྲྭ་པའི་སྤྱི་ཚོགས་ནང་ཐ་སྙད་རིག་གནས་ལ་འཇུས་པའི་བྱས་རྗེས་ཤིག་ཡོད་པ་ནི། ད་ལྟ་ཕན་ལ་སྙན་དང་སྒྲུང་རྩོམ། ལྷུག ་རྩོམ། རང་མོས་ཟེར་བའི་སྙན་ངག་ཐན་ཐུན་རེ་བྲིད་ཡོད་པ་འདི་དག་རེད། ནང་པའི་ཆོས་གཞུང་གི་གོ་བ་རྙེད་མེད་པ་བདེན་ནའང༌། བོད་རང་གི་སྐད་ཡིག་གི་ལམ་ནས་རྩོམ་ཡིག་འབྲི་ཤེས་པ་འདི་ཡག་པོ་མ་རེད་ལབ་ས་མི་འགྲོ་བ་ལྟ་བུ་རེད། ཡིན་ནའང༌། སྙན་ངག་པ་དང་སྒྲུང་རྩོམ་པ་གང་ཡིན་དུ་ཆུགས་ཀྱང༌། དེ་ཤེས་ཡོན་པ་རེད་ལབ་ས་མི་འགྲོ་བ་རེད། གང་ཡིན་ཟེར་ན། སུམ་རྟགས་སྙན་ངག་ནི་སྐད་ཡིག་གི་འགྲོ་སྟངས་ཤིག་རེད། སྐད་ཡིག་དེ་གློག་ཞུ་ཡིན་པའི་དབང་དུ་བཏང་ན། དེའི་ནང་གི་གློག་སྨན་ཡག་པོ་ཡོད་མེད་གལ་ཆེ་བ་ལས་གློག་ཞུ་རང་གསེར་དངུལ་གང་གིས་བྱས་ཀྱང་ཕན་ཐོགས་ཆེར་མེད། འདི་ལྟར་ང་ཚོས་ཀླུ་སྨྱོན་སོགས་ལ་བལྟས་པ་ཡིན་ན། ཁོས་སྙན་ངག་བྲིས་པ་དང་སྒྲུང་རྩོམ་བྲིས་པ་དེར་ཚད་མཐོ་བོ་ཞིག་ནས་བལྟ་མི་དགོས་པ་ཤེས་ཀྱི་རེད། དེ་ཤེས་པ་ཡིན་ན། ཁོང་གྲྭ་བ་ཐ་སྙད་རིག་གནས་པ་ཞིག་ཡིན་པ་ཤེས་ཀྱི་རེད། ཐ་སྙད་རིག་གནས་པ་ཞིག་ལ་ཚད་འཇོག་མཐོ་བོ་ཡོང་ས་མི་འགྲོ་བ་ལྟ་རེད། དེ་ནི་གསལ་བཤད་ཙམ་ཡིན། མུ་མཐུད་ཤོད་རྩིས་ཡོད།
གཉིས་ཐད་ནས། འཁྲུལ་ཞིག་རིན་པོ་ཆེས་དམ་པ་ཞིག་གི་སྐྱེ་སྤྲུལ་དུ་ཐག་བཅད་པ་ཡིན་ན། དམ་པ་ཡིན་དགོས་པའི་ངེས་པ་མེད། གང་ཡིན་ཟེར་ན། འཁྲུལ་ཞིག་རིན་པོ་ཆེས་ཀླུ་སྨྱོན་རང་གི་འདོད་ཐོག་ལ་བཞག་པ་ཡོང་ཆོག་གི་རེད། གང་ལ་གང་འདོད་དེ་ལ་དེ་ལྟར་ཟེར་བ་ལྟར་རེད། ཞིབ་གསལ་ཤེས་འདོད་ན་བལ་ཡུལ་དུ་ཤོག་དང་དེ་ནས་ཤེས་ཡོང༌། ཡང་དགེ་ཆོས་ཟེར་བ་ཞིག་གིས། སྤྲུལ་སྐུ་མང་ཆེ་བར་ཤེས་ཡོན་མེད་པར་བལྟས་པས་ཀླུ་སྨྱོན་ལ་སྤྲུལ་མིང་བཏགས་པ་འོས་འཚམ་དུ་བཤད་འདུག