ཀླུ་སྨྱོན།
ཆོས་སྐྱོང་ཞིག་ལ་རྩེད་མཚར་དུ།
གནའ་དུས་བླ་མ་ཆེ་གེ་མོ་ཡིས་མགོ་ལ་བཞག་པའི་རྡོ་རྗེ་དེ། །
དེ་རིང་ད་དུང་བཙའ་ཡིས་ཟིན་ཏེ་ལྗིད་ཁོག་དང་བཅས་ཁུར་ཡོད་ཚེ། །
ཚེ་འདིའི་འདོད་དོན་ཁྱོད་ཀྱིས་སྒྲུབས་དང་ང་ཡིས་རྟག་པར་ཁྱེད་ལ་མཆོད། །
མཆོད་གཏོར་རྩམ་པ་གསར་པ་ཡིན་ཏེ་བདག་གི་ཨ་མས་བསྐུར་པས་སོ། །
དེ་རིང་།
བྱེའུས་གནམ་ནས་མགོ་ཐོག་ཐད་ཀར་བྱེའུ་སྐྱག་བཏང་ཡང་ག་རེ་བྱེད། །
གྲོག་མས་ས་ནས་རྐང་མཛུབ་དག་ལ་སོ་རྒན་བཏབ་ཀྱང་ཡ་ང་མེད། །
གནམ་ངོ་སྐྱ་བོས་སེམས་པ་དྲུད་དེ་ན་ནིང་དབྱར་ཁའི་མཚོ་འགྲམ་བསླེབས། །
ད་ནི་ཉིན་ཐོ་འབྲི་བའི་ཤུགས་མེད་མགོ་བོ་བཏུམས་ནས་གཉིད་ན་ལེགས། །
གསང་བ།
ནམ་མཁའི་སྐར་མ་ངེད་གཉིས་མ་གཏོགས་སུ་དང་གང་གིས་མི་ཤེས་པས། །
སྐར་མས་བདག་ལ་ཁྲེལ་དགོད་བྱས་ཀྱང་འདི་ནི་གཞན་ལ་གསང་རོགས་མཛོད། །
ནམ་གུང་ཡིན་ཡང་ཉལ་སའི་ནང་ནས་ཧར་གྱིས་ལངས་ཏེ་མིག་འཕུར་ཞོར། །
ཁྱེད་ལ་སྙན་ངག་ཅི་ཙམ་དགོས་ཀྱང་བདག་གིས་གཉིད་ཞོར་འབྲི་ཆོག་གོ །
རྨི་ལམ་ནང་གི་མཛའ་མོ་དེར།
དྲན་པའི་ངོས་སུ་བག་ཆགས་རི་མོ་ག་ཚོད་བྲིས་མིན་གསལ་ཆ་མེད། །
མིག་གི་ངོས་སུ་ཆགས་སྲེད་མེ་ལྕེ་ག་ཚོད་འབར་བ་ཁྱེད་ལ་གསལ། །
ཁ་ཐག་རིང་པོས་མྱི་ང་གསོད་ཀྱང་བཅོས་མིན་སྙིང་གི་བརྩེ་བ་ཞིག །
ཁྱེད་ལ་མ་གཏོགས་མི་ལོ་དུ་མར་སུ་དང་གང་ལ་མ་སྤྲད་དོ། །
མགུར་བཞེངས་སྟངས།
མགུལ་བ་དཀྱོགས་ཏེ་མགུར་ཞིག་བཞེངས་པ་སུ་དང་གང་གིས་མ་ཐོས་པས། །
མིག་ཆུ་རྡོག་གཅིག་མཁའ་ལ་མཆོད་དེ་སྙིང་གི་ལྷ་མོར་གསོལ་བ་བཏབ། །
ལྷོ་ཕྱོགས་རྒྱ་མཚོའི་རྦ་རླབས་རེ་རེ་ཁྱེད་ཀྱི་པི་ཝང་རྒྱུད་སྐུད་རེ། །
