འབྲེལ་ཡོད་ནས་ཁུངས་ལྡན་གནས་ཚུལ་འབྱོར་གསལ་ལྟར་ན། ཕྱི་ཟླ་ ༡༡ ཚེས་ ༡༦ ཉིན་མདོ་སྨད་རེབ་གོང་མདོ་བ་མཁར་སྐྱ་ནས་ཡིན་པའི་དགེ་འདུན་པ་བརྩོན་འགྲུས་ཆོས་ལྡན་དང་དཀོན་མཆོག་བསོད་ནམས་གཉིས་འཇུ་བཟུང་བཙན་ཁྲིད་བྱས་འདུག རེབ་གོང་མདོ་བ་ནས་ཚེས ༧ དང་ཚེས་ ༨ ཚེས་༡༢ བཅས་སུ་བསྟུན་མར་རྒྱལ་གཅེས་དཔའ་བོ་བཞིས་རང་ལུས་མེར་བསྲེགས་ཀྱི་རྒྱ་གཞུང་ལ་ངོ་རྒོལ་བྱས་ཏེ་སྐུ་དྲུང་ཡོད་འདུག་ལ། དགེ་འདུན་པ་ཁོང་གཉིས་རྒྱལ་གཅེས་དཔའ་བོའི་སྐལ་བཟང་སྦྱིན་པའི་གྲོགས་པོ་ཡིན་པས་རྒྱལ་གཅེས་དཔའ་བོ་ཁོང་གི་འདས་མཆོད་སྒྲུབ་པར་ཕེབས་ཡོད་པ་དང་། ཕྱི་ཟླ་ ༡༡ ཚེས་ ༡༦ ཉིན་མདོ་བ་ནས་རེབ་གོང་རོང་བོ་དགོན་ཆེན་ལ་འགྲོ་སྐབས། ལམ་བར་གྱི་བོན་པོ་ཉག་ཁ་ཞེས་པར་ཉེན་རྟོག་པས་གསང་སྒུག་བྱས་ཏེ། དགེ་འདུན་པ་གཉིས་དང་འགྲོ་རོགས་མདོ་བའི་རྒན་པོ་ཁ་ཤས་བཅས་ཚང་མ་འཇུ་བཟུང་བཙན་ཁྲིད་བྱས་ཡོད་འདུག རེབ་གོང་ཐོ་རྒྱ་སྡེ་བར་སླེབས་མཚམས་རྒན་པོ་ཚོ་གློད་གྲོལ་བྱས་ཡོད་ནའང་དགེ་འདུན་པ་གཉིས་གང་དུ་ཁྲིད་མིན་ཤེས་རྟོགས་ཐུབ་མེད་པས། ནང་མི་དང་འབྲེལ་ཡོད་ནས་སེམས་ཁྲེལ་ཆེན་པོ་བྱས་པ་མ་ཟད་གྲྭ་པ་གཉིས་ཀྱི་དགེ་རྒན་ཡིན་པ་ཨ་ལགས་རྒྱ་མཚོ་དང་སྡེ་མི་ཁ་ཤས་སོང་ནས་ཉེས་མེད་ཀྱི་མི་འཇུ་བཟུང་བྱས་མི་ཆོག་པའི་ཞུ་གཏུག་ཡང་ཡང་བྱས་རྐྱེན་ཅུང་གློད་ཡོད་ནའང་བསྐྱར་དུ་འཛིན་བཟུང་གིས་གར་ཁྲིད་ཆ་མེད་ལ་གྱུར་ཡོད་འདུག
དགེ་འདུན་པ་བརྩོན་འགྲུས་ཆོས་ལྡན་ནི་རེབ་གོང་མདོ་བ་མཁར་སྐྱ་སྡེ་བའི་ཕ་མཁའ་འགྲོ་དང་མ་ཀུ་ལེ་གཉིས་ཀྱི་བུ་ཡིན་པ་དང་། རང་ལོ་༡༨ དང་། རེབ་གོང་རོང་བོ་དགོན་ཆེན་ནས་སློབ་གཉེར་གནང་གིན་ཡོད་འདུག
