གནས་ཚུལ་མཁོ་གཏོང་བ་བསོད་ནམས།
༢༠༡༢ལོའི་ཟླ་༡༠ཚེས་༦ཉིན་གྱི་ཕྱི་དྲོར་འབྱོར་བའི་གནས་ཚུལ། ད་ལྟ་རང་རྒྱུས་ལོན་བྱུང་བ་ལྟར་ན། གཙོའི་གྲོང་ཁྱེར་གྱི་འབྲེལ་ཡོད་སྡེ་ཁག་དང་སྤྱི་བདེ་མི་སྣ། དེ་བཞིན་སྣ་བུག་ཞང་གི་ལས་བྱེད་བཅས་ཀྱིས་རྡོ་དཀར་དགོན་པའི་གྲྭ་མང་སྐོང་འགུག་བྱས་ནས་ཐོག་མར་ཤེས་རྟོགས་བྱུང་མཁན་འདྲི་བརྩད་དང་། གཙོ་བོ་དཔར་དང་གནས་ཚུལ་བྱུང་རིམ་ཁག་རྒྱལ་སྤྱིའི་ཐོག་ལ་ཁྱབ་བསྒྲགས་མི་བྱེད་རྒྱུ་གལ་ཆེན་ཡིན་སྐོར་སོགས་ཀྱི་ཐ་ཚིག་བསྒྲགས་ནས་བོད་ནང་གི་དགོང་མོའི་དུས་ཚོད་༨པའི་སྟེང་ད་དུང་སོ་སོའི་རང་ཤག་ཏུ་བཏང་མི་འདུག
ཟླ་༡༠བའི་ཚེས་༧ཉིན། དེ་རིང་འབྱོར་བའི་གནས་ཚུལ། འབྲེལ་ཡོད་སྲིད་གཞུང་གི་མི་སྣ་ཚོས་དགོན་པའི་གྲྭ་མང་ལ་འཇིགས་སྐུལ་དོགས་འདྲི་སྣ་ཚོགས་བྱས་མཐར། དགེ་འདུན་པ་ཁ་ཤས་ལ་འདས་པོའི་སྐུ་ཕུང་བདག་གཉེར་བྱེད་མཁན་དང་། པར་རྒྱག་མཁན། ཐོག་དང་བོར་ཁ་པར་བཏང་སྟེ་ནང་མིར་འདས་བོའི་གནས་ཚུལ་བཤད་མཁན་རེད་ཟེར་ནས་ཉེས་འཛུག་བྱས་ཏེ་དགེ་འདུག་པ་ཁ་ཤས་འཛིན་བཟུང་བྱེད་རྩིས་བྱས་ཀྱང་། དགོན་པ་དང་ཚོ་བའི་མི་སྣ་ཚོས་སྲིད་གཞུང་ལ་བཙན་ཁྲིད་བྱེད་དུ་མ་བཅུག་པར་བར་སྐབས་དགོན་པའི་དོན་དམ་ཁང་དུ་བཀག་ཉར་བྱས་ཡོད་འདུག རྡོ་དཀར་ཚོ་བ་གསུམ་གྱིས་མི་མང་གིས་མེ་སྲེག་གི་ངོ་རྒོལ་དང་དགོན་པའི་བར་དུ་འབྲེལ་བ་མེད་པས་དགོན་པའི་གྲྭ་བ་གཅིག་ཀྱང་འཛིན་བཟུང་བྱས་མི་ཆོག གལ་སྲིད་འཛིན་བཟུང་བྱས་ཚེ་ང་ཚོར་ཉེས་མེད་ཉེས་འཛུགས་བྱས་པ་ཡིན་པས། ང་ཚོ་ཡང་མཐའ་གཅིག་ཏུ་ཁོང་ཚོའི་རྒྱབ་རྩར་ལང་གི་ཡིན་ཟེར་ནས་སྲིད་གཞུང་གི་མི་སྣར་བརྡ་སྤྲད་འདུག ཁ་སང་ཕྱི་དྲོ་དང་ལྷག་པར་དེ་རིང་ཞོགས་པ་ནས་ས་ཕྱོགས་གཞན་དང་གཞན་ནས་འདས་པོ་ཁོང་ཚང་ལ་འདས་མཆོད་ཀྱི་མཆོད་མེ་འཁྱེར་ཡོང་མཁན་ཧ་ཅང་མང་བོ་འབྱོར་དང་འབྱོར་བཞིན་ཡོད་པ་དང་། ཁོང་ཚོས་ནང་མིར་སེམས་གསོ་དང་གདུང་སེམས་མཉམ་བསྐྱེད་ཤུགས་ཆེན་བྱེད་བཞིན་ཡོད་པས། འབྲེལ་ཡོད་ས་གནས་སྲིད་གཞུང་གི་མི་སྣ་དང་སྤྱི་བདེ་ཅུས་ཀྱིས་འདས་བོའི་ནང་མི་ཚོར་མྱུར་དུ་སྐུ་ཕུང་ཞུགས་འབུལ་བྱ་དགོས་པ་མ་ཟད། ད་ཕྱིན་ཆད་ཕྱོགས་མཐའ་ཁག་ནས་འདས་མཆོད་དུ་ཕེབས་མཁན་ཚོར་སྣེ་ལེན་བྱས་མི་ཆོག་ཟེར་ནས་བཙན་བཀའ་དྲག་པོ་བཏང་འདུག