རྩོམ་པ་པོཿRabindranath Tagore

སྒྱུར་མཁནཿ རེབ་ཐོག་མདའ།

ཤོག་བཟོས་གྲུ་ཆུང་ཉིན་ནས་ཉིན་ལ་གཅིག་དང་གཅིག་བྱས་གཙང་པོར་བསྐུར།།

རང་མིང་སྡེ་མང་ཤོག་བུའི་སྒང་ལ་ཡི་གེ་ནག་པོ་ཆེན་པོས་བྲིས།།

བདག་གི་རེ་བ་རྒྱང་ལ་བསྲིངས་པ་རྒྱུས་མེད་གྲུ་ཁའི་མི་ཞིག་གིས།།

རྙེད་པར་གྱུར་ཏེ་བདག་གི་མིང་དང་ལོ་རྒྱུས་མ་ལུས་ཤེས་པར་ཤོག།

གྲུ་ཆུང་ནང་དུ་བདག་གིས་བླུགས་པའི་ཁྱིམ་གྱི་ཡ་ཞིས་མེ་ཏོག་ཡོད།

བདག་གིས་རེ་བའི་མེ་ཏོག་དེ་དག་སྐྱ་རེངས་བུ་མོས་འཁུར་སོང་སྟེ།།

མཚན་མོ་ཞིག་གི་གནས་ཡུལ་གང་ནས་བདེ་བའི་ངང་ནས་བཞད་པར་ཤོག།

བདག་གིས་གྲུ་ཆུང་ཆུ་ལ་བསྐུར་བཞིན་མགོ་བོ་བཏེགས་ཏེ་གནམ་ལ་བལྟས།།

སྤྲིན་པ་དཀར་བོ་འབུར་དོད་ངང་ནས་དུམ་བུ་དུམ་བུར་ཕྱོགས་བཞིར་འགྲོ།།

ནམ་མཁའི་དབྱིངས་ན་བདག་ལ་རྕེད་རོགས་མེད་པ་བདག་གིས་ཤེས་མོད་ཀྱང་།།

མཁའ་ན་རྒྱུ་བའི་རླུང་བུའི་ཤུགས་ཀྱིས་བདག་གི་གྲུ་དང་རྒྱུགས་རྩལ་འགྲན།།

མཚན་མོར་སླེབས་དུས་བདག་གིས་ངོ་གདོང་ལག་ཟུང་གཉིས་ཀའི་མརབཀབ་ནས།

རྨི་ལམ་ཞིང་དུ་གྲུ་ཆུང་ལེབ་ལེབ་མཚན་མོའི་སྐར་མའི་འོག་དུ་བསྐྱོད།།

ལྷ་མོ་དག་གིས་གཏི་མུག་ཀློང་ན་གྲུ་ཆུང་གཏོང་བཞིན་འགྲོ་བ་དང་།།

སྲས་མོ་དག་གིས་སྨྱུག་སླེའི་ནང་དུ་ཁོང་ཚོའི་རྨི་ལམ་ཁེངས་ནས་འདུག།