རས་པ།
༡
ངས་བྱེའུ་ཆུང་ཞིག་བཙན་ཐབས་ཀྱིས་
རང་ཉིད་ལ་གཤོག་པ་ཡོད་པའི་སྣང་བ་
གཤོག་པ་ག་ལེར་བརྐྱངས་ཤིང
དབུགས་ནང་དུ་བཀག་ནས་ག་ལེར་སྣ་ཁུ
ང་རང་ཐང་སྟོང་གི་དབྱིངས་སུ་འཁོ
༢
རླུང་བུས་འཇགས་སྐྱ་གཡས་སྒུལ་གཡོ
ང་རང་ནམ་མཁར་ཧ་ཅང་བདེ་བར་གནས
ཐལ་རྡུལ་གྱིས་ས་གཞིའི་གདོང་ལ་
ང་རང་ལྟད་མོ་བ་ཞིག་ནང་བཞིན་ཡོད
ཨ་མ་ལགས ང་སྐྱིད་པོ་མི་འདུག་གམ
༣
རྨི་ལམ་ལས་མ་སད་པའི་སྔོན་དུ
མཛེས་སྡུག་ཡོད་ཚད་སྐད་ཅིག་གིས་
འོན་ཀྱང སླར་ཡང་ས་རུབ་ལ་ཉེ་ཞིང
ང་དང་སྒྲོན་མེའི་འོད་མདངས་ཀྱི་
གཏན་དུ་གཟིམ་པའི་བརྩེ་འཛུམ་ཀྱི་
ང་རང་ཐང་སྟོང་གི་དབྱིངས་སུ་འཁོར
༢༠༡༢།༡༢།༣ཉིན་ཡིག་ཚང་དུ།
ངས་བོད་རང་སྐད་ལས་ཅང་མི་ཤེས་མོད། ངས་རང་གི་བརྡ་སྐད་ལ་ཅི་འདོད་དུ་ཁ་ལོ་བསྒྱུར་ཐུབ་པ་ནས། ངས་རང་ཉིད་ལ་ཤེས་ཡོན་གྱི་གཤོག་པ་ཐོགས་ཡོད་པར་བསམ་པ་ཡིན། ང་ང་རྒྱལ་དེ་རུ་བཞེངས་ནས་ས་མཐར་སླེབས་རྗེས། ངས་རང་སྐད་ཀྱི་ང་རོ་ཇི་ལྟར་བསྒྲགས་ཀྱང་། ང་ནི་སྔར་བཞིན་ཤེས་ཡོན་མེད་པའི་ཐང་སྟོང་གི་མཁའ་དབྱིངས་ན་འཁོར་འདུག
ཤར་ནུབ་ཀྱི་རིག་གནས་སྣ་ཚོགས་ཀྱི་གཙུབ་བརྡར་ལས་བཙན་བྱོལ་བ་ཚོ་ཐང་སྟོང་གི་འཇགས་སྐྱ་ལྟར་ཡར་གཡོ་མར་གཡོ་བྱེད་ཀྱིན་ཡོད་པ་མ་ཟད། གང་ལའང་མི་ཐེ་བའི་རིག་གནས་ཀྱི་གད་སྙིགས་སྣ་ཚོགས་ཀྱིས་བཙན་བྱོལ་བ་ཚོའི་ངོ་གདོང་ལ་ཐལ་བ་བསྐྱིལ་ཞིང་། རང་སྐད་རང་གིས་མི་ཤོད། གཞན་སྐད་ངག་གིས་མ་འཁྲོལ་འཇིགས་རུང་གི་གནས་སུ་བསྐྱལ་འདུག་པ་མ་ཟད། ང་རང་ཡང་སྔར་བཞིན་ཕ་མ་དང་ཕ་ས་མེད་པའི་ཐང་སྟོང་གི་དབྱིངས་སུ་འཁོར་ཡང་། ང་ནི་རང་སྐད་ལ་བྱང་ཆ་ལྡན་ཞིང་རང་ཉིད་ཀྱི་ཁ་དོག་མངོན་པར་གསལ་བའི་ལྟད་མོ་བ་ཞིག་དང་ཀུན་ནས་འདྲ་བས། ངའི་བརྩེ་བའི་ཨ་མ་ལགས། ང་སྐྱིད་པོ་མི་འདུག་གམ།
ཐང་སྟོང་གི་མཁའ་དབྱིངས་འདི་རུ་ངས་ཤར་ནུབ་རིག་པའི་སྙིང་བཅུད་མ་ལུས་སྐད་ཅིག་གིས་འཆད་པར་འབད་བརྩོན་བྱས་མོད། མུན་པ་གཞན་ཞིག་ཚུར་ཚུར་འཐིབས་ནས་ངའིརང་སྐད་ཀྱི་འོད་སྣང་ཙམ་པོའང་ནུབ་པར་ཞུགས་པ་མ་ཟད། ང་དང་ཤེས་རབ་ཀྱི་འོད་སྣང་བར་ན་གཏན་དུ་གཟིམ་པའི་བརྩེ་སེམས་ཀྱིས་གཉིད་གཞས་ཐན་ཐུན་ཞིག་གིས་ང་མྱུར་ཏུ་ཉལ་བར་ལག་བརྡ་བཏང་བྱུང་།
___འདི་རྩོམ་པ་པོའི་དགོངས་པར་གཏན་ནས་འགྲོ་མི་སྲིད་ཀྱང་འདི་ལྟར་བསམ་བློ་གཏོང་མཁན་ཏན་ཏན་ཡོད་རྒྱུ་རེད།
གྲོགས་ཀྱིས་ཞིབ་བཀླགས་ལ་དགའ་ནི་ཡིན།