སྒྲུང་རྩོམ་དང་སྙན་ངག་ནི་སྐད་ཡིག་གི་འགྲོ་སྟངས་ཙམ་ཤེས་མཁན་མང་པོས་འབྲི་ཡི་ཡོད་པ་འདི་རེད། དེ་ཚང་མར་སྤྲུལ་མིང་འདོགས་རུང་བ་ཡིན་ནམ་ཅི། ཀླུ་སྨྱོན་ཤེས་ཡོན་པ་ཡིན་མིན་དེ་ཁོའི་བརྩམས་ཆོས་དག་གིས་ཁ་གྲག་ནས་ཡོད་སྟབས། དེ་ཚོ་གླེང་མི་དགོས་པ་རེད། ད་ལྟ་ང་ཚོས་དགེ་བསྐོས་བཙན་པོ་གླེང་གི་ཡོད་པ་རེད། དགེ་བསྐོས་བཙན་པོ་ནི་ཀླུ་སྨྱོན་གྲྭ་སར་ཡོད་སྐབས་གྲྭ་པའི་སྤྱི་ཚོགས་ནང་ཤེས་ཡོན་གྱི་བག་ཆགས་གང་ཡང་འཇོག་མ་ཐུབ་པ་དེའི་ཚབ་ཏུ། གྲྭ་པ་ཚོའི་རྒྱབ་རྩར་ལངས་ཡོད་མདོག་མདོག་གིས་ཆ་འཇོག་བཀུར་གཟོས་ཞིག་ལ་རེ་བ་རྒྱག་གིན་ཡོད་ན་ལས། གནས་ཚུལ་འདི་རིགས་གླེང་བ་ལ་དགེ་ཕན་གང་ཡང་མེད། གྲྭ་སའི་སློབ་གཉེར་བ་ཚོའི་འདོད་པ་ཚིམ་བསྡད་ཡོད་པ་གང་ཞིག་ལ། ཀླུ་སྨྱོན་གྱི་འདོད་པ་མ་ཚིམ་པ་འདི་ཡ་མཚན་རེད། མ་གཞི་ནས་ཀླུ་སྨྱོན་འདིས་བརྗོད་གཞི་ཡག་པོ་ཞིག་ལ་འཇུས་མྱོང་མེད་པ་རེད། ང་ཚོས་རྩོམ་ཡིག་གི་ངོས་གླེང་དགོས་པ་བདེན་པ་རེད་དེ། རྩོམ་ཡིག་ཅིག་གླེང་རིམ་ནང༌། རྩོམ་ཡིག་འདིའི་རྒྱབ་ལྗོངས་དང་རྩོམ་པ་པོའི་ཀུན་སློང་གི་ངོས་དེར་ཚོད་པག་བྱས་ཆོག་པ་དང་བྱེད་དགོས་པ་ཞིག་ཀྱང་རེད། རྩོམ་ཡིག་དང་རྩོམ་པ་པོ་གཉིས་འབྲེལ་མེད་ཅིག་ཏུ་གླེང་དགོས་ལབ་ན་གནས་ལུགས་དང་མཐུན་པ་ཞིག་མ་རེད། དེ་འདྲར་བརྟེན། འདི་ལྟར་བརྗོད་པར་ཐལ་སོང༌། སུ་ལ་ཕོག་ནའང་ཕོག མུ་མཐུད་གླེང་རྩིས་ཡིན།
བཙན་བྱོལ་སྤྱི་ཚོགས་རང་དབང་ཆེན་པོ་དང་རྩོམ་པ་པོ་ཡིན་ཟེར་མཁན་མང་བས་ཀློག་པ་པོ་ལ་ཐོབ་ཐང་མི་སྤྲོད། རྩོམ་ཡིག་ལ་གདེངས་འཇོག་གང་འདྲ་བྱེད་མིན་ཀློག་པ་པོའི་ལས་འགན་ཡིན་ཡང་། ང་སྤྲུལ་ང་མཁས་དང་ཁོང་གི་གྲོགས་ཉེ་ཚོས་ཀློག་པ་པོའི་ཐོབ་ཐང་སྒེར་བདག་བྱས་ཏེ། ཁོང་ཚོས་བྲིས་ཚད་དང་དྲན་ཚད་ཡག་པོ་འདུག་མ་ལབ་ན་དགེ་ཆོས་ཀྱི་གསུངས། མངོན་གྱུར་རྟགས་ཀྱིས་བདེན་པ་ངོ་སྤྲད་ཀྱང་། ། ངམ་ནག་བཞིན་གྱི་གཉེར་མ་མི་སངས་པ། ། མདོར་ན་ཕྲག་དོན་ཅན་གྱི་སྐྱེ་བོ་དེའི། ། དགའ་བའི་དངོས་པོ་གཞན་གྱི་རྒུད་པ་ཉིད། ། ཞེས་དང་འབུར་འཇོམ་བྱེད་ཀྱི་འདུག་ཟེར་ནས་ཤོག་ཞྭ་སྐོན་ཡོང་གི་འདུག དེང་སང་གི་གསར་རྩོམ་པ་ཚོར་མཁས་རྟགས་མེད་ཀྱང་དཔའ་རྟགས་ངོ་མ་འདུག
