ཕྱི་ཚེས་ ༢ ཉིན་མེར་བསྲེགས་གནང་བ་རྒྱལ་གཅེས་དཔའ་བོ་གཟུངས་འདུས་སྐྱབས་ཀྱི་གནས་བསྡུས།

2012/12/2 ཉིན་བོད་མདོ་སྨད་འབོ་ར་ནས་དེ་རིང་ཉིན་རྒྱབ་བོད་ནང་གི་ཆུ་ཚོད་3ཡས་མས་སུ། རྒྱལ་གཅེས་དཔའ་བོ་ལྷ་མོ་སྐྱབས་ལགས་ཀྱིས་ཁ་ཉིན་མེར་བསྲེགས་གནང་སའི་གཞི་མདོ་སྟེ་འབོ་ར་དགོན་པའི་ཉེ་འགྲམ་གྱི་ལམ་ཆེན་ཨང་རྟགས་213ཅན་སྟེང་འབོ་རའི་བརྡར་མདོ་སྡ་བའི་རྒྱལ་གཅེས་དཔའ་བོ་གཟུངས་འདུས་སྐྱབས་ལགས་ཀྱིས་རང་ལུས་མེར་བསྲེགས་བཏང་འདུག སྐབས་དེར་དགོན་པའི་གྲྭ་མང་དཔེ་ཁྲིད་སོགས་ཚོགས་འདུག་པ་དང་། གནས་ཚུལ་མཁོ་འདོན་པས་གསལ་བཤད་བྱས་པ་ལྟར་ན། སྐོར་བ་འགྲོ་མཁན་ཁ་ཤས་ཀྱིས་མཐོང་དུས་ཁོང་རང་ཉིད་ཀྱིས་མེར་སྒྲོན་འདུག་པ་དུས་རྒྱུན་དུ་དགོན་པ་སྐོར་སྲུང་བྱེད་བཞིན་པའི་དྲག་ཆས་ཉེན་རྟོག་པ་དང་། དམག་མི་ཚོས་མཐོང་བས་ཁོས་རང་གི་མགོ་བོ་རྩིག་ངོས་ལ་བརྒྱབ་སྟེ་ཁྲག་མང་བོ་ཐོན་བཞིན་པའི་སྐབས་དེར་འཕྲལ་དུ་ཉེན་རྟོག་པས་བཙན་གྱིས་ཁྱེར་ཏེ་ཀན་ལྷོ་ཁུལ་ཐོག་གི་མི་དམངས་སྨན་ཁང་དུ་ཉར་འདུག ད་ལྟ་སྨན་ཁང་གི་ཕྱི་ནང་གང་སར་ཉེན་རྟོག་དམག་མིས་སྐོར་འདུག་པ་དང་། ནང་མི་སོགས་འབྲེལ་ཡོད་མི་སྣས་ཐུག་འཕྲད་བྱེད་མི་ཐུབ་པས་ཤི་གསོན་གྱི་གནས་ཚུལ་ཅི་ཡང་ཤེས་རྟོགས་མི་འདུག