རྩོམ་པ་པོཿ Hillary Rodham Clinton
སྒྱུར་མཁནཿ རེབ་ཐོག་མདའ།།
ལོ་ཉེར་ལྔའི་གོང་ལ། བདག་གིས་བུད་མེད་དང་ཕྲུ་གུ ད་དུང་ཁྱིམ་ཚང་སོགས་ཀྱི་གནད་དོན་དང་འབྲེལ་བ་ཡོད་པའི་ལས་གཞི་ཞིག་བསྒྲུབས་མྱོང་ཡོད། ཡིན་ཡང་། སྐབས་དེ་དག་ཏུ་བདག་གིས་བུད་མེད་ཀྱིས་ངེས་པར་དུ་འགྲན་རྩོད་ཀྱི་ཐོག་ནས་གདོང་ལེན་བྱེད་དགོས་པའི་སྐོར་ཀྱི་ཤེས་བྱ་མང་པོ་ཞིག་ཡང་ཡང་སྦྱངས་པའི་གོ་སྐབས་བྱུང་། བུད་མེད་ཀྱིས་འགྲན་རྩོད་བྱེད་དགོས་པའི་གནད་དོན་གཅིག་ནི། ཉམས་མྱོང་ཅན་གྱི་བུད་མེད་ལ་གདེང་འཇོག་མི་བྱེད་པ་དང་། བུད་མེད་ཀྱི་སྐད་ཆ་ལ་དོ་སྣང་མི་བྱེད་པ་ལ་དོ་སྣང་ཡོང་བར་འབད་བརྩོན་བྱེད་དགོས་པ་དེ་རེད། བུད་མེད་ཀྱིས་གཞུང་གི་འགོ་ཁྲིད་དང་། ལོ་རྒྱུས་རིག་པ། ད་དུང་ཚོང་ལས་སོགས་ཀྱི་ཐོག་ལ་བྱ་བཞག་ཅི་འདྲ་མང་པོ་ཞིག་བསྒྲུབས་ཀྱང་ཁོ་མོ་ཚོ་ལ་རིན་ཐང་མི་འཇོག་པ་དེ་རེད། དེར་བརྟེན། ང་ཚོ་སུ་ཞིག་ལ་བུད་མེད་ཀྱི་གནད་དོན་ཐོག་ཏུ་སྐད་ཆ་བཤད་པའི་གོ་སྐབས་གང་འདྲ་ཞིག་བྱུང་ཡང་། ང་ཚོས་འགནའཁུར་ཡོད་པའི་ཐོག་ནས་བུད་མེད་ཀྱི་ཆེད་དུ་སྐད་ཆ་བཤད་པ་གལ་ཆེན་པོ་ཡིན།
བདག་གིས་བུད་མེད་འདི་དག་གི་ཆེད་དུ་སྐད་ཆ་བཤད་པར་འདོད་པའི་རྒྱུ་མཚན་ནི། བུད་མེད་སུ་འདྲ་ཞིག་ཡིན་ཡང་། རང་ཉིད་ཀྱིས་འཚོ་བའི་ཁྲོད་དུ་ལུས་སེམས་གཉིས་ཀ་ཕྱི་ཕྱོགས་ཀྱི་བཙན་གནོན་ཀྱི་འཇིག་དངངས་། རང་ཁྱིམ་དུ་ཡང་བཙན་གནོན་མནར་གཅོད་མྱོང་དགོས་པ་མ་ཟད། བུད་མེད་ཀྱི་འཕྲོད་བསྟེན་དང་ཕྲུ་གུའི་འཕྲོད་བསྟེན་སོགས་ལ་ཁག་ཐེག་མེད་པ། ད་དུང་ཕྲུ་གུའི་འཚར་ལོངས་ཀྱི་ཆེད་དུ་བུད་མེད་མང་པོ་ཞིག་ལ་ཉུང་མཐར་ཡང་གླ་ཆ་ཡག་པོ་ཞིག་ཀྱང་རག་གི་མེད་པས་ཡིན། དེའི་རྐྱེན་ཀྱིས་བདག་གིས་ཉིན་ལྟར་བྲེལ་འཚུབ་ཀྱི་ཀློང་ན་རང་ཉིད་ཀྱི་