དགེ་འདུན་པ་དཀོན་མཆོག་བསོད་ནམས་རེབ་གོང་མདོ་བ་མཁར་སྐྱ་སྡེ་བའི་ཕ་བསོད་ལོ་དང་མ་གཡང་སྐྱིད་གཉིས་ཀྱི་བུ་ཡིན་པ་དང་། རང་ལོ་༢༡ ཡིན་འདུག ཁོང་གིས་ཀྱང་རེབ་གོང་རོང་བོ་དགོན་ཆེན་དུ་སློབ་གཉེར་བྱེད་ཀྱིན་ཡོད་འདུག ཉེ་ཆར་རྒྱལ་གཅེས་དཔའ་བོ་བཞིས་རང་ལུས་མེར་བསྲེགས་བཏང་བ་ནས་ས་ཁུལ་གཞན་ནས་དམག་མི་ལྭ་བ་སྔོན་པོ་ཅན་་རླངས་འཁོར་སུམ་ཅུ་ལྷག་འབྱོར་ནས་མདོ་བ་ས་ཁུལ་དུ་དམག་རྩེད་སྦྱོང་བ་དང་མེ་མདའ་འཛིན་པ། མཚོན་འགོག་རྒྱུག་ལེབ་འཛིན་པ་སོགས་དྲག་པོའི་རྔམ་ཟིལ་ངོམ་ནས་ཕྱི་ཚེས་༡༦ བར་བསྡད་ཡོད་པ་དང་། དེ་རྗེས་དམག་མིའི་རླངས་འཁོར་ཁ་ཤས་ཕྱིར་སོང་ཡོང་ནའང་། ཕྱི་ཚེས་ ༢༢ ཉིན་རྒྱལ་གཅེས་དཔའ་བོ་ཀླུ་འབུམ་ཚེ་རིང་གིས་རང་ལུས་མེར་བསྲེགས་གནང་རྗེས་བསྐྱར་དུ་དམག་ལ་སྔོན་པོ་ཅན་གྱི་རླངས་འཁོར་བཅུ་ཙམ་ཁ་སྣོན་ཡོང་ནས་དམ་དྲག་ཤུགས་ཆེ་བྱེད་ཀྱིན་ཡོད་འདུག
གནས་ཚུལ་ཕྱོགས་བསྒྲིགས་པ། བོན་རྒྱ་བསྟན་འཛིན་རབ་རྒྱས།
བྱེད་ནི་རེད་ཡ་རྒྱ་མི་གཤིས་གྱོང་དེ་ཚོ་ལས་སླ་མོ་འདུག་གི་མི་འདུག་དེ་དག་གི་ལག་ལ་ཤོར་ཚར་
དུས་ལས་ཡག་པོ་ཞིག་གཏན་ནས་བྱ་མི་སྲིད། དེར་རྟེན་ད་མེར་སྲེག་འཚམས་བཞག་ཐུབ་ན་ཅི་
མ་རུང་ང
སྙིང་སྟོབས་་ཅན་གྱིས་དཔའ་འོ་དཔའ་མོ་མང་པོ་ཞིག་མེ་བསྲེགས་བཏོང་ཀྱང་གྲུབ་འབྲས་གང་ཡང་མཐོན་ཐུབ་མ་སོང་་་་་དང་པོ་སྔོན་ལ་ཨ་སྒོར་དུང་ཤུར་མང་པོ་ཞིག་སྤྲོད་པ་དེ་་་་་རང་བཙན་ཚོགས་པ་དང་་་་ཆུ་བཞི་ལྒང་དྲུག་སོས་ལ་སྤྲོད་ཐུབ་པ་བྱས་དགོས་་་་་ང་ཕོད་མཆོག་གི་རང་བཙན་རྩོད་ལེན་པ་ཚོ་ལ་འགྲོ་གླིང་གི་གོ་སྐབས་མང་པོ་ཕུལ་བའི་་་་སོང་ཙམ་རྡ་ས་སྒྲིགས་འཛུགས་མི་དགའ་པའི་རྒྱུ་མཚན་དེ་རེད་་་་་་་གང་ལྟར་མིང་དམངས་ཚང་མའི་གིས་ལས་འགན་རེད་་་་་་་ཨ་སྒོར་དེ་ཚོ་རང་བཙན་རྩོད་ལེན་པ་ཚོ་ལ་སྤྲོད་དགོས་ཡོད་ཟེར་བཅས་སྐད་འབོད་ལ་འགྲོ་དགོས་ཐགས་བཅད་རེད་་་་་་ཚང་མའི་ཡར་ལངས་ཤོགས་་་་་
ཁྱེད་རང་གྱི་བཀའ་མོལ་ལ་རང་ནས་འགན་འཁྲི་འཁུར་ཐུབ་བམ། ད་བར་བོད་མི་རྣམས་ཨ་སྒོར་བསྒོ་བཤའི་ཆེད་མེར་བསྲེག་བྱས་པ་མ་རེད། སྐྱེད་པ་ཕོ་བཀའ་མོལ་དེ་ལྟར་གསུང་ཉན་ནམ།