ཉེ་ཆར་ཁ་བརྡའི་ཐོག་རིག་གསར་སྐོར་གྱི་དེབ་གཅིག་བཀོད་པར་ཀློག་མཁན་འགའ་རེ་ཡོད་བཟོ་འདུག་ལ། དེ་བས་འདིར་ཕྲན་གྱིས་ལོ་ཤས་གོང་ནས་ཕྱོགས་སྒྲིག་ཞུས་པའི་ཨ་ཁུ་པད་མའི་ལོ་རྒྱུས་དེ་བཀོད་ཡོད་ན་གཟིགས་རོགས་གནང་། དགེ་འདུན་རབ་གསལ་གྱིས།
གོང་གསལ་ནི་ཨ་མདོ་པད་མས་བོད་མི་རྣམས་རྒྱ་གར་ལ་སྐྱབས་བཅོལ་་ལ་ཐོག་མར་ཡོང་སྐབས་སྐད་བསྒྱུར་བྱེད་བཞིན་པའི་རྣམ་པ་རེད། ལོ་རྒྱུས་དེ་གཤམ་གྱི་འབྲེལ་ཐག་ན་ཡོད།
amdo-pema-pdf
ཨ་ཁུ་པད་མའི་སྒྲུང་ཆ་ཚང་ཀློག་པ་ཡིན། སྒྲུང་སྙན་པོ་བྱུང་། མཚམས་རེར་དབང་མེད་དུ་མིག་མཐའ་རློན་པ་ཆགས་ཡོང་གི་འདུག དྲང་མོར་བཤད་ན། མི་དགོས་པའི་ལྷན་པ་སྟེ་རྩོམ་པ་པོའི་མཆན་དེ་ཚོར་འགོམ་ནས་ཕྱིན་པ་ཡིན། མི་སྒེར་བ་ཞིག་གི་མི་ཚེའི་ལོ་རྒྱུས་ནང་དེར་འབྲེལ་བ་ཆེན་པོ་མེད་པའི་རྒྱལ་ཁབ་ཅིག་གི་རྒྱལ་རབས་ལོ་རྒྱུས་ཀྱིས་ལྷན་པ་བརྒྱབ་ཡོང་བ་དེར་ཅུང་ཟད་ཉོབ་ཀྱི་འདུག
མི་ལོང་བ་དེ་ལ་མི་ཚེ་འཁྲུག་པོ་དེ་འདྲ་ཞིག་བྱུང་འདུག ཆོས་སྲིད་གཉིས་ཕྱོགས་ལ་བྱ་བ་མི་ཆུང་བ་རེ་ཡང་བསྒྲུབས་འདུག ཆང་ས་ཡང་ཐེངས་མ་གཉིས་བརྒྱབས་ཤིང་ཅུང་ཙམ་མིན་ན་གསུམ་བརྒྱབས་འདུག དཔེ་ཆ་འདི་ལས་ཤེས་ཐུབ་པ་ནི་ལོང་བ་ལོ་ཙཱ་བས་བརྒྱུད་པའི་མི་ཚེ་དེ་ཙམ་མ་ཡིན་པར་ང་ལ་ཚོར་སྣང་ཟབ་མོ་ཞིག་བྱུང་བ་ནི་བོད་པ་རྣམས་ཐོག་མར་རྒྱ་གར་ལ་སྐྱབས་བཅོལ་དུ་སླེབས་པའི་གནས་སྟངས་དང་དཀའ་ངལ་ཧ་ཅང་གསལ་བར་མཐོང་ནུས་པ་དེ་རེད། དེ་བཞིན་ཁོང་གི་ཆོས་དད་དང་རྒྱལ་ཞེན་ཆེ་བའི་གཤིས་ཀ་འདིས་ཀྱང་བཙན་བྱོལ་བའི་མི་རབས་དང་པོ་བའི་གཤིས་ཀ་གསལ་བོར་བསྟན་འདུག གྲོགས་པོ་ཚོ། ང་ཚོ་ལ་མིག་ཡོད་ཀྱང་མི་ཚེ་ཉོབ་ཏོ་འདི་འདྲ་རེ་ལས་སྐྱེལ་མི་ཐུབ་འདི་དབང་པོ་གང་ཞིག་མ་ཚང་བ་ཡིན་ནམ།
ཨ་ཁུ་པད་མའི་མི་ཚེའི་ལོ་རྒྱུས་སྔ་མོ་ཞིག་ནས་བཀླགས་རྒྱུ་བྱུང༌། བཙན་བྱོལ་དུ་ངག་རྒྱུན་ལོ་རྒྱུས་འབྲི་མཁན་མང་པོ་བྱུང༌། རང་གི་ལོ་རྒྱུས་ལྗགས་རྩོམ་གནང་མཁན་ཡང་མང་པོ་བྱུང༌། ཨ་ཁུ་པད་མ་ཡང་དེའི་ནང་གི་གཅིག་རེད།