ཕྲུ་གུ་དང་ནང་མིའི་ཆེད་དུ་རང་ཉིད་ཀྱི་དུས་ཚོད་ཡོད་ཚད་ཉིན་མོ་ནང་ལས་དང་ཕྲུ་གུ་ལྟ་སྐྱོང་སོགས་ཀྱི་བྲེལ་བ། དགོང་མོར་སྨན་ཁང་ནང་དུ་ནད་གཡོག་དང་མགྲོན་ཁང་གི་ཞབས་ཞུ་མ། གཞན་གཏན་འཇགས་མིན་པའི་ལས་ཀ་སོགས་ལས་བཞིན་འཚོ་དང་འཚོ་བཞིན་པ་དག་གི་ཆེད་དུ་སྐད་ཆ་བཤད་འདོད་བྱུང་། བུད་མེད་མང་ཆེ་ཤོས་ནི་ཕྱི་ནང་གཉིས་ཀའི་ལས་ཀའི་ཁྲོད་ན་གནས་ཡོད་པ་དེ་སྤྱིའི་ཆ་ནས་མཁོ་ངེས་ཤིག་ཡིན་མོད། སྤྱི་འགྲོས་ལྟར་ན་། གང་ལྟར་བུད་མེད་ཀྱི་འཚོ་བ་ཇི་ལྟར་བསྐྱེལ་དགོས་པའི་སྐོར་ལ་སྣེ་ཁྲིད་དང་ལམ་སྟོན་བྱེད་མཁན་ཡང་མེད་པ་ན་། ང་ཚོས་བུད་མེད་རང་ཉིད་སོ་སོའི་དང་། ཁོ་མོའི་ནང་མའི་མི་ཚེ་བསྐྱེལ་སྟངས་ལ་ཁོ་མོ་ཚོས་འདམ་ཁ་ཅི་བྱས་ལ་བརྩི་བཀུར་ངེས་པར་དུ་བྱེད་དགོས་ལ། བུད་མེད་ཡོད་ཚད་ལ་ཡང་དཀོན་མཆོག་གིས་རང་ཉིད་ལ་སྤྲད་པའི་ལྐོག་གྱུར་གྱི་ནུས་སྟོབས་དེ་ངོས་འཛིན་བྱེད་པའི་གོ་སྐབས་ཐོབ་ངེས་ཡིན།
མ་ཟད་བུ་དང་བུ་མོ་སུ་ཡིན་ཡང་། ང་ཚོ་ཚང་མར་རང་ཉིད་ཀྱི་བདེ་སྲུང་གི་ཆེད་དུ་ཁོང་ཚོ་ཕྲུ་གུ་སྐྱེས་པར་གྲངས་ཀ་དང་བར་སྟོང་འཇོག་པར་རང་ཉིད་ལ་རང་དབང་གི་ཐོག་ནས་ཐག་གཅོད་པའི་ཁེ་དབང་དང་ཐོབ་ཐང་སོགས་ཀྱི་གོ་གནས་ངེས་པར་སྟེར་དགོས། གཞན་ཆོས་ལུགས་དང་། ཆབ་སྲིད་ཀྱི་བཙན་དབང་གིས་གནོད་འཚེ་དང་བཙོན་འཇུག།དམའ་འབེབས། ཡང་ན་མནར་གཅོད་སོགས་ཀྱི་ཞེ་སྣང་འོག་ཏུ་སུ་གཅིག་ཀྱང་ཁུ་སིམ་གནས་མི་ཆོག། ཡ་ང་བ་ཞིག་ནི། བུད་མེད་ལ་འགྲོ་བ་མིའི་ཐོབ་ཐང་གི་ངོས་ནས་ཡང་མནའ་གཅོད་ཕོག་མཁནཆེས་མང་ཤོས་དང་། ཡང་དང་བསྐྱར་དུ་མྱོང་མཁན་གཅིག་པུ་དེ་ཡིན་པ་དང་། ཆབ་སྲིད་ཀྱི་བརྒྱུད་རིམ་ཁྲོད་ནས་ཀྱང་བུད་མེད་ཕྱིར་འབུད་དང་། དམའ་འབེབས་། རྒོལ་རྡུང་དྲག་པོ་ཐེབས་ཀྱི་ཡོད་པས་སྐབས་ཀྱང་མང་། དེའི་རྐྱེན་ཀྱིས་བདག་གིས་བུད་མེད་ཀྱི་ཐོབ་ཐང་སྐོར་གྲོས་བསྡུར་བྱེད་པ་ནི་འགྲོ་བ་མིའི་ཐོབ་ཐང་དང་། སོ་སོས་སྐྱུར་ནས་འཇོག་ཐུབ་པའི་གནད་དོན་ཞིག་མིན་པར་འདོད།