ད་ནི་བདག་གི་ནམ་ཡང་ལངས་ཉེ་བྱ་ཕོས་སྐད་ཅོར་དྲག་ཏུ་རྒྱག །
བཟའ་ཟླ།
བཟའ་ཟླ་ཞེས་པ་བཟའ་རྒྱུ་ཡིན་པས་ཚ་སྒོག་གཡེར་གསུམ་མ་རྗེད་རོགས། །
བཟའ་ཟླ་ཞེས་པ་ཟླ་བ་ཡིན་པས་འོད་ཀྱི་མལ་སྟན་མ་རྙིང་རོགས། །
བཟའ་ཟླ་ཞེས་པ་སྙིང་ཤ་ཡིན་པས་དྲོད་ཀྱིས་ནམ་ཡང་མ་གཏོང་རོགས། །
བཟའ་ཟླར་ཕྲད་པའི་དགའ་བ་དེ་ཀོ་མཁའ་ཁྱབ་འགྲོ་བས་རྙེད་པར་ཤོག །
སྐྱོན་མི་འདུག
མཛེས་སྒེག་ལང་ཚོའི་མཛེས་སྡུག་དཔལ་གྱི་དཔེ་གཞན་ས་སྟེང་རྙེད་མི་སྲིད།།
སྲིད་གསུམ་འདིར་སྣང་སྲིད་ཞི་ལས་འདས་གངྒའི་བུ་མོའི་ཟོལ་ལ་ཆགས།།
ཆགས་སྲེད་ཡིད་ཀྱང་ཆགས་མེད་སྐྱོན་བྲལ་སྨྲ་བ་ལེགས་བཤད་སྙན་པའི་ངག །
ངག་དབང་ལྷ་མོས་ངག་འདི་སྩོལ་ཅིག་སྐྱེ་དགུའི་འཇིག་རྟེན་དཔལ་གྱིས་མཛེས།།
སྐུ་ཉིད་ནས་འདི་མགུར་དུ་བཞེངས་་པ་ཡིན་ནམ།
གཡག་གི་ལྕི་བ་བཏང་བ་འདྲ་ཞིག་ཡིན་ན་ད་རུང་འགྲིག་གི ཁྱེད་ཀྱིས་ནམ་རྒྱུན་བོང་བུས་རྟི་ལུ་བཏང་བ་འདྲ་བ་དག་འབྲི་གི་ཡོད་།
དམར་སེར་བཀླུབས་པའི་མཛེས་མའི་ལོ་ཟླ་ལ།
སྙན་ངག་སྨྱུག་རྩེས་སྐྱོ་སངས་གླེང་བུ་འབུད།
ནམ་གུང་སྐར་མའི་གསང་བ་སྙེགས་པའི་ཞོར།
སྒེག་མོའི་ཞབས་རྗེས་ཡིད་ཀྱི་མཁའ་ནས་རྙེད།
ཇི་ཚད་ཕྱི་ནས་བཙལ་ཀྱང་མ་རྙེད་མོད།
དེ་ཚད་ནང་དུ་ལུད་པའི་ཚོར་བ་ཞིག
ཡོད་ན་སྔར་བཞིན་མཛེས་མའི་ལག་ཆུང་ཟུང་།
རྙིང་ལ་སྦྱོར་དང་རིག་པའི་ཆུ་མོ་རྡོལ།
མཛེས་སྡུག་ཟེར་ནས་མཛེས་མ་འབའ་ཞིག་གླེང་བྱར་འཛིན་པ་དེང་རབས་སྤྲུལ་སྐུའི་རྟོགས་པར་སྲིད།།
སྲིད་གསུམ་འཁོར་པ་སྲིད་པའི་སྡུག་བསྔལ་འཆད་ལ་མཁས་ཤིང་དོན་གྱིས་འདོད་པ་ཁོ་ནར་ཆགས།།
ཆགས་པ་བྲལ་ཞེས་ཆགས་སྲེད་བུ་མོའི་སྟུ་དང་འདོད་པ་ལེགས་པར་བཤད་པ་སྙན་པའི་ངག།
