༼ལྕགས་མོ་འཚོ་ལགས་ཀྱིས་གདོང་དེབ་བརྒྱུད་རྩོམ་ཡིག་འདི་སྤེལ་འདུག་པ་འདིར་དྲངས་པ་ཡིན།༽
བོད་མིའི་རིག་གནས་དྲ་རྒྱའི་སྟེང་གནས་ཚུལ་བཀོད་པ་ལྟར་ན། བོད་ཀྱི་གློག་བརྙན་འཁྲིད་པ་པདྨ་ཚེ་བརྟན་ལགས་ཀྱིས་བོད་ཡིག་ནང་བརྩམས་པའི་༼གྲོང་ཁྱེར་གྱི་འཚོ་བ་༽ཞེས་པའི་བརྩམས་སྒྲུང་འབྲིང་ཐུང་བཅུ་ཁ་ཞིག་གཅེས་བཏུས་ཀྱི་དཔེ་དེབ་ཅིག་བོད་ལྗོངས་མི་དམངས་པར་སྐྲུན་མི་འགྱངས་པར་འགྲེམ་སྤེལ་བྱེད་རྒྱུ་རེད། དཔེ་དེབ་དེའི་རྩོམ་སྒྲིག་པ་རྡོ་སྦིས་ཚེ་རིང་རྡོ་རྗེ་རེད། དཔེ་དེབ་དེ་ནི་པདྨ་ཚེ་བརྟན་ལགས་ཀྱིས་བོད་ཡིག་ནང་བརྩམས་པའི་བརྩམས་སྒྲུང་དེབ་གཉིས་པ་དེ་ཡིན་ཞིང་། ཁོང་གི་བོད་ཡིག་ནང་བརྩམས་པའི་དཔེ་དེབ་དང་པོ་༼བསླུ་བྲིད་༽ཅེས་པ་སྤྱི་ལོ་༢༠༠༩ལོར་མཚོ་སྔོན་མི་རིགས་དཔེ་སྐྲུན་ཁང་གིས་འགྲེམ་སྤེལ་བྱས་པ་དང་། དུས་རབས་ཉེར་གཅིག་པའི་བོད་རིགས་རྩོམ་པ་པོའི་དཔེ་ཚོགས་ཞེས་པའི་ཁྲོད་ཀྱི་གཅིག་ཡིན་འདུག
པདྨ་ཚེ་བརྟན་ལགས་ཀྱིས་བོད་ཀྱི་གློག་བརྙན་འཁྲབ་ཁྲིད་པ་དང་འཁྲབ་གཞུང་རྩོམ་འབྲིའི་ལས་ལ་གཞོལ་བའི་དུས་མཚུངས་སུ། རྩོམ་རིག་གསར་རྩོམ་བྱེད་པའང་རྒྱུན་འཁྱོངས་ཏེ། ད་ལྟའི་བར་བོད་རྒྱ་ཡིག་རིགས་གཉིས་ནང་བྲིས་པའི་བརྩམས་སྒྲུང་དང་། འགྱུར་རྩོམ་སོགས་དཔེ་དེབ་དྲུག་ཙམ་འགྲེམ་སྤེལ་པར་སྐྲུན་བྱས་ཡོད་པ་རེད།
དགའ་བསུ་ཞུ།
ཡག་པོ་པེ་རེད།
ཡག་ཁོ་དག་ཡིན་རྒྱུ་རེད། ཁོང་གི་ང་ཡི་ཚེ་རིང་སྒྲོལ་མ་ཞེས་པའི་སྒྲོང་དེ་དེ་འདྲ་ཡག་པ་ལ།