༡ ཕྲུ་གུ་ཞིག་བུ་མོ་ཡིན་པར་ཤེས་ན་མངལ་དུ་སྦྲུམ་པའི་སྐབས་སུ་ཁོང་ཚོ་ཨ་མའི་ཁོག་ནས་ལས་སླ་བོའི་ངང་ནས་མེད་པར་བཟོ་བ་འམ་དབུགས་བསུབ་གཏོང་བ། ཆུ་ལ་འཕེན་པ། ཟ་མ་བཟའ་བར་ཚད་བཀག་བྱེད་པ་སོགས་ཀྱི་བཙན་གནོན་དེ་འགྲོ་བ་མིའི་ཐོབ་ཐང་ཡིན་ནམ།
༢ བུད་མེད་དག་སྨད་འཚོང་མའམ་ཡང་ན་གཡོག་པོའི་ངོ་བོའི་ཆ་ནས་གཞན་ལ་ཚོང་སྒྱུར་བྱེད་སྐབས་ཀྱི་བཙན་གནོན་དེ་འགྲོ་བ་མིའི་ཐོབ་ཐང་ཡིན་ནམ།
༣ གཉེན་སྟོན་ཆུང་ཆུང་དེ་ལ་ཁ་གཡར་ནས་རང་ཉིད་ཀྱི་ཁྱོ་ག་འཆི་བའི་རྗེས་སུ་བུད་མེད་དེར་ཡང་གསོན་པོར་རླངས་འཁོར་གྱི་སྣུམ་བླུགས་ཏེ་ཁྱོ་གའི་རྗེས་སུ་མེར་བསྲེགས་གཏོང་བའི་བཙན་གནོན་དེ་འགྲོ་བ་མིའི་ཐོབ་ཐང་ཡིན་ནམ།
༤
སྤྱི་ཚོགས་འདྲ་མིན་ནང་དུ་བུད་མེད་ལ་བརྙས་བཅོས་ངང་ནས་བཙན་གཡེམ་དང་། གཞན་བུད་མེད་སྟོང་ཕྲག་མང་པོར་དམག་འཁྲུག་ཁྲོད་དུ་བཙན་གཡེམ་བྱེད་པའི་སྐབས་ཀྱི་བཙན་གནོན་དེ་འགྲོ་བ་མིའི་ཐོབ་ཐང་ཡིན་ནམ།
༥ ལོ་ན་བཅུ་བཞི་ནས་བཞི་བཅུ་ཞེ་བཞི་བར་གྱི་བུད་མེད་དག་ལ་བུད་མེད་ཟེར་བའི་མིང་བྱང་དེའི་རྒྱུ་རྐྱེན་ལ་བརྟེན་ནས། རང་ཉིད་ཀྱི་ནང་མིའི་གནོན་ཤུགས་དང་མཐོང་ཆུང་བྱེད་སྐབས་ཀྱི་བཙན་གནོན་དེ་འགྲོ་བ་མིའི་ཐོབ་ཐང་ཡིན་ནམ།
༦ ལོ་ན་གཞོན་པའི་བུད་མེད་དག་རིམ་པ་དམའ་རུ་བཞག་ནས་མཚན་མ་གཅོད་འབྲེག་གི་ལག་ལེན་བསྟར་བ་དང་། གདུག་རྩུབ་ཆེ་བའི་མནར་གཅོད་གཏོང་སྐབས་ཀྱི་བཙན་གནོན་དེ་འགྲོ་བ་མིའི་ཐོབ་ཐང་ཡིན་ནམ།
༧
བུད་མེད་དག་གི་རང་ཉིད་ཀྱི་མ་འོངས་བའི་མདུན་ལམ་ཆེད་དུ་རང་ཉིད་ཀྱི་འདོད་འདུན་འགྲུབ་ཏུ་མི་འཇུག་པ་མ་ཟད་གཞན་གྱི་གནོན་ཤུགས་ཀྱིས་རང་ཉིད་ཀྱི་ཡོད་ཚད་ཐག་གཅོད་པའི་སྐབས་ཀྱི་བཙན་གནོན་དེ་འགྲོ་བ་མིའི་ཐོབ་ཡིན་ནམ།
དེའི་རྐྱེན་ཀྱིས་ང་ཚོས་བུད་མེད་དག་གིས་ངེས་པར་དུ་འཛམ་གླིང་ཁྱིམ་གཞི་འདིའི་ནང་གི་མི་བུ་ཚང་མས་ང་ཚོ་བུད་མེད་ལ་བརྩི་འཇོག་དང་། ང་ཚོ་བུད་མེད་དག་ཁྱད་དུ་འཕགས་པ་ཞིག་ཡིན་པར་དོ་སྣང་གསར་པ་ཞིག་སླེབས་ཐུབ་པའི་ལས་འགུལ་སྤེལ་དགོས་པ་དང་། བུ་དང་བུ་མོ་ཚང་མས་འདྲ་མཉམ་ཐོག་ནས་གཅིག་གིས་གཅིག་ལ་ལྟ་སྐྱོང་བརྩེ་བ་བྱེད་ཐུབ་པ། ང་ཚོ་འཛམ་གླིང་གོ་ལའི་སྟེང་གི་ཁྱིམ་གཞི་རེ་རེའི་མ་འོངས་པ་སྲ་བརྟན་གནས་ཐུབ་པའི་རེ་བ་ཡོད།
རྩོམ་ཡིག་དེའི་དྲི་བ་བདུན་པོ་གང་ཡིན་ཀྱང་ཧ་ལམ་རོ་ཐོག་ཏུ་མདའ་སྣུན་པའི་དཔེ་ལས་མཐོང་མ་སོང་།
དེང་སང་གི་དུས་ཚོད་འདི་ལ་ཕོ་མཆོག་མོ་དམན་གྱི་ལྟ་བ་ས་ཁུག་ལུང་དཀྱོག་འགའ་རེ་མ་གཏོགས་ས་གང་ནའང་ཡོད་ཚོད་མི་འདུག་སྙམ། ཅིག་བྱས་ན་ངས་མ་ཤེས་ནི་ཡིན་ཐང་། སྤྱིར་བུད་མེད་ཀྱི་ཐོབ་ཐང་ཟེར་བ་གཞན་གྱིས་ཁུར་ནས་འོང་རྒྱུ་ཞིག་དང་གཞན་གྱིས་གསོལ་རས་སུ་གནང་འཇོག་རྒྱུ་ཅང་ཨེ་ཡོད། གཙོ་བོ་བུད་མེད་རང་ཉིད་ཀྱི་འཇོན་ཐང་དང་བུད་མེད་རང་ཉིད་ཀྱི་བློ་སྤོབས་བུད་མེད་རང་ཉིད་ཀྱི་དཀྱེལ་ཡངས་པའི་བསམ་བློ་བུད་མེད་རང་ཉིད་ཀྱི་སྒེར་ཚུགས་སོགས་ལ་རག་ལས་པ་ཞིག་ཏུ་འདོད། དེ་མིན་ལ་ལས་བུད་མེད་ལ་བདག་དབང་དབང་དགོས་ཟེར་བ་དཔེར་ན་ཁྱོས་མ་ལས་ངས་ཀྱང་མི་ལས་ཁྱོས་ཆང་འཐུང་ན་ངས་ཀྱང་འཐུང་དགོས་དེ་རིང་ནུབ་ཚལ་ངས་བཟོས་ན་སང་ཉིན་གྱི་ཞོགས་ཇ་ཁྱོས་བཟོ་དགོས་ལྟ་བུ་ནི་བྱིས་བུས་རྩེད་མོ་དང་བྱབ་ཆུང་གི་བྱ་བ་ལས་མ་འདས། བུད་མེད་ལ་འཇོན་ཐང་དང་དཀྱེལ་ཡངས་ཀྱི་བསམ་བློ་ཡོད་ན་མི་སུས་ཀྱང་གུས་བཀུར་བྱེད། དཔེར་འབར་མའི་མཛངས་མ་ཨ་སན་སུ་སྐྱིད་ལྟ་བུ་དང་རང་རའི་མཛངས་མ་ཨ་མ་རྗེ་བཙུན་པདྨ་དང་རྒྱ་རི་སྒྲོལ་མ་སོགས་ད་དུང་ཕྱི་ནང་གང་ནའང་མང་མོད་རེ་རེ་བགྲངས་མི་དགོས་པ་བྱེད།