གལ་སྲིད་མཁས་དྲགས་པ་ལ་མ་དགའ་བ་ཡིན་ན་ངའི་ཕྲག་དོག་བྱེད་ས་དང་པོ་འབུ་འདྲ་བོ་ཁོ་ཚོ་མ་ཡིན་པར། གངས་ཅན་མཁས་པའི་གཙུགས་རྒྱན་ཙོང་ཁ་བ་ཟེར་བ་དེ་འདྲ་འདམ་ས་རེད།
མ་གཞི་ཀློག་པ་པོའི་གདེངས་འཇོག་མཐོ་དམན་གྱི་ཐོག་ནས་རྩོམ་པ་པོ་དང་བརྩམས་ཆོས་ཀྱི་རིན་ཐང་མཇལ་དགོས་པ་ལས། ཐོག་མར་བརྩམས་དེ་ནས་འདི་ཁས་ལོངས་ཞེས་བཙན་སྐུལ་གཏོང་མི་འོས་སྙམ། ཀློག་མཁན་ལ་དགའ་སྡུག་གི་ཚོར་བ་གང་འདྲ་ཞིག་སླེབས་པ་དེ་ནི་རྩོམ་པོ་དང་བརྩམས་ཆོས་ཀྱི་རིན་ཐང་ཡིན་པ་རེད། ང་དང་ངའི་གྲོགས་པོའི་རྩོམ་ཡིག་ཁས་མི་ལེན་པའི་ཀློག་པ་པོ་ནག་ཅན་དང་ལྐུགས་པ་རེད་ཟེར་བ་དགོད་བྲོ་བོ་རེད།
སྤྱིར་རྩོམ་ཡིག་འདིའི་གཞི་འཛིན་ས་གོར་ཐིག་ཡིན་མིན་མི་ཤེས། འོན་ཀྱང་ཁ་ཡི་རྨ་ཁ་ནང་ནས་གསོ་དགོས་པ་ལས། དགོན་པའི་ངན་ཚང་གྲོང་བའི་སྤྱི་ཚོགས་ནང་ཁྲོམ་སྒྲག་བྱས་པས་མང་ཚོཊ་ཀྱི་རྒྱུད་ལ་དད་ལོག་བསྐྲུན་པའམ་ཡང་ན་དགོན་པར་རྒོལ་རྡུང་དགོས་པའི་དམག་བརྡ་གང་ཡིན་མི་ཤེས། དེ་མིན་ན་ཁྱེད་རང་འཚར་སའི་དགོན་པའི་ངན་ཚང་ང་ཚོས་ཤེས་ཀྱང་འགྱུར་བ་གཏོང་རྒྱུའི་དབང་ནུས་མེད་པ་ལོས་ཤེས། སྟབས་ཡག་ནས་ཁྱེད་ཀྱིས་དབྱིན་རྩོམ་འབྲི་ནུས་མེད་ཚོད་འདུག་པས་དགོན་པར་མཚན་སྨད་ཆེན་པོ་ཞིག་ཞུ་ཐུབ་ས་མ་རེད། བོད་པ་ཚོར་ཁྱེད་ཀྱིས་ངོ་མ་སྤྲད་ཀྱང་དགོན་པའི་ནང་ཁྱེད་རང་ཚོས་ག་རེ་གནང་གི་ཡོད་པ་དང་པོ་ནས་ཤེས་ཡོད། ཁྱོད་ཚོའི་མཛད་སྤྱོད་སྐོར་ལ་སྤྱི་ཚོགས་ཐོག་ཟུར་ཟའི་དགོད་ཚིག་ཀྱང་མང་པོ་ཡོད་པ་རེད། ཐ་ན་ཁྱོད་ཚོས་ཕན་ཚུན་སྐྱག་ཁུང་ལ་རྒྱོ་གི་ཡོད་པ་ཚོར་ཡོད་མོད། འོན་ཀྱང་མང་ས་དང་ཆེ་ས་ལ་ལྟོས་ན་ས་བཞག་ཡོད།
རྐུན་མ་མ་བཟུང་གོང་ནས་རྣ་བ་སུས་གཅོད་ལ་རྩོད་པ་བྱེད་དོན་ཅི། དང་ཐོག་རྐུན་མ་བཟུང་། དེ་ནས་རྐུན་མའི་རྣ་བ་དང་ཡན་ལག་སུས་གཅོད་ལ་གྲོས་བྱེད། མ་རེད་དམ།