དེབ་དེ་བཀླགས་རྗེས། ངེད་ཀྱི་སེམས་སུ་ཚོར་སྣང་འདི་འདྲ་ཞིག་བྱུང༌། བོད་ཕྱི་ནང་གི་མི་སྒེར་བ་འཇོན་ཐང་ཅན་དེ་ཚོའི་མི་ཚེའི་ལོ་རྒྱུས་རྩོམ་དུ་སྤེལ་ཐུབ་ན་ཡག་པོ་འདུག་བསམ། དེབ་དེ་ཀློག་འགོ་ཚུགས་པ་དང་མཉམ་དུ་་བྋཐྲྤཀླགས་ཚར་བའི་ཚོར་སྣང་ཞིག་ཀྱང་བྱུང༌། ཨ་ཁུ་པད་མའི་ལོ་རྒྱུས་འདི་བོད་མི་སྒེར་བ་གཞན་གྱི་ལོ་རྒྱུས་དང་མ་འདྲ་བ་ཞིག་འདུག ལྷག་པར་དུ་དེབ་དེ་འབྲི་མཁན་གྱི་རྩོམ་པ་པོ་དགེ་འདུན་རབ་གསལ་ལགས་ཀྱི་ཚིག་སྦྱོར་ཡང་ཐུན་མོང་མ་ཡིན་པ་ཞིག་འདུག
ཉེ་ཆར་ངས་དེབ་གཞན་ཞིག་བཀླགས༌། དེ་ནི་ནག་ཚང་བྱི་ལུའི་སྐྱིད་སྡུག་ཟེར་བའི་བོད་ནང་གི་རྒད་པོ་ཞིག་གི་མི་ཚེའི་ལོ་རྒྱུས་རེད། དེབ་དེ་ཡང་འདི་ལྟར་དྲ་ངོས་སུ་འཇོག་ཐུབ་ན་ཧ་ཅང་ཡག་པོ་འདུག
ཡ། ང་དེ་རིང་གཞི་ནས་ར་དངས་དུས་ཁྱེད་ཚོས་དཔེ་མང་པོ་བྲིས་འདུག་ག ད་ག་རེ་ལ་ལན་འབྲི་དགོས་པ་རེད། སྒང་གི་ཚང་མ་ཀློག་ཡང་ཐུབ་མ་སོང་། ཁྱེད་ཚོས་ང་ལ་ལན་སྡུག་ཅ་དེ་འདྲ་སྒང་ན་བྲིས་མེད་པ? ད་དང་པོ་ཐག་ཉེ་སུ་ཡོད་ན་ཨ་ཁུ་པད་མ་ལ་བསྔགས་བརྗོད་ཞུ་གི་འདུག་གསུངས་རོགས།
སྤྲུལ་སྐ་རྒྱགས་པ་བྲན་གཡོག་སྐོར་ག་བ་འགྲོ་རེད།
ཉེ་སྔོན། ངས་དེབ་འདི་ཐེངས་གཅིག་བྐླགས་པ་ཡིན། དོ་དགོང་བསྐྱར་དུ་བྐླགས་པ་ཡིན། ཨ་ཁུ་པད་མའི་མི་ཚེ་ནི་ཇི་འདྲའི་ཀྱག་ཀྱོག་ཅིག་དང་། ཇི་འདྲའི་དཀའ་མོ་ཞིག་ཡིན་པ་དེབ་འདིའི་མགོ་མཇུག་བར་གསུམ་ནས་གསལ་བོ་ཤེས་ཀྱི་འདུག ལྷག་པར་དུ་ང་ཚོ་བོད་རྒྱལ་ཁབ་འདི་སྡུག་ཐུག་དུས་རྒྱལ་བ་རིན་པོ་ཆེ་དང་མཐོ་རིམ་སྐུ་དྲག་ཚོས་ཀྱང་མིག་མེད་པའི་ཞ་ར་ཞིག་ལ་རེ་བ་བཅོལ་འདུག་ལ། ད་དུང་ཐོག་མར་འབྱོར་བའི་བཙན་བྱོལ་བོད་མི་ཚོའི་དཀའ་ངལ་སོགས་ཀྱང་དེབ་འདི་ལས་མངོན་ཡོད་སྟབས། རྩོམ་པ་པོས་དེབ་འདི་འབྲི་བའི་དགོས་པའང་ཡོངས་སུ་འགྲུབ་འདུག་ཨང་སྙམ།