ངག་ནས་ཆུ་བཞིན་བཞུར་པ་གཞན་ལས་ཁྱད་དུ་འཕགས་པ་སྤྲུལ་སྐུ་ལས་ལ་ཇི་ལྟར་མཛེས།།
སྤྲུལ་སྐུ—-ལ་འབྲེལ་སྒྲ་འི་སྦྱར་ནས་་་་་་སྤྲུལ་སྐུའི་ཞེས་ཀློག་རོགས།
བཀླགས་ཟིན། ཆུ་བཞུར་བཞུར། མེ་འབར་འབར། སྙན་པོ་བྱུང་།
ཆོས་སྐྱོང་ཞིག་གིས་རྩེད་མཚར་གྱི་ལན་དུ།
ཚེ་རབས་རྗེས་འཛིན་སྨོན་ལམ་དྲག་པོས་དྲོན་མོའི་ཕྱག་ཟུང་ཉེར་བསྐྱངས་ཏེ།
གསང་མཚན་ལྷ་ཚོགས་རྡོ་རྗེའི་རྩེ་མོ་གཙུག་ཕུད་ཏོག་ཏུ་བཞག་ནས་ནི།
འདུལ་འཛིན་དགེ་སྦྱོང་ཌོ་ལོར་མཛེས་མས་རང་སེམས་སླུ་བ་སྙིགས་མའི་དུས།
རྩམ་སྐྱའི་སྡུག་ཡུས་འཕྲིན་དུ་བཅོལ་ཚེ་མ་འདུག་ལོག་ཤོག་ཡང་ཡང་གསུངས།
འདིར་ཡང་ཆོས་སྐྱོང་ཞིག་གི་སྐད་བསྐུར།
མེ་སྒྱོགས་དམར་པོའི་དྲག་ཆར་ཀློང་ནས་འཇིགས་པའི་རང་སྒྲ་ཀློང་དུ་བསྡུས།།
དད་པའི་མིག་འབུར་མཁའ་རུ་གཏད་རྣམས་རྗེས་སུ་བཞག་སྟེ་གཞན་དུ་བྲོས།།
ད་ཆར་རང་མགོ་རང་གིས་མ་འཁྱོང་བསང་གསུར་བྲལ་བའི་ནམ་མཁའི་ངོཊ།།
གསང་ཆེན་རྡོ་རྗེའི་དབང་ཆོག་ཙམ་ཡང་བསྐུར་ཡུལ་བྲལ་བའི་ཉལ་སར་ལྷུང་།།
འགྲོ་སྐྱག་དང་འདུག་སྐྱག། ཉལ་སྐྱག་དང་ལང་སྐྱག། སྐྱག་འཛར་དང་སྐྱག་བསྒྱིངས་། ཀུམ་སྐྱག་དང་རྙང་སྐྱག་སོགས་བཏང་བའི་རྣམ་པ་ཡོད་ཚད་པོ། ཐར་ཐོར་ཡིན་ནི་མ་རེད། ཨ་ཁུ་ཨེ།
ཨ་ཁུ་སྔགས་ལམ་ཞིག་ན་རྒྱུག་གི་ཡོད་ས་རེད། དོན་དག་རྡོག་རྡོག་ཞིག་རུམ་རྒྱུ་མ་རྙེད་ཐལ།
ཨོ། མ་འགྲིག་ཟིག། གོ་རྒྱུ་ཞིག་ཡོད་ས་རེད། གོ་བ་དེ་ཡང་ཐར་ཐོར། དུམ་པུ་དུམ་པུ་བྱས་ནས་རྒྱག་དགོས་འི་ཡོད་ས་རེད།
སྔ་དུས་བླ་མས་བཞག་པའི་སྲུང་མ་ཐང་ལ་བསྐྱུར།
དེང་དུས་ངོ་མཚར་ཆེ་བའི་ཁ་པར་ལག་ལ་འཁུར།
སྔ་དུས་འཕྲིན་བཅོལ་བླ་མར་ཡར་ཕུལ་ནས།
གསང་བའི་འཕྲིན་བཅོལ་ཨེ་ཕོན་ (Iphone) ནང་ནས་བསྒྲགས།
ལེགས་བྱས་བཟོ་བོས་ངག་ནས་དྲང་པའི་ཀུན་འགའི་གཏམ་སྙན་མ་ཁྲོལ་ཡང།
འཆད་པའི་ཟོལ་གྱི་གཡང་དུ་མཆོངས་པའི་ཟླ་བོའི་འོད་རླབས་ཟེགས་མ་ཞིག།
ངམ་རོང་བྲག་ཆའི་སུལ་ལས་དྲང་པའི་བརྩོན་པ་དྲག་པོའི་འདོད་གསོལ་དེ།
གཡག་རྒོད་ལྕི་བའི་དོད་དུ་བཤམ་པའི་དོག་མོའི་ས་རུ་འཛུམ་གྱིས་བཞུད།
སྙན་དངགས་འབྲི་བའི་འབད་པ་ཆེས་ཆེ་ཡང་།
གྲོགས་ཀྱི་མགོ་བོ་བཅད་དེ་རོགས་ལ་གྱུར།
ཨེ་མ་ཁ་བ་ཅན་པའི་སྐད་དེ་ཉིད།
རང་ཕྲུག་གྱོང་པོ་དག་གིས་མེད་པར་བྱེད།།
ཨེ་མ་ཁ་བ་ཅན་པའི་སྐད་དེ་ཉིད།
བླ་རྒན་གྱོང་པོ་དག་ལ་ངོ་སོ་མེད།
ཆོས་སྐད་བྲིས་བའི་པོ་ཏི་མང་ན་ཡང་།།
སྐད་ན་མེད་པས་གོ་བ་ཕ་རིའི་ལ།།
སྙན་དངགས་པ་ཀླུ་སྨྱོན་ལགས།
གཡག་གིས་ཉིན་དགུང་རྩྭ་ཐང་སྒང་ལ་སྙན་དངགས་བཏང་། །
ཀླུ་སྨྱོན་ངེས་མེད་གསང་སྤྱོད་ནང་ལ་སྙན་དངགས་ཤོར། །
བཙུན་པ་ཀླུ་སྨྱོན་ལགས།
རྩ་སྦྲིད་མ་འོངས་རྩ་སྨྱོན་མ་ཐེབས་སྔ་གཞུག་ལ། །
བཟའ་ཟླ་ཚེ་རོགས་དགོས་ན་དུས་སུ་ཉར་ན་ལེགས། །
་
བོད་ཀྱི་སྐད་འདི་རོང་པས་ཡར་མར་བསྒྱུར།
བོད་སྐད་གཙང་མ་ཨ་ཡིག་ཨེ་རུ་བསྒྱུར།
ཚིག་གྲོགས་ཚང་མ་གཡང་རོང་ནགས་ལ་ཕབ།
ད་ནི་འཛམ་གླིང་དང་བསྲེ་དགོས་ཡོད།
༼སྐད་》བཅུག་རོགས
ཕོ་སྐད་བསྒྲུགས་ནས་མོ་ལ་འཐམས་པའི་ཕོ་མོའི་བརྩེ་མདངས་མཚོ་ལས་ཟབ།།
སྐལ་བཟང་ཁྱོད་ནི་བདེ་བ་ལ་སྟེ་འདོད་ཡོན་ཆུ་སྲིན་གྲོང་ལས་ཐར།།
སུ་དང་གང་གིས་འཇིགས་པ་མེད་པའི་རང་སྤྱིལ་ཁང་བུའི་ཉལ་ཁང་དུ།།
ཉིན་མོ་ཟས་དང་མཚན་མོར་འཁྲིག་པས་བདེ་བའི་རྨི་ལམ་ཡང་ཡང་བཏང་།།
