བླུན་པོ་གཡག་གི་སྙིང་རྩ་ཅན་རྣམས་གཡག་བཞིན་ངུར།།
གླེན་པ་ལུག་གི་མགོ་བོ་ཅན་རྣམས་ལུག་བཞིན་འབའ།།
མ་བརྟག་ཧོལ་རྒྱུག་བྱེད་ལ་གོམས་རྣམས་ཁྱི་བཞིནཟུག།
ཚིག་གཅིག་ཡང་ཡང་སྐྱར་ཟློས་བྱེད་རྣམས་ནེ་ཙོ་བཞིན།།
གྲྭ་བའི་སྙན་ངག་ཡིན་ཟེར་ཁ་ཕོ་འབྲུག་གྲགས་གྲགས།།
ཚིག་གི་སྦྱོར་བར་བལྟས་ན་བྱིས་པས་རྡོ་བསྒྲིགས་བསྒྲིགས།།
དཔྱད་ན་སྒྱུ་རྩལ་གྱིས་ཕོངས་མྱ་ངམ་ཐང་སླེབས་སླེབས།།
མྱངས་ན་ཕྱུར་ཁུ་བཞིན་དུ་བྲོ་བ་སྐྱུར་སིལ་སིལ།།
སྟག་སྨྱོན་སྟག་གིས་སོ་གཅིག་བརྒྱབས་པས།།
ཀླུ་སྨྱོན་ད་བར་སྨྱོན་པ་ཆགས་འདུག།
སྨྱོན་པའི་ཆིག་ལབ་རྫོགས་རྒྱུ་མེད་གི།
སྨྱོན་པའི་སྐྱར་ཟློས་ཚར་རྒྱུ་མེད་གི།།
མགོན་པོ་ཕྱག་གཉིས་ཕྱག་གཅིག་གཡུགས་ཏེ།།
སྨྱོན་པའི་སྨྱོ་དེ་ཇེ་ཐུར་ཕྱིན་འདུག།
མདའ་ཚན་དེ་རིང་སྙིང་རྗེ་སྐྱེས་ཏེ།།
སྨན་ཕྱེ་བྲེ་གང་བཟུང་ནས་ཡོང་ཡོད།།
ཀླུ་སྨྱོན་གྱི་སྨྱོ་ནད་ཇེ་ཐུར་ཕྱིན་པ་དེ་ང་ལ་ཁག་མ་འཇོག དེ་སྟག་སྨྱོན་གྱིས་སོ་བརྒྱབས་པས་ཀྱང་ཡིན་རྒྱུ་མ་རེད། དེ་ཁོ་རང་གིས་ཚོང་རྫས་གསར་པ་ཞིག་ཐོན་སྐྱེད་བྱས་ཡོད་པ་དེ་ཁྱབ་བསྒྲགས་རྒྱ་ཆེན་པོ་ཞིག་བྱེད་པར་འབད་ཀྱང་ལམ་འགྲོ་མ་སོང་བ་དེ་ཡིས་ཡིན་རྒྱུ་རེད། ད་རྗེས་མ་ཚང་ཟོག་བྲིན་གི་མ་རེད།
སྤྱིར་བཏང་གསར་གནས་བརྒྱུད་ལམ་གང་ཞིག་ལ་མི་སྒེར་ཞིག་གི་ཁྱབ་བསྒྲགས་སྤེལ་བ་ཡིན་ན་གླ་ཆ་སྤྲད་དགོས་ཀྱང་ཁོས་ཁ་བརྡ་དྲ་ཁང་ལ་དེ་སྤྲད་མི་འདུག