རྟ་མགྲིན་མཚོ་ལགས་ཀྱི་སྐུ་པར་ཁག་ཅིག

Comments (10) on “རྟ་མགྲིན་མཚོ་ལགས་ཀྱི་སྐུ་པར་ཁག་ཅིག”

1. དཀོན་མཆོག་མཁྱེན ད་དུང་ཨ་རིའི་རླུང་འཕྲིན་དྲ་གནས་ལ་བལྟས་ན་ དེ་རིང་ཕལ་ཆེར་བོད་ནང་ནས་བོད་མི་ལྔ་ཙམ་རང་ལུས་མེ་སྲེག་བཏང་འདུག་ཟེར་གི ཉི་མ་ཞིག་ལ་བོད་མི་ཚར་རྒྱུ་རེད་ རང་ལོ་བཅོ་ལྔ་དང་བཅུ་དྲུག་ ཉེར་གསུམ་ཅན་ ཆུང་ཆུང་ཏག་ཏག་རེད་ ཨ་རིའི་རླུང་འཕྲིན་ཁང་ལོ་བལྟ་འདོད་ཡོད་ན་འོག་གི་ཁ་བྱང་དེ་བསྣུན་རོགས་རོགས http://www.voatibetanenglish.com/content/article/1539212.html

2. ཤར་ཕྱོགས་ཁུག་རྟས། ༼ནང་མི་ནང་དུ་མེད་པ་དང་ཡུན་ཙམ་དོ་སྣང་བྱུང་མི་འདུག༽ཟེར་བ་བདེན་ན། ས་ཆ་དེ་ན་མི་ཚང་གཅིག་ལས་མེད་པ་འདྲ། གད་མར་ཐང་ཟེར་བ་དེ། སྒྲོ་རོང་པོའི་སློབ་གྲྭ་ཡོད་ས་དེ་ཨེ་རེད། དེ་ཡིན་ན། མི་མེད་ལུང་སྟོང་ཞིག་ཡིན་རབས་མི་འདུག

3. གད་མར་ཐང་ནི་རྟ་མགྲིན་མཚོ་ལགས་ཀྱི་ནང་གི་མདུན་རེད། རྟ་མགྲིན་མཚོས་རང་སྲེག་གཏོང་སྐབས་ནང་མི་མེད་པ་དང། སྒོ་ཕྱིར་བུད་ནས་རང་སྲེག་གཏོང་སྐབས་ཀྱང་ཡུད་ཙམ་དོ་སྣང་མ་བྱུང་བས་འཚིགས་འཚབ་ཆེ་བས་དེ་ག་རང་སྐུ་གཤེགས་འདུག རྒྱུ་མཚན་དེས་སྐད་འབོད་གང་ཡིན་གསལ་བོ་བྱུང་མི་འདུག གནས་ཚུལ་འདི་ས་གནས་རང་ནས་འབྱོར་བའི་གནས་ཚུལ་ཡིན།

4. ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ།

5. དཀོན་མཆོག་མཁྱེན། ང་ཚོ་བོད་མིའི་ལས་འདི་ངོ་མ་ཡ་ང་བ་ཞིག་རེད། དཔའ་བོ་དང་དཔའ་མོ་མང་པོ་ཞིག་མདུན་ལ་གཤེགས་ཚོར་སོང་། ཤུལ་དུ་ལུས་པ་ནི་ད་ཕྲུག་དང་ཕ་མ་རྒས་ཁོག་ཚོ་རེད། ཨ་ཚི། ངོ་མ་བྱེད་ཐབས་མེད་པའི་གནས་སྟངས་ཤིག་ལ་ང་ཚོ་ལྷུངས་ཚོར་འདུག

6. བཟའ་བཏུང་ཅ་དངོས་ཕུད་ཀྱིས་མཆོད་པའི་དཀོན་མཆོག་གསུམ། །
   རྟ་རྒན་བཞིན་དུ་གསོས་པའི་ལྷ་དང་སྲུང་མའི་ཚོགས། །
   གསོད་ཕག་འདྲ་བའི་འཚིམ་མེད་ཡུལ་ལྷ་སྦྱིན་བདག་སོགས། །
   ད་ནི་མཐུ་རྩལ་ནུས་པ་ཡོད་ན་སྟོན་རན་འདུག །

7. ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ།

8. སྔོན་མ་ཞིག་ལ་བོད་ལ་མགོ་ཡོད་ཀྱང་མཇུག་མེད། ཤིན་ཇང་ལ་མཇུག་ཡོད་ཀྱང་མགོ་མེད་ཟེར་སྲོལ་ཞིག་ཡོད་ཨ། དེང་སང་བོད་ལ་ཡང་མགོ་ཡོད་མིན་མི་ཤེས་ཏེ་མཇུག་མེད་ཟེར་ཐབས་མི་འདུག་ག

9. ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ།

10. ༄༄། །བོད་མིའི་ཚེ་སྲོག་གི་མཆོད་པ།
    འགྲོ་བ་མི་རུ་སྐྱེས་པའི་གོ་ཆོད་ཅིང་། །རྩམ་གཟན་བོད་མིར་སྐྱེས་པའི་སྒོས་གོ་ཆོད། །ཆོས་ལྡན་ཞིང་དུ་སྐྱེས་པའི་དམིགས་གོ་ཆོད། །གཉན་འཕྲང་དུས་སུ་སྐྱེས་པའི་ཡང་གོ་ཆོད། །སྐྱེས་པའི་རྗེས་ལ་ནམ་ཞིག་འཆི་ངེས་ཡིན། །སྐྱེས་ཡུལ་མཆོག་སྟེ་འཛམ་གླིང་རྩེ་མོ་ཡིན། །རྟེན་གྱི་མཆོག་སྟེ་དལ་འབྱོར་མི་ལུས་ཡིན། །རིགས་ཀྱི་མཆོག་སྟེ་ཐུ་བྷོད་མི་རིགས་ཡིན། །སྟོན་པ་མཆོག་སྟེ་ཤཱཀྱ་ཐུབ་པ་ཡིན། །ལྟ་བ་མཆོག་སྟེ་རྟེན་ཅིང་འབྲེལ་འབྱུང་ཡིན། །སྤྱོད་པ་མཆོག་སྟེ་འཚེ་མེད་ཞི་བ་ཡིན། །འཆི་ལུགས་མཆོག་སྟེ་ལུས་སྲོག་སྲེག་འབུལ་ཡིན། །འཕོ་ཡུལ་མཆོག་སྟེ་བདེ་བ་ཅན་གྱི་ཞིང་། །འདྲེན་པ་མཆོག་སྟེ་སྤྱན་རས་གཟིགས་དབང་ཡིན། །བླ་མ་རྩ་གསུམ་རྒྱ་མཚོ་སྤྱན་འདྲེན་གཤེགས། །ཉི་ཟླ་པདྨའི་གདན་ལ་མངོན་པར་བཞུགས། །ལུས་ངག་ཡིད་གསུམ་ཕྱི་ནང་གསང་མཆོད་བཞེས། །ཉམ་ཐག་འགྲོ་བའི་མགོན་དང་དཔང་དུ་བཞུགས། །སྤྱན་རས་གཟིགས་ཀྱི་གདུལ་ཞིང་གངས་ལྗོངས་ན། །ཡང་ཡང་འབར་ཞིང་ཆེ་ནས་ཆེར་འབར་བའི། །མེ་ཡི་ཕུང་བོ་འདི་དག་གཟིགས་ལགས་སམ། །བླ་མ་སྤྱན་རས་གཟིགས་དབང་གདན་འདྲེན་ཆེད། །ཁ་བ་རི་བའི་ཆོས་སྲིད་རང་དབང་སླད། །རྩ་ཆེའི་སྲོག་གི་མཆོད་པ་འདི་འབུལ་ན། །རིང་ནས་སྙིང་དུ་བརྣག་པའི་འདོད་པའི་དོན། །ཡོངས་རྫོགས་གངས་ལྗོངས