དེབ་ག་རེ་བྲིས་མ་བྲིས་རང་རང་སོ་སོའི་འདོད་པ་རེད། དགེ་བསྐོས་བཙན་པོ་ཟེར་བ་དེ་འདྲ་བྲིས་ན་མ་འགྲིགས་པ་ཅི་ལ་ཡོད། ཡག་པོ་རེད། དགེ་བསྐོས་བཙན་པོ་ཚུད་པའི་གྲྭ་བ་ཚོས་གཅིག་གཅིག་གི་རྐུབ་ནང་བླུགས་རེས་བྱེད་པ་སོགས་གྲྭ་ས་རུ་གནས་པའི་མ་འོས་པའི་གནས་ཚུལ་ཆ་ཚང་སུན་འབྱིན་པའི་དཔེ་ཆ་ནང་དོན་འཛོམས་པོ་ཞིག་བྲིས་ན་དེ་ལས་ཀྱང་ཡག་པོ་རེད།
ཡིནན་ཡང་། སྤོབས་པ་མཐའ་ཡས་ཟེར་བ་འདི་མི་མཚར་པོ་ཞིགརེད། དཔེ་ཆ་ད་རུང་སླེབས་རྒྱུར་བསྡད་ཡོད་ཀྱང་། ཁོས་དེར་བསྟོད་པའི་དར་ཆ་དགུང་ལ་ཕྱར་ཏེ་ཡ་ཡ་མ་མ་མང་པོ་ཞིག་བྲིས་པ་རེད། ཁོ་ཕལ་ཆེར་ཕ་ཡུལ་དུ་རིག་གནས་གསར་བརྗེ་ཆེན་པོའི་སྐབས་འཚར་ལོངས་བྱུང་བའི་མི་ཞིག་ཡིན་པ་འདྲ།
དང་པོར་ཁོས་བྲིས་པའི་དེབ་ཐོན་ལ་ཉེ་བའི་གཏམ་བཟང་དེར་སུ་གང་གིས་ལན་མ་བརྒྱབ་པ་རེད། ཕལ་ཆེར་དེབ་ཐོན་མེད་པ་དང་ཡང་ན་དེ་ལ་དམིགས་བསལ་དོ་སྣང་མེད་པས་ཡིན་རྒྱུ་རེད། མ་མཐའ་ཡང་མི་ཚང་མའི་དགའ་ཁ་ལོགས་ག་ཡིན་པ་དེ་ཤེས་དགོས་པ་ཞིག་རེད། དེ་ནས་ཡང་སྐྱར་དེ་ལ་སུ་གང་གིས་ལན་བརྒྱབ་མ་སོང་ཟེར་ནས་ཅིག་བྲིས་ཡོང་རེད། དེ་ནས་མི་སྐོར་ཞིག་གིས་དེ་ལ་ག་རེ་ཡིན་ན་མིན་ན་ལན་རེ་བྲིས་རེད།
ད་ཡང་སྐྱར་འཕྲོས་བཤད་ཟེར་ནས་ཆོ་མེད་ཀྱི་སྐད་མ་དེ་འདྲ་བྲིས་ཡོང་གི་འདུག
་་ལ་ལས་གོ་བ་ཚུལ་བཞིན་ལེན་མི་ཐུབ་པ་དང༌། ལ་ལས་གོ་བ་ལྡོག་ཕྱོགས་ནས་ལེན་པ། ལ་ལས་གོ་ཡང་མ་གོ་བ་ལྟར་བརྫུ་བ་སོགས་གང་ལྟར་དང་ལེན་བྱེད་དཀའ་བའི་རྣམ་འགྱུར་ཅིག་མཐོང་སོང༌་་ ཟེར་ནས་ཅབ་ཆུང་གི་སྐད་ཆ་བཤད་ཡོང་གི ད་རུང་དེ་ལྟར་བྱུང་བའི་གནད་དོན་ཟེར་ནས་ཉོག་བཤད་ལུང་པ་གང་བྱས་འདུག