སྔོན་ཚེ་ལྷས་བྱིན་གཏུམ་པོས་ངང་པའི་གཤོག་པ་རྨས།
གཞོན་ནུ་དོན་གྲུབ་སྙིང་རྗེས་ངང་པ་སྐྱབས་པ་ན།
དེ་བཞིན་བོད་སྤྱིའི་སྐད་ཀྱི་ཡན་ལག་བཅག་པ་ན།
ཁ་སྐད་ལྷས་བྱིན་གཅེས་དང་རྩོད་པ་ཤོར།།
་
ངང་པ་རྨས་པོ་ལྷས་བྱིན་གཏུམ་པོ་དང་།
ངང་པ་འཆི་ལས་སྐྱོབ་པ་དོན་ཀུན་གྲུབ།
དེ་དག་གཉིས་ཀྱིས་ཁྲིམས་གཏུགས་བྱེད་པ་ན།
གསོད་ལས་སྐྱོབ་པར་རྒྱལ་ཀ་ཐོབ་པར་ངེས།།
་
བོད་སྐད་རིག་གཞུང་དག་ཆ་་སྐྱོབ་པ་དང་།
ལུང་སྐད་བཅུག་པས་ཆོས་སྐད་མེད་པར་བྱེད།
འདི་གཉིས་ཡ་རབས་ལུགས་ལ་གཏུགས་པ་ན།
མེད་པར་བྱེད་ལས་སྐྱོབ་པ་རྒྱལ་བར་ངེས།།
བོད་སྐད་རིག་གཞུང་དག་ཆ་་སྐྱོབ་པ་དང་།
ལུང་སྐད་བཅུག་པས་ཆོས་སྐད་མེད་པར་བྱེད།
འདི་གཉིས་ཡ་རབས་ལུགས་ལ་གཏུགས་པ་ན།
མེད་པར་བྱེད་ལས་སྐྱོབ་པ་རྒྱལ་བར་ངེས།། ་་ཟེར།
འཇིགས་པའི་གྲོང་ལ་ངང་སྒུག་བྱེད་བཞིན།
འཇིགས་ཚོགས་ཡོད་དགུ་པང་ལ་ཤོམ།
ད་དུང་འཇིགས་པའི་སྣང་བ་མེད་ན།
ཀི་རིང་སྒྲོགས་ལ་ཉམ་ཚོད་ལོན།
ད་དུང་མེད་ན་དམོད་ཅིག་བོར།
ཡང་སྐྱར་མེད་ན་སྒབ་འདབ་སྡོབ།
ཧཧཧཧཧཧ
བྱིས་པ་ཐོས་པ་དམན་པ་ལ།
རོང་པ་རི་པ་ཐང་པ་ཡི
སྙིང་ལ་ཟུག་རྔུའི་མཚན་མ་ཡོད།
ལེགས་པར་སྦྱངས་ལ་དེ་འདྲ་མེད།
སྐྱེས་ནས་མྱིག་ཁ་ཕྱེ་བ་དང་།།
ཕ་མ་བཟང་བོས་ཕ་སྐད་བསླབས།།
རྐང་ལག་རང་མགོ་ཐོན་པ་དང་།།
ཟ་འཐུང་གང་ཡིན་ཕ་སྐད་སྤྱད།
འདི་ནས་མ་ཤི་ཚེ་རིང་ན།
ཕ་སྐད་མེད་པར་བརྡ་མི་འཕྲོད།།
ལྷག་དུ་ཕ་དང་མས་མི་གོ།
ཆོས་སྐད་སྦྱང་བའི་ཡོན་ཏན་རེད།
ཤེས་ནི་ཡོད་ན་ཡག་པོ་རེད།
མ་ཤེས་མི་མཁོ་ང་འདྲ་ལ།།
ཕ་སྐད་སྐད་བརྡ་མི་ཉམ་པར།།
ཚིག་མང་འདུས་བའི་མཐའ་མ་རུ།།
ཀུད་ཀྱིས་གོ་པའི་བརྡ་ཞིག་རྙེད།