་རང་དབང་བདེ་སྐྱིད་དཔལ། །མྱུར་དུ་འཆར་བའི་ཐུགས་རྗེ་མཐུ་དཔུང་བསྐྱེད། །བོད་རྒྱ་གཙོ་བྱས་ཁམས་གསུམ་སེམས་ཅན་ཀུན། །འདོད་ཆགས་ཞེ་སྡང་ང་རྒྱལ་ཕྲག་དོག་སྟེ། །དུག་གསུམ་དུག་ལྔའི་རྩ་བ་མ་རིག་པའི། །དབང་གྱུར་ལས་ངན་གཏོས་ཆེན་བསགས་པ་རྣམས། །ཚེ་སྲོག་མེ་མཆོད་འདི་ཡིས་བསྲེགས་གྱུར་ཅིག །རྩ་ལྟུང་བཅུ་བཞི་སྦོམ་པོ་རྣམ་པ་བརྒྱད། །སོ་ཐར་བྱང་སེམས་གསང་བ་སྔགས་གསུམ་གྱི། །སྡོམ་པ་བསླབ་པ་དམ་ཚིག་ཉམས་ཆག་ཀུན། །ཚེ་སྲོག་མེ་མཆོད་འདི་ཡིས་དག་གྱུར་ཅིག །ཁྱད་པར་ཆོས་རྒྱལ་སྐུ་ན་རིམ་བྱོན་དང་། །སྤྱན་རས་གཟིགས་དབང་ངུར་སྨྲིག་རྣམ་རོལ་གྱིས། །ཤ་གཟན་གདོང་དམར་འདུལ་དང་འདྲེན་པའི་ཚེ། །བླ་མའི་སྐུ་ལ་ངན་སེམས་ཁྲག་ཕྱུངས་སོགས། །འགྲོ་བ་ཐམས་ཅད་དུས་གཅིག་བསད་པ་ལས། །ལྷག་པའི་ལས་ངན་སྡིག་ལྟུང་ཅི་བསགས་ཀུན། །བོད་མིའི་སྲོག་མཆོད་འདི་ཡིས་དག་གྱུར་ནས། །བདེ་བའི་དབུགས་དབྱུངས་མགོན་སྐྱབས་དཔུང་གཉེན་མཛོད། །དབེན་པར་བསྟེན་ཀྱང་རང་སེམས་མ་ཐུལ་ལ། །ཆོས་གྲྭར་བསྡད་ཀྱང་གནས་ལུགས་མ་རྟོགས་པར། །ཆོས་ལ་བརྟེན་ནས་ཆོས་མིན་ལས་ངན་བསགས། །ཡེ་ཤེས་སྤྱན་ལྡན་འཁྲུགས་ནས་སྡོངས་གྲོགས་ཡལ། །སྤྱོད་ངན་རང་གིས་བྱས་ཀྱང་གནོངས་འགྱོད་མེད། །དགྲ་གྲོགས་འཛིན་སྟངས་འཁྲུལ་ནས་བཟང་བོ་བཅོམ། །བྱས་པ་རྗེས་ཅན་གང་མང་ཕྲ་མས་བསད། །སྟོན་པ་གཅིག་པའི་བསྟན་འཛིན་དབྱེན་ཡང་བྱས། །འདི་འདྲའི་ལས་ངན་ཡང་ཡང་བསགས་པའི་མཐུས། །བོད་ས་ལག་མཐིལ་ཙམ་ཡང་མ་ལྷག་པར། །སྣོད་བཅུད་དུས་གཅིག་རྒྱ་འདྲེའི་ལག་ཏུ་ཤོར། །བོད་མི་ས་ཡ་མང་བོའི་གཅེས་སྲོག་འཕྲོགས། །དགོན་སྡེ་གྲངས་མེད་གྱང་གོག་འཇག་སྐྱ་འཕྱུར། །རི་བོ་གྲུ་འཛིན་གསེར་ཁྲི་རེ་ཞིག་སྟོང་། །འདི་ནི་ལས་འབྲས་བསླུ་མེད་བདེན་པ་དེ། །འདི་ལས་ལྷག་པའི་ཆོས་་ཤིག་རྙེད་དུ་མེད། །འདི་ལས་ལྷག་པའི་བསླབ་བྱ་གང་ནས་འཚོལ། །འདི་ལས་ལྷག་པའི་མེ་ལོང་གང་ན་མཆིས། །འདི་ལས་འགོངས་ནུས་སུ་གང་ཡོད་མ་ཡིན། །ས་ཆུ་མེ་རླུང་ནམ་མཁའ་གང་ལའང་། །སྨིན་པར་མི་འགྱུར་རང་བྱས་རང་ལ་སྨིན། །བཅོམ་ལྡན་འདས་ཀྱི་བཀའ་སྟེ་རྡོ་རྗེའི་གསུང་། །ཡང་ཡང་བསྒྲགས་ཀྱང་ད་དུང་མི་གོ་བ། །ཀྱེ་མ་ལས་ངན་ནང་གི་ལས་ངན་སྟེ། །ཐུགས་རྗེ་ལྕགས་ཀྱུས་གཟུང་ལ་ངལ་བ་ཆེ། །སྲིད་པའི་སྡུག་བསྔལ་མ་ལུས་གཞོམ་འདོད་ཅིང་། །སེམས་ཅན་མི་བདེ་སེལ་བར་བརྩོན་པ་དང་། །འགྲོ་བ་ཐམས་ཅད་བདེ་ཞིང་སྐྱིད་འདོད་རྣམས། །བྱང་ཆུབ་སེམས་ཀྱི་མེ་ལྕེ་སྦར་བར་བྱ། །འདི་ནི་ཚད་མེད་སྙིང་རྗེའི་མེ་ཆེན་སྟེ། །འགྲོ་ཁམས་རྒྱ་མཚོའི་སྙིང་གི་དུ་ཁཿབསྲེགས། །འདི་ནི་བྱམས་པའི་མེ་དཔུང་འབར་བ་སྟེ། །རང་གི་བདེ་བས་གཞན་གྱི་སྡུག་བསྔལ་བསྲེགས། །འདི་ནི་བཏང་སྙོམས་ཆེན་པོའི་མེ་ལྕེ་སྟེ། །ཚར་གཅོད་རྗེས་འཛིན་ཉེ་རིང་ཆགས་སྡང་མེད། །གཟུང་འཛིན་འཁྲུལ་བའི་ཚང་ཚིང་ལྷག་མེད་བསྲེགས། །འདི་ནི་གངས་ཀྱི་ཡུལ་ན་འབར་བའི་མེ། །སྙིང་རྗེའི་མེ་དང་ཤེས་རབ་ཆེན་པོའི་མེ། །བྱམས་པའི་མེ་དང་སྙིང་སྟོབས་ཆེན་པོའི་མེ། །བདེན་པའི་མེ་དང་རང་བཞིན་དག་པའི་མེ། །འདི་ནི་ལས་ངན་སྡིག་སྒྲིབ་སྲེག་པའི་མེ། །འདི་ནི་ཞི་བདེའི་སྐྱ་རེངས་བསུ་བའི་མེ། །འདི་ནི་རང་དབང་ཉིན་བྱེད་འདྲེན་པའི་མེ། །འདི་ནི་འཇིག་རྟེན་ཞི་བདེའི་སྒྲོན་མེ་སྟེ། །མེ་མཆོད་འདི་ཡི་རྟེན་དུ་གྱུར་བ་རྣམས། །འཕགས་པ་སྤྱན་རས་གཟིགས་ཀྱིས་རྗེས་བཟུང་སྟེ། །རྣམ་དག་བདེ་ཆེན་ཞིང་དུ་བརྫུས་འཁྲུངས་ནས། །འགྲོ་བ་འདྲེན་པའི་དེད་དཔོན་ཉིད་གྱུར་ཅིག །ཅེས་པ་འདི་ནི། བོད་ཆུ་འབྲུག་ལོའི་དབྱུག་ཟླའི་ཚེས་ཉེར་གཉིས་ཉིན། རྒྱལ་བ་ལྷ་ལས་བབས་པའི་དུས་ཚེས་ཁྱད་པར་ཅན་གྱི་ཐོ་རེངས་དང་བོར་འདི་འདྲ་ཞིག་འབྲི་འདུན་ཤར་བ་དང་། དྲ་གྲོགས་ལྷག་བསམ་དད་བརྩོན་དང་ལྡན་པ་དགེ་སློང་ཕུན་ཚོགས་དབང་འདུས་ལགས་ནས། རྩོམ་སྐུལ་བྱུང་བ་བཞིན། བར་གསེང་གི་དུས་ཚོད་ལ་གང་ཤར་ལྷུགས་པར་གཟུགས་སུ་བསྟར་བ་འདིས་ཀྱང་། བར་ལམ་མདོ་སྨད་རྔ་བ་ནས་རིམ་པས་མཆེད་པའི་བོད་གངས་ཅན་གྱི་བདེན་པའི་མེ་ལྕེ་བསྒྲོན་མཁན་སྐུ་གཤེགས་རྒྱལ་གཅེས་སེམས་དཔའ་སེམས་མ་རྣམས་ལ་བླ་མེད་གུས་འདུད་དང་མྱ་ངན་ཟབ་མོ་མཚོན་པར་བྱེད་འདོད་ཅིང་། ཁོང་རྣམ་པའི་ཚེ་གྲོགས་དང་ཕ་མ་བུ་ཕྲུག ཕུ་ནུ་མིང་སྲིང་། ཤ་ཉེ་རིང་ཐམས་ཅད་ལ་སྡུག་བསྔལ་གྱི་ཚོར་བ་དཔག་ཏུ་མེད་པས་རབ་ཏུ་མནར་བཞིན། མྱ་ངན་གུས་འདུད་དང་། ཐུགས་གསོ་ཞུ་བ་དང་འབྲེལ། བོད་མི་འདས་གསོན་ཐམས་ཅད་ཀྱིས་རིང་ནས་སེམས་ལ་བརྣག་པའི་འདོད་དོན། ༧གོང་ས་ལྷ་མིའི་རྣམ་འདྲེན། འཇིག་རྟེན་ཞི་བདེའི་དེད་དཔོན་ཆེན་པོ། ས་སྟེང་རྒྱལ་བསྟན་ཡོངས་རྫོགས་ཀྱི་མངའ་བདག རྒྱལ་དབང་སྐུ་ཕྲེང་བཅུ་བཞི་བ་བསྟན་འཛིན་རྒྱ་མཚོ་མཆོག རིང་བོར་མི་ཐོགས་པར་རང་ཡུལ་གངས་ཅན་ལྗོངས་སུ་ཆིབས་ཁ་མངོན་པར་བསྒྱུར་ཏེ། མི་འགྱུར་ཕོ་བྲང་ཆེན་པོ་པོ་ཏ་ལའི་གསེར་གྱི་ཁྲི་འཕང་མཐོན་པོར་ཞབས་སེན་བཀྲ་ཤིས་རི་མོ་ལེགས་པར་འཁོད་ནས། བོད་གཞིས་བྱེས་མཉམ་འཛོམས་ཀྱི་བདེ་བ་དང་སྐྱིད་པའི་དཔལ་ཐམས་ཅད་ཉེ་བར་བསུ་བའི་རྒྱུར་སྨོན་པའོ། །ས་མཐའི་སྤྲང་འཁྱམས་སྔགས་མིང་ཨོ་རྒྱན་ཆེ་མཆོག་ཧེ་རུ་ཀའམ། སྐྱེས་མིང་གདུགས་དཀར་ཚེ་རིང་དུ་འབོད་པས་བོད་ཆུ་འབྲུག་དབྱུག་ཟླའི་ཚེས་༢༥ལ། བྱང་ཨ་རིའི་མཚོ་གླིང་མཱ་ཝེ་ནས་སྨོན་པ་དེ་དེ་བཞིན་དུ་འགྲུབ་པར་གྱུར་ཅིག། བཀྲ་ཤིས། དགེ་ལེགས་འཕེལ།།