ཕྱི་ལོ་༢༠༡༢ཟླ་༡༡ཚེས་༣༠ཉིན་གྱི་བོད་ནང་གི་ཞོགས་པའི་དུས་ཚོད་༩ཡས་མས་སུ་བོད་མདོ་སྨད་རྔ་པ་རང་སྐྱོང་ཁུལ་མཛོད་དགེ་རྫོང་ཨ་སྐྱིད་ཞང་གཟའ་རུ་སྟོད་མའི་རུ་སར་ཁ་བའི་ཕུན་ཚོགས་ཚང་གི་བུ་དཀོན་མཆོག་སྐྱབས། རང་ལོ་༢༩ཡིན་པ་ཁོང་གིས་རྒྱ་ནག་གཞུང་ལ་ངོ་རྒོལ་ཆེད་བཞག་ལྡོམ་ཞང་ནས་སྤྱི་ལེ་བཅུ་ལྷག་གི་སར་ཡོད་པའི་རླངས་འཁོར་ནང་དུ་སྣུམ་བླུག་ས་ཞིག་ཡོད་པ་དེའི་སྒོ་འགྲམ་ནས་རང་ལུས་མེར་སྲེག་བཏང་འདུག་ཀྱང་། ཅུང་ཙམ་ལས་མ་འགོར་བར་ཉེན་རྟོག་པ་སོགས་སླེབས་ནས་རྔ་པ་རང་སྐྱོང་ཁུལ་གྱི་ལྟེ་གནས་འབར་ཁམས་ལ་ཁྱེར་ཡོད་པས་ཁོང་གི་ཤི་གསོན་གྱི་གནས་ཚུལ་གང་ཡང་ཤེས་རྟོགས་ཐུབ་མི་འདུག སྐབས་ཐོག་དེར་གཟའ་རུ་སྟོད་མའི་ཕོ་གསར་སྐོར་ཞིག་གིས་ཉེན་རྟོག་པའི་རྗེས་དེད་ནས་རྒྱུགས་ཡོད་ཀྱང་ཕོ་གསར་རྣམས་ཀྱང་ཕྱིར་ཡོང་མེད་པར་གྱུར་སྟབས། ད་ལྟ་སྟེ་རྒྱ་གར་གྱི་དུས་ཚོད་༧ ཙམ་ལ་ས་གནས་ཀྱི་མི་མང་ཕོན་ཆེ་འདུ་འཛོམས་བྱེད་བཞིན་པ་དང་། མི་མང་གིས་ཕོ་གསར་རྣམས་དང་དཀོན་མཆོག་སྐྱབས་བཅས་ཕྱིར་སྤྲོད་དགོས་ཚུལ་བརྗོད་ནས་ངར་ཤུགས་ཆེན་པོས་ངོ་རྒོལ་བྱས་བརྩིས་བྱེད་བཞིན་ཡོད་པས་གནས་ཚུལ་ཛ་དྲག་ཏུ་འགྱུར་བཞིན་ཡོད་འདུག
ཁོང་གི་ཕ་མིང་ལ་ཕུན་ཚོགས་དང་། མ་མིང་ལ་བློ་བཟང་སྒྲོལ་མ། རང་ལོ་༢༦ ཡིན་པའི་བཟའ་ཟླའི་མིང་ལ་པདྨ་སྐྱིད་དང་ཁོང་གཉིས་ལ་བྱིས་པ་གཉིས་ཡོད་པའི་ཆེ་བ་ལོ་༩ དང་ཆུང་བ་ལོ་༦ ཡིན་འདུག ཁོང་ལ་སྤུན་གཅིག་དང་སྲིང་མོ་གཉིས་ཡོད་འདུག་པ་བཅས།
བཞུགས་སྒར་ཀིརྟིའི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་དང་ཀ་ཉག་ཚེ་རིང་གཉིས་ཀྱིས། ཕྱི་ལོ་༢༠༡༢ ཟླ་༡༡ ཚེས་༣༠ ལ།
བོད་ནང་གི་དཔའ་བོ་ཕོ་མོ་འདས་གསོན་ཡོངས་ལ་གུས་འདུད་དང་ཁོར་རྣམ་པར་གདུང་སེམས་མཉམ་སྐྱེད་ཡོད། ཁྱེད་རྣམ་པའི་རླབས་ཆེན་བློས་བཏང་ལ་དད་གུས་ཞུ་
འདྲེ་ནག་ཁྱོད་ཀྱིས་བོད་མི་གསོན་པོ་རྣམས་ཀྱི་སྲོག་དང་འདས་ཟིན་རྣམས་ཀྱི་ཤ་ཁྲག་ལ་རྩེད་མོ་རྩེ་བ་ལ་ངོ་རྒོལ་ཡོད། ག་རེ་གུུས་་འདུད་དང་གདུང་སེམས་སྐྱེད།།
དངོས་གནས་རེད་ད་རི་རྒྱ་དཔོན་ཁ་ཤས་ཤིག་དང་། བོད་མི་རྒྱ་འདྲ་ཁ་ཤས་སྲོག་ལེན་ལེན་པའི་དུས་ལ་བབ་པས་ད་ཡིན་ད། ང་ཚོ་འདི་ནས་གཞུང་ཚབ་ཁང་དུ་བཙན་འཛུལ་གྱིས་ཤ་ལེན་ལ་ཤ་དང་། ཁྲག་ལེན་ལ་ཁྲག་མེད་ན་མེས་པོའི་བླ་ཚོང་རེད། ལར་རྒྱའི་དགྲ་བོ་རེད། ད་འཕགས་དགོས་འཛམ་གླིང་གང་སར་གནས་པའི་བོད་རིགས་ཡོངས་ད་ལོང་ཤོག་ལོང་ཤོག་གཅིག་སྒྲིལ། ཤུགས་རྒྱོབ། ཤུགས་རྒྱོབ།
ཞོགས་པའི་དུས། ཞེས་པའི་ཚབ་ཏུ། སྔ་དྲོའམ་སྔ་མོ། ཞེས་བཀོད་ན། བོད་མིའི་རིགས་ཀློག་ཐུབ་པ་ཡོངས་ཀྱིས་གོ་ཐུབ་བསམ། ཅེས་སོ།