་་་་་ མ་ཟད་བུ་དང་བུ་མོ་སུ་ཡིན་ཡང་། ང་ཚོ་ཚང་མར་རང་ཉིད་ཀྱི་བདེ་སྲུང་གི་ཆེད་དུ་ཁོང་ཚོ་ཕྲུ་གུ་སྐྱེས་པར་གྲངས་ཀ་དང་བར་སྟོང་འཇོག་པར་རང་ཉིད་ལ་རང་དབང་གི་ཐོག་ནས་ཐག་གཅོད་པའི་ཁེ་དབང་དང་ཐོབ་ཐང་སོགས་ཀྱི་གོ་གནས་ངེས་པར་སྟེར་དགོས། གཞན་ཆོས་ལུགས་དང་། ཆབ་སྲིད་ཀྱི་བཙན་དབང་གིས་གནོད་འཚེ་དང་བཙོན་འཇུག།དམའ་འབེབས། ཡང་ན་མནར་གཅོད་སོགས་ཀྱི་ཞེ་སྣང་འོག་ཏུ་སུ་གཅིག་ཀྱང་ཁུ་སིམ་གནས་མི་ཆོག། ་་་་ཟེར།
ཁྱོ་ག་གྲོང་སོང་ན་ཆུང་མ་ཡང་ས་སྣུམ་བླུག་ནས་མེར་སྲེག་གཏོང་བ་ཟེར་བ་འདི་ས་ཆ་གང་ཞིག་གི་ལུགས་སྲོལ་རེད། གནའ་དེང་མ་ཞིག་གི་སྐད་ཆ་ཡིན་ན་མ་གཏོགས་དེང་སང་དེ་འདྲ་ཞིག་གོ་མྱོང་མེད།
བུད་མེད་ལ་མནར་གཅོད་ཀྱི་སྡུག་བསྔལ་དྲག་པོ་དེ་ཁྱེད་མ་གཏོགས་སུ་ཡིས་མ་མཁྱེན་ལྟ་བུར་
བཤད་ཀྱི་འདུག་མོད། ད་ག་རེ་ཡིན་ན་མིན་ན་བུད་མེད་ཚོ་ལ་ཡང་འགྲོ་བ་མིའི་ཐོབ་ཐང་
ཡོད་དགོས་པ་ངེས་ཅན་རེད། བུད་མེད་མོ་རང་ཚོ་ཡང་དེ་བཞིན་སྒེར་ཚུགས་དང་གོ་ཡངས་
སོ་སོའི་ལུས་སྟོབས་དཔག་པའི་བྱ་བ་གང་གྲུབ་བྱེད་དགོས་པ་ནི། འཇིག་རྟེན་མི་ཡི་འཚོ་བ་
རོལ་ཐང་ཞིག་ཡིན་ཚོད་རེད།
ཐེག་པ་ཆེན་པོའི་སྨོན་ལམ་ནང་དུ་བུ་མེད་རྣམས་ལ་གོ་ས་ཆེན་པོ་ཞིག་གནང་ཡོད། མ་རྒན་སེམས་ཅན་ཐམས་ཅད་ཅེས་འགྲོ་དྲུག་སེམས་ཅན་ཡོད་ཚད་རང་གི་མ་རྒན་ཡིན་པའི་རྒྱུ་མཚན་མང་པོ་ཡོད། བུ་མེད་བྱེ་བྲག་པ་ཉུང་ཤས་ཤིག་ལ་དཀའ་ངལ་ཡོད་པས་བུ་མེད་ཡོད་ཚད་ལ་དཀའ་ངལ་ཟེར་མི་ཐུབ། བུ་མེད་རེ་བཟུང་གིས་བུ་ལ་ཡང་དཀའ་ངལ་སྤྲོད་མཁན་མང་པོ་ཡོད། ང་ཚོ་ཕོ་དང་མོ་སུ་ཞིག་ཡིན་རུང་དཀོན་མཆོག་ལ་མཆོད་པ་འབུལ་བ་ནང་བཞིན་མཆོད་ལབས་ནས་ཐོབ་ཐང་སྤྲོད་མཁན་ཞིག་ལ་རེ་བ་བྱེད་ཀྱིན་སྡད་ན།དེ་ལྟ་བུ་ནི་གླེན་པའི་རེ་བ་ཡིན། ཐོབ་ཐང་སྔར་ནས་ཡོད་ཡོད་པ་ཡིན་ལ། རང་ལ་ཡོད་པའི་ཐོབ་ཐང་དེ་རང་གིས་བླང་མ་ཤེས་པས་ལུས་པ་ཡིན། ཐོབ་ཐང་རང་གིས་ལེན་ཐུབ་པའི་སྤོབས་པ་ཞིག་ལྡན་དགོས།