ངོ་དེབ་ནང་གི་ཕྲིན་ཐུང་།

གྲིབ་གཟུགས།

o ཀླུ་སྨྱོན་ངག་གི་འགྲམ་ཆང་། །འཐོར་བའི་འཆི་མེད་བཞིན་བཟང་། །སྐུ་ཁམས་བདེ་བའི་ངང་དུ། །ལང་ཚོའི་འཛུམ་མདངས་གྲོལ་འདུག།
o ཧ་ཧ་ཧ་་་
o ཁྱེད་ཀྱི་བཞིན་ལ་བལྟས་ན། །བལ་མོ་ཡིན་པ་ཤེས་ནུས། །བལ་མོའི་བཞིན་རས་གཟུགས་བྱད། །ཁོ་བོའི་མིག་ལ་འདྲིས་ཡོད།།
o ང་བོད་པ་ཡིན།
o ཁྱེད་ཀྱི་པར་ལ་བལྟས་དུས། །བལ་པོའི་ཡུལ་དུ་སླེབས་འདུག །ཁྱེད་ཀྱི་གདོང་གི་ཟླ་བ། །བལ་མོའི་བཞིན་ལ་མཚུངས་འདུག།
o འདྲ་བ་ཐམས་ཅད་དངོས་མ་ཡིན།
o སྐུ་གཟུགས་ཆུང་ཆུང་ཡིན་པའི། །ཞལ་རས་སྙིང་ལ་རྗེ་བོ། །སྤྱན་དང་མིན་མ་གཉིས་པོ། །བྱེད་པོས་ཆེད་དུ་བཟོས་འདྲ།།
o ངས་འཇིག་རྟེན་བྱེད་པ་པོ་འདོད་ཀྱི་མེད།
o པིརི་ཏི་འཛིན་ཏ་དང་འདྲའི། །བཞིན་བཟང་ཁྱེད་འདྲའི་མདུན་དུ། །དབྱངས་ཅན་ངག་གི་རྒྱུད་མངས། །མི་འཁྲོལ་རང་དབང་མི་འདུག།
o ཧ་ཧ་ཧ་ཧ་
o ཀླུ་སྨྱོན་འཁྲུལ་འདུག་བསམས་ནས། །ཁྱེད་ཀྱི་པར་མཛོད་བསྔོགས་ཡིན། །བལྟས་ཀྱིན་སྙིང་ལ་བབས་པ། །མཛེས་མ་ཁྱེད་ཀྱི་ཁྱད་ཆོས།།
o རྒན་ལགས།་དེ་རིང་ཚེས་པ་བཅོ་ལྔ་མ་རེད་དམ།
o མཛེས་མར་བསྟོད་ཚིག་འབྲི་བ། །ཉན་ཐོས་ལུགས་ལ་མི་མཐུན། །ཐེག་ཆེན་གསང་སྔགས་ལུགས་ལ། །བསོད་ནམས་འཛད་མེད་འབྱུང་རྒྱུ།།
o བུད་མེད་ཤེས་རབ་རང་བཞིན། །སྤངས་ནས་ནགས་ཁྲོད་དབེན་པར། །ཚེ་དང་སྒྲུབ་པ་མཉམ་ནའང་། །གཉུག་མའི་འོད་གསལ་མི་འཆར།།
o དེ་དེ་བཞིན་ནོ།
o ཁོ་བོ་མོ་དད་ཆེ་བ། །མི་ཡི་ལྷན་སྐྱེས་རང་གཤིས། །མཛེས་མར་སྙན་ཚིག་འབྲི་བའང་། །ཁོ་བོའི་སོར་རྩེའི་རང་གཤིས།།
o ཁྱེད་ལ་ཐུགས་མོས་ཡོད་ན། །ཁྱེད་ཀྱི་གནས་ཚུལ་ཞིག་ཤོད། །ཁོ་བོས་དེ་དང་འཚམས་པའི། །རང་གི་གནས་ཚུལ་ཞིག་བཤད།།
o བཤད་རྒྱུྲ་གང་ཡང་མི་འདུག་མོད་
o རེ་བ་གཅིག་བཞུ་དགོས་སྙམ།
o མཛེས་མའི་རེ་བ་སྒྲུབ་པར། །དཔའ་བོའི་སྲོག་སྙིང་ཕུལ་ཡོད། །བྲང་ཁོག་ནང་གི་སྙིང་འདིའང་། །ཁྱེད་ཀྱི་རེ་དོན་འགྲུབ་རྒྱུ།།
o ཧ་ཧ་་་་་་་ང་རང་སྙན་ངག་འབྲི་མི་ཤེས་པས་བསླབ་རོགས།
o ཐུགས་རྗེས་གཟིགས།
o ཕྱི་རོལ་ཆར་པའི་ཤག་སྒྲ། །ཁྱེད་ཀྱིས་བཏགས་པའི་ཡིག་འབྲུ། །སྙན་འཇེབ་རོལ་དབྱངས་ལྷན་དུ། །སེམས་ཀྱི་གཏིང་ལ་བཞུར་སོང་།།
o འཆི་མེད་བཞིན་བཟང་ཁྱེད་ཀྱི། །སྣང་ཚུལ་མིན་པའི་གནས་ཚུལ། །ཁོ་བོར་ལན་གཅིག་བཤད་ན། །ཁྱེད་ཀྱི་རེ་འདོད་རྫོགས་ངེས།།
o སྣང་ཚུལ་མིན་པའི་གནས་ཚུལ་ཇི་འདྲ་ཞིག་??
o ཁྱེད་ཀྱི་དགའ་ཕྱོགས་མཛེས་པོ། །ཁྱེད་ཀྱི་འཁྲུངས་ཡུལ་སྐྱིད་པོ། །ཁྱེད་ལ་དགའ་རོགས་ཡོད་མེད། །ཁྱེད་ཀྱི་དྲང་པོར་བཤད་དགོས།།
o དགའ་རོགས་ང་ལ་དགོས་པ་མི་འདུག།
o མི་ཚེའི་མྱ་ངམ་ཐང་ཆེན། །ཁེར་རྐྱང་གོམ་པས་གཞལ་བ། །མི་ཡི་མི་ཚེ་མ་རེད། །རླུང་ཁའི་འཇག་སྐྱ་དངོས་རེད། །
o ཧ་ཧ་
o གནས་ཚུལ་ཁོང་དུ་སྦེད་པ། །ཤར་ཕྱོགས་བུ་མོའི་རང་གཤིས། །འདོད་རྩེ་ཁོང་དུ་སྦེད་པའང་། །ཤར་ཕྱོགས་བུ་མོའི་རང་གཤིས།།
o ཆར་པ་བབས་མཚམས་ཆད་སོང་། །ང་རང་གཅིན་པ་བྲོ་སོང་། །ལན་གཅིག་ཕྱི་ལ་སོང་ནས། །ལམ་སེང་ནང་ལ་སླེབས་ཡོང་།།
o ཝ་ཎའི་སློབ་གླིང་དེ་རུ། །འདོད་བརྩེའི་སློབ་ཁྲིད་ཡོད་ཀད། །ཨ་ནེ་གྲྭ་པ་དེ་ཚོའང་། །འདོད་པའི་མཚོ་ལ་རྐྱལ་ཀད།།
o བལ་པོའི་ཡུལ་ནས་སྐྱེས་པའི། །ཝ་ཎའི་སློབ་ཕྲུག་ཡིན་པའི། །བོད་ཡིག་འབྲི་སློག་ཤེས་པའི། །ཁྱེད་ལ་མཇལ་བས་དགའ་བྱུང་།།