རི་ཁྲོད་སྒོམ་པས་ཆོས་སྐད་སྤྱོང་།།
དབེན་གནས་གྲྭ་པས་ཆོས་སྐད་སྦྱོང་།།
ཆོས་དད་ཡོད་ནིས་ཆོས་སྐད་སྦྱོང་།།
བླ་མ་སློབ་དཔོན་མཁན་པོ་སོགས།།
གང་ལ་སྟེན་ན་བསྟན་ས་ཡོད།
བཤད་ནས་ཁྲིད་ནས་མི་གོ་ན།
ཐུམ་ལ་བཅུག་ནས་མཇལ་ན་ཡག།
བླ་རྒན་དམིགས་པ་གཅིག་ཅན་ཚོས།།
ཕྱོགས་བཞི་འཚམས་བརྒྱད་རིག་མྱོང་མེད།།
སངས་རྒྱས་གོ་འཕངས་ཐོབ་མྱོང་མེད།།
དམངས་ལ་གུས་བཀུར་གནང་མྱོང་མེད།།
ཉམས་ལེན་ཉམས་མྱོང་ཡག་རྒྱུ་མེད།
ཆོས་ཚིག་འགའ་ཡིས་ཨུ་ཚུགས་བྱེད།
ཁ་སྐད་རང་གི་ལུང་པར་ཕན་པར་ངེས།
རང་གི་ལུང་པར་ཁ་སྐད་སུ་ཡིས་འགོག
དྲིན་ཅན་ཨ་མས་ཆོས་སྐད་སྦྱངས་པ་མེད།
ཁོང་ལ་ཁ་སྐད་རྒྱབ་པ་མེད་མི་རུང་།།
་
བདག་ཅག་སོ་སོའི་ལུང་པ་ནས་འཐོན་ཏེ།
ལུང་པ་གཞན་ལ་རང་གི་ཁ་སྐད་རྒྱབ།
ལུང་གཞན་མི་ཡིས་རང་གི་ཁ་སྐད་དེ།
མི་གོ་བ་དེ་མངོན་སུམ་མཐོང་བ་ཡིན།།
བདག་ཅག་མ་འོངས་བོད་ཡུལ་ཡོངས་རྫོགས་མི།
སྐད་ཀྱིས་གཅིག་སྒྲིལ་ཐུབ་ལ་དོན་གཉེར་བྱེད།
དེ་ལྟར་ཆོས་སྐད་ཀྱིས་ཐུབ་མཁས་པས་གསུངས།
ཁྱེད་ལ་དེ་ལྟར་དགོས་པ་མེད་དམ་ཅི།།
ཨེ་གོ་མི་གོ་མི་ལྟ་བར།།
མི་གོ་བཞག་གིས་བོད་སྐད་གསོད།།
རྒྱ་སྐད་དབྱིན་སྐད་ཧིན་སྐད་དག།
མི་གོ་བཞིན་དུ་བཙན་སྦྱོང་བྱེད།
ཅི་འདྲའི་སེམས་མེད་ཞེན་མེད་འགའ།།
རྒྱལ་ཁབ་གཅིག་ལ་ཡིག་སྐད་ཕ་སྐད་སོགས།
དར་བ་རྗེས་འཛིན་བྱེད་ནིའི་རྒྱལ་ཁབ་ཡོད།
ཉམ་པ་སླར་གསོ་བྱེད་ནིའི་རྒྱལ་ཁབ་ཡོད།
རྒྱལ་ཁབ་ཟེར་ན་ས་དབྱེ་ཆུ་དབྱེ་རེད།
ཕ་སྐད་གཅིག་ལ་འདོད་ན་མགོ་འཁོར་རེད།
ཆོས་སྐད་ཚེ་གང་སྦྱང་ན་མི་ཤེས་རྒྱུ།།
འཇིག་རྟེན་འཁོར་བར་འཁོར་བའི་བདག་སོགས་ལ།།
དེ་ལ་ངལ་བ་བྱེད་པའི་དུས་མ་ཡོད།
