ཁྲོ་གཏུམ།
ཁག་དང་པོ།
འཁྱགས་རླུང་མེད་རུང་གྲང་གི
དབྱར་དགུན་མེད་པའི་དུད་ཁྱིམ་ཞིག་ལ་གནས་ཚང་གཡར་བ
དེ་རིང་གི་གྲང་རེག་ལས་ཐར་བ་མ་ཡིན་འདུག
སང་ཉིན་གྱི་ཕུགས་འདུན་ཏེ
གང་ལྟར ང་ད་དུང་གྲང་གི་འདུག
ལོ་ཟླའི་བང་རིམ་དུ་ཉི་མས་འཚིག་པའི་ངོ་གདོང་ལ
ད་ལོ་སོང་བའི་སྡོམས་རྩིས་ཀྱིས་མི་ཆོག་པར་འདུག
སང་ལོ་ཡི་རེ་བ་ལྷག་མ་སྟེ
གང་ལྟར ང་ད་དུང་གྲང་གི་འདུག
༢༠༡༢ ༡༡ ༢༨ཉིན་བྲིས།
ཁག་གཉིས་པ།
ཁྱོའི་ཁ་མཆུ་བཞུར་བར་རིན་ཐང་ཆེ་སོང་།
———ཁ་ཟླ་བའི་མ་ཁ་ནས་བཞུར་བ་དེ་བསྒྱུར་རྩོམ་ཡིན་ནམ།
གོང་མཛུབ་ཀྱིས་རྒྱའི་རྩོམ་ཡིག་ཅིག་གི་མིང་ཚིག་ཁེར་འདེད་བྱས་ཤིང
སྨྱུ་གུ་ཤོག་ངོས་སུ་རྟ་རྒྱུགས་བྱེད་ཀྱིན་འདུག
གྲལ་མཚེས་ཁྱོད་ཀྱི་དང་ཁར་ཧད་དེ་ཁོང་དགོད་ཅིག་ཤོར་སོང
ཁྱོད་ཀྱི་དང་ཁ་ན་ཁ་མཆུ་འབབ་ཀྱིན་འདུག
སྟོན་ཁའི་བསིལ་རྡོག་དག་བཞིན
ཨར་འདམ་གྱི་རྡོ་གཅལ་སྟེང་དུ་འཁྱིལ
ད་དུང་ཁྱོད་རང་བསྒྱུར་རྩོམ་གྱི་ངོགས་སུ་འཁྱམས་འདུག
མཇུག་མཐར ངས་ཁྱོད་ཀྱི་བོད་ཟས་རྩོམ་ཡིག་དེར་རོལ་དུས
ཁྱོའི་ཁ་མཆུ་བཞུར་བར་རིན་ཐང་ཆེ་སོང
ཧ….ཧ….ཧ….ཧ
༢༠༡༢ ༡༡ ༢༨ཉིན་བྲིས།
“ངོས་སྦྱོར་ཡི་གེ་ཇི་ལྟར་འབྲི”ཞེས་པའི་རྒྱའི་རྩོམ་ཡིག་ཅིག་གྲོགས་ཁ་ཟླ་བས་བསྒྱུར་བ་མཐོང་རྗེས།
ཧ་ཅང་གི་སྙན་སོང་། གོ་རྒྱུ་འདུག་ལ་ཚོར་རྒྱུ་ཡང་འདུག
ཡག་པོ་འདུག བམ་ཀློག་ཐེངས་གཅིག་བྱས་པ་ཡིན། རྗེས་སོར་ལྷོད་ཀྱིས་བཀླག་ཆོག
ཧ་ཅང་སྙན་མོོོོ་རེེེད་འདུག
ཁྲོ་གཏུམ་སྙན་ཚིག་ཁྲོ་བོ་གཏུམ་པོ་ཕྱག་དྲུག་པ་དངོས་སུ་ཕེབས་པ་འདྲྲ་ཞིག་རེད་ལགས།
ངས་རོལ་མྱོང་བྱེད་སྟངས།༼༡༽
དང་པོ། སྙན་རྩོམ་ཐུང་ཐུང་འདི་ཡིས་ས་མཐའི་དཀའ་ངལ་དེ་ཧྲོལ་གྱིས་བསྟན་འདུག།
གཉིས་པ། མ་འོངས་བའི་ཆེད་དུ་ད་དུང་དཀའ་ཚེགས་མྱོང་བཞིན་ཡོད་པ།
གསུམ་པ། བཙན་བྱོལ་ལ་འབྱོར་བ་དཀའ་ངལ་སེལ་ཚར་བ་མིན་པར་ད་དུང་བརྩོན་པ་སྐྱེད་དགོས་བའི་སྐུལ་མ་དང་། ལྡོག་སྟེ། བཙན་བྱོལ་ལ་འབྱོར་བ་ནི་ཕ་ཡུལ་ལ་སླེབས་པར་སྙམ་པའི་སྙིང་མེད་རུས་མེད་དག་ལ་དགག་པ་བྱས་འདུག
བཞི། འདས་སོང་ལ་གྲགས་ཀ་བརྩི་བ་ཙམ་དང་གླེང་ཙམ་གླེང་ཙམ་གྱིས་མི་ཆོག་པར། མ་འོངས་བ་ལa་བླ་ལྷག་གི་སྟ་གོན་དང་འཆར་གཞི་དགོས་པ་དང་་་དེ་མེད་པ་ན་དགག་པ་བྱས།
སྤྱི་ཡི་ཆ་ནས་སྙན་རྩོམ་འདི་ན་སྐྱོ་བ་དང་རེ་བ། སྙིང་སྟོབས་གསུམ་གྱི་དྲི་ངད་ཅིག་ཡེ་འབྲུ་རེ་རེ་ཡི་གསེང་ལ་འཐིམས་འདུག།
ཐུགས་རྗེ་ཆེ།