དང་ལེན་མེད་པར་རྒྱུ་མཚན་ཡོད་པ་རེད། ཡིན་ན་ཡང་ཁྱེད་ཀྱིས་བྲིས་པའི་རྒྱུ་མཚན་དེ་ཚོ་ཁྱེད་རང་གི་རྒྱུ་མཚན་རེད། ཨུ་ཚུགས་རྒྱག་རྒྱུ་མང་དྲགས་ན་ལྡོག་ཕྱོགས་ནས་ལན་འདེབས་གི་རེད། འདི་སེམས་ཁམས་དང་འབྲེལ་བའི་དོན་དག་ཅིག་རེད། གཞན་རང་གི་དགའ་སྣང་གང་ཡིན་སོགས་ལའང་འབྲེལ་བ་ཡོད་པ་རེད། དཔེ་བཞག་ན་ཁྱེད་རང་དེ་ལ་དགའ་སྣང་ཆེན་པོ་ཡོད་པ་ངེད་ཚོས་ཤེས་ཀྱི་ཡོད། ཡིན་ན་ཡང་ཁྱེད་རང་དགའ་ས་དེར་མི་གཞན་ཡང་དགའ་དགོས་པ་ཅི་ལ་ཡོད། ང་རང་གི་ངོས་ནས་དཔེ་ཆ་དེ་འདྲ་ཀློག་གི་མེད། ཀློག་དགོས་པ་ཡང་མེད།
གོང་དུ་ཨ་མྱེས་བྱ་ཁྱུང་ལགས་ནས། དགེ་བསྐོས་བཙན་པོ་ཚོའི་ཁྲག་དྲི་བྲོ་བའི་དྲག་གནོན་ལ་གྲྭ་སའི་གྲྭ་པ་ཚོ་འདོད་པ་ཚིམ་ནས་བསྡད་ཡོད་པ་ལྟ་བུ་ཞིག་གསུངས་པ་ནི་དངོས་ཡོད་གནས་ཚུལ་མ་ཤེས་པའི་འཁྱོག་བཤད་ཅིག་སྟེ། ལོ་འགའི་སྔོན་འབྲས་སྤུངས་བློ་གླིང་གི་དགེ་བསྐོས་དྲག་སྤྱོད་པ་ཞིག་ལ་གྲྭ་པ་མང་པོས་དུག་སྦྲུལ་མགོ་ལེབ་བཏགས་པ་དང་། མིང་དེ་འདྲ་མ་བཏགས་པའི་དགེ་བསྐོས་དྲག་སྤྱོད་པ་ཚོར་ཡང་ངན་སྨྲས་ལྐོག་ལབ་རྒྱུན་ཆད་མེད་པར་བྱེད་བཞིན་ཡོད་པས། གྲྭ་རྐྱང་འདི་ཚོའི་རྒྱབ་རྩ་ནས་མི་འདུག་ན་ཡང་དགེ་བསྐོས་དྲག་སྤྱོད་པ་ཚོའི་ལག་གཡོག་མི་བྱེད་རྒྱུ་དེ་ངའི་རེ་བ་ཡིན།
དེ་བཞིན་རྡ་སའི་དགོན་པ་ཞིག་གི་དགེ་བསྐོས་ཀྱིས་གྲྭ་པ་ཞིག་གི་རྐུབ་ལ་རྒྱུགས་པས་ཚར་སུམ་བརྒྱ་གཞུས་པ་ལྟ་བུ་འཛམ་གླིང་ཡོངས་ཀྱི་མི་མང་ཆེ་བས་རླབས་ཆེ་བའི་ཞི་བདེའི་དེད་དཔོན་དུ་ངོས་འཛིན་ཞུ་བཞིན་པའི་གོང་ས་ཆེན་པོའི་བཞུགས་སྒར་གྱི་འཁྲིས་སུ་འདི་ལྟ་བུའི་དགེ་བསྐོས་དྲག་སྤྱོད་པ་ཚོས་རང་སྣང་གང་ཤར་གྱིས་འགྲོ་བ་མིའི་ལུས་སྟེང་ལ་ཉེས་ཆད་དྲག་པོ་གཏོང་ཆོག་པ་འདི་ནི་རྒྱ་ནག་དམར་ཕྱོགས་པའི་གདུག་རྩུབ་དང་བོད་ཀྱི་ཆེས་མུན་ནག་གི་ཞིང་བྲན་ལམ་ལུགས་ཀྱི་བག་ཆགས་ནག་པོ་དེ་ད་དུང་སེམས་གཏིང་ན་འཆི་མ་ཐུབ་པར་ལུས་བསྡད་ཡོད་པའི་མངོན་རྟགས་མིན་ན་གང་ཡིན། དེ་མིན་མཉམ་སྦྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་གི་རྩ་ཁྲིམས་ཀྱི་ནང་དུ། འཛམ་གླིང་གི་སྐྱེ་འགྲོ་ཚང་མར་རང་ལུས་སྲུང་སྐྱོབ་ཀྱི་དབང་ཆ་ཡོད་ཅེས་པར་རྩི་མེད་རྡོག་རོལ་བྱས་པ་ཞིག་དང་། ཐ་ན་རྒྱ་ནག་དམར་ཕྱོགས་ཚང་གི་རྩ་ཁྲིམས་ནང་དུ་ཡང་། ཉེས་འགལ་བཙོན་པ་སུ་ཞིག་ལ་ཡང་ལུས་སྟེང་གི་ཉེས་ཆད་གཅོད་མི་ཆོག་ཅེས་ཚིག་སྐམ་པོ་ཙམ་ཞིག་ནི་ཡོད་པ་རེད། རང་རེའི་བཅའ་ཡིག་ཆོས་ཁྲིམས་ཀྱི་ནང་དུ་དེ་འདྲའི་ཚིག་སྐམ་པོ་ཞིག་ཀྱང་མེད་པ་དེས་ཅི་ཞིག་སྟོན་བཞིན་ཡོད་པ་རེད། འདི་ལ་རྒྱུ་མཚན་ཡང་དག་གི་ལན་རེ་ཡོད་ན་ལས། གཞན་དགེ་བསྐོས་དྲག་སྤྱོད་པ་ཚོར་རྒྱབ་སྐྱོར་བྱེད་མཁན་ཚོ་ཡང་དྲག་སྤྱོད་པའི་མིང་ཐོ་ནག་པོའི་ནང་དུ་རིང་མིན་འཚུད་རྒྱུ་ངེས་ཅན་རེད།
རྡ་རམ་ས་ལ་རུ་སེམས་ནང་ཉན་ཐོས་ནང་ཕན་ཚུན་རྡེག་འཚོག་མི་བྱེད་པ་སོགས་སོ་སོར་ཐར་པའི་སྡོམ་པ་དང་། སེམས་ཅན་ཀུན་ལ་བུ་གཅིག་པའི་མ་ལྟར་བརྩེ་བའི་བྱང་ཆུབ་སེམས་པའི་སྡོམ་པ། ཆེས་ཐོག་མའི་དམ་ཚིག་སྣང་གྲགས་རིག་གསུམ་ལྷ་སྔགས་ཡེ་ཤེས་སུ་བལྟ་དགོས་པ་དེ་ཡིན་པའི་གསང་ཆེན་སྔགས་ཀྱི་སྡོམ་པ་གསུམ་ཀ་ཡོད་པར་ཁས་འཆེ་ཞིང་། ལུས་ལ་ཆོས་གོས་ངུར་སྨྲིག་བཞེས་པའི་དགེ་བསྐོས་དྲག་སྤྱོད་པ་ཞིག་གིས་ལུས་ལ་ཆོས་གོས་རྣམ་གསུམ་བཞེས་པའི་གྲྭ་རྐྱང་ཞིག་གི་གསོན་ཤ་དམར་པོའི་སྟེང་དུ་རྒྱུགས་པས་ཚར་སུམ་བརྒྱ་བརྒལ་བ་གཞུས་ནས་ཤི་མིན་རོ་མིན་བཟོས་པའི་ཉེས་པ་དང་། གོང་གསལ་སྡོམ་པ་གསུམ་པོའི་ཅི་ཡང་རྒྱུད་ན་མེད་པའི་དོལ་རྒྱལ་བ་གསུམ་གྱིས་རིག་དགེ་བློ་བཟང་སོགས་དགེ་སློང་གསུམ་དམར་གསོད་བཏང་པའི་ཉེས་པ་གཉིས་ཀྱི་གང་ཞིག་ལྕི་བ་དང་གང་ཞིག་ཡང་བའི་ཁྱད་པར་གསུང་མཁན་རེ་ཡོད་ན་དགའ་བ་ལ།
དེ་བཞིན་ཚིག་ཇི་བཞིན་མི་དྲན་ཡང་སྔོན་ཆད་ཀླུ་སྨྱོན་གྱིས་ཚགས་པར་ཞིག་གི་སྟེང་སྤེལ་བའི་རྩོམ་ཡིག་ནང་། བོད་ཀྱི་དགོན་པ་ཞིག་གི་དགེ་བསྐོས་དྲག་སྤྱོད་པ་ཞིག་གིས་གྲྭ་ཕྲུག་ཅིག་ལ་དྲག་རྡུང་བྱས་ཏེ་གྲྭ་ཕྲུག་གི་དྲན་པ་ཐོར་ནས་ཆུ་ཚོད་མང་པོའི་རིང་ཤི་བ་ལྟ་བུར་ལུས་པའི་སྐོར་ཞིག་བྲིས་པ་དེ་དྲན་སོས་སོང་། གལ་སྲིོད་དེ་དུས་གྲྭ་ཕྲུག་དེ་ཤི་བ་ཡིན་ན་དགེ་བསྐོས་དྲག་སྤྱོད་པ་དེའི་རྒྱུད་ཀྱི་སོ་བྱང་སྔགས་གསུམ་གྱི་སྡོམ་པ་གཏོང་གི་རེད་དམ་མ་རེད།
