ཨིན་ཡིག་གི་དྲ་དེབ་གྲགས་ཅན་ཞིག

ཉེ་ཆར་ནིའུ་ཡོག་ལ་བསྐྱོད་སྐབས་སུ་རང་ཉིད་ཀྱི་གྲོགས་པོ་འགའ་དང་གླེང་སློང་བྱེད་རྒྱུའི་གོ་སྐབས་བྱུང་། ང་ཚོར་སྐད་ཆ་བཤད་རྒྱུ་ཧ་ཅང་མང་པོ་འདུག བོད་གཞུང་གི་བཟང་ངན་དང་། སྔ་དེང་གི་མི་ངོ་ཤེས་མི་ཤེས་ཚོའི་ལོ་རྒྱུས། ལི་ཐང་ཨ་ཐར་སོགས་ཁམས་པ་དཔའ་བོ་ཚོའི་ལོ་རྒྱུས་སོགས་སྐད་ཆ་ལ་རྫོགས་རྒྱུ་མི་འདུག མཚམས་ཤིག་ལ་ཕར་བལྟས་ཚོད་ལ་ར་ཡང་ཅུང་ཙམ་བཟི་ཡོད་པ་འདྲ་བའི་གྲོགས་པོ་དེས་འདི་ལྟར་བཤད་བྱུང་། “དྲ་རྒྱ་ཐོག་ན་བཀླགས་ན་ཐང་ཆད་རྒྱུ་མེད་པའི་དྲ་དེབ་ཅིག་འདུག དེ་ལ་ Mountain Phoenix over tibet ཞེས་འབོད་ཅིང་། དེ་ལ་བལྟས་པ་ཡིན་ན། ཆང་གིས་ལང་ཤོར་པ་ཇི་བཞིན་ལང་ཤོར་བ་ཞིག་ཆགས་ཀྱི་རེད།”ཅེས་ཆང་གི་ཤེལ་དམ་ལ་མཛུབ་མོ་བཙུགས་ནས་བཤད་བྱུང་། ངས་ “དེ་འདྲ་ཡིན་ན་ང་ལ་ཡི་གེ་དེ་བྲི་རོགས་གནང་”ཞུས་པ་ཡིན། ཁོང་གིས་ཡི་གེ་དེ་བྲིས་ནས་ང་ལ་སྤྲད་བྱུང་། དྲ་དེབ་འདི་རྩོམ་མཁན་དེ་སུ་ཡིན་མིན་ཁོང་ལའང་བཤད་རྒྱུ་མི་འདུག འདི་ཡིན་ན། དེ་ཡིན་ན། དྭོགས་པ་འགའ་ཞིག་རེད། ང་ཚུར་ཁྱིམ་དུ་སླེབས་ནས་དྲ་དེབ་ལ་ཐེངས་གཅིག་གཉིས་ཤིག་བལྟས་པ་ཡིན། དྲ་དེབ་ཀྱི་རྩོམ་རྣམས་ནི་བརྗོད་གཞི་སྣ་ཚོགས་པ་ཞིག་གི་སྟེང་དུ་རྩོམ་འབྲི་རྩལ་ཧ་ཅང་མཁས་པོ་ཞིག་གིས་བྲིས་འདུག དེ་དག་ཀྱང་རྩོམ་པ་པོ་རང་གི་མྱོང་བ་ལ་སྦྱར་ནས་བྲིས་ཡོད་པ་དང་། བརྗོད་གཞི་གང་འདྲ་ཞིག་ལ་ཡིན་ན་ཡང་བརྗོད་གཞི་དེའི་གནད་དོན་ལ་ཅི་འཁྱོལ་འཁྱོལ་གྱིས་བསྐྱལ་འདུག རྩོམ་ཡིག་རྣམས་ལ་དཔར་སྐྲུན་བདག་དབང་ཅན་དུ་བྱས་འདུག་སྟབས་ཕྲན་གྱིས་ཚིག་ཕྲེང་འགའ་ཕབ་བསྒྱུར་བྱེད་པའི་ཚོད་ལྟ་ཡང་མ་བྱས།
དྲ་དེབ་དེའི་ངོ་སྤྲོད་དུ་སྤེལ་བ་ལྟར་ན། དྲ་དེབ་རྩོམ་པ་པོ་ནི་ནུབ་ཕྱོགས་སུ་སྐྱེས་ཤིང་འཚར་བའི་བོད་རིགས་བུད་མེད་ཅིག་ཡིན་པ་དང་། བོད་ལ་ཡང་ཡང་ཕེབས་བསྐྱོད་བྱེད་ཀྱི་ཡོད་པའི་སྐོར་ངོ་སྤྲོད་བྱས་འདུག
དྲ་དེབ་དེའི་ཁ་བྱང་ནི་འདི་རེད། གཟིགས་ཙམ་གནང་དང་།
http://mountainphoenixovertibet.blogspot.com