ས་འཛིན་ཡངས་པའི་བཅུད་ཀྱི་གཏམས་
དཔྱིད་ཀྱི་དཔལ་མོ་ལྷ་ལས་བབས་ནས་
སོ་ནམ་ལས་ཀྱི་སྦྱོར་བ་བརྩམས་ནས་
ས་བོན་ཡངས་བའི་ཁྱོན་ལ་གཏོར་དུས་
ནས་འབྲུ་སྙེ་མའི་མགོ་བོ་དུད་དེ་
ལང་ཚོའི་མེ་ཏོག་ཕྲ་ལ་ལྡེམ་པའི་
ཟོར་བའི་སག་སྒྲའི་དབྱངས་རྟའི་ལྷ
སྦྲང་དཀར་རྩམ་པའི་ནས་འབྲུ་སྡུད་
སུམ་ཐབ་སྒྱེད་བུའི་མ་ེལྕེའི་ཁྲོ
ལྡེམ་ལ་མྱུར་བའི་འཁྱུགས་འགྲོས་
ཐག་ཐག་སྒྲ་ཡི་བསྡོ་ཚད་ཟིན་པའི་
དཀར་ནག་བྱ་རའི་དཀྱིལ་ན་བླུགས་
གཡོན་གྱི་མར་སྒྱེད་ཐག་ཁྲིའི་རྩ་
ཡ་ཁོལ་མ་ཁོལ་མཉམ་ཏུ་སྡེབས་པའི་
ལག་འཁོར་འཁོར་བའི་ལྡིར་སྒྲ་རིང་
རྩམ་དྲི་འཐུལ་བའི་དྲི་མ་ཞིམ་པོ་
ཞོགས་པའི་སྐྱེ་རངས་འོད་ཀྱི་བཅག་
ཨ་མ་དྲིན་མོའི་ལག་ཟས་ཞིམ་པོ་སྦྲ
སེམས་ཀྱི་བུ་ལོའི་ལག་གཉིས་མཉམ་
ཐབ་ཁུང་གྲུ་བཞིའི་མེ་ལྕེ་རྩེན་
འབྲི་མར་སེར་བོ་གསེར་གྱི་མདོག་
ཕྱུར་བ་ཞིམ་པའི་ཡང་བརྒྱན་བཏིང་
ཕོ་བའི་ཟ་འདོད་ལྷོག་ལྷོག་འགུལ་
ད་ནི་ལག་ཟུང་གཅིག་གིས་སྐྱོར་བཞི
༢༠༡༢་༡༢་༩་ཉིན་རང་ཤག་ནས་བྲིས།།