སྐུ་ཞབས་མགོན་པོ་ཕྱག་གཉིས་པ་ལགས། ཁྱེད་ཀྱིས་ང་ལ་ཁྱད་མཚར་དང་ཅོལ་ཆུང་དང་སྐད་ཆ་ཆོ་མེད་སོགས་བཀའ་བཀྱོན་སྐྱོན་བརྗོད་གནང་བ་ནི་ང་སྒེར་ལ་བརྙས་སྨོད་ཙམ་ལས་གཞན་མིན་སྟབས་སྣང་མེད་དུ་འཇོག་འོས། གོང་སྨྲོས་དགེ་བསྐོས་བཙན་པོའི་སྐོར་ངས་ཐེངས་བརྒྱར་བརྗོད་ཀྱང་ལན་རྒྱག་འདོད་མེད་ན་མ་བརྒྱབ་ཀྱང་འགྲིགས་ལ་ལྡོག་ཕྱོགས་ནས་བརྒྱབ་ཀྱང་འགྲིགས། ངས་དེའི་སྐོར་ག་ཚོད་གླེང་མིན་དེ་ངའི་འབད་བརྩོན་ཆེ་ཆུང་ཡིན་ལ་དྲྭ་རྒྱར་གཏོང་མིན་ཁ་བརྡ་དྲྭ་རྒྱའི་རྩོམ་སྒྲིག་པའི་ལག་ན་ཡོད། གྲྭ་བའི་ནང་ལ་མཚན་མཐུན་འཁྲིག་སྤྱོད་བྱེད་མཁན་འདུག་ཟེར་ནས་དྲྭ་གྲོགས་འགས་ཧ་ལས་ལས་ལྟར་བརྗོད་འདུག་ཀྱང་དེ་གལ་སྲིད་ཡོད་ཀྱང་ང་ཚོའི་སྤྱི་ཚོགས་ལ་གནོད་སྐྱོན་ཆེ་བའི་བྱ་སྤྱོད་ཅིག་གང་ཡང་མིན། དགེ་བསྐོས་ཀྱིས་གཅར་རྡུང་དྲག་པོ་བྱེད་སྲོལ་འདི་མིའི་ལུས་སྲོག་ལ་འཚེ་བའི་སྤྱོད་ངན་ཞིག་སྟེ་ཡུལ་སྤྱིའི་ཁྲིམས་དང་ཡང་འགལ་བ་ཞིག་ཡིན་སྟབས་དེ་འགོག་ཐབས་བྱེད་པ་གལ་ཆེན་དུ་མཐོང་བ་ཡིན། ཁྱེད་དེ་ལ་དོ་སྣང་མི་འོང་རྒྱུ་དེ་གཅིག་བྱས་ན་བོད་ཀྱི་སྤྱི་ཚོགས་ཆ་ཡོངས་ལ་ཆ་རྒྱུས་གཏིང་ཟབ་ཅིག་མེད་སྲིད་ལ་ཡང་ན་ནི་རང་ཉིད་སྐྱ་བོ་ཞིག་ཡིན་པ་གཞིར་བཞག་ནས་དེ་ཚཽ་འབྲེལ་མེད་ཅིག་ཏུ་མཐོང་བ་ཡིན་འགྲོ། སྤྱི་ཚོགས་ལ་སེམས་ཁུར་བྱེད་མཁན་ཞིག་ཡིན་ན་ཕྱོགས་ཡོངས་ནས་ལྟ་བར་འོས། ཁྱེད་ཀྱིས་ང་རིག་གསར་སྐབས་སུ་འཚར་ལོངས་བྱུང་བར་ཚོད་དཔག་གིས་བརྗོད་པ་དེ་བསྟོད་སྨད་གང་ཡིན་མ་རྟོགས་སོ། །
དགེ་བསྐོས་བཙན་པོ་འདི་ས་ཁར་མ་བུད་སྔོན་ལ་འཆི་ལམ་ལ་མ་བསྐྱལ་རོགས།
