༄། རྒྱལ་སྤྱིའི་བོད་རང་བཙན་ལས་འགུལ་ཚོགས་པས་(www.rangzen.org)ལོ་ལྟར་བོད་རང་བཙན་ཆེད་གོམ་བགྲོད་གནང་མུས་ལྟར། ད་ལོའི་གོམ་བགྲོད་(གོམ་བགྲོད་ཐེངས་བཅུ་དགུ་བ་)དེ་བཞིན། བྱང་ཨ་རིའི་མངའ་སྡེ་ཀེ་ལི་ཕོར་ནི་ཡའི་གྲོང་ཁྱེར་ཨོཀ་ལེནཌ་ནས་རྒྱལ་ས་ སན་ཕ་རན་སི་ཀོ་ བར་མེལ་ལེ་ ༡༠༨ དང་། ཉིན་ཞག་བརྒྱད་རིང་གོམ་བགྲོད་གནང་གཏན་འཁེལ་ཡོད།
ཐེངས་འདིའི་གོམ་བགྲོད་ཀྱི་འབོད་སྒྲ་གཙོ་བོ་ནི། ཉེ་ལམ་བོད་ནང་གཞིས་ལུས་བོད་རིགས་སྤུན་ཟླ་དཔའ་བོ་དཔའ་མོ་རྣམས་ནས་༧གོང་ས་མཆོག་བོད་ནང་གདེན་ཞུ་དགོས་པ་དང་བོད་ལ་རང་དབང་དགོས་པའི་འབོད་སྒྲ་བསྒྲགས་ཤིང་། གཅེས་པའི་རང་ལུས་མེར་བསྲེགས་གཅིག་མཇུག་གཉིས་མཐུད་ཀྱིས་གནང་བའི་གཟི་བརྗིད་ཅན་གྱི་ལས་འགུལ་དེར་གདུང་སེམས་མཉམ་བསྐྱེད་དང་། ལྷག་པར་དུ་ཁོང་རྣམ་པའི་ཞལ་ཆེམས་དང་དགོངས་འདུན་ཇི་ཡོད་རྒྱལ་སྤྱིའི་སྡིངས་ཆའི་སྟེང་བསྐྱལ་ཐུབ་ཐབས་དང་། ཨ་རིའི་དམངས་ཁྲོད་དུ་གནས་ཚུལ་ཇི་མ་ཇི་བཞིན་གོ་རྟོགས་སྤེལ་རྒྱུའི་ཆེད་ཡིན་ཞིང་། ལས་འགུལ་སྤེལ་དུས་ནི། ཕྱི་ལོ་ ༢༠༡༣ ཟླ་བ་ ༣ ཚེས་ ༢༣ ནས་ཚེས་ ༣༠ བར་གནང་གཏེན་འཁེལ་ཡོད་ལགས།
དེའི་སྐོར་གནས་ཚུལ་ཞིབ་ཕྲ་མཁྱེན་རྟོགས་དགོས་མི་རྣམས་ནས་རྒྱལ་སྤྱིའི་བོད་རང་བཙན་ལས་འགུལ་ཚོགས་པསི་ཚོགས་གཙོ་བྷེན་ཇ་མིན་ (Benjamin Cox) cell # (773)398 1178 , གུས་པ་ངག་དབང་ནོར་བུ་ ༧༨༡ ༥༧༢ ༥༦༡༡ (781) 572 5611 གློག་འཕྲིན་ཁ་བྱང་ ngawang16@yahoo.com དང་། རྒྱུན་ལས་བསྟན་འཛིན་རྣམ་རྒྱལ། ལག་འཁྱེར་ཁ་པར་ཨང་གྲངས་ ༣༡༧ ༦༥༤ ༩༧༤༢ (317) 654 9742 ཐོག་འབྲེལ་བ་གནང་སྐྱོང་ཡོང་བ་ཞུ། །
གུས་པ་ངག་དབང་ནོར་བུས་ཕྱི་ལོ་གསར་ཚེས་ལ་བཀྲ་ཤིས་བདེ་ལེགས་དང་བཅས་ཕུལ། །
ཐུགས་ཏྗེ་ཞུ་ཡག་རང་ཡིན་ལགས