ད་ལྟ་གནས་སྐབས་རིང་དགོན་པ་དང་སྲིད་གཞུང་གི་བར་འདི་ལྟར་ཛ་དྲགས་ངང་ལྷག་འདུག་པས་གནས་ཚུལ་ཅི་འབྱུང་ཆ་མི་ཚལ་བས་གཞུག་ནས་དུས་ཐོག་ཏུ་བརྒྱུད་ལམ་ཁག་ཏུ་གཏོང་ངེས་ཡིན།
འདི་དང་མཉམ་དུ་པར་ཞིག་ཡོད་པ་དེ་དགོན་པའི་ནང་འབྱོར་ཡོད་པའི་ཉེན་རྟོག་པ་དང་སྲིད་གཞུང་གི་མི་སྣ་ཚོའི་རླངས་འཁོར་རེད། འདིའི་སྐོར་ལ་ད་དུང་དྲི་བ་ཡོད་ན་ཨང་གྲངས་ ༩༩༠༡༧༧༥༡༩༡ འདིའི་སྟེང་འབྲེལ་བ་གནང་རོགས།
དགོན་པ་དེའི་མདུན་ཐང་ན་མེ་ལ་སྲེག་རྒྱུའི་རླངས་འཁོར་ཆུང་ཆུང་གསུམ། རླངས་འཁོར་དེ་འདྲ་དང་གཞང་བཙོང་མ་དེ་འདྲ་དགོན་པའི་ནང་མ་དགོས་མཐའ་ལ་ཡང་ཡོང་མི་ཆོག་པ་ཞིག་བྱེད་དགོས་པ་རེད། ཁ་འཁོར་རྒྱུ་དེ་ཚོ།
ངོ་མ་རྡོ་དཀར་དགོན་པའི་གྲྭ་མང་དེ་སྡེ་མི་ཚོར་ཐུགས་རྗེ་ཆེ་ཞུ། ང་ཚོ་སྒང་བ་བོད་པ་ཚང་གི་གཏམ་དཔེ་ཞིག་ལ སྐྱིད་ཀྱི་རྟ་ཕོ་མཉམ་ཞོན་དང་ སྡུག་གི་ཁུར་བོར་མཉམ་ཁུར་བྱས་ན་ རྒྱ་དམར་ཚང་ར་ཅི་ལས་ཤིག་མེད་ཀ་ ངོ་མ་རྡོ་དཀར་དགོན་གྲོང་ཡོང་ལ་ཐུགས་རྗེ་ཆེ་ཞུ
མི་མང་འདི་ཚོར་སྙིང་དབུས་ནས་ཐུགས་རྗེ་ཆེ་ཞུ་རྒྱུ་ཡིན་མུ་འཐུས་ནས་འདས་པོའི་ནང་མི་དང་དགེ་འདུན་པ་ཚོར་རྒྱབ་སྐྱོར་གནང་རོགས་ཞུ་རྒྱུ་ཡིན། དངོས་གནས་སེམས་སྐྱོ་དགོས་པ་རང་རེད།།
རྡོག་རྩ་གཅིག་ཏུ་སྒྲིལ་བའི་ནུས་ཤུགས་འདི་འདྲ་རེད། དེར་ནང་བཞིན་བོད་མི་ཚང་མིའི་ནམ་ཡིན་ན་རྡོག་རྩ་གཅིག་སྒྲིལ་བྱེད་རོགས། གལ་སྲིད་རྡོ་དཀར་ཚོ་བ་གསུམ་ལ་གཅིག་སྒྲིལ་མེད་ན་རྒྱ་དམར་གཞུང་གིས་གང་བྱུང་བྱེད་སྲིད།
དཔེ་འདི་ལ་བཞག་ནས་ད་ཕྱིན་ཆད་ཆོལ་ཁ་དང་ཆོས་ལུགས་ཀྱིས་ཕྱོགས་རེས་མི་བྱེད་པ་ནུས་ཤུགས་གཅིག་ཏུ་སྒྲིལ་རོགས། ཕྱོགས་རེས་དང་ཐེན་འཁྱེར་ནི་རང་ཉིད་གསོད་པའི་དུག་ཡིན་པ་ནམ་ཡང་ཤེས་བར་མཛོད་ཅིག་བོད་མི་ཚོ།
རྡོག་རྩ་གཅིག་ཏུ་སྒྲིལ་ལ་ནུས་བ་ཆེན་པོ་འདུག ད་དུང་ནུས་ཤུགས་འདོན་གང་ཐུབ་གནང་རོགས་ཐུགས་རྗེ་ཆེ།