སྟག་སྨྱོན་དང་བྱ་ཁྱུང་སོགས་ཀྱིས་ངའི་གོང་གི་དྲི་བ་དག་ལ་ལན་རྒྱག་མི་ཐུབ་པའམ་ཡང་ལན་རྒྱག་མི་འདོད་ཡིན། དགེ་བསྐོས་དྲག་སྤྱོད་པ་ཚོ་དང་མཉམ་དུ་དྲག་སྤྱོད་པའི་མིང་ཐོ་ནག་པོའི་ནང་དུ་འཛུལ་རྒྱུར་ཞེད་སྣང་གིས་གང་ཞིག་ལ་བྲོས་སོང་བ་ཡིན།
སྤྱིར་ལས་ཀ་གང་ཞིག་དྲག་སྤྱོད་ཡིན་མིན་གྱི་ཚད་གཞི་དབྱེ་འབྱེད་འདི་ནི་ལས་ཀ་རྩོམ་མཁན་དེའི་ཀུན་སློང་རག་ལས་པ་ཞིག་ཏུ་མཐོང་ན་ཡང་། ལོ་ཤས་སྔོན་དཔའ་བོ་ཐུབ་བསྟན་དངོས་གྲུབ་ཀྱིས་རང་ལུས་མེ་རུ་བསྒྲོན་པའི་སྐབས་སུ་གོང་ས་མཆོག་གིས། ལས་ཀ་དེ་འཚེ་བ་ཅན་གྱི་ལས་ཀ་རེད་གསུངས་པས། འཚེ་བ་དང་དྲག་པོ་གཉིས་ཀྱི་གོ་དོན་གཞི་གཅིག་ཏུ་བཞག་སྟེ་བཤད་ན། དགེ་བསྐོས་དྲག་སྤྱོད་པ་འདི་ཚོའི་ཀུན་སློང་ཅི་ཡིན་མི་ཤེས་ཀྱང་འཕྲལ་གྱི་ལག་ལེན་ནི་གཞན་ལ་འཚེ་བའི་དྲག་སྤྱོད་པའི་ལས་འགུལ་དུ་བརྩི་ཆོག་གོ།
བསམ་བློ་ནང་དུ་བསྐོར་ནས་འདང་ཞིང་མོ་རེ་རྒྱག་དུས་ཀླུ་སྨྱོན་གྱི་དགེ་བསྐོས་བཙན་པོ་ལ་བརྟེན་ནས་མི་རེ་ཟུང་གིས་ཁོ་ལ་སྡང་ཟུག་ངུ་ཟུག་བྱེད་པ་དེ་ནི་དུས་རབས་སྔོན་མའི་ནང་དུ་ལུང་ཤར་རྡོ་རྗེ་ཚེ་རྒྱལ་གྱིས་བོད་གཞུང་གི་རུལ་སུངས་ལམ་ལུགས་ལ་སྒྱུར་བཅོས་གཏོང་རྒྱུའི་འཆར་གཞི་བཏང་མ་ཐག་ལོག་སྤྱོད་དབང་སྒྱུར་བ་ཚོས་ཁོང་མུན་ནག་གི་བཙོན་དུ་བཅུག་སྟེ་མིག་རིལ་བཙན་བཀོག་བྱས་པ་དང་། དགེ་ཆོས་ཀྱིས་ནུབ་བོད་ལེགས་བཅོས་ཚོགས་པར་མིང་རྟགས་བཀོད་པའི་ཉེར་ལེན་གྱིས་སྐབས་དེའི་བོད་མི་མང་མུན་ནག་གི་ཀློང་དུ་མུ་ནས་མུ་རུ་འདྲེན་མཁན་ཀ་ཤོད་པ་སོགས་བྲན་གཡོག་བདག་པོ་ཚོས་ཁོང་ལ་ཉེས་རྡུང་དྲག་པོ་བཏང་སྟེ་བཙོན་དུ་ལོ་གསུམ་བཅུག་པ་དང་། དུས་ཚོད་དེ་མཚུངས་འབའ་བ་ཕུན་ཚོགས་དབང་རྒྱལ་གྱིས་བོད་མུན་ནག་གི་སྤྱི་ཚོགས་ལ་སྒྱུར་བཅོས་དགོས་ལུགས་ཀྱི་སྙན་ཞུ་ཕུལ་བའི་རྐྱེན་གྱིས་ཁོང་རྒྱང་ཕུད་དུ་བཏང་བ་ལྟ་བུའི་བོད
་ཀྱི་རྟོགས་སད་ཀྱི་སྒྲོན་མེ་རེ་རེ་མུན་ནག་དང་ཀླ་ཀློས་ཇི་ལྟར་འཆི་ལམ་དུ་བསྐྱལ་བའི་ཡ་ང་ཞིང་ཡི་མུག་པའི་ཟློས་གར་སྐྱུག་བྲོ་བོ་རེ་རེ་མིག་ལམ་དུ་ཤར་ཡོང་།