“ཉིན་འགའི་སྔོན་ལ། ལོ་མང་པོར་མ་ཐུག་པའི་སློབ་གྲོགས་ཤིག་དང་ལྷན་དུ་ཟ་མ་ཟོས་པ་ཡིན། ཁོང་ནི་སྲིད་གཞུང་སྡེ་ཁག་གི་ལུགས་བརྩི་སྲུང་བྱེད་པའི་ལས་བྱེད་ཅིག་རེད། ཁྱིམ་ཚང་དུ་ཁྱོ་ག་དང་ཨ་ཕ་བཟང་པོ་རུ་འབོད་ཀྱི་ཡོད་ལ། རང་ཉིད་དང་དུས་སྐབས་གཅིག་པའི་གྲོགས་པོའི་ཁྲོད་ནས་བྱམས་བརྩེ་དང་ཞི་དུལ་གྱི་གཤིས་ཀ་ཅན་ཞིག་ཡིན། ཇི་ལྟར་བསླངས་པ་མ་ཤེས། ངེད་གཉིས་ཀྱིས་གླེང་གིན་གླེང་གིན་བོད་ཀྱི་གནད་དོན་ཐོག་ཏུ་བབས། ཁོང་གིས་དེ་མ་ཐག་ཁོང་ཁྲོའི་ངང་བཤད་རྒྱུར། ཀྲུང་དབྱང་གིས་བོད་མི་གཅེས་ལང་ལ་བཏང་འདུག ལོ་འདི་དག་གི་རིང་ལ་ང་ཚོས་ཁོང་ཚོར་དངུལ་ག་ཚོད་ཅིག་སྤྲད་པ་རེད་ཨང་། ད་དུང་མེ་འཁོར་ལྕགས་ལམ་བཟོ་བསྐྲུན་བྱས་ནས་གྲུབ་ཡོད། མི་རིགས་འདྲ་མཉམ་མཚོན་ཆེད་བོད་ཀྱི་ཏང་སྲིད་གནད་འགག་ཁག་ལ་ཀྲུང་དབྱང་གིས་བསྡུར་ཚད་ཚད་མཐོ་བོའི་སྒོ་ནས་བོད་མི་ལས་གནས་འཛིན་མཁན་དུ་བསྐོ་བཞག་བྱས། བོད་མིའི་འཇོན་ནུས་ཧཱན་མི་རིགས་ལས་ཞན་པ་འདུག མི་རིགས་ཀྱི་ཐོབ་ཐང་གི་གནས་བབ་ཀྱི་དབང་གིས་མ་གཏོགས་ལས་གནས་འཕར་བའི་གོ་སྐབས་ཧ་ཅང་མང་། ཐ་ན་བོད་དུ་མི་རིགས་འཐབ་རྩོད་ཀྱི་གནས་སྟངས་ཤིག་ཏུ་བསླེབས། ཁོང་གིས་བཤད་རྒྱུར། ཁོང་གིས་རྒྱུས་ལོན་བྱེད་དཀའ་བ་ནི་ང་ཚོས་ཁོང་ཚོར་གང་གཟབ་ཀྱིས་བསྟུན་ཐབས་བྱས་པ་ཡིན་ན་ཡང་ཁོང་ཚོ་ཅིའི་ཕྱིར་ད་དུང་འདོད་པ་མ་ཁེངས་པ་རེད། ད་དུང་དྲག་པོའི་གྱེན་ལངས་དང་ཏཱ་ལའི་བླ་མའི་ངན་སྐུལ་གྱི་འབོད་སྐད་སྒྲོག་པ་རེད་དམ།”