དེ་ལས་བླ་མ་གྲྭ་བ་ལྟ་བུའི་ཁྱད་ལས་བས།།
སྦྱང་ནས་མཐར་ཕྱིན་ཡོད་པར་བྱིན་གྱིས་རློབས།།
གོམས་ན་སླ་བར་མི་འགྱུར་བའི།
དངོས་དེ་གང་ཡང་ཡོད་མ་ཡིན།
་
རང་བློ་ཤེས་བྱ་ཀུན་ལ་མ་སྦྱངས་ན།
ཐམས་ཅད་མཁྱེན་པ་ནམ་མཁའི་མཐའ་ལས་རིང་།
སྒྲོལ་མ་འདོན་པར་བོས་སོང་།
འོ་ལགས་སོ་དེ་ཤིན་ཏུ་བདེན།
དག་ཅག་མ་འོངས་བོད་ཡུལ་ཡོངས་རྫོགས་མི།
སྐད་ཀྱིས་གཅིག་སྒྲིལ་ཐུབ་ལ་དོན་གཉེར་བྱེད།
དེ་ལྟར་ཆོས་སྐད་ཀྱིས་ཐུབ་མཁས་པས་གསུངས།
ཁྱེད་ལ་དེ་ལྟར་དགོས་པ་མེད་དམ་ཅི།།་་་་ཟེར།
ཆོས་སྐད་མིང་ཚིག་གཞིར་བཞག་ནས། །
ཁ་སྐད་དུས་གསུམ་གསལ་སྟོན་པའི། །
ཡོག་ཐོག་བྲིས་པའི་ཁ་སྐད་ཅིག །
ད་ལྟ་མྱུར་དུ་བཅོས་རན་འདུག །
བདག་ལ་ང་དང་ཁྱོད་དང་ཁོ། །
ཡིན་མིན་ཡོད་མེད་རེད་མ་རེད། །
འདུག་ད་མི་འདུག་འཐོབ་ཁུངས་འཚོལ། །
ཕྱོན་པ་འགྲོ་བགྱི་འགྲོ་བགྱིད་སྤྱོད། །
རྩོམས་འདི་ཡི་མིང་འདི་ཁྱད་མཚར་ཅིག་འདུག དངོས་གནས་བྱས་ན་གཡག་གི་ལྕི་བ་ནི་ལེབ་མོ་གོར་མོ་ཞིག་ལས་ཐར་ཐོར་དེ་འདྲ་མེད། གཅིག་བྱས་ན་ཀླུ་ཡུལ་གྱི་གཡག་གི་ལྕི་བ་དེ་ཚོ་ཐར་ཐོར་ཡོད་སྲིད། ཡང་མིན་ན་ཨ་ཁུ་ལ་འབྲོག་པའི་ཆ་རྒྱུས་མེད་པ་འདྲ། ༼ར་རྒན་ལུག་རྒན་གྱི་རིལ་མ་ལྟར་ཐར་ཐོར་༽ཅེས་བཏགས་ན་གང་འདྲ་འདུག ཀླུ་སྨྱོན་ནས་ང་ཡི་བསམ་ཚུལ་ལ་གསལ་བཤད་ཞིག་བྱེད་ན་དགའ་བསུ་ཡོད། འོན་ཀྱང་རྩོམ་འགོད་པ་འདི་ཚོས་གཡག་རྒན་གྱིས་ལྕི་བ་བཏང་བ་བཞིན་ཁ་བརྡའི་ནང་དུ་སྙོག་གླེང་གི་དྲི་མ་འཐུལ་ལེར་བཏང་ཡོང་གི་འདུག དེ་འདྲའི་རིགས་ལ་དགའ་བསུ་མི་ཞུ། དེ་ནས་གཡག་རྒན་གྱི་ལྕི་བའི་སྟེང་དུ་དྲ་འབུ་ཐམས་ཅད་ཀྱིས་འཚང་ག་རྒྱབ་ཡོང་གི་རེད།