གནས་ཚུལ་མཁོ་གཏོང་བ་ས་དཀར་བཀྲ་ཤིས།
ཁ་སང་ཚེས་༡༨ ཉིན་སྦེལ་ལྗམ་གྱི་གྲོང་ཁྱེར་ཆེ་ཤོས་གཉིས་བ་དང་བོད་མི་འདུས་སྡོད་མང་ཤོས་ཡིན་པའི་གྲོང་ཁྱེར་ཨན་ཀྲོབ་ནང་དུ་བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་ཁྲིད་པའི་བདེན་པའི་མེ་ལྕེ་སྐོར་བསྐྱོད་ཀྱི་ལས་འགུལ་སྤེལ་ཡོད་འདུག་ལ། ཉིན་དེའི་ཆུ་ཚོད་༤ པའི་སྟེང་བོད་མི་དང་བོད་དོན་རྒྱབ་སྐྱོར་བ་༢༠༠ ཙམ་Bolivarplaats ཡི་ཐང་ཆེན་སྟེང་འདུ་འཛོམས་བྱུང་མཚམས་ཚང་མ་གོམ་བགྲོད་ཀྱིས་Groenplaatཡི་ཐང་ཆེན་བར་ཏུ་ཆུ་ཚོད་གཅིག་རིང་སྐད་འབོད་གནང་སྟེ་བསྐྱོད་ཡོད་པ་དང་། ལམ་བར་ཏུ་བོད་ནང་གི་ཛ་དྲག་གནས་སྟངས་གསལ་བའི་དྲིལ་བསྒྲགས་ཡིག་ཆ་མང་པོ་བཀྲམས་པར་མི་མང་གིས་དོ་སྣང་ཤུགས་ཆེར་གནང་ཡོད་འདུག་ལ། Groenplaatཡི་ཐང་ཆེན་དུ་འབྱོར་རྗེས་བོད་རང་དབང་ཆེད་རང་སྲོག་བློས་བཏང་བའི་དཔའ་བོ་དཔའ་མོ་ཚོ་ལ་མྱ་ངན་ངག་བཅད་སྐར་མ་གཅིག་རིང་ཞུས་བ་དང་། དེའི་རྗེས་ས་གནས་གཞོན་ནུ་ཚོགས་གཙོ་བློ་བཟང་བསྟན་པ་དང་། བོད་རིགས་ཚོགས་པའི་ཚོགས་གཙོ་ཐུབ་བསྟན་འཕེལ་རྒྱས། བོད་ཀྱི་གྲོགས་པོ་ཚོགས་པའི་ཚོགས་གཙོ་ Inge Hermans། སྦར་སིལ་སྐུ་ཚབ་དོན་གཅོད་དངོས་གྲུབ་རྡོ་རྗེ་ལགས། ཡུ་རོབ་སྤྱི་འཐུས་ཐུབ་བསྟན་དབང་ཆེན་ལགས་བཅས་ཀྱིས་ལས་འགུལ་དང་འབྲེལ་བའི་གཏམ་བཤད་གནང་བ་དང་། མཐར་མི་མང་གིས་བདེན་ཚིག་སྨོན་ལམ་སྐྱོར་བ་དང་བོད་རིགས་ཚོགས་པའི་ཚོགས་གཞོན་གཡང་འཛོམས་ནས་ཐུགས་རྗེ་ཆེ་ཞུའི་གཏམ་བཤད་དང་བཅས་ལས་འགུལ་མཇུག་སྒྲིལ་ཡོད་འདུག
བདེ་པའི་མེ་ལྕེ་ལ་རྒྱབ་སྐྱོར་དང་ཡི་རུང་ཡོད།
བདེན་པའི་མེ་ལྕེའི་སྐོར་སྐྱོད་ལས་འགུལ་ལ་རྒྱབ་སྐྱོར་དང་དགའ་བསུ་ཡོད་ལགས།
བདེན་པའི་མེ་ལྕེ་རེད།
དགོས་པའི་རང་དབང་རྩོད།
བདེན་པའི་དྲངས་ཚུགས་ཀྱིས།
དགོས་པའི་ལས་འགུལ་རྩོམས།
མེར་སྲེག་ལས་འགུལ་བརྩམས་པས་བདེན་པའི་མེ་ལྕེའི་ལས་འགུལ་དོན་